吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 我想將ｂｂ送比人

心聲留言今日: 0|主題: 17547

收藏本版

發帖

返回列表

跳至頁

樓主: lmk

我想將ｂｂ送比人 [複製鏈接]

123 4

popchop

複式洋房

積分: 250

21^#

發表於 05-6-20 22:28 |只看該作者

Re: 我想將ｂｂ送比人

不知到我父母當年有多大的理由要扔下我們o
雖然我倆的物質生活的確得到滿足,
但直到現在我也想試試被父母愛護的滋味!
可能從小就缺乏愛,
我不懂得去愛己愛人o
要到自己有了寶寶才開始學習o
不知道你後有什麼苦衷,
也不能左右你的決定,
只想你好好為你的寶寶,
為與你血肉相連的寶寶想一想o
祝
快樂

私人傳訊

lmk

禁止訪問

積分: 5142

22^#

發表於 05-6-20 23:18 |只看該作者

Re: 我想將ｂｂ送比人

提示: 作者被禁止或刪除內容自動屏蔽

私人傳訊

hihicathk

男爵府

積分: 7709

23^#

發表於 05-6-20 23:39 |只看該作者

Re: 我想將ｂｂ送比人

LMK

子.

之前, 我係母親的決擇, 睇過一篇交章. 係一個好後生0既媽咪, 寫比佢係03年出世0既囡囡, 等佢18 歲時睇.

希望你睇0左呢段文章, 你可以好好0甘再三思一下.唔好0甘輕易就話唔要個BB... :-(

轉載至母親的決擇之網頁....

我真係好唔捨得同你一齊既時間.......

To：媽咪心中既寶貝囡

　　　乖女，可能係你睇到呢封信既時候，你已經１８歲啦！唔知你到左果時你係咩樣呢！可能已經變到好靚女啦！亦唔知當你睇呢封信的時候，你唔知會有咩感覺呢？可能你會好嬲我，當初要將你比人養，而唔親手養大你，但係媽咪唔想咖！我亦好想睇住你一路一路咁大個！我相信你睇完呢封信之後，你就一定會知道同明白我當初點解要咁樣做咖啦！

　　　你係二零零三年十一月一個早上出世既∼你知唔知我點解要幫你改呢個名！係想你無時無刻都滿載住恩典同埋將恩典帶給其他人！我希望你會鍾意呢個名！我唔知你會唔會用我幫你改既呢個名！但係我好想你既一生都滿載住恩典啦！

　　　好啦！而家等我話比你聽媽咪係一個點既人同我既事啦！媽咪生你既時候只得十八歲咖姐！我係屋企係排行最細仲有你既婆婆，公公，舅父同埋阿姨既！我地係一齊住咖！我地係住係新界區既！而我係一個幾曳，唔聽話，幾反叛，又衝動，又唔聽人講野，又任性，有時對人ｄ態度又唔好，魯莽，仲成日都發脾氣添！但係隨左呢ｄ唔好既性格外，仲有ｄ好既性格咖！就係開朗，樂觀，好鍾意幫人，心地好，有責任心啦！我最鍾意彈琴，做義工，打排球！

　　　媽咪係知道有左你之後，媽咪又驚又喜！我亦都知道有左你驚令到你身體唔好，所以我為左你戒煙！我亦都唔捨得將你落左，因為我知道你有生命，我亦知道你係媽咪個肚入面同媽咪一齊渡過好多開心同唔開心既日子，好彩係你未出世既時候，你都好乖冇令到媽咪唔舒服！你知唔知媽咪陀住你既時候，試過掙ｄ冇左你呀！媽咪入左醫院留醫！果陣媽咪真係好驚冇左你，好驚失去你，好彩最終都冇事！最初醫生幫媽咪照超聲波照到你係仔黎咖！你果陣先得六個月大咖咋！係我係醫院既時候，我亦都好驚比你既婆婆知道我有左你，但係最後媽咪親口同你婆婆講！吤穧n錫媽咪，又好支持我，吨S成日同我落街行，又買野比媽咪補身，又買冷比媽咪織衫仔比你！又驚你出世之後身體唔好煮左好多野比我食！你既婆婆真係好錫你同媽咪咖！

　　　你知唔知係你出世既時侯，你好似好想快ｄ出黎咁！你一出世你就伸手指住個鐘好似要媽咪望住你係幾點出世咁！你知唔合你個樣真係好似你ｄａｄ呀∼隻眼又大又靚，你既面形同身形都好似你ｄａｄ一樣咁瘦！媽咪永遠都會記住乖乖囡出世既大日子！每一年媽咪都會記住！你既每一個動作，神情我都唔會忘記咖！

　　　你出世之後，你係道飲緊奶奶，但係你就眼仔碌碌咁望住我唔肯飲奶！好似知道我係他同埋想我抱住你餵你飲奶奶咁！之後到左我抱你既時候，你仲好乖冇喊到，仲好快就訓左係我既懷抱入面！我望你訓覺個樣好甜，我亦都好開心，你對住我笑，好乖！有一次我上黎餵你飲奶奶同埋換尿片既時候，你曳曳到我一路幫你換尿片你一路痾攪到媽咪手足無措！仲有呀∼我餵你飲你飲既時候，你又掛住訓覺唔飲奶，仲扭計喊添，攪到媽咪餵你餵左差唔多一個鐘啦！到左你飲完奶奶之後，媽咪幫你掃風，你又唔鍾意拍，又要媽咪摔你背脊，一拍你就喊！媽咪抱你訓覺，你又唔訓覺淨係識得望住我，真係比你激親啦！係媽咪覆診果日，媽咪黎左探你，同埋幫你影左幾張相相添！媽咪一見到你就好唔捨得你同好想喊，我都唔知幾時可以再見到你，亦唔知幾時可以接到你出院！因為你有黃疸要照燈，仲有你又未夠磅唔出得院呀！我好擔心你，好想你快ｄ冇事同出院！

　　　　媽咪係你出世既時候，已經好掙扎，好唔開心，亦都好唔捨得同你分開，我係迫不得已既情況下，先唔要你咖咋！因為媽咪果時先我十八歲，而我同你既ｄａｄ又分開左，我亦覺得自己既思想仲未夠成熟，而我又冇撫養你既經濟能力，雖然媽咪好想養你，但係因為種種既問題，所以唔可以負擔養育你既責任，對唔住！我希望你能夠被人領養有一個幸福既家庭，而且養你既父母係痛愛你咖，更加識得將幸福比你！我真係好唔捨得你！我每一晚都訓唔到，成日都好掛住你，仲有喊添！我亦都好想知你出世之後健唔健康！但係你出左世之後，我就更加掙扎仲成日都諗起你得意既樣，又成日諗起餵你奶奶，幫你掃風，抱你，你係我懷抱中訓覺，你喊你笑，你眼仔碌碌咁望住我既樣，我永遠都會記住！係我每之掙扎既時候，我都好唔開心，亦有喊過！我真係好唔捨得同你一齊既時間，雖然係好短既日子，但係我一定會永遠都記住，由其係你出世既時間，日期，同埋你既樣！希望你原諒媽咪既決定啦！

　　　　媽咪真係好掛住你，好愛你！我唔知你會唔會好嬲媽咪！媽咪好希望你可以有一個好好既領養家庭，可以照顧你同疼錫你！我希望你大個左之後要帶眼識人，你要學識保護自己，同埋做錯事一定要老實咁承認！千祈唔好好似媽咪咁曳曳，一定要聽領養父母話，一定要乖乖地呀！好想你可以健健康康咁成長，要努力ｄ讀書，孝順你既領養父母，要勇敢ｄ，堅強ｄ！做一個乖，孝順，聽話，聰明既女仔！你千祈唔好令媽咪失望呀！你係媽咪心目中永遠都係最靚，最得意，最聽話，最乖同最孝順既囡囡黎咖！媽咪永遠都會記住同你一齊既短短幾日，同埋你既每一樣野，最重要既係你出世既日子同時間！媽咪永遠都會咁愛你同掛住你！雖然媽咪同你分開左，但係你永遠都係媽咪既囡囡，媽咪會係遠處默默咁支持你咖！

違規簽名-超版代刪

私人傳訊

貴花田

別墅

積分: 533

24^#

發表於 05-6-21 00:04 |只看該作者

Re: 我想將ｂｂ送比人

其實你唔好怪我多事,我想問是否已給別人收養了BB啦[佢比社署接走之後],睇到你的言,很難想到你的心情!

我自問亦不是一個好媽媽,但當我BB病的時候,我心裡都會自責無好好的照顧她~~但你的BB被接走了,就只是[但其實都有ｄ掛住佢],你其實愛佢嗎?

[我好認真咁諗過，並唔係因為我討厭佢]
呢句說話,其實是否已道出你本身已是唔喜歡BB呢~~

其實呢個世界上,有好多家庭都會有很多困難,只希望你能認真的想想, 還有其它的方法嗎?可找社工幫忙嗎, 我相信無論
生活多苦,bb總是希望和媽媽一起生活的~~

*純粹個人意見,如有不對的請見諒*

私人傳訊

Joan媽咪

伯爵府

積分: 15915

25^#

發表於 05-6-21 01:12 |只看該作者

Re: 我想將ｂｂ送比人

吾知點講好,一個人獨力去湊大個bb吾容易,不過依家有寄養家庭幫你,等個bb大d,你就無咁辛苦架啦,始終湊bb係需要好多時間,精神同心機.我知道你撐得好辛苦,吾好放棄,佢係你生架!!生得出就盡力去教養佢,雖然係好辛苦,但點都吾好放棄,最多去欏綜援,都吾好吾要個bb,比佢知道佢會恨你一生的,佢吾恨你,你都會內疚一世啦!!!
努力啦,依家雖然係好辛苦,依家你撐得過,好日子一定黎架!

私人傳訊

venusma

男爵府

積分: 7231

26^#

發表於 05-6-21 01:25 |只看該作者

Re: 我想將ｂｂ送比人

其實做父母既係永遠都唔可以放棄自己既兒女
就算有幾辛苦,佢地做左有幾多既錯事也好
你要知道係你帶佢黎呢個世界
何況佢而家只係7個月,佢都未識分辨好多野
只知道有我得食有得玩就開心,到佢大d,見到同學仔有爸爸媽媽接送放學,自己冇既時候,就太遲喇
永遠子女跟住父母都係最幸福同寶貴
就算再多既物質都補償唔到一個唔健全既童年
要三思,雖然有時湊小朋友會好氣餒,因為係比任何一份工作還要辛苦,但再辛苦都係你必須要負既責任,要支持下去
冇一個小孩係跟其他人比跟父母好 :-|

私人傳訊

窮媽媽

大宅

積分: 1942

27^#

發表於 05-6-21 10:58 |只看該作者

Re: 我想將ｂｂ送比人

我奶奶都係幫社署湊小朋友,社署塭人湊小朋友一定係要有經驗同有愛心,仲要屋企既環境好,所以你bb既寄養家庭湊bb比你好一d都唔出奇,因為佢可能湊過好多個bb,你冇得同佢比較,而且有個咁好既家庭幫你湊bb你應該開心,唔應該諗d傻野,我奶奶湊過5個小朋友,就算佢地屋企環境點差佢地都好鍾意返屋企,冇野比親情更可貴

曳仔相簿

私人傳訊

kakamei04

大宅

積分: 1446

28^#

發表於 05-6-21 12:26 |只看該作者

Re: 我想將ｂｂ送比人

IMK

妳要堅持AR...要有信心才能渡過總總難關的...路不是每段平的. 妳知道嗎自己親生骨肉係冇人代替到KA..可能BB還細妳沒經驗不懂照顧...但每件事情只要做得多處理得多便熟能生巧的....,BB 用的物件貴有貴用平有平用的啦.這個是我認為的, 因我都是新手媽媽...所以之前用什麼都購BB專用的物品, 價錢相對也貴了, 後來我發現...很多日用品都不用專登購得特別貴的Ar.....只要一家人可以一起生活健康, 做人辛苦D...窮一點有什麼怕呢.....! 希望好快收到你好消息...接返BB回家,.....BB好需要妳的 !! IML MAMA

私人傳訊

soong

別墅

積分: 679

29^#

發表於 05-6-21 16:28 |只看該作者

Re: 我想將ｂｂ送比人

lmk 寫道:
之前一直請個2千蚊雙程証嘅中年女人湊
佢只會講福建話, 我們連溝通都成問題.
而且成日鬧bb
:cry:

嘩！點解我唔早d 知你2千蚊俾個咁o既人湊阿B呀？早知不如俾我幫你湊啦~我不嬲都想搵份part-time~而自己又勁鍾意細路仔喎~ 唉！ :-|

私人傳訊

kfwong

男爵府

積分: 5259

30^#

發表於 05-6-21 17:07 |只看該作者

Re: 我想將ｂｂ送比人

親情可貴!!!
唔好咁諗呀,bb是自己生的,不要放棄。
你比bb簡,bb會要媽媽,不會要金錢、大屋、玩具。
真的,我問過仔仔,佢地話媽媽是無人/無物可以代替的。

私人傳訊

lmk

禁止訪問

積分: 5142

31^#

發表於 05-6-21 19:44 |只看該作者

Re: 我想將ｂｂ送比人

提示: 作者被禁止或刪除內容自動屏蔽

私人傳訊

櫺囹桼

翡翠宮

積分: 90932

32^#

發表於 05-6-21 20:40 |只看該作者

Re: 我想將ｂｂ送比人

人間慘劇!

私人傳訊

superlover_mak

大宅

積分: 4844

33^#

發表於 05-6-22 00:06 |只看該作者

Re: 我想將ｂｂ送比人

我未生之前, 我身邊既人都叫我將bb拎去俾人領養~
因為我仲未成年......但我都冇咁做~
雖然我知道, 寄養 or 領養既family都好有愛心, 對小朋友好~但我認為養娘始終不及親娘好~
個小朋友開唔開心, 關鍵就係你度~
如果你認為係唔開心既, 你又點可以拎到個小朋友開心??
有d 野係一去不返~冇得返轉頭~請三思~

卓軒小棧

私人傳訊

wsw9341

複式洋房

積分: 279

34^#

發表於 05-6-22 00:24 |只看該作者

Re: 我想將ｂｂ送比人

lmk，
你唔舒服先亂想咋，你要快ｄ好返接返ｂｂ同佢玩，依度好多人支持你∼ 努力！！

私人傳訊

sadman

大宅

積分: 1335

35^#

發表於 05-6-22 01:30 |只看該作者

Re: 我想將ｂｂ送比人

lmk
1)不認同你的做法是正常,所有做父母都愛錫自已兒女,怎會送給他人呢?包括你本人都是,我亦都相信你深思熟慮才作出決定,一般人又怎會明白你呀!"為勢所迫,窮途沒路",來形容你是最貼切.....
2)精神上支持你的人"多不勝數",物質上支持你的人"寥寥可數".
3)(窮,時間),每個人的看法不同,(情緒)容忍的极限都不同,又怎能用自己的觀點強加於人身上.
4)支持你的決定,亦支持你的理智,總好過勉強照顧BB,沒經濟能力或時間,BB哭鬧了,今天你可控制你的情緒,它朝你可繼續嗎?這是種下虐兒的源頭.有誰明白你今天的決定呀!
5)恕我直言:你的一生是錯誤的,今天的決定是正確的,在有得對比之下,為了BB將來幸福著想,才作出此(你亦不願意)的辦法,因你明白你是一個無能為力的媽媽.

[939]

私人傳訊

肥嘟媽

侯爵府

積分: 20921

牛年勳章好媽媽勳章

36^#

發表於 05-6-22 09:59 |只看該作者

Re: 我想將ｂｂ送比人

要將親生骨肉送比人，我捨不得
養小朋友，貴有貴養，平有平養，不一定要物質豐富才叫開心，有家人的愛才重要
但要提提你，假若將來你自己揍番小b，有一樣野絕對不可慳，就是你要定期覆診，沒有良好的精神狀態，難以照顧小朋友

私人傳訊

大小不梁

男爵府

積分: 7539

37^#

發表於 05-6-22 10:27 |只看該作者

Re: 我想將ｂｂ送比人

lmk:
你唔可以咁做架~~~~BB係你架,你咁辛苦生佢出黎又唔要佢,做乜wor~~~,你口口聲聲話對佢好,你又知你咁樣做,佢就一定會好咩,將來大個左,佢知道後,你估佢會點,依家係2005年呀~~唔係古老18代呀~~~今時今日都好多單親媽媽架la~~~個個都係好辛苦架~~~就算有爸爸ge家庭都唔係一定會有幸福架~~~你再考慮下la~~~

私人傳訊

Uran

大宅

積分: 1973

38^#

發表於 05-6-22 13:19 |只看該作者

Re: 我想將ｂｂ送比人

Imk,

您好。我看到您的消息另我十分擔心您的現況。您不要就此放棄呀﹗小朋友是有生命的，而且當您每一天地看着他長大，您會有一份滿足感。小朋友是無罪的，佢冇得選擇，佢來這世界是大人給他的，而且您懷胎十月，與他骨肉相連時，已種下深厚的情感，現因您現在的環境出現問題才要放棄他，這對他是不公平的，試想若您是他，會有多麼的可憐？您有沒有為他設想？沒有父母的小朋友長大後會相當可憐，而且會有自卑感的。您有無試過搵社工幫手,其實遇到困難,要尋求解決辨法才是正確。例如:家庭及兒童社會福利服務、媽媽的決擇or 社會福利署，您試吓搵社工幫手先，唔好咁快就放棄呀﹗若果行錯一步，後果不堪設想﹗為會一世都會內疚﹗你BB仲細個，須要您來照顧的，您一定要做一個好媽媽。千奇唔好放棄，要努力以赴。

uran

私人傳訊

rabbitpiggy

公爵府

積分: 29432

39^#

發表於 05-6-22 15:55 |只看該作者

Re: 我想將ｂｂ送比人

Imk, 可能bb 真的留在洪水橋比現在在你家開心, 原因是你找了一個不合適的人去照顧bb. bb 仲細, 他的感覺會是很直接的, 他暫時都未知什麼叫媽媽, 所以只要你找一個合適的人選去照顧他, bb 留在你家一樣會好開心, 我知你是住在fanling 的, 你大可以在上班時將bb 放在華明村的保護兒童會的育嬰院內, 那些姑娘好好, 一定會好好照顧他, 你又是單親, 可以申請政府資助, 應不須很多錢的.

我知道花都的黃國榮兒科醫生每次診金連2天一般的藥費都只是170元左右的, 下次bb 病你可以去果度睇.

我都係住fanling, 所以有d 野我都知.

冇人知道將bb 送比人, bb 會否開心, 但我可以好肯定你一定會後悔的. 你將來的生活一定唔會開心

做人要樂觀些, 要向好方面想. 只要你有信心和期望, 明天必定更好. 你將來一定可以同bb 過一些開心而快樂的日子. 說不定將會你可以替bb 找到一個好爸爸.