tuenyima 寫道:
我老公同佢以前個女朋友就係咁啦,佢地行咗6年喇, 佢舊女友係行catwalk果隻model,本身搵到錢(行一場show都萬萬聲,我老公話當時佢舊女友一個月搵o既錢,我老公一年都搵唔到),做得model,梗係靚女一名啦,所以又有好多有錢人追,當時又係我老公o既低潮時期 -- 負資產,欠債, 公司倒閉, 失業.......霉到三餐不繼,要煲一大煲羅宋湯飲一個星期.
佢地成一年前影婚紗相,買晒餅卡,訂晒酒席,又係爭在未發帖咋,有次佢舊女友話做野要出trip(好似話要去日本行show),點知去完返o黎大咗肚,原來佢同一個追咗佢好耐o既有錢生意人去日本玩! 之後當然飛咗我老公去同o個個男人結婚啦!點知佢仲夠膽死派帖俾我老公叫佢去飲喎! 都short short地!
黑起上o黎有條路,之前我老公因為買咗好多餅卡(唐餅西餅都有),諗住平少少搵人要咗佢,點知交收之前屋企俾人爆竊,當時我老公都山窮水盡,屋企都冇值錢野俾人偷,d賊就係連o個d餅卡都偷晒!
發表於 
返回列表
