小manman 寫道:
點解好似好多父母結婚前都唔係太鍾意自己的男朋友咁既???
事關我媽咪又係咁,有時真係覺得佢好煩,以前個男朋友又話我地細個,驚死我蝕底左比人,所以唔鍾意佢;到依架出左黎做野都好多年,到左適婚年齡拍拖都好正常喇,點知都係唔鍾意我男朋友,我男朋友出名係好男仔,純過蒸餾水,都有野話佢,總之我男朋友做乜野都好似得唔到佢歡心咁,成日都係話佢無野做,講黎講去都係話佢呢d野,我已經同佢講左無野做都係暫時架姐,就算我爸爸都試過失業喇,又唔見佢話下我爸爸~~~
其實,我覺得父母永遠對自己仔女的另一半都係有要求既,無論自己的另一半有幾好條件都會有野係佢唔滿意既,就算我男朋友係商界才子,佢又會話人地太醒目,我會比佢恰.......
總之,我好多時都係因為佢成日話我男朋友而唔開心,佢知道我同男朋友吵架,佢又會問長問短,明明係我唔啱的野佢都會話係我男朋友唔啱,搞到有時我根本聽取唔到一個正面的意見,我諗呢個係普遍父母的通病掛~~~
發表於 
。識英雄重英雄，飲杯！ 
返回列表
