吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 使唔使同個孫咁計較？！為左阿女我決定左............ ...

自由講場今日: 1439|主題: 1352540

收藏本版

發帖

返回列表

跳至頁

樓主: 好人

使唔使同個孫咁計較？！為左阿女我決定左............

[複製鏈接]

123 4 5

cyhin

男爵府

積分: 8480

21^#

發表於 11-12-21 09:58 |只看該作者

引用：+本帖最後由+好人+於+11-12-21+08:40+編輯+

原帖由好人於 11-12-21 發表
本帖最後由好人於 11-12-21 08:40 編輯

講錯左應該係使唔使同個孫〝女〞咁計較？！如果果個係孫應該唔 ...

Good idea

私人傳訊

喵喵小咪

子爵府

積分: 14588

22^#

發表於 11-12-21 09:58 |只看該作者

點解要計較幾多利是O者?? 心意之嘛.....正所謂冬大過年.............
佢著緊做冬唔記得你個女生日都人知常情既..老人家...原諒佢啦

私人傳訊

miffymiffy

瑪瑙宮

積分: 131816

好媽媽勳章醒目開學勳章畀面勳章環保接龍勳章親子達人勳章 BK Milk勳章

23^#

發表於 11-12-21 09:59 |只看該作者

利是利是, 只係討個意頭.

子女得到父母愛鍚, 已經無比幸福. 其他人的, 已不重要.

私人傳訊

cloudwingwing

珍珠宮

積分: 47936

開心吸收勳章

24^#

發表於 11-12-21 10:11 |只看該作者

莫講話老一輩唔慶祝生日
我同老公生日都係求求其其食餐飯
我99連自己暫時唯一的孫仔名都記錯, 我又覺得冇乜野, 老人家有時冇乜記性

私人傳訊

bobosweet

珍珠宮

積分: 43720

25^#

發表於 11-12-21 10:14 |只看該作者

我兩個仔舊曆生日係幾時, 都係唔記得咁清楚, 要check先知, 年年都miss左!

點評

KT0603 我都係呀

發表於 11-12-21 12:55

私人傳訊

laiyuen

公爵府

積分: 25238

26^#

發表於 11-12-21 10:24 |只看該作者

回覆：使唔使同個孫咁計較？！為左阿女我決定左............

樓主，我明白你。我仔BB嗰時好扭計好難湊，帶親佢出街食飯就喊同勁扭，所以我62好唔鍾意佢，話佢唔聽話，成日當我面話我仔扭紋仔，但係佢好錫另外兩個孫女。我當時都唔開心，所以好少同佢地食飯。但後來我62過左身，諗返以前，覺得自己好唔啱，好不孝，無論點佢都係我老公既爸爸，我應該喺佢有生之年孝順佢，亦唔好令老公難做。佢錫唔錫我仔係一件事（因為我地100%錫囝囝），但佢始終係老公既爸爸，我唔可以因為我仔既事影響佢地一家人食飯/一齊既權利。所以樓主，你都係返去做冬啦，免得你老公難做，亦趁有機會一家人聚埋既時間大家相聚下。你可以中午或下午同你個女慶祝咗生日先，夜晚再返去同6299做冬啦！

預祝你囡囡生日快樂，身體健康！

點評

好人多謝！發表於 11-12-21 12:47

私人傳訊

waic

珍珠宮

積分: 45172

27^#

發表於 11-12-21 10:36 |只看該作者

我反而唔想屋企人記得我或我仔生日, 特別係碰上大節, 如中秋 (今年就係), 我細家姐實記得我地生日, 我就叫佢千萬唔好提我大家姐, 免佢破費, 一家做節時唔肯收我夾的錢, 佢都好啺我仔, 只係唔記得我地生日姐, 所以我更加唔想佢記得, 自己同仔可以提前食餐飯. 其實生日姐, 年年都有, 真係唔想家人破費.會令我唔好意思. 我知佢地啺我地就得. 但我實記得我姨甥女生日, 因佢係我家中第一個外孫, 不過都只係比封利是咋, 冇同佢食飯慶祝.

私人傳訊

AndyMah

大宅

積分: 3712

好媽媽勳章醒目開學勳章畀面勳章環保接龍勳章

28^#

發表於 11-12-21 10:52 |只看該作者

本帖最後由 AndyMah 於 11-12-21 10:56 編輯

好人發表於 11-12-21 09:03
回覆 LUON 的帖子

你講得岩，我係計較緊，我計較左10年，因為我唔想我生的係女，就咩都要男孫有，個女孫先 ...

勸樓主無謂太計喇!
我老豆咪仲封建, 除咗分男女孫, 仲要分內外孫.
男內孫就最好, 跟住就女內孫, 再落係男外孫,
可想而知女外孫幾慘 (成日當d外孫女透明添呀!)

我地係窮等人家都咁, 如果有錢真係...

ps : 其實預著呢d 節日, 真係自己在家同女慶祝就夠架喇!

私人傳訊

clara1975

伯爵府

積分: 18754

畀面勳章

29^#

發表於 11-12-21 10:59 |只看該作者

我 6299內外孫一共十一個....佢地都未記得哂 d 孫生日..
如果記得就會比..唔記得就由佢地..因為仔女生日只要有父母陪慶祝就 ok..
有其他人記得就當 bonus..

只於偏心...真係控制唔到老人家架喎..大人之間都有人夾人啦..更何況咁多小朋友..佢地要公平一致係困難 d...呀

私人傳訊

laing0722

男爵府

積分: 7520

畀面勳章

30^#

發表於 11-12-21 11:27 |只看該作者

我女生日係年廿六..有時仲會當晚團年
咪日頭同佢去玩下, 下午來個小PARTY
咁仲好啦,唔洗特別約人...約人約到頭都大
每人送他一句祝福~我已經心滿意足
一切都只係身外物.所以我自己都唔一定送禮物比佢
等佢知道,不是必然!祝福勝於一切
比得不甘不願既禮物...點都不及一句出自內心既祝福

放開執著,人都開心D

私人傳訊

Elefant老婆

珍珠宮

積分: 37317

好媽媽勳章醒目開學勳章畀面勳章

31^#

發表於 11-12-21 11:55 |只看該作者

koey0401 發表於 11-12-21 09:11
有時真係唔明老人家諗咩，我女女今年第一個新年，老爺話封500比佢，之後又話，如果我再生多個，果個封1000 ...

俾我會嬲佢當我睇錢份上嚟生，用錢嚟鼓勵我生多個，唔會覺得佢大細超。

私人傳訊

ericawong213816

男爵府

積分: 5839

32^#

發表於 11-12-21 12:00 |只看該作者

回覆：使唔使同個孫咁計較？！為左阿女我決定左............

巧少事啫，冇謂勞氣傷身！

私人傳訊

newcook

水晶宮

積分: 51401

2025勳章 2025勳章蛇年勳章 2024年龍年勳章 2023年兔年勳章牛年勳章好媽媽勳章醒目開學勳章畀面勳章

33^#

發表於 11-12-21 12:05 |只看該作者

方麗娟發表於 11-12-21 09:27
樓主你明唔明, 其實呢句先至係重點.
一, 中國人冬大過年, 做冬係最大, 冇理由被一個小朋友生日喧賓奪主 ...

same view here!

我覺得係樓主太計較, 多多得罪~

我搞下笑架咋, 唔好插我呀!!!!!!!!!!

私人傳訊

三順

水晶宮

積分: 55562

好媽媽勳章醒目開學勳章畀面勳章

34^#

發表於 11-12-21 12:27 |只看該作者

我同呀仔好多時撞正o向農曆年生日，咁又點，我又唔會尊登提住話比人知，自己一家知咪得囉，可以中午興祝或提早興祝咪得囉，至於封利是呢個問題，你明知老爺封得有原則就唔好介意啦，起碼佢都仲會封利是代表佢有心意咪得囉。

典解茅lala又要禾千名

私人傳訊

好人

男爵府

積分: 5029

35^#

發表於 11-12-21 12:36 |只看該作者

回覆方麗娟的帖子

其實一時間都好難講得清楚呢10年的恩怨，我明白人會偏心，中國人重仔，我老爺重仔我都冇野講，因為佢起碼都知我兩個女係佢嘅孫，只係冇對大伯兩個仔咁錫法，我都睇得開，而我99一向話鍾意女，但係連外人及親戚都睇得出佢重仔重得好緊要，在我來講，我介意的係佢對自己的女孫比外人都不如，(佢從來唔會買衫俾我女，年尾就買幾袋衫來，跟住叫我女試衫，跟住話係買俾大陸親戚個女的(有錢人)，話如果我女鐘意就拿件啦！)，我老公屋企係好重視生日的，以前就算小朋友生日都大家一齊出去慶祝，後來關係差左就各自同老人家慶祝，有一年我女生日，我又叫左老人家來打邊爐，因為雪櫃細唔想剩太多食物，所以就人數去買，點知佢地帶左大伯個仔來，咁算啦！細路仔一齊開心下，點知每次一滾打開蓋，99同62即刻將佢個孫岩食的撈晒去，連問我兩個女要唔要都冇，由於小朋友鍾意食的差唔多，佢又冇諗下兩個女孫要唔要分少少，所以我兩個女咩都冇，其實呢d我原本慣左了，因為佢地連同外人去街食飯叫碟炒蜆，碟蜆來左佢地就同個孫話你鍾意食成碟拿去啦！冇錯係成碟拿去，跟住成碟拿左去放係佢個孫面前，面前的意思係碗的旁邊，不過呢d只係佢的事，但我個女生日，又將所有野撈晒俾個孫，我當時都覺得有冇搞錯.................冬至生日一齊慶祝原本係好正常的事，因為佢地屋企重視生日多過冬至，但係依家咁規定法，我寧願自己一家去慶祝算了，我小朋友的利是我各自幫佢地儲，我唔想有一個年年要收少左，原因係因為佢冬至生日，錢對老人家多少唔自在，對我地都冇所謂，但我可以為個女做的我想盡量去做，令佢得到與其他兄弟姐妹公平嘅野。

私人傳訊

ipipipip

侯爵府

積分: 24598

36^#

發表於 11-12-21 12:42 |只看該作者

樓主放鬆D啦
咁計法自己又唔開心,你身邊的人又唔開心
人一生入面要經歷好多起跌風浪,唔好浪費氣力係呢D小事身上啦
仲有好多更重要的事要去應付呢

千祈唔好將呢股不滿傳去個女度呀
等佢可以做個開心的小朋友咪幾好
生日又有飯食又有人陪佢玩又有利事收,好開心架啦

私人傳訊

好人

男爵府

積分: 5029

37^#

發表於 11-12-21 12:46 |只看該作者

回覆三順的帖子

因為阿女間學校年年冬至要返學的，中午佢係唔同我見面的，所以只有晚上可以慶祝，佢之前已日日倒數緊自己的生日，我唔想去到個個心裡都知係阿女生日但要扮唔知，其實去食飯的只有我一家同大伯一家，同兩個老人家，大家都心知冬至係我個女生日，(因為佢地好重視生日，所以每個人的生日大家都會好記得，包括我大伯兩個仔的農曆生日我地都記得)，我亦唔介意人地使唔使知，但我想食飯時同個女開開心心講生日快樂，俾佢覺得係為佢慶祝，所以我選擇自己去慶祝。