ringoivy 寫道:
我唔覺得佢地無見過面囉, 佢老公唔係不善詞令呀肥嘟媽, 我覺得係佢老公唔太識講大話 / 佢轉數唔夠快啫, 無諗過個老婆突然會咁問, 所以唔知點答啫, 唔好講其他住, 只係講佢話怕個女人見到老婆同女會做D傷害佢地既野, 已經好明顯佢地非一般普通朋友關係啦, 你試諗下你見到個男性朋友個老婆同女有咩理由會做D傷害人既野呀
除非佢地大家仲係保持CLOSE既男女關係, 大家仲以為男未婚女未嫁, 所以個男人先怕佢知道後會做D對太太不利既野啫
另外都成個月前既事, 點解突然先知有封咁既信個女方要求見面呀
我個人認為無可能聯絡唔到囉, 既然大家都仲有書信來往的話, 打個電話幾咁唔閒呀, 家陣出多張咭唔係難事, 再者個女仔到港後再寄信給男方都只須一日兩日時間, 點會難約呀, 大家都係有心人, 我就打死都唔會信你隻佬無野囉, 若果佢真係對人無野點解唔可以講比人知佢結左婚呀, 仲有佢真係唔理人的話我唔信個女仔會不斷寄信比佢囉
.......不過,聽老公講,佢地以前只係拍咗半個月拖 我老公之後話:如果佢再寄信o黎,我一定唔會呃你,我一定會俾你睇...由得你點處置!(但我覺得99同我老公實會夾埋呃我,因為上次都係咁,上次都係因為全靠我o既直覺,先會知道有封信寄去99到)
大眼肥妹 寫道:
我都覺得有d可疑,我唔係想煽動你同你老公,只不過我覺得如果你地都結左婚既有乜理由驚話佢個舊老友見到你同你個女會傷害你地既唧;仲有,除非你奶奶不嬲都有拆你老公信黎睇既習慣,否則無端端你奶奶又點會拆佢封信,仲要話比你老公聽.我本人就極之唔鍾意人地(老公/屋企人)拆我既信,唔係話我d信有d乜野咁不可告人,只不過每個人都應該有自己既私隱,要尊重人地lor.
有時男人既野唔係話唔信,但係做女人既都唔可以盡信晒男人講既野lor.
[有時男人既野唔係話唔信,但係做女人既都唔可以盡信晒男人講既野lor]呢樣我都知道o架....自己有時都幾矛盾,夫妻間要互相信任,但係自己o係呢個時候,個心又唔係信哂佢,所以覺得好辛苦....自從呢件事,自己成日都會懷疑佢,原來有呢種心態係咁辛苦 :-( :-( :-(
發表於 
返回列表
