吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 唔想見到99

婆媳關係今日: 0|主題: 27777

收藏本版

發帖

返回列表

跳至頁

樓主: starsta297

唔想見到99 [複製鏈接]

janfish

複式洋房

積分: 322

21^#

發表於 11-8-30 03:10 |只看該作者

引用:介唔介意講咩事可以炒到咁大呢？我C6同佢炒

原帖由 Sonaming 於 11-08-30 發表
介唔介意講咩事可以炒到咁大呢？我C6同佢炒得最勁個次佢都係2 or 3 week 唔敢出現，之後99變左軟皮蛇

...

講起真係十匹布咁長，我未生之前佢拍晒心口話幫我揍b，話要過黎我屋企住！實情佢退休可能悶加上佢其實都唔太like佢自己住緊果度！咁當然要佢每日來回一個鐘揍b我都唔忍心！之前關係好都唸住一齊住冇所謂，整左間房俾佢，原本果間係bb房！佢話阿b嘈住佢夜晚冇得瞓，咁我都放番入自己房，其實我間房原先放唔到張bb床！平時樣樣我都客客氣氣！不過一講到阿b嘅嘢我就點都唔會讓步！我生完請左個陪月，我自己都要學點揍b啦，何況佢自己都成幾十年冇揍過咁細個b啦！陪月教嘅佢樣樣都唔跟一時又話唔記得提左幾廿次佢都話唔記得~~我生完第一個月佢已經同c6講話我當佢工人都不如，話我唔睬佢！哈！第一我從來冇叫過佢做嘢！第二係人生過都知坐月果陣唔係餵奶就瞓一係就食，我餵人奶兩粒鐘一次食完都又下一餐邊得閒同你social 呀！其實佢揍b好唔掂，佢成日響c6面前扮好人，話自己咩都冇所謂，有咩唔開心一定要拎出黎講！我咪信錯以為佢真係冇所謂，睇唔過眼當然會好聲好氣同佢講！講完佢都係表面話好其實就睬我都傻！之後仲衰到俾面色我睇! 響c6面前就扮好人同扮可憐話我對佢差！佢已經好多次響c6面前數我，當然果d唔係事實啦，其實果幾個月巳經係好多磨擦，導火線係佢又再數我通常都係c6話番俾我知佢數我d咩！於是果次我真係頂唔住發爛同佢炒大wok！當時c6都在場！我逐一反駁佢冇理嘅指控！佢跟住執埋d嘢喊住走左，仲話以後都唔過來！我咪話好呀！我以後都唔會返過去你到！其實c6一直以黎同我都好孝順佢，c6都知99有問題，耐可係自己阿媽！所以我有咩都唔想叫c6同99講，唔想佢做磨心我先自己講！我之前話請個工人幫99，佢話唔慣有工人響到！佢話有工人佢就唔過黎！佢幫我地揍b除左俾家用仲會俾揍b錢！響我屋企住佢可以話一毫子都唔用使的！但我真係唔覺佢錫個孫！太多例子不能盡錄！咁我不如請個工人好過！唸住你揍得好過工人先俾你揍遮！加上我唔會俾佢響到破壞我地夫婦感情，響到冇中生有啦！係咪先！話晒我同c6十年感情都唔係咁易俾佢破壞到啦！我係點嘅人c6會唔知咩！你估你講就有人信咩！c6唔出聲係唔想落佢面唔想佢唔開心咋！以前99響果邊有咩唔開心要幫手咪又係第一個搵我地！佢都有幾個仔吖！佢地兩老啲生日嘜節麥節咪又係我地安排！冇左我呢個深抱係佢嘅損失！

私人傳訊

Ackl1002

大宅

積分: 1555

22^#

發表於 11-8-30 06:20 |只看該作者

引用：無錯！因為，99覺得，自己個女大x晒！人地

原帖由 玉桂天使 於 11-08-29 發表
無錯！因為，99覺得，自己個女大x晒！人地個女，根本唔係人！！同一件事，自己個女做，就啱到不得了。人地 ...

講得好啱，我99又係成日引述佢個女話乜話乜，當聖旨咁供奉！好似佢個女係世界上最叻最靚，總之乜都好過人啦。

私人傳訊

gazetteruki

大宅

積分: 1086

23^#

發表於 11-8-30 09:09 |只看該作者

回覆：唔想見到99

我已經同佢住左好多年，就黎頂唔住爆炸

非常明白你感受，我個b下年出世我會放棄工作湊b，佢湊既話會用佢古老方法，我冇法接受

私人傳訊

小王子J

別墅

積分: 611

24^#

發表於 11-8-30 09:38 |只看該作者

回覆 Sonaming 的帖子

我都係，唔想聽到佢把聲、唔想見到佢..........
咩都要知，咩都要管，阿 b 食咩又要問，佢間中買嘢過來就講到自己好偉大！
樣樣事佢都質疑 (連我揾咩playgroup、 studio 影相都問一輪)，佢講咩都啱晒~~~

真係好想避開佢~~~ 煩死人！