Re: 全職媽媽好辛苦!
WeLOVE,
我都好欣賞你會加入留言,至少你都會睇下媽媽的心事,理下個家庭.
mummy,
一路睇眼淚就積住積住,睇完真係想攬住個枕頭喊一大餐,但望下個女,諗下廚房d碗,仲有一地玩具未執,家務未做,連喊既時間都無,快快打完呢幾隻字,就已經當係自己的一個發洩...
:-(
好辛苦,真係好辛苦.
我老公工作不定,基本上成日都係屋企,但佢唔會幫到手,個女都唔跟佢,一見佢就走,過黎攬住我,驚死個老豆會抱走佢.
你老公都話放工會同個仔玩下,我老公一日在家都唔會同個女玩,祇會整喊佢,一係就唔理佢,個女有d咩叫佢睇,佢又唔望,撩佢玩,佢就叫佢自己去玩,再唔係就是但應句,佢最佳節目就係在房打電腦,出廳呢就睇報紙,睇電視,轉場既時間就會去搵個女,要抱佢,個女無端端玩得好地地就梗係唔比佢抱,結果又喊住黎搵我,我好唔容易先等到個女靜靜自己玩,可以抖下氣,去下廁所,或者整下廚房野,一下就俾又佢搞禍,d野排好左又做唔到,要由頭再tum過.同佢講,佢會大大聲話"咁我係咪抱下個女都唔得呀?""咁我鍾意個女都可以抱下掛!""個女我都有份掛"跟住就算個女再同佢玩,佢都會發脾氣同個女講"你唔好過黎呀"你唔鐘意我呀嘛"去你阿媽度""你阿媽唔比我掂你呀"諸如此類. 搞到個女無所適從.
我唔知點解佢永遠都好似唔會體諒到做阿媽同做佢老婆既辛苦,我一日到黑,都唔覺自己有得坐,坐就係餵奶,(佢仲會話我間屋亂點解唔執,日日淨係坐係度怨,然後數自己做左d咩) 我就算夜晚訓都一晚起幾次身,有時眼訓到喊,個女唔訓自己都無得訓,到個女訓左,我都無得訓沉,一兩個鐘又會醒. 個老公就成晚在出面打機睇vcd,碌花生飲啤酒,半夜仲出去宵夜,天光我地起身佢就入房訓,下午訓飽啦就催我地出去食野. 以前我仲要等到佢起身至有得食,依家我學精左,會買多d"送"留番第二日食,如果唔係會餓死. 點解講極都無結果,佢又在家我又在家,大家對個女時間一樣,點解佢可以咁自在,我就要咁辛苦,煮飯又要煮佢既,在家仲要執埋佢d手尾.
教得個女精精靈靈,無人會多謝你,我祇願佢d衰野唔好教壞個女,粗口郁手郁腳,點都唔改,仲夠膽問我個女o係邊度學番黎,真係好笑. 
我唔知仲可以支持幾耐....
希望有人可以幫我從第二個角度諗下,開解下我,我都好想舒服d. :cry:
我的寶貝女朗朗在5月25日早上7:40分出左世.仍然是全人奶bb,唔肯飲奶粉的體重記錄
5/25 --2.7kg 43cm 6/1 --
6/5 --2.76kg 6/11 -3.02kg
6/18 --3.3kg 6/28 -3.75kg
7/5 --4.1kg 58cm 8/5 --5kg
10/4 --6.06kg 12/6 -- 6.46kg
無磅好耐啦,費事磅,反正都係xs碼,我個女食得行得睡得玩得排牙仲好駛得,又好精力過d大人,足以累死你,磅數仲算d咩呢
發表於 
返回列表
