好多ftm 冇工人幫手咁湊兩個一樣掂. 初初我自己都怕唔掂, 但最後都ok, 其實做乜都係見步行步. 你有工人幫手, 如果佢做野唔太差, 只要你指揮得好d, 相信你會輕鬆d, 咁你生完bb, 俾佢做家務同埋朝早睇住大仔, 你咪爭取時間休息, 到你復後咪pick up 番湊大仔既工作囉, 產後身心健康都好緊要.
你個仔去讀半日, 學校唔train 佢自理, 咁咪由你去train 囉!! 有d 人夠俾小朋友返全日但又俾工人乜都做埋, 又有人自己湊但乜都就晒小朋友, d 小朋友一樣變左港童. 其實呢d 野係事在人為! 你自己教唔掂就話等學校去教o者, 你而家都未開始, 唔駛咁早認為你自己同埋你個仔唔掂! 我陀細仔時果陣大仔係兩歲, 果陣已經唔會成日抱佢, 行樓梯係我扶住佢行, 食野就一旱唔會再餵, 做家務有時叫佢幫手順便去教佢, 整野食咪一齊整, 幫佢著衫咪幫一半之後叫佢自己做, 戒片方面我就等生完後3個月就幫佢戒. 我見我個仔各方面都ok, 人地見到都冇話佢有問題, 佢下年4歲至入學.
發表於 
返回列表
