吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 可唔可以比返個阿媽我??

自由講場今日: 2209|主題: 1351348

收藏本版

發帖

返回列表

跳至頁

樓主: Candy_family

可唔可以比返個阿媽我?? [複製鏈接]

nicolwong

男爵府

積分: 9775

21^#

發表於 11-11-21 10:49 |只看該作者

可唔可以比返個阿媽我??

樓主呀!我同你一樣，我都畀唔到阿媽幾多。不過，就自己攞得出幾多就幾多。阿媽都知我環境，佢心裡面多少都會怨我唔生性，早嫁人(有咗先。)，顧唔到屋企就走咗去。依家我都keep住同佢傾電話，無論大時大節，抑或假期唔駛返工，都會揾阿媽。你咩環境，佢應該知。只係有怨言，呢個一定有架啦!有邊個想自己仔女捱窮、受苦？老公自己揀，頭家係自己嘅，要好好努力呀!媽媽果邊一定知你孝順，有心。會明白架！

點評

Candy_family thanks! 發表於 11-11-21 11:30

做一個c9唔係易事.

私人傳訊

Chocobean

男爵府

積分: 6525

畀面勳章貢獻勳章環保接龍勳章

22^#

發表於 11-11-21 11:07 |只看該作者

Candy_family 發表於 11-11-21 10:38
回覆 shalaladream 的帖子

我知, 我其實一直以黎都係無奈, 我無嬲媽咪, 因為媽咪得一個, 當年我得幾個月大 ...

樓主.......如果你懷疑學校有人非禮你嘅小朋友，你會唔會想佢哋死忍？會唔會小朋友好驚咁話『冇』就算？
如果第日你小朋友拍拖，對方只會想攞錢，冇錢就唔call，有就貼俾另外一個伴侶，你會戥你小朋友擔心嗎？

好同情你同媽媽嘅關係唔好，
但係咁喎，你自己都已經係人哋媽咪，
你嘅小朋友會知道，會學你架。
你如果唔想小朋友認為自己係冇價值嘅，係可以咁樣俾人對待嘅，
你要知道自己嘅界限係邊到咯。
冇理由你媽咪自己有錢都要辛苦你小朋友攞你架。
你就算中咗六合彩，俾晒媽咪，佢又會錫你多啲嗎？

私人傳訊

Candy_family

伯爵府

積分: 17891

23^#

發表於 11-11-21 11:15 |只看該作者

回覆 Chocobean 的帖子

其實都左今時今日, 我媽已經知道阿叔點對我, 而且個男人都係咁對我妹, 我妹係同性戀都係因為呢個人(我之後先知), 但我媽都無反應, 我地可以點? 佢要錢我比唔到佢, 佢覺得我不考, 周圍同親戚講, 我又可以點? 我當然唔會比兩個仔知, 我仲要兩個仔多D錫婆婆, 我就係知我點對我媽, 佢地日後先會識得點考順我, 而且咁多年前嘅事, 我而家先講? 都唔知點開始講, 我又明知佢知, 唔通我抓爛塊面話我好介意佢點對我, 而又得唔到佢答案? 咁做好似對大家都唔好

私人傳訊

shalaladream

別墅

積分: 769

24^#

發表於 11-11-21 11:21 |只看該作者

回覆 Candy_family 的帖子

唉~!原來件事比我想像中複雜......
應該唔只係錢銀咁小事,佢自己都有心結解唔開

見你講返以前既事,佢都係鍚你既.
佢咁後生就冇咗老公都好慘,所以佢係好冇安全感既,所以好希望你可以照顧到佢,
因為仔女點都係最親既係咪?!
只有愛先可以化解你地之間既問題,你想要返個媽媽就要睇你幾有決心啦!
唔開心就係bk揾人傾吓,唔好自己一個唔開心知嗎!

點評

Candy_family thanks! 發表於 11-11-21 11:27

私人傳訊

manman800800

男爵府

積分: 7569

環保接龍勳章

25^#

發表於 11-11-21 11:28 |只看該作者

樓主你會唔會諗多咗呢?

可能你媽媽知你要湊兩個小朋友會好忙，所以唔揾你姐?

私人傳訊

siuyi

男爵府

積分: 6768

26^#

發表於 11-11-21 11:31 |只看該作者

人係有好多種,
不論身份 (即媽媽),
佢要向錢看都無佢計!!!
自己問心無愧就算~
專心一意照顧好自己屋企吧!!!

呢個世界,
"母親係最偉大" 呢句說話不是定理,
睇下新聞都知,
又虐兒又乜又物...
唔係每個人都識真正做媽媽的意義!!!
任何關係都係要基於互相尊重及互相愛護, 才有真正的愛衍生!!!
即是說, 為人父母者, 要子女孝順? 首先也要自問自己是否有盡父母責任去愛自己仔女!

點評

Candy_family

我衰, 我唔想承認呢樣野, 我依然期限媽咪錫, 可能我已經無daddy啦發表於 11-11-21 11:34

私人傳訊

vickymok717

王國會長

積分: 26868

虎到金來勳章牛年勳章畀面勳章 wyeth冷知識勳章王國會長環保接龍勳章 BK猜猜猜慶中秋

27^#

發表於 11-11-21 11:54 |只看該作者

無一個阿媽會唔錫仔女嘅, 你都做咗人阿媽, 你應該明白啦, 唔好諗太多啦

每日望住佢哋就充滿力量啦!

私人傳訊

siuyi

男爵府

積分: 6768

28^#

發表於 11-11-21 12:13 |只看該作者

Candy_family
我衰, 我唔想承認呢樣野, 我依然期限媽咪錫, 可能我已經無daddy啦發表於半小時前

很明白你的心情!!!
所以與其這樣, 現實是不能改變, 就唯有安於天命!!!
樓主既然已有自己家庭, 有丈夫有子女,
就專心一意好好照顧自己家庭, 把心思放在他們身上吧!!!
你把自己的母愛對給予你的孩子,
免他們重蹈你的覆轍,
讓他們感受真正的母愛吧!!!
一心一意對住自己孩子,
就會減少心神去想不開心的事情!!!

私人傳訊

Chocobean

男爵府

積分: 6525

畀面勳章貢獻勳章環保接龍勳章

29^#

發表於 11-11-21 12:32 |只看該作者

Candy_family 發表於 11-11-21 11:15
回覆 Chocobean 的帖子
我就係知我點對我媽, 佢地日後先會識得點考順我

Candy 妳誤會了。我嘅意思係：妳嘅責任係要教導子女，如何保護自己，
唔好俾人不公平對待都死忍。
當然唔係叫妳反面，過咗咁多年，提返都冇用，
但要學會點樣『止血』：如果媽咪想好好哋相處，咪間中同佢出去飲茶，AA咯，
但如果開口埋口都話你冇用，冇搵錢乜乜乜乜，
妳有責任同細路講，唔可以咁樣對人講嘢，唔可以用錢衡量關係，
唔可以利用一個人嘅孝心或良心，榨取金錢/同情/愛。
唔良好嘅關係，有時要節制，見少啲，自己都唔會咁唔開心......

我媽咪俾佢嘅潮州媽咪榨取咗40幾年，
同老公反面，都係為咗攞錢返外家，
自己兩個囡都冇嘅嘢都買俾媽咪，
最後一樣得唔到婆婆歡心，一樣偏愛冇用/常話窮嘅大仔，
一樣只會問攞錢。做酸女嘅我，都唔會話唔中意婆婆嘅，我都明白佢係環境逼成咁。
但我睇住自己媽咪『撼頭埋長』，撼咗幾十年，得個吉，
睇住媽咪，兒時嘅傷害依然在淌血.......
其實唔健康咯。
媽咪我一定錫，一定唔會覺得佢不孝，
但我都想我媽咪『自愛』一啲......見到媽咪同妳咁，作為兒女，好心痛架。

點評

Candy_family 好多謝你嘅分享, 我會努力架喇, thanks! 發表於 11-11-21 13:09

私人傳訊

khmama

大宅

積分: 1886

30^#

發表於 11-11-21 13:48 |只看該作者

潮州人好似都比較重男輕女同埋睇個錢都幾重, 但愛係唔可以放係個天秤上面量度, 唔係付出一分就要收番一分. 你倒不如想想世界上有一個人讓你可以付出愛, 其實已經係一件幸福既事, 你無須要計較收番幾多. 依家你重可以打電話同媽咪傾計, 因為知道佢過得平安而覺得高興, 當佢他朝行咗去, 你想愛都冇機會, 要珍惜眼前人.