吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 點解可以打機打到吟......

夫婦情感今日: 1|主題: 42794

收藏本版

發帖

返回列表

跳至頁

樓主: carrievic

點解可以打機打到吟...... [複製鏈接]

hebemok2007

複式洋房

積分: 284

21^#

發表於 10-11-6 10:42 |只看該作者

原帖由 t8480552 於 10-11-4 03:32 發表
以前我都好憎個c6打機打到唔捨得訓,返左工都仲要叫我幫佢睇住隻野,後來無聊跟佢玩,結果兩個人勁沉迷,連半夜醒左都要走去望一望部電腦驚死隻野死左,一到周末就玩到天昏地暗飯都唔使食,直到有一排我無心機玩,屈c6幫埋 ...

我同你個case係一樣...成日都要我幫佢玩..由朝玩到晚...
無理過我感受...我仲坐月中...
除左頭幾日有關心過我之外就打機....
玩到零晨 3.4點,咁見佢都咁夜訓咪同佢講幫幫手餵一次夜奶比bb,比我休息下...但佢個態度好似叫佢去死咁...
個電腦同bb床都係同一間房,有時bb喊我行開左想叫佢睇下bb咩事...佢理都唔理下...
我個心真係死....同佢講過n咁多次....踢一踢先旭一旭...

佢唔去叫雞去打機唔代表我地d老婆就要滿足...
d c6個心都唔係係屋企先係point,屋企對佢黎講只係機鋪,
又有人照顧佢起居飲食....
佢地返工就辛苦有壓力...
咁做女人就無壓力?佢地就可以有大條道理去打機,去飲酒,去叫雞?

雖然我老公就係鐘意打機,但都好足以我想同佢分開,如果唔係有阿女,我已經同佢分開~

私人傳訊

qc1220

大宅

積分: 1115

22^#

發表於 10-11-6 11:06 |只看該作者

我老公都係, 一見到佢打機就火都黎! 一邊抱住個女, 一邊打, 我覺得好似同賭徒無乜分別, 真係好興!!!

私人傳訊

do2

別墅

積分: 767

23^#

發表於 10-11-7 11:24 |只看該作者

原帖由 t8480552 於 10-11-4 03:32 發表
以前我都好憎個c6打機打到唔捨得訓,返左工都仲要叫我幫佢睇住隻野,後來無聊跟佢玩,結果兩個人勁沉迷,連半夜醒左都要走去望一望部電腦驚死隻野死左,一到周末就玩到天昏地暗飯都唔使食,直到有一排我無心機玩,屈c6幫埋 ...

同我一樣哈哈,完來係有用架,kaka

私人傳訊

do2

別墅

積分: 767

24^#

發表於 10-11-7 11:35 |只看該作者

原帖由 hebemok2007 於 10-11-6 10:42 發表

我同你個case係一樣...成日都要我幫佢玩..由朝玩到晚...
無理過我感受...我仲坐月中...
除左頭幾日有關心過我之外就打機....
玩到零晨 3.4點,咁見佢都咁夜訓咪同佢講幫幫手餵一次夜奶比bb,比我休息下...但佢個態度 ...

你唔好幫佢打,你自己打自己升一隻,我個陣時打機打到1隻手抱住佢喂奶,一隻手打機,佢都頂我唔順,佢叫我理下bb,我就黑晒面話返佢轉頭,我日日打到佢第2招返工仲打緊,放工返黎又見我打機,因為打機係過度期,我都試過不停日打夜打唔理個女,到而家幾年後,佢叫我搵game玩,我打死都唔玩,唔好為左打機而傷感情呀,唔值得,過度期黎架,希望樓主再忍下,我老公都忍左我差唔多3年半

私人傳訊

chloelx

大宅

積分: 2591

25^#

發表於 10-11-7 13:01 |只看該作者

我老公無甘誇張，但都系好沉迷果只，我坐月果陣真系有產後抑鬱，成日自己喊，因講極距都系甘打機，有段時間，距EX仲飛息俾距，距果段時間又系甘同我話，約左同事出街打機，我唔信咯，咪嗌大交咯，果次想帶埋個女返娘家甘滯~~依家好D，不過講真，多少傷左夫妻感情，同個心有條刺甘咯，其實男人話就話有壓力啊咩咩咩啦，但某D時候系咪應該體諒下女人的神經質咧？

私人傳訊

大笨龍

複式洋房

積分: 488

26^#

發表於 10-11-7 21:24 |只看該作者

我初初結婚個一年都係咁(共9年婚姻, 冇小朋友), 我不斷為此大哭大鬧解釋比佢聽, 初初我就同佢約定monday-fri 唔好玩過幾點, sat佢就可以通頂, sunday就同我去街, (當然肯定有時唔會咁準時la, 但都冇所為, 最起碼佢有個知字), 過咗幾年, 又開始唔記得咗, 但當時我見佢玩電腦online, 我未試試同佢一齊玩low, 但點都會sunday講明要陪我, 到現在佢都ok monday-fri 盡量12點停, satday 就通頂, sunday 陪我 @@

總括離講：係我好彩, 佢肯聽, 但要時間low, 唔可以5時三刻可以改變~~同埋要溝通

私人傳訊

kaiyui_BB

子爵府

積分: 10534

27^#

發表於 10-12-15 12:42 |只看該作者

都唔明點解可以咁沉迷, 有時諗如果唔係為咗個仔變單親家庭, 真係想離婚算了!
我哋冷戰咗兩日, (7年嚟最耐既一次)......
我可以點做???

私人傳訊

AC100209

大宅

積分: 2715

28^#

發表於 10-12-15 13:14 |只看該作者

我老公都係機迷黎架. 拍拖果時都已經係咁. 果時都嘈左不知幾多百萬次.

放假都唔要求佢陪我出街啦, 係佢屋企, 佢打機, 我至在見下佢, 佢都仲要嫌我阻住佢打機. 話我係度, 佢唔理我又唔係, 但佢想打機喎...後來唔知做咩鬼佢個帳號俾人停左, 佢又無心機重新玩, 就停左2年無玩.

之後我地結左婚, 有一日俾我見到佢又去搞個遊戲帳號, 我即刻火起, 問佢"係咪想家變?" 之後吵大鑊...嘈到就黎話要離婚咁滯.

到大家冷靜左之後, 佢同我講, 話佢唔鐘意欄街, 放工就返屋企, 點解我連佢唯一既娛樂都唔俾佢.

其實在於女人角度, 老公打機打到當自己透明就梗係嬲, 不過我慢慢都接受左, 好過日日家嘈屋閉.

直到依家阿囡出左世, 我琴晚先問佢 "第時阿囡大個D識講野, 阿囡叫你, 你會唔會掛住打機唔理佢呀?"

老公初初答我"唔知架喎" (佢份人係咁, 未發生既假設問題, 佢唔識答). 然後我同佢講 "你老婆我咁大個人就話理解到容忍到呢個係你既唯一娛樂, 但係阿囡細個, 佢唔明架, 佢只會以為爸爸唔理佢唔錫佢架咋". 之後老公好似俾我話醒左咁, 佢話唔會掛住打機唔理個囡喎.

依家仲言之尚早, 到時阿囡真係大D, 我做老婆就要時時刻刻提住佢唔好忽略個囡啦.