心聲留言今日: 2|主題: 17549

收藏本版

發帖

返回列表

跳至頁

樓主: 家庭主婦

第二胎 [複製鏈接]

Pris

大宅

積分: 1422

21^#

發表於 05-10-23 11:22 |只看該作者

Re: 第二胎

我覺得我地d媽咪生小孩係非常之偉大! 但係我就個人覺得年紀太大生(如45歲後)就好似有些少對個小朋友唔係幾公平喇....事關如果父母年紀太大嘅話係好難有足夠嘅體力同精神去照顧同管教個小朋友, 亦有好大可能會有溝通上嘅問題! 試想像當個小朋友進入青少年期 (約莫13-18歲左右), 佢地係非常須要家長嘅指引同積極參與佢地身心上嘅成長與發展嘅, 因為呢個階段對佢地嚟講差唔多係決定佢地將來嘅性格,思想, 價值觀甚至前途嘅. 試想像當個小朋友進入佢地呢個最關鍵性的階段嘅時候, 佢嘅父母已經到咗遲暮之年 (60歲+), 仲會唔會有咁好魄力同精神去guide個小朋友? 其次嘅就係, 咁大嘅年齡差距, 好話唔好聽保守d講如果父母活到75歲, 個仔/女都係廿幾或者未到三十....咁係佢剛剛踏入稍為成熟嘅階段仲有好多嘢想同父母分享, 但係就要同父母分開, 咁係咪對佢有d唔公平呢? 最唔公平嘅就係呢d力不從心嘅父母依賴其他年長嘅子女(年齡差距很大, 如15-20年) 去照顧同教育年幼嘅弟妹, 將foster嘅責任加諸於年長子女嘅身上, 剝削呢d兄姊要佢地負起父母嘅責任, 咁就更加對佢地唔公平, 因為孩子並非佢地選擇生的而是佢地嘅父母, 但係就要負起呢d咁大嘅責任!!!! 大家唔好以為呢d只係粵語殘片嘅橋段, 諗真d其實係合理並且好自然嘅path, 亦係我自己屋企嘅真實個案. 唔好意思, 講呢d好似有些少離題, 不過我只係想話比d想高齡再產嘅父母聽我地呢d年長子女嘅心聲唧, 希望佢地唔好只顧自己嘅喜好而再產, 而要考慮自己嘅能力先決定啫....