meatballs 發表於 11-7-24 23:24 
佢都唔同我傾
我都唔知道點形容我地嘅關係
因為我地好似冇關係咁
我個仔就係好崇拜爸爸，但如果你另一半連溝通都有問題，
我唔會放心將兩個仔交俾佢，而且兩個人分開，你都仍然係佢地媽咪，
佢都仍然係爸爸，唔應該從此不聞不問，所以更要坐低傾清楚細節，
起碼大家都要傾清楚以後兩個仔嘅生活費、撫養權，邊個負責處理佢地嘅嘢，
例如每年身體檢查、報學校、學校有事連絡邊個先、如果喺學校唔舒服，
邊個負責帶佢返屋企？邊個可以睇住佢？你個大仔搵咗學校未呀？
公校8月中或8月底開學喎。
我自己所見，爸爸好難好似媽媽咁細心，我地之前有個會員過咗身，
佢先生係個好人，但處理個小朋友嘅情緒同生活細節初初都不知所措，
而家有其他人幫手，佢開始學習，但佢係有心去為個仔好，
如果你另一半連同你溝通都唔肯，我好懷疑以後兩個仔仔有事，
佢會點處理。
講一個身邊朋友嘅故事你聽：老公有個好朋友幾年前同太太分開，
因為佢對太太不忠，個太太依然好愛佢，但失去信任嘅婚姻令佢太痛苦。
佢地有個仔，為咗仔仔好，佢地幾乎日日見面，個老公同以前一樣，
每日去接老婆放工再去接仔仔放學，只是爸爸就再唔會喺屋企住。
每逢星期五爸爸就接仔仔去嫲嫲屋企一齊，直至星期日再送返媽咪度，
大時大節好多時都係留喺媽咪處，你話咁好唔好？我唔識講，
但我所見，個仔仔同爸爸媽咪關係都好密切，只係周邊親戚有時會講另一半壞話，
咁呢樣有時唔係佢地可以控制。Meatballs，如果你另一半唔可以做到咁，
你會唔會放心俾佢帶對仔？
我唔記得你話去邊度落腳？如果係喺灣區，呢度D媽咪都好樂意幫你架。
花旗太太生活在花旗國，留意時差，你問我未必即時答到。
發表於 
加油~~
我都考慮緊呢個問題...
返回列表
