夫婦情感

跳至

首頁

尾頁
   0


水晶宮

積分: 50353


21#
發表於 11-5-8 09:43 |只看該作者
其實半年姐, 應該好快過0既。如果人品衰0既, 唔使人教都壞啦。最緊要你老公係心智成熟果種, 無咁容易被帶壞。

至於危險呢個問題, 你可以同佢傾傾0既, 等佢知道你有呢個擔憂。我覺得如果佢自己都願意take 呢個 risk, 咁你都應該比佢試試。佢仲咁後生, 唔試可能會後悔呀!


支持佢啦!


大宅

積分: 1311


22#
發表於 11-5-8 14:29 |只看該作者
我老公都係警察
會唔會學壞其實都好睇佢地本身點諗
我唔敢話我老公一D壞都無
但至少佢係我面前唔會講粗口..唔煙唔酒
每日放工都會即刻返屋企
我已經好心足


男爵府

積分: 7737

畀面勳章


23#
發表於 11-5-8 15:48 |只看該作者
其實......我覺得樓主應該支持老公, 之不過.........
1.宜家唔係咁易考到, 學歷真係要有返咁上下
2. 再者宜家你地咁既背景 ( 早婚仲要有埋 B ), 有大機會無行囉


侯爵府

積分: 23004

好媽媽勳章 環保接龍勳章


24#
發表於 11-5-8 16:01 |只看該作者
本帖最後由 咸濕大師 於 11-5-8 16:04 編輯
rtktang 發表於 11-5-8 15:48
其實......我覺得樓主應該支持老公, 之不過.........
1.宜家唔係咁易考到, 學歷真係要有返咁上下
2. 再者宜 ...


我覺得樓主的問題,根本唔係考唔考到問題.
而係是否自己擔心太多,想老公去做d她自己想做的工作
兩夫妻,唔應該想去控制對方,而係去尊重對方
我都係公務員,只是唔係紀律部隊,一樣有人,反大陸滾, 一樣有人周圍溝女
我未入政府前,係酒店工作,咪一樣有人咁做.大把人去食執房妹同的bar妹
樓主擔心的事,做差人,關事咩?
考唔考到是另一問題,支唔支持又是另一問題
可能樓主老公,就是怕樓主唔喜歡這份工,就算去考,都無盡全力,



我要食牛柳


男爵府

積分: 7737

畀面勳章


25#
發表於 11-5-8 16:27 |只看該作者
本帖最後由 rtktang 於 11-5-8 16:27 編輯

回覆 咸濕大師 的帖子

認同 ~ 行行都有由好變壞, 由壞變好既人 !!
會唔會樓主知道己老公仲未定性, 怕抵受唔住引誘 ??

其實警察呢行唔係話破案多就可以上位,
仲要好識做人加上埋堆應酬文化......

好多時做野同X社會打交道, 少少把持唔住就會行錯路 !!

不過我相信樓主擔心既係無左個老公 ( 死 )
有人做到退休都完完整整, 亦有人出師不利, 為國捐軀
建議樓主2公婆坐低大家傾, 真係考到先決定入唔入CAMP都未遲



水晶宮

積分: 56409


26#
發表於 11-5-8 17:11 |只看該作者
唔想老公沙沙滾最好既方法係做一個善解人意既老婆,唔係一個控制老公既老婆!你又尊重佢,佢又自由,個老婆又可愛,邊個男人仲要出去玩?你估佢地唔怕上身?
我的最愛: 老公, 仔仔, 同來緊既女女, 老豆


子爵府

積分: 12622

BK Milk勳章


27#
發表於 11-5-8 17:37 |只看該作者
恭喜你有個好老公, 起碼有小朋友後會諗點樣俾好d生活你哋, 你睇下其他文, d老少好似大細佬果d,你咻仲激心.
其實要學壞, 做咩都學壞,邊行都有危險, 叫佢小心d lor


伯爵府

積分: 18754

畀面勳章


28#
發表於 11-5-8 18:50 |只看該作者
警察都係一份工作而已...半年好快過之麻...
危險方面..咩工都有架啦..難聽 d 講句..係到你就到你..即使你係自己屋企..
時晨一到都係要走..方鬆 d 啦...兩公婆互相支持好緊要架!


大宅

積分: 1904


29#
發表於 11-5-8 23:10 |只看該作者
你地都講得好有道理..
其實我唔係剩係擔心佢會唔會出去搵第個女人..
我都明白如果佢真係要去搵,我都制止唔到.
我自己都知自己係個疑心極重既人,不過我最近學習緊相信佢,
而且以佢既性格,我都知道佢唔會去搵第個,因為我知道佢真係好愛我!!

我仲有擔心既係,工作上既危險,我知道好多警察入左行之後性格都會改變好多,因為佢地面對既人令到佢地要變..而且面對既野都好多。我地最近先建立一個家,我只係怕萬一有D咩事,我真係可能會無左個好老公.
或者我諗得太多啦,不過我真係好驚..
但如果佢要去考的話,我都已選擇支持佢,唔想佢過左幾年之後後悔..我都明白佢地出發點最終都係為左我地依個家好..


珍珠宮

積分: 49369

醒目開學勳章 環保接龍勳章 15週年勳章 親子王國15週年勳章 親子王國15週年勳章


30#
發表於 11-5-9 01:49 |只看該作者
我老公都係做呢行, 學唔學壞真係因人而異, 我算好彩老公唔煙唔酒唔對我講粗口, 雖然佢未夠30歲但諗野比同年既人成熟好多, 一個月最多1-2次應酬, 但唔會好夜返屋企, 平時放工都即刻返黎陪我, 每個月乖乖比家用唔洗我勞氣
我好感恩佢有一份咁好既職業, 份人工養到家之餘仲唔需要上大陸工幹, OT又有得補足, 福利都算多, 又夠穩定, 相信出面無幾多份私人工可以完全唔洗上大陸都搵到呢份薪金, 真係心滿意足了
努力支持你老公啦


侯爵府

積分: 20620


31#
發表於 11-5-9 13:34 |只看該作者
我老公試過考輔警,我仲陪埋佢去(我係餐廰等佢),最後衰体能,嘻嘻


大宅

積分: 2159

趣教勳章 畀面勳章 BK Milk勳章


32#
發表於 11-5-10 01:12 |只看該作者
其實無論咩事 只要老公係覺得岩好ga...
我都會支持佢 因為我覺得唔試過 又點知好定壞
如果係要學壞ga...一早都己經可以學壞~~~
so放心la...如果佢真係愛個家ga...佢會勤力同埋小心...


大宅

積分: 2027


33#
發表於 11-5-11 16:14 |只看該作者
學唔學壞 係睇自己個人定力
唔係睇份工既...

你咪俾佢試下, 等佢死左條心囉
反正又唔一定pass到
真係pass到, 都係天意啦~
咁你咪全心全意支持佢囉


公爵府

積分: 29004

2025勳章 2025勳章蛇年勳章 hashtag影視迷勳章 畀面勳章 環保接龍勳章 BK Milk勳章


34#
發表於 11-5-11 17:10 |只看該作者
警察呢份工既壓力好大,吾係一般人可以理解.


已刪除用户

積分: 6280

好媽媽勳章 醒目開學勳章 畀面勳章


35#
發表於 11-5-11 22:55 |只看該作者
提示: 作者被禁止或刪除 內容自動屏蔽


複式洋房

積分: 370


36#
發表於 11-5-11 23:18 |只看該作者
放心la.....要壞的,那一行都會壞,我c6都係呢行,但好顧家,從來唔鍾意賭$飲野,一收工就返屋企,我住宿舍,都識到好多好男人,係廿四孝個種,不過始終都覺得呢方面同個行業冇muc關係,同個人質素關係大d!
反而福利就真係幾好,小朋友讀書或出國留學都有津貼,我見好多家庭個太太都冇做野,全職湊b,生活都ok ga.....
不過依家應該要擔心你老公考唔考到先,因為依家都好多大學生爭,你支持佢去in先la.....入到再算!


水晶宮

積分: 53013

熱血金章 至尊種植勳章 畀面勳章 2011精緻種植勳章 大廚勳章 BK Milk勳章


37#
發表於 11-5-11 23:36 |只看該作者
本帖最後由 晴B媽 於 11-5-11 23:41 編輯

警察唔易考, 唔係人人都考到。

雖然傳聞警察易學壞, 但我的親戚朋友全部都無學壞, 都係有禮貌有愛心。以下講的都是警察, 希望比到安心你:
我表哥: 當差OVER 30年, 好孝順父母, 愛老婆仔女。
我小學同學: 當差近20年, 是樂施會的義工。
我妹夫: 當差近10年, 是基督徒, 每星期日都返教會。
我好友: 當差10幾年, 老公也是警察, 家養4隻貓, 放工就趕回家湊貓。
我堂妹: 當差幾年, 好有禮貌, 顧家。

警察工作危險???? 我覺得佢地一D都唔危險, 仲好似好HEA咁, 都無其他工作咁忙。老實講, 其實一個警察真係有幾何開槍? 分分鐘做到退休都開唔到一槍........

消防仲危險啦, 一入火場就是用命搏, 但消防員無得唔入火場喎......


大宅

積分: 1904


38#
發表於 11-5-12 12:50 |只看該作者
回覆 晴B媽 的帖子

^_^多謝你,我都識過一D警察的確真係好好,好有禮貌,好愛個家,包括我最細個舅父都係~
我老公的性格都算係專一既人,都好鍚我同BB.
佢最多有時放工OR放假先會去同朋友睇下戲,食下飯,篤下波~
MAYBE 我既擔心真係多左D..
如果佢想去既,我都決定左支持佢了~
佢話過,如果一次考唔到,就考兩次,三次,總之就考到為止.
始終佢都係想俾個好既環境我同BB~


男爵府

積分: 5498


39#
發表於 11-5-12 15:57 |只看該作者
既然你老公咁為個家着想又有哩個志向真係戥你高興ar……
想當年我老公都係睇左套”新札師兄”就烏sir sir咁走去當差,
一做就做左20+年喇, 其實壞唔壞真係好個人, 佢唔煙唔酒唔係屋企講粗口, 放工即刻返屋企, 幾乎0應酬(除非政治飯局), 如果收工早仲會去街市買送tim.
哩份唔係大富大貴既工, 不過哩份工令我個女可以出國讀書, 生活穩定,
夫復可求呢?
雖然近年既福利已經大不如前, 我想仍是一個很好的選擇. 只有穩定既生活先可以令家庭更加和諧.
所以一定要100%支持你老公, 預祝你老公成功

點評

dearqueen1314  你c6都好搞笑  發表於 11-5-12 23:28


大宅

積分: 4511

wyeth冷知識勳章 好媽媽勳章 畀面勳章 BK Milk勳章


40#
發表於 11-5-12 16:15 |只看該作者
如果老公真係咁有決心, 就由得佢去考啦............. 如果佢咁想, 你又唔俾佢去, 我怕佢老左會怨你一世呀 ! 做咩工又係佢自己, 最緊要佢做得開心啫, 俾佢做左份唔多想做既工, 晚晚返黎黑面咪死???

反正你又有小朋友, bb慢慢長大, 你慢慢就會放佢喺第一位, 慢慢就會無咁介意個老公喇.... 慢慢會改變同習慣~

好似我咁, 個仔出世到一歲, 老公成日出 trip, 一去有時係一個月, 以前我晚晚都會打俾佢傾幾個鐘先瞓, 但係最近老公出 trip 兩星期, 我竟然晚晚都"暗"個仔瞓, 自己仲瞓埋, 仲一覺瞓到大天光~~~ ... 完全唔記得左個老公~~~~ 哈哈

首頁

尾頁

跳至
Presslogic Logo
Baby Kingdom Logo