夫婦情感

收藏本版
發帖
返回列表
跳至頁

首頁
12345...9

尾頁
   3
bbcarrot


大宅

積分: 3396

醒目開學勳章 畀面勳章


21#
發表於 10-12-13 13:30 |只看該作者
我十分認同rkw所分享的夫妻相處之道,他的理念跟我及先生極之相近。我可以講這種互愛互量的關係確實使夫妻恩愛,家庭和睦。我跟先生結婚10年, 先生一直很愛錫我, 溫柔體貼,而我們的第2名小孩更會在明年出生。我們經歷過家人離世, 家庭收入不高及投資失利的日子, 但從沒有大吵大罵, 我們只會冷靜討論, 這樣才可解決問題。不過我明白未必個個老公都肯心平氣和同你傾, 你控制唔倒別人, 那麼唯有控制自己, 起馬你唔會是挑起爭吵果個。始終吵架傷感情, 小朋友見到都唔開心!
我的奶奶亦不易相處, 但我知她只是把口唔好, 但十分錫我先生、我的女兒及我, 所以即使她有時說話唔好聽, 或觀點我不認同, 但我不會駁她, 因為吵贏她但破壞了相方關係是不值得的, 如rkw所言, 她年紀大, 讓她便當孝順她吧, 她辛辛苦苦帶大老公, 真是值得孝順的。其實我亦和奶奶共住半年, 我明白相處好同住難的道理。所以我覺得自己要有工作, 那麼相處的時間便可大幅減少, 加上經濟獨立, 人也會開心些。當然最好是分開住, 始終住在別人家中一定冇咁自在。
私人傳訊

shanshan52


禁止訪問

積分: 7


22#
發表於 10-12-13 13:31 |只看該作者
提示: 作者被禁止或刪除 內容自動屏蔽
私人傳訊

dorianchan


男爵府

積分: 7201

BK Milk勳章


23#
發表於 10-12-13 13:43 |只看該作者
樓主,真的很感激你在這裡分享了你的幸福及道理！但我真唔好彩,有一個爛賭的c6, 加埋一個潑辣無比的"痘皮古仔',再加埋一個心地不好的99, c6在我地噪吵中扮演的角色是佢地"一家人"一齊指責我,試問一下作為妻子的我如何同佢行落去,只是單方面忍讓？讓他繼續做個"孝順仔",有責任心的"大佬",那麼我的"丈夫"在哪裡？嫁比佢目的就要受佢"成家人"的氣？恕我愚昧,我只是一個平凡無比的人,真正做到的有多少人？
私人傳訊

美亞


禁止發言

積分: 16954


24#
發表於 10-12-13 15:59 |只看該作者
提示: 作者被禁止或刪除 內容自動屏蔽
私人傳訊

rkw


大宅

積分: 4861


25#
發表於 10-12-13 16:56 |只看該作者
婆媳關係真的是很棘手的問題, 它導致很多人情感上的傷害, 而一旦牽涉到強烈的情緒, 要理性地去解決便絕難成功, 如果沒有配偶在情緒上的幫助, 無論外人如何建議、勸說, 問題都只會越積越深.

看見一連幾個很難回答的問題, 雖然心裡有一些想法, 但正如我第一個留言所說, 我不是專家, 如果勉強作答, 我怕會給當事人錯誤建議, 如因此令任何人作出任何錯誤決定, 我心中會極度不安, 所以我還是堅持最初的做法, 即只發表自己對一些婚姻、感情問題的概括性看法, 讓大家有機會了解到男性可能對某些事情的觀點, 至於個別情況, 我則不敢胡亂回應了, 如果不能為大家帶來任何實質的幫助, 則請大家原諒.
私人傳訊

仙子


禁止訪問

積分: 1805


26#
發表於 10-12-13 18:01 |只看該作者
提示: 作者被禁止或刪除 內容自動屏蔽
私人傳訊

mkt


大宅

積分: 1535


27#
發表於 10-12-13 18:06 |只看該作者
很多謝樓主的分享！

婆媳關係這個難題，很多男人都唔想理，樓主咁有心上來BK分享，大家不要逼得太緊，將樓主嚇走啊
私人傳訊

rkw


大宅

積分: 4861


28#
發表於 10-12-13 18:12 |只看該作者
原帖由 mkt 於 10-12-13 18:06 發表
很多謝樓主的分享！

婆媳關係這個難題，很多男人都唔想理，樓主咁有心上來BK分享，大家不要逼得太緊，將樓主嚇走啊

多謝你幫我解圍, 我面皮厚, 暫時還頂得順.
私人傳訊

FrankieFUNG


版主

積分: 38347

畀面勳章 叻叻勳章 有「營」勳章 版主 wyeth冷知識勳章 陪月勳章 環保接龍勳章 大廚勳章 親子達人勳章 BK猜猜猜慶中秋 BK Milk勳章 育兒性格勳章 2016畫展勳章


29#
發表於 10-12-13 18:15 |只看該作者
真係好多謝樓主嘅分享.....
雖然我結左婚都唔算耐，但樓主同佢太太所做嘅野，我係生小朋友之前都係一樣，但生完之後可能太攰而冷落左老公......
睇完之後，我知道我要好好嘅更愛一直鍚我保毅我嘅老公.....
對於同奶奶嘅婆媳關係，我曾經都俾我奶奶講左D好差、好冇禮貌嘅說話咁鬧過，我雖然一直好嬲，甚至我媽開解我都唔理，但自從知道我媽癌病番發時，我就發覺我唔應該再嬲佢，我應該珍惜同奶奶相處嘅時間，衰D市句，佢都一把年紀，都唔知仲可以對幾耐......
之後我再諗其實嬲奶奶都係一啖氣，時間過左，啖氣都會淡左，雖然傷口還在，但我會選擇唔再諗佢曾鬧過嘅冇禮說話，唔再諗個傷口......
依家每次帶阿B番去奶奶度，佢都好開心，我同佢都有傾有講，到依家先發現原來一直都只係我嬲佢，佢唔敢再煩我，怕我真係鬧番佢轉頭.......真冇謂！
見我在線？
但可能我已行開了！
以為我行開了？
但可能我就係望住喎！
所以......你估我唔到！
私人傳訊

小僕人


伯爵府

積分: 16750

好媽媽勳章 醒目開學勳章


30#
發表於 10-12-13 22:43 |只看該作者
反而愛聽聽樓主的太太的回應或分享多點
原帖由 rkw 於 10-12-12 13:41 發表
因為有網友建議我將曾經在 BK 寫過的留言放在一起, 方便有興趣看的人瀏覽, 經考慮後覺得這是一個好方法, 所以不怕醜地開了這個新話題, 不過在你決定是否繼續看下去前, 我希望你了解以下幾點.

首先我要說明一下我的 ...
私人傳訊

unicath


男爵府

積分: 5995

好媽媽勳章


31#
發表於 10-12-13 23:30 |只看該作者
好多謝你同我地分享呀!!
我覺得你講既都好岩...不過做方面就...有難度!!

其實我同老公關係好好,而家同99佢地都冇問題

但係...

其實我覺得自己可能有D感敏...因為睇到你咁講,其實你所講既野係好岩架~
但好似淨係focus係男人既需要度...而其實忽略左女人都有佢自己既需要...

e.g.男人鍾意人讚,難道女人唔鍾意咩??
點解一段關係,就係要女人先蝕底d呢??

唔好誤會呀...我唔係唔鍾意你寫d野,我真係覺得你講得岩,我都鍾意睇男人需要d咩...去對我老公好d!!

但有時...時不時都會覺得身為女人,好委屈...點解呢個社會好似成日都係男人有privilege...我都知你老婆做完野返黎再俾command工人做野好叻...但其實都好辛苦架ma...唔可能要每個做左人老婆既女人都要做到...(所以你真係好幸福,有個咁抵得諗既老婆!!做女人都要讚下你老婆,因為睇你所打既野,佢做到既,唔係個個都得!佢好叻,好愛家庭,好有心)

個個男人都想要完美既老婆...但係咪個個男人自己都係完美老公呢?
--呢個係我諗緊既問題,因為我想,有不少包二奶既男人,當然佢地老婆可能真係有d問題,但佢地自己都唔完美啊!點可以要求老婆係完美呢??仲有,就算老婆幾唔完美,但都係佢自己當初揀架ma,你可以話"花心"係男人既天性,但而家hk既結婚制度係一夫一妻,如果抗制唔到自己既天性,可以唔同意呢個制度,唔去參與呢個制度--唔去結婚丫?!?!但係,一結左婚,就已經有個committment係度...唔可以一句話"花心"係我既天性,就算...仲要賴話係老婆唔夠好...咁對女性好唔公平

呢個只係我個人睇法,同埋諗緊既問題,我真係好希望有人可以幫幫我解答呢d問題... 因為以前大學讀d courses,一掂到gender呢個topic,我就上緊lecture開始炆..炆到落堂...我覺得呢個社會(唔只係兩性關係)對女性有好多唔公平...但就因為呢個係patriarchy既社會,呢d野更加難去改變到,位居上風既男性當然唔希望有咩變化...
我都唔想成日一掂到gender呢個topic就唔開心...你可以幫幫忙問你老婆係點做得到嗎?或者我都可以對我老公同囡囡做到(對佢地好好,主動對老公好先),咁係因為有愛...但當抽身出黎,諗返成件事又或者見/聽到其他女人俾老公蝦,就會覺得做女人好蝕底,一方面,我知道冇得計,唔應該計,另一方面,又會有d覺得unfair--不過我唔係o個d要追求完全男女平等既人,因為完全既男女平等,對兩性都有害無利

仲有,rkw,唔好意思呀!!我真係同意你講既野,可能因為你係男性,所以只係提供到男性睇法,(其實我怕有d衰既男人睇到,就做呢d做籍口去變心,去包二奶 )不過都好多謝你,令我地知道點樣可以做好d

雖然呢度女性多,但我諗我地如果post我地既需要出黎,d男人都唔會好似我地d女人咁上黎睇有咩改善到...除非係感情生活開始出問題...

希望你真係唔好介意我長篇大論
以上只係我既小小睇法同有d仲未諗得通,纏繞緊我既問題...

[ 本帖最後由 unicath 於 10-12-13 23:38 編輯 ]
私人傳訊

unicath


男爵府

積分: 5995

好媽媽勳章


32#
發表於 10-12-13 23:31 |只看該作者
原帖由 小僕人 於 10-12-13 22:43 發表
反而愛聽聽樓主的太太的回應或分享多點

我都想聽下呀!!
私人傳訊

5geng


複式洋房

積分: 413


33#
發表於 10-12-14 03:38 |只看該作者
係呀. 難得有位男仕上度嚟, 唔好咁快嚇走佢啦...hehe...
原帖由 mkt 於 10-12-13 18:06 發表
很多謝樓主的分享！

婆媳關係這個難題，很多男人都唔想理，樓主咁有心上來BK分享，大家不要逼得太緊，將樓主嚇走啊
私人傳訊

rkw


大宅

積分: 4861


34#
發表於 10-12-14 09:20 |只看該作者

男看事, 女看情

昨天, 因為自己忽略了情緒因素, 只大談男性看法, 結果挑起了一部份 mami 可能積累已久的怨氣, 所以決定暫停說道理, 加上其實正在上班, 不方便續一回post, 於是草草收筆, 也十分多謝仙子、mkt 等幫我解圍, 萬分感謝!

今天, 如果大家已經心平氣和, 請先相信我一句話, 我是真心希望大家的婆媳關係可以解決, 如果你不信, 或者心裡仍然有很多怨憤, 則請勿再往下看, 因為我每一句說話你都可能找到反駁的方法, 如此自找激氣, 則毫無益處.

男女間的矛盾很多時是原於兩性對"事情"的不同著眼點, 男的重點是看那件"事", 而女的重點是看背後的"情", 如果你正與99不和, 你肯定遇過類似以下的情況, 99到你家, 一進門便說: "點解地下咁污糟嫁?", 你即火上心頭, 但卻忍住, 望一望老公, 希望他為你說話, 但他竟然說: "係喎, 真係有D污糟." 當然你心裡更火上加油, 苦候多時, 99終於捨得走, 你祈望老公tum你幾句, 那知他說: "阿媽真厲害, 小小污糟都發現到." 你簡直嘔血, 決定離婚.

這件事誰是誰非呢? 雙方都無錯, 但雙方都有錯. 錯在你們都不了解對方想法, 不站在對方立場看事情. 你老公無錯, 因為事實上, 在任何的科學角度下, 地下真的實實在在有一點污糟, 他說99厲害也無錯, 因為她真的觀察入微, 1cm大的污積也看得到. 你也無錯, 因為你99不尊重你, 在你的地方亂作批評, 你老公幫住佢阿媽(必須強調這三個字)指摘你, 不明白你每天辛苦返工, 回到家裡還要洗衫煮飯, 現在地下有小小污積就大呼小叫, 難委我幫你日捱夜捱 ...... 下刪一千(sorry, 應該是一萬)字.

如果你笑得出, 你的婆媳關係還有得救, 先想想我其實想說甚麼, 跟著才看下面的另一篇留言.
私人傳訊

rkw


大宅

積分: 4861


35#
發表於 10-12-14 09:24 |只看該作者

幫你老公幫你解決婆媳問題

在婆媳問題中, 關鍵人物其實是夾在中間的那個兒子/老公, 在上文說過的情況, 如果他可以如此反應, 相信結果會完全不同.

99到你家, 一進門便說: "點解地下咁污糟嫁?", 你即火上心頭, 但卻忍住, 望一望老公, 希望他為你說話, 他於是說: "係喎, 阿媽你真眼利, 咁細的污積都看見, 不過阿X(老婆) 朝早要返工, 真係無時間打理屋企." 你的火降了一半, 苦候多時, 99終於捨得走, 你祈望老公tum你幾句, 他說: "真的難為你, 阿媽年紀大, 為我們幾兄弟姊妹捱了一世, 有時係長氣D, 不過其實好錫你(必須強調這個字), 不過最難得的是你(也要強調這個字), 從不逆她意思, 不會令我難做, 抵錫!" 你簡直甜到飛起, 決定多一點孝順99.

為甚麼你老公從來都不會如此說呢? 原因很簡單, 他不像我, 有整整一晚去預備如何既不得罪阿媽, 又可令你高興, 還要不可偏離事實太多, 不會穿崩的台詞. 要明白, 世上並不多口甜舌滑的男人, 就算有, 嫁了他也未必安全, 你老公不懂得體諒你是他的錯, 但這不是死罪, 嘗試幫一幫他了解你的心事, 無男人天生便知道老婆需要甚麼, 女性其實有一種神奇武器, 就是"嗲", 我老婆一嗲, 佢要我去跳海也可以 , 你也可嘗試在他心情好的時候告訴他你真正的需要, 肯定效果會好過發脾氣和埋怨.

最後, 最最最最理想的解決婆媳問題的方法是去愛你的99! 當然這絕不容易, 但不容易不等於不可能, 你99很可惡, 可能只因為你覺得她很可惡, 當你憎一個人時, 所有缺點都會放大十倍, 甚至優點都可被看成缺點, 當然, 最難過的一關是答這個問題: "要我付出, 為何不是他(們) 付出?" 我給你的答案是: 你不付出, 所有人都痛苦; 你付出, 他們會快樂, 你最終也有機會快樂. 都算化算吧!
私人傳訊

kangaroomama


大宅

積分: 4741

畀面勳章


36#
發表於 10-12-14 11:05 |只看該作者
unicath,我只係想分享一下自己既睇法,以作交流

我覺得天生男人跟女人就不同,不論生理結構或思考方法都很不同
你硬要將兩樣不同的東西去比較,說什麼公平不公平,其實沒有意義的
我明白你要說的是宏觀,但當你仔細去研究時,真的會發現"無答案",因為這社會就是需要不同才能生產
其實你所說的問題,跟貧富,高矮,肥瘦有什麼分別??

還有,我身為一個女人,我明白很多時女人在社會有不公平情況,但是不是真的完全處於下風?不然
以我觀察,其實做女人得到的好處,有時比男人還要多
很多時,如果女人懂得運用自己弱者的姿態,只要她一開金口,男人就貼貼服服為她做妥
但男人注定是強者的形象,工作是要全力靠自己的

感情上亦然,因為rkw是一個男人,他可能沒有完全了解女人
在我眼中,男人是傾向犧牲自己而成就他人的想法,他們著重的是別人的眼光(或許這樣說,他們都以為自己是救世主)
所以他們見到弱者會可憐,見到可憐的女人會情不自禁痛惜

但女人傾向是自我中心,無論怎樣說愛自己的丈夫及子女,其實不難看出一切所做的都為了自己
所以當有人攻擊自己時,她們的反應會較大,而做出很多反抗及對衡的行為
而丈夫及子女對她愛的表現,是她終生追求的目標
所以男跟女之間的矛盾由此可見

至於我麻,其實我也是一個女人,我也是傾向自我中心的,但我很懂得如何把自己的思想調整而達到目標
思考的出發點跟rkw有點不同,但做法卻差不多是一模一樣
為了令丈夫愛自己,而不斷為他著想,讚美他,不讓他處於不義,不讓他為難
跟99過不去,其實跟本就是傷害自己
要把不利變成自己的籌碼,是我的終生學習

rkw,唔好意思,佔用左你咁多位
私人傳訊

katw


別墅

積分: 793


37#
發表於 10-12-14 11:12 |只看該作者
Thank you so much for your sharing!!
Really not much male will express their thought like you. Appreciate your honest and courage, and of coz your love to your wife.
私人傳訊

全為愛


水晶宮

積分: 57974


38#
發表於 10-12-14 11:19 |只看該作者
原帖由 rkw 於 10-12-14 09:24 發表
... 最難過的一關是答這個問題: "要我付出, 為何不是他(們) 付出?" ...


我想提供另一角度去看這條問題 .....
當我們心裏浮起這個想法時 (時常很容易生出這樣的想法呀！)，就問自己："如果這般計較著，對事情有任何益處嗎？能因此而解決或緩和這件事嗎？"

其實，rkw已給了我們最好的答案，但如果萬一你未能想像到或foresee到如何自己先付出...到最後是自己的快樂，那麼你可以試著拉近距離至現在去反問自己以上的問題。

但我又想請教rkw及各位mami，如果是另一半向我們抱怨說:"老公(婆)~，點解要我先付出，佢唔先付出喎？" ...... 那又該如何回應呢？我覺得搬出以上的道理(自我反問的內容)、甚至rkw的答法，都有點太認真和說教的感覺，道理是沒錯的，但可以如何包裝後再說出來，會令氣氛舒服一點，接收者又覺得不是被人教導的感覺呢？
私人傳訊

sasa0208


象牙宮

積分: 248046

母親節2025勳章 2025勳章 2025勳章蛇年勳章 2024年龍年勳章 2023年兔年勳章 虎到金來勳章 牛年勳章 15週年勳章 親子王國15週年勳章 親子王國15週年勳章 2018復活節勳章 2018母親節勳章 2018父親節勳章 FUN享自然‧郊遊一夏 親子探索遊 玩具勳章 畀面勳章 叻叻勳章 有「營」勳章 趣教勳章 好媽媽勳章 醒目開學勳章 環保接龍勳章 遊學勳章 BK猜猜猜慶中秋 冬日勳章 春季勳章 炎夏勳章 秋日勳章 BK Milk勳章 hashtag旅遊勳章 hashtag影視迷勳章 育兒性格勳章 認識瑞士牛牛第一回 認識瑞士牛牛第二回 認識瑞士牛牛第三回 最關心BB問題熱投勳章 美好大世界2017勳章 開心吸收勳章 食得好勳章 瞓得好勳章 HiPP勳章(1) HiPP勳章(2)


39#
發表於 10-12-14 11:27 |只看該作者
樓主提供到男性意見係好事
如果大家仲想佢比埋女性意見會唔會有點兒那個呢？？

多謝rkw分享

總括黎講我覺得係大家相處要互相欣賞

至於同99相處，要個老婆忍都要視孚99平時有無欣賞個媳婦，如果事事挑剔又真係幾難忍
私人傳訊

5geng


複式洋房

積分: 413


40#
發表於 10-12-14 11:32 |只看該作者
"...感情上亦然,因為rkw是一個男人,他可能沒有完全了解女人
在我眼中,男人是傾向犧牲自己而成就他人的想法,他們著重的是別人的眼光(或許這樣說,他們都以為自己是救世主)
所以他們見到弱者會可憐,見到可憐的女人會情不自禁痛惜

但女人傾向是自我中心,無論怎樣說愛自己的丈夫及子女,其實不難看出一切所做的都為了自己
所以當有人攻擊自己時,她們的反應會較大,而做出很多反抗及對衡的行為
而丈夫及子女對她愛的表現,是她終生追求的目標
所以男跟女之間的矛盾由此可見..."

讀到呢段時"自私"浮現左係我個腦度. 我理解呢段係話女人比男人自私. 我嘅理解有冇錯?
私人傳訊


首頁
12345...9

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy