吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 在職全職› 岩岩生左細囡,開始唔鍾意大囡

在職全職今日: 20|主題: 48014

收藏本版

發帖

返回列表

跳至頁

樓主: do2

[全職媽媽] 岩岩生左細囡,開始唔鍾意大囡 [複製鏈接]

123

suiyiu922

男爵府

積分: 6645

21^#

發表於 11-5-31 17:23 |只看該作者

有需要搵社工/朋友幫幫手啦...

私人傳訊

小露比*

珍珠宮

積分: 39132

好媽媽勳章

22^#

發表於 11-5-31 17:31 |只看該作者

do2 發表於 11-5-31 17:16
回覆小露比* 的帖子

你都係啊......你餵人奶定奶粉

我餵人奶+奶粉 , 因我細女唔肯啜我 ... 我泵出黎俾佢食
不過唔知係咪泵得太多 .. 個胸久唔久就陰陰地抽住痛 .. 我條腰又痛
C6都叫我盡泵啦真係太辛苦咪餵奶粉囉雖然盡可能梗係餵人奶最好啦
真係唔得都唔好自責囉起碼都有努力餵過丫嘛千其唔好自己亂諗

我有兩隻大小魔怪""

私人傳訊

do2

別墅

積分: 767

23^#

發表於 11-5-31 18:29 |只看該作者

回覆 suiyiu922 的帖子

岩岩先又教訓佢一大獲.....唉...一路渣住支(差).一路食野,一路係梳化跳....麻麻掉左佢d野食,佢就大聲鬧麻麻
又學堂哥咬手指,唉佢呀哥d手指已經咬到爛晒,我都唔識點教.教到個細既,大既又唔聽教,最慘個大既唔肯聽人話
暑假既話我肯定受罪,我諗緊大囡好唔好俾我老豆教,我都已經夠惡,我老豆仲出名夠惡,如果係度學壞既野俾我鬧同打,不如俾我老豆教佢.我要觀察埋依2個月先決定

私人傳訊

do2

別墅

積分: 767

24^#

發表於 11-5-31 18:32 |只看該作者

回覆小露比* 的帖子

bb啜到我好痛,但死忍都喂佢,我都已經想轉奶粉......唔想再喂人奶,可以多d時間陪大
我pump人奶pump得好辛苦都係得好小,bb仔我喂佢人奶都要2個鍾有多佢先收工.....
冇晒時間陪個女同教個女.....唉......岩岩先買左pump奶器咋.....我又唔想放棄

私人傳訊

suiyiu922

男爵府

積分: 6645

25^#

發表於 11-5-31 18:52 |只看該作者

do2 發表於 11-5-31 18:29
回覆 suiyiu922 的帖子

岩岩先又教訓佢一大獲.....唉...一路渣住支(差).一路食野,一路係梳化跳....麻麻掉 ...

可以試左軟功先啦...始終小朋友仲細...加油呀...我都係人奶媽...

私人傳訊

do2

別墅

積分: 767

26^#

發表於 11-5-31 19:49 |只看該作者

回覆 suiyiu922 的帖子

完全唔得呀,軟硬都唔得,而家仲想打人.......搵野掉人...
點解過左幾日就,係唔係因為食左藥就係咁

點評

suiyiu922 要話比佢知唔可以咁樣,,之後罰企~~~~ 發表於 11-5-31 23:00

MrsSingSing 小朋友病係易憫,而且兩歲幾係冇EQ,一憫就發脾氣,大人要提高自己EQ去面對~ 發表於 11-5-31 21:32

私人傳訊

小露比*

珍珠宮

積分: 39132

好媽媽勳章

27^#

發表於 11-5-31 20:24 |只看該作者

do2 發表於 11-5-31 19:49
回覆 suiyiu922 的帖子

完全唔得呀,軟硬都唔得,而家仲想打人.......搵野掉人...

幾日入面邊有咁快可以習慣適應到呢
唔係淨係佢要習慣係你地每一個人都要
加上佢又病食左藥個人都可能炆憎D想嗲多D媽咪呢

點評

do2 今日同左佢傾計,佢覺得我錫晒妹妹唔錫佢,跟住我又忍唔住喊發表於 11-6-3 23:07

我有兩隻大小魔怪""

私人傳訊

MrsSingSing

珍珠宮

積分: 37389

28^#

發表於 11-5-31 20:51 |只看該作者

餵人奶,除咗注意飲食/肢勢是否正確....仲有一樣好重要,就係心情...心情唔好會影響奶水分泌ga~

都好明你依家覺得好煩,好攰,好辛苦,好易發脾氣,除咗餵奶辛苦,主要原因係俾大女激...其實小朋友你對佢好,佢好自然聽你話,對返你好,就好似以前你全副心機湊佢,賞罰分明,所以大囡以前比較聽話~
只要大囡乖,你的心情就能平服,而要大囡乖,亦只有你幫到佢,唔好再搵位去鬧佢,留意佢乖既時間,去讚佢去錫佢.....
你話搵唔到位去讚去錫大囡,佢只有曳??絕到唔會,就好似你話''我喊時,大囡黎氹我'',已經係一個好值得讚既地方~又或者佢安靜坐喺度,又可以讚佢咁樣好乖,好斯文.....當佢曳時唔好鬧,放輕語氣去勸~
其實你有工人,家務唔需要負責已經好幸福......同埋,有咩同c6呻,佢幫唔到手咪唔搵佢幫囉,攬住佢喊已經好夠~

私人傳訊

蘇c9

大宅

積分: 4344

好媽媽勳章

29^#

發表於 11-5-31 22:51 |只看該作者

回覆蘇c9 的帖子

加油啊生完個情緒係唔同架遲下就好好多啦　

點評

do2 我都覺~~~脾氣好大同好易喊~~個心成日都唔舒服~諗好多野發表於 11-6-3 23:14

私人傳訊

carly.c

子爵府

積分: 14617

30^#

發表於 11-6-1 00:17 |只看該作者

回覆 do2 的帖子

可能你生完情緒影響, 而家小b仲係bb, 每日都係食同訓/比到佢須要既野就ok
但大b就唔同啦, 佢而家已經係個人仔, 開始有自己既思維, 有d事想自己去處理去嘗試
呢個係個個小朋友都會經過既階段, 所以你唔好將大b來同小b比了, 因為真係唔同階段
反轉想下..如果大b而家既歲數, 樣樣都唔去試, 唔去攪攪震, 唔去表達自己意思喜好, 唔去堅持自己想法,
只係一路順大人意思去做既小bb, 咁你會唔會更擔心呢, 所以唔好想點可令大b變乖了,
因為佢已經係你不知不覺間變大了, 而呢段時候正須要父母, 係佢身邊教佢對/錯, 失敗時係佢身邊支持同提點

加油! 兩個女都雖要你的

我個女女而家都2yrs多d, 有時天使, 有時魔鬼, 有時更激到我就反肚,
不過我發覺每次開戰完, 同一件事佢都比之前處理得好一點
不過我又唔會太要求d乜, 因為真係仲細個, 佢都係先做左2yrs多dd人仔

最重要係....如果有人幫到手, 俾人分擔下啦, 唔好令自己太辛苦
當一個人累的時候, 有好多野都睇/想得比較負面

加油

私人傳訊

tigerl

大宅

積分: 2918

31^#

發表於 11-6-1 00:33 |只看該作者

本帖最後由 tigerl 於 11-6-1 00:37 編輯

我個女剛剛4個月, 個大仔3歲, 最初生完個女頭2個月,都好似你咁, 人都癲, 我仲要係1對2, 我頭一個月都係餵人奶, 跟住阿女就全奶粉喇, 因為我覺得全人奶太累, 我覺得好難照顧個仔, 我亦都唔想我整日既生活就係餵奶, bump奶, 真係會佔左太多時間~而且我覺得人奶係好, 但食奶粉都唔係差丫, 無謂比自己太大壓力~~所以最緊要量力而為, 你想善待bb之餘, 首先要善待自己~~
我相信我大仔一定曳過你個女, 但我唔會唔鍾意佢, 佢始終得3歲, 本來屋企得佢一個, 依家多一個妹妹, 佢都要時間適應~~雖然我都比之前係鬧多左佢, 但盡量都希望錫佢多d, 因為要比佢知多左妹妹, 我唔會唔錫佢~~依家4個月喇, d野開始上番軌道,所以心情都好好多, 冇以前咁緊張
加油啦, 依家係一個過度期黎, 當大家都適應左之後, 會一路一路好轉架喇

點評

do2 我一定會努力架,多謝你啊發表於 11-6-9 19:16

私人傳訊

panala

伯爵府

積分: 17399

好媽媽勳章醒目開學勳章環保接龍勳章

32^#

發表於 11-6-1 00:49 |只看該作者

其實你大女已經算乖，因為佢知你唔得閒唔會煩你，你喊又氹你等等，呢D都可以讚啦！ 2歲幾，你想佢點？同埋雖然佢鍾意BB，但亦唔代表佢心入面唔覺得佢係屋企地位因為BB嘅出世而有所影響。如果你小小事都打打鬧鬧，分分鐘有反效果TIM，佢可能覺得你唔再錫佢，咁佢點會聽你講？試下俾多少少耐性，你知有時同D細路真係要講多過100次作地先有D印象架。

至於食藥，喊住食係好易嘔番出黎架，所以我唔會喊果陣俾葯小朋友食。試下氹下先啦！

有需要嘅，搵工人／屋企人幫下手啦，我都知湊2個真係好辛苦。

你啱啱生完，點都會有D影響。放鬆D，對你餵人奶都好D。可能過多幾個月，所有嘢上晒軋道，你會發現你果個乖乖嘅大女一直都係身邊，仲好享受湊2個女嘅日子TIM！加油！

私人傳訊

jenniecatcat

水晶宮

積分: 56409

33^#

發表於 11-6-1 12:23 |只看該作者

問題係你度!!! 你要鬆下呀!! 找人照顧大細B, 自己出去鬆下, 你E+係惡性循環呀. 照顧細B餵人奶>>攰>>冇時間照顧大B>>大B引你注意>>冇人教佢>>佢又曵D>>你又打>>心情唔好>>冇奶>>餵奶大壓力...

你要調節你既心情呀!!! 一餐半餐奶粉唔緊要啦, settle 你自己先, 找媽媽或朋友講下, 最好幫手, 緊住俾反一日大女, 同佢好好相處, settle 佢, 跟住先到細B啦. 你咁落去唔掂呀!! 唔好再打同罵大女啦, 好hurt 佢心靈呀!!!!!!!!

我的最愛: 老公, 仔仔, 同來緊既女女, 老豆

私人傳訊

HadesBB

別墅

積分: 745

34^#

發表於 11-6-1 14:46 |只看該作者

樓主..點解你成日都話係個大女變咗呢... 變既係樓主既心情定係你個大女呢?
其實佢只係一個小朋友..咩都唔識..
我記得曾經有個姑娘同我講0-6歲既小朋友只係活於佢快樂最重要既
原則下..佢根本好多野都唔識..
我諗你係懷孕期間都灌輸咗好多"要錫妹妹之類"既說話比佢聽..
佢根本唔明白自己病要影響妹妹..佢一心諗住要錫多D妹妹...
佢想錫多D妹妹係為咗咩..其實只係為咗你開心JER..
我地成日都話自己既BB係最重要既寶物...其實媽媽都係
BB最重要既寶物, 佢地黎呢個世界咩都冇..只係有你地..

所以樓主..唔好再成日諗住大女唔聽話..唔乖...不如你首先自己平服
咗自己個心情先啦...

必要時睇吓你99 或者你自己媽媽幫唔幫到手啦...多個人一定好D..
工人始終係外人..未必傾到心事...

**記住記住**唔好再話唔鍾意大女呢D說話...
如果我係大女一定好唔開心...兩個都係自己生..
好辛苦至出世...

希望你早日冇事..一家四口樂也融融

點評

do2 我c6一年得3日假,仲要日日都6點45分起身,8點半返,我唔想俾壓力佢發表於 11-6-9 19:46

私人傳訊

littlecook

子爵府

積分: 11940

35^#

發表於 11-6-2 02:15 |只看該作者

回覆 HadesBB 的帖子

你覺得大囡變得好唔聽話,但有無諗過,佢都覺得媽媽變左...
你都識得上嚟BK揾人傾,發洩下...佢可能講都唔識講,佢只係自然流露出佢既情緒變化.
本來媽媽時時同自己一齊,依家媽媽呢埋响房,同另一個BB一齊,唔比自己入房,佢會好唔開心同無安全感架.果種唔開心,唔通你要2YRBB用理智嚟面對?唔好以為佢自然就變得大個,佢係家姐...佢只係一個BB嚟啫.

我係全職媽媽,自己一個湊兩個,無人幫.老公仲要一個星期返足六日工.好彩佢都好肯幫下手.我未坐完月已經要單獨一個對兩個啦...我大囡仲係超唔聽話,成日比人話NAUGHTY...好辛苦係真既...不過,哈哈,依家兩個大左,原來仲辛苦呀!

我大細囡隔都唔夠2年.細囡出世我都係餵人奶,如果得我同兩個囡响屋企,我餵妹妹食奶,一定會比家姐响我身邊,一路同家姐講故事,傾計,睇書...同時一邊餵妹妹,另一邊手擠几啖奶比家姐(未佗妹妹前,家姐都係食母乳既),所以家姐無太唔開心.到我出得街,整個家庭既活動仍以家姐為主,我會帶著妹妹一齊參加家姐既活動,例如PG,去公園等等.几辛苦我都日日帶吓家姐去公園,仲同佢講妹妹細個,唔駛去公園玩,但妹妹同媽媽鍚晒家姐,會陪家姐去公園.至於妹妹呢,可能好乖好湊,食奶瞓覺都OK,且被訓練到慣於遷就人,都好配合到家姐.
到今日,家姐3YR+,妹妹1YR+,家姐都仲會妒忌架...妹妹已識行路,有時我會放妹妹自己行,然後轉登抱下家姐,咁佢會好過D.仲有就係,我一向都教妹妹要比家姐,避免總要大讓細呢D觀念.

其實我都湊得一塔糊塗,家嘈屋閉,自己有時都好炆憎,我都會發癲...但見兩個囡依家已經可以一齊玩到顛,都覺得好開心呀!

樓主,依家先几日咋,條路慢慢長,就算佢几唔啱几唔著,你怪佢都於事無補,佢只係一個BB.不如想想點樣修補同囡囡之間既關係,幫助佢舒發情緒.呢D野,你屋企每個成員都有責任既,點會唔同老公講?就連祖母都應該幫到手架MA!唔好自己一個攬晒上身!相信你都只係一時未適應,慢慢你會HANDLE到架啦!加油啦!

私人傳訊

bosch

瑪瑙宮

積分: 128510

母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

36^#

發表於 11-6-2 06:52 |只看該作者

本帖最後由 bosch 於 11-6-2 07:03 編輯

do2 發表於 11-5-31 17:01
回覆 bosch 的帖子

我都發覺自己發好大脾氣,一得閒出到房見到大囡唔聽話,我就即大,變左次次一出黎都打佢唔 ...

我差唔多生果陣, 都試過失控打大仔打到收唔到手, 要老公扯住我至得.

你唔好俾咁大壓力俾自己啦. 我都係餵人奶, 頭4個月係全人奶, 初初幾個月冇得訓, 夜晚細b 訓廳冇訓房, 我就響廳度上網上到天光同埋食補品, 天光後有阿媽幫手朝早睇住大仔同埋掃地抺地, 到下晝同夜晚我自己睇番大仔同埋做其他家務, 同埋要煮晚餐俾大家, 如果冇阿媽幫我朝早睇住大仔同埋夜晚煲補品, 我諗我唔可以全人奶啦. 佢一走左, 我d 奶量就一落千丈啦... 我夜晚冇入房既日子去到細b 戒左夜奶同埋少左半夜喊為止. 我既情況係比上不足, 比下有餘. 你有工人幫手, 其實好幸福, 至少佢日夜都可以做家務, 你可以叫佢朝早睇住大女, 你爭取時間休息, 到下晝你睇番大女.

你響房度擺少少玩具, 咁你餵人奶時咪叫大囡一齊玩玩具, 或者你餵緊果陣, 大囡坐響你側邊同你傾計, 甚至叫佢幫你手拎下野 (紗巾, 或幫bb 換片時叫大囡幫手拎尿片/濕紙巾出黎, 就算你冇需要用果d 野都可以叫大囡幫手拎, 拎完咪讚下佢).

我個仔而家有時都呷醋, 咁我趁佢 e.g. 去到廁所vv 或便便時, 咪讚下佢, 又叫佢第日教細佬去廁所. 佢刷牙時咪又係咁讚佢. 有d野可能唔駛讚, 但我都會搵野黎讚.

你都可以引入獎勵制度, 你去買排貼紙, 佢乖果陣咪俾個貼紙俾佢, 儲夠咪請佢食一塊餅仔, 或者一杯yoghurt. d 貼紙可以由你買, 或者叫你朋友探你地時叫朋友買俾大女啦.

如果大女真係唔乖, 咁我覺得唔可以縱容, 但亦唔係要不停打佢. 睇你既形容, 你個女有時係唔乖, 但有時都好乖丫!!!

唔知你對坐月有幾堅持... 必要時不如出下街, 帶大女去公園玩, 咁你同細b 都出去吸下新鮮空氣, 對你地三個人都好.

你大囡一真都係想吸引你既注意力, 你想佢變返乖, 咁你要放番d 時間俾佢, 讚多d 佢, 同埋佢都要習慣屋企有多個新成員. 有其他媽媽講得o岩, 你覺得佢變左, 但其實你自己都變左. 你而家打佢似乎係發洩你既情緒多d.... 對住小朋友要用番小朋友既眼光去睇, 如果夾硬用大人既思想同眼光去要求小朋友做你所想要既野, 咁真係sorry, 咁會冇好結果.

私人傳訊

usausagi

公爵府

積分: 27536

環保接龍勳章

37^#

發表於 11-6-2 08:58 |只看該作者

其實我覺得你可以轉泵奶呀～有一兩餐俾下姐姐喂都好丫

點評

do2 我而家決定喂奶粉俾佢啦~~我上唔到奶lu 發表於 11-6-9 19:58

私人傳訊

kd6910

民房

積分: 19

38^#

發表於 11-6-2 09:10 |只看該作者

回覆:do2 的帖子

其他媽媽講得岩囡囡係想增加你注意力同呷醋爭寵等先會曳之前睇過親子雜誌敎可以叫大既幫手參與照顧細既例如叫佢幫手遞尿片擰奶樽等佢幫手時一定要同佢講唔該同讚佢乖慢慢俾佢覺得你冇忽略佢同埋俾佢感覺原來佢都可以幫手照顧到個細佬妹有種滿足感我試過呢招真係work架我自已兩個女相隔13個月大女由出世開始都係婆婆湊逢星期六日先返黎我度而妹妹出世時剛岩阿爺退休係屋企幫手湊大女第一眼見到個妹好開心即時撲埋佢錫佢點知錫完後一巴打埋阿妹到我地一路懵盛盛以為佢唔鍾意阿妹點知去到大女歲半有一晚佢同我講媽咪我唔開心雖然佢唔識講出咩唔開心係我引導佢之下先知原來佢覺得我地錫晒阿妹唔錫佢我喊左幾日之後我同家姐講佢提返我雜誌敎過既迮法叫我試下點知真係work 慢慢個大女冇再打個細仲越來越錫個妹

私人傳訊

cheese08

伯爵府

積分: 16699

好媽媽勳章畀面勳章 BK Milk勳章

39^#

發表於 11-6-3 19:06 |只看該作者

你生完BB心情會大起大落~
你同大女都係適應緊依家既新生活~
我都有兩個女~
細女岩岩出世果陣~大女都會扭計左同埋做好多野引大人注意~
呢D唔係佢既錯~因為突然多左個妹妹~媽媽要同人分享~
佢都須要時間去適應,你依家成日都照顧BB唔理佢~佢都會好唔開心~
我都有餵人奶~不過我唔會迫自己去餵~大女都會須要我~
如果餵人奶餵到同大女既關係唔好~
覺得媽媽忽略佢~令到大女唔錫妹妹唔鐘意佢~我寧願餵奶粉~
依家我都好安慰~姐姐好錫妹妹~
你依家真係要好好平衡下去照顧兩個小朋友~唔係一面倒只照顧BB~

私人傳訊

do2

別墅

積分: 767

40^#

發表於 11-6-3 23:13 |只看該作者

回覆 MrsSingSing 的帖子

今日我又忍唔住教訓佢..唉..佢又發顛...我攬住佢,佢即刻唔出聲,唔喊......我琴日去左健康院問姑娘,佢都教左我點樣喂人奶唔痛~~問埋大囡既事....我都忍唔住喊住同姑娘講..用佢既方法真係得既......但我唔知大囡幾時先明.同埋佢成2個星期都冇出街啦,我唯有靠我爸爸媽媽帶個大囡出街~~去公公度住下啦...希望得....今日我同佢好正面咁傾計,,,佢唔識表達,但我就問係唔係覺得我錫晒妹妹,唔同你出街,成日話你,你點解唔開心既,做乜特別唔聽話,係唔係想引人注意~~佢就點晒頭囉...佢就唔識引人注意既~~~不過佢講左出黎,,好似好左dd,希望順利啦~~多謝你既方法啊^^