吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 唔知仲有冇人想睇下文呢?

婆媳關係今日: 0|主題: 27778

收藏本版

發帖

返回列表

跳至頁

樓主: ACB@2011

123 4 5...17

積分: 1280

21^#

發表於 12-4-15 01:08 |只看該作者

中秋到喇, 點知 99 嗌食做節飯果晚我去唔到, 咁我見佢往年都係食兩次, 咪唸住佢地食第二轉先去囉, 於是我叫 C6 同佢講聲話我去唔到, 點知 C6 竟然到場果刻先同佢講喎........之後 C6 講返俾我知嘅時候; 我已經心知不妙架啦, 於是就頻頻問住 C6 幾時食第二次, 直到正日都冇乜聲氣, 我咪自己打俾 99 嚟問囉, 點知俾佢噴到一面屁:"果日咪食咗囉!!!!!!" 向高到盡嘅八度之下收線, 真係俾 C6 累死呀... 我當然忍唔住喪插 C6 啦
到第二年嘅中秋, 親住食 99 嘅生日飯 (佢晌中秋前生日嘅) 就問定幾時做節啦, 點知 99 話:"氣...或者唔食呢!!!!" 仲要又係高八度嚟講添....99 真係好記性到吖.....投晒降呀.... .....當時仲要係晌一間日式餐廳食緊飯嘅, 連幫我地落緊單嘅侍應都特一特, 可想而知晌一間貢嘈嘅餐廳環境裡面, 佢都變身變得咁隨便, 完全唔洗揾電話亭囉......

私人傳訊

ACB@2011

大宅

積分: 1280

22^#

發表於 12-4-15 01:09 |只看該作者

原帖由 jesuslovesyou 於 10-11-12 13:34 發表
係囉...唔係年年食兩轉ga 咩？

點解你入左門之後只食一轉呀...?

agree...有時 c6 醒唔醒水.....係婆媳關係good/bad 既關鍵, 有時...係d 男人自己擺老婆上枱都唔知囉佢地自己都唔識呢d ...

唔係........係佢零零卸卸果劑玩鬥氣啫, 因為我過咗門之後到依家為止; 都只係得果次係食一劑咁少架啫, 而果次中秋嘅正日, 以我記憶所及 6299 結果跟咗 KN 去燒野食嘅, 仲明知 62 思想咁傳統 (街外飯淨係鐘意去食中菜 or 小炒果類嘢), 唔知做乜無里頭咁捉咗佢地去燒野食.......

冇錯, 我曾經有一次忍唔住咁嚟問我 C6:"查實你係咪好鐘意見到我地 D 婆媳關係咁差架啫?" 因為好多時其實晌 99 嘈到砰砰聲十盞燈著晒嘅時候, 只要佢講一句:"食飯啦, 唔好講啦..." 咁 99 就會收聲架喇, 但係佢都唔做, 仲話返我轉頭:"妳咪唔好理佢囉" 我話:"點唔理呀, 佢係咁嘈..." "佢講完就冇嘢架啦, 所以我從來都唔采佢架 (意思係 99 嘈緊果陣), 我亦都食飯就食飯, 如果食飯都要咁留意佢地講乜嘢, 咁都好辛苦啫..." 有時我 C6 甚至會話:"我唔覺得佢地咁樣講嘢有問題喎?!" "冇問題?????? 佢嘈到連落單果都望住我喎" "係咩? 咁我又唔知喎" 所以....其實今時今日, 我已經唔會再呻俾我 C6 聽 99 D 過份嘢, 因為佢都冇知覺嘅......

私人傳訊

ACB@2011

大宅

積分: 1280

23^#

發表於 12-4-15 01:09 |只看該作者

原帖由 jesuslovesyou 於 10-11-12 13:35 發表
我唔明點解呢版咁多99...

在囝囡面前扮慈母...

在新抱面前就"原形畢露"...

@@ 有時諗...真係親疏有別, &...可能我地係"外人"....變左好多野, 睇得 "客觀" 左......(囝囡或多或少 "美化"阿媽...) ...

我就覺得係 D 做 C6 嘅男人對住 D 咁有問題嘅阿媽太耐; 滑晒釾啫, 寵到佢地 D 阿媽成個 "港奶" 咁......

私人傳訊

ACB@2011

大宅

積分: 1280

24^#

發表於 12-4-15 01:10 |只看該作者

我同我 C6 嘅關係好差, 因為有好地方磨合唔到, 當中當然包括每次 6299 嘅橫蠻所為啦, 99都知道我地好多 quarrel, 理所當然嘅情況底下; 99 同 KN 針對我嘅情況日益增加啦, 結果有一次, 我又趕走咗 C6 返去佢新界西嘅屋企 (因為婚後佢搬咗入嚟我屋企住), 而果段期間; 唔知佢係咪返得去 99 道好密啩, 所以 99 主動打我手提叫我上去佢道食餐飯, 我好直接咁拒絕佢 (因為果次嘅情況係去到我打算同 C6 搞離婚, 所以判死咁嚟 say no), 咁佢惟有晌電話樹同我傾, 佢冇鬧我, 只係問我我地成日嘈咩, 我第一次對佢數晒對 C6 嘅不滿, 仲講埋俾佢知我已經打算同佢個仔搞離婚手續, 佢聽完之後, 好似如夢初醒咁第一次知道晒佢果個寶貝仔原來係一個咁嘅人......之後我同 C6 離離合合咗好多次, 仲有一次上埋去 99 道傾, 果次 99 仲拉咗我出走廊嚟同我傾, 叫我俾面佢唔好搞離婚 (可能因為佢知道咗我為佢個仔付出咗有幾多嘢), 臨走佢猛同 C6 講:" XX 你生性 D 啦, 唔該你" 結婚週年出街同 C6 食飯, CH 打俾我地, 祝我地結婚週年快樂, 再將電話俾 KN 講, KN 知道我同緊佢阿哥食飯慶祝就同我講:"咁就好囉, 最緊要以後開開心心, 唔好再講話咩離婚啦" 咁我就知道咗 99 將所有嘢講晒俾其他人知喇, 而由果一刻開始, 的而且確佢地對我嘅態度係有所改善, 之不過................

私人傳訊

ACB@2011

大宅

積分: 1280

25^#

發表於 12-4-15 01:10 |只看該作者

之不過我同 99 & KN 嘅情況其實唔係好咗好耐, 而我同 C6 已進入分房瞓嘅階段 (因為我知道咗, 原來晌法律上, 分房係等於分居嘅), 因為 C6 唔想離婚, 但係我想, 佢唔肯搬走, 我惟有一邊揾地方搬; 另一邊廂揾緊律師搞手續....
KN 開始故態復萌, 99 就開始覺得係我地唔夾, 離婚, 係遲早嘅事, 所以我又少咗同佢地見面好多.......
分房瞓半年之後 (因為小女才疏學淺, 揾嘅錢好有限, 而個市又係咁升, 真係好難揾地方搬, 再者, C6 佢負責晒全屋開支嘅, 所以我咪慢慢揾囉, 不過我地只係好似同屋住咁嘅關係, 互不相幹), 我開始覺得 C6 個心有咗第二個, 為咗想 cfm 一下 (因為如果係真嘅話, 離婚手續可以加快), 所以我俾咗一次"甜點"俾佢, 唸住氹佢講出嚟, 結果初步如我估計之內, 但係仲有好多嘢未肯定到, 而 C6 仲以為我對佢死晒嘅心有轉機......之後我都已經做晒心理準備唔會 found out 到真相架喇, 叠埋心水拖兩年啦 (因為 C6 唔肯簽紙), 點知............我竟然晌里個時候發現自己....................有咗........@!@

對唔住呀咁多位, 因為要交代一下里個情況, 先至可以帶出點解我同 C6 晌關係咁差嘅情況下, 而我又竟然有咗; 同埋之後 99 本來預晒我地離婚; 但又忽然知道我有咗之後所發生嘅事, 所以今集要集中講多 D 我同 C6 嘅嘢先得.....

私人傳訊

ACB@2011

大宅

積分: 1280

26^#

發表於 12-4-15 01:11 |只看該作者

當我發現自己有咗嘅果一刻, 我 C6 當然勁開心啦, 佢開心到係我識佢咁耐以嚟都未見過嘅, 但係與此同時我已經係流緊啡作緊小產喇, 咁啱果段時期佢又冇工返, 所以就全天候嚟照顧我, 之不過我亦終於知道咗佢個心裡面嘅另一個係邊個, 所以......我晌果一刻係好唔知點算好.....
99 知道我有咗之後主動揾我, 但係 D 態度就......請各位幻想用高三度嘅形式嚟唸下我 99 講:"點呀? 見點呀? 醫生點講呀? 有咗幾耐呀? 唔好落地喎, 有咩就叫阿 XX 做啦" 完全擺出一個唔在乎嘅態度, 我覺得:"好心就咪打嚟啦, 要我忍住度氣嚟應酬妳...

私人傳訊

ACB@2011

大宅

積分: 1280

27^#

發表於 12-4-15 01:12 |只看該作者

我瞓咗差唔多一個月床, 佢每個禮拜都打一次嚟用里 D 高三度嘅音調嚟問候下我, 我都仲忍耐到, 但係每當佢叫我唔好做某 D 毫無科學跟據嘅嘢嘅時候, 我就好想收佢線......
最終, 佢都冇嚟睇過我, 真係 Tks 晒 God 呀!!!

私人傳訊

ACB@2011

大宅

積分: 1280

28^#

發表於 12-4-15 01:12 |只看該作者

上回講到我 99 最終都冇晌我作小產嘅果個月嚟睇過我啦, 而我 C6 一直都冇同我交代佢"個心"有第三者嘅里件事, 之後開始見好 D 就返返工, 點知冇耐又發咗幾日燒返唔到工喇, 其中有一晚, 可能因為全日都靠鮮奶同麵包充饑, 所以十分期待我 C6 買嘢返嚟俾我食, 點知佢要先返去 99 樹然後先拎嘢俾我食, 搞到我餓到發晒脾氣, 99 就晌 C6 未返到嚟之前打嚟問我有冇事, 可能真係餓到冇晒 EQ, 所以盡吐真言慶乜啦, 點知 99 嘅回應竟然係:"咁妳咪煮個麵食住先囉", 佢意思係寄然咁肚餓; C6 又未返, 咁咪煮個即食麵食住先囉...我心唸:"我係一個發緊燒嘅大肚婆嚟喎, 就算唔係發燒都唔應該食即食麵啦, 發燒果個係咪妳; 唔係我呀?"
聽到佢咁講, 我果十棧燈著晒啦, 咪講埋 C6 其他 D 問題囉, 其中我同 99 講:"如果我用佢對妳咁嘅態度嚟對我媽咪, 肯定好細個就俾媽咪打啦" 99 又如以往咁推卸責任咁答話:"都係以前阿嫲種到佢咁啦" 俾著以前我會唔出聲頂佢嘅, 但係果次我嘅 EQ 實在太底啦, 所以我就一句"得"埋去咁話:"個囝妳冇份架, 妳生個喎..." 諸如此類嘅對話維持到 C6 入門口佢就話收線喇, 叫我快 D 食嘢先喇.....之不過我講返俾 C6 聽 99 叫我食即食麵嘅事, C6 都擺出一個極度無奈嘅樣, 聽埋我講我點樣兜口兜面頂佢阿媽, 佢更加無奈......

私人傳訊

ACB@2011

大宅

積分: 1280

29^#

發表於 12-4-15 01:13 |只看該作者

講完果次電話之後, 我自己都 feel 到 99 好似吹我唔脹咁, 因為佢講好多嘢我都用合理嘅理由反駁返佢, 所以佢都唔敢再主動打嚟; 好似以前咁晌樹 be le ba la 我喇, 因為揾唔到位嚟嘈.......但係我發現佢對 C6 嚴咗, 有 D 嘢唔會再唸住"講完佢都當耳邊風"而唔講 or 揾我嚟盤.......

阿 Be 十六週大時, 我出到成身紅疹, 睇咗好多醫生; 食咗好多葯, 醫生叫我一定要戒口, 所有高蛋白質嘅嘢都唔可以食, 仲痕到 R 到損 + 瘀晒, 晚晚都瞓唔到...

到咗中秋, 食第一轉飯, 又係 combine 埋舅父兩家人一齊出街食, 可能因為舅父同我地住同區, 兼且我陀得唔係咁穩嘅關係, 所以 99 成家就我地入咗嚟新界東食......兩家人加埋十多人, 一圍枱, 舅父揀咗圍頭菜嚟食, 上翠玉瓜炒花枝片, 我 C6 問我食唔食得, 我話我皮膚病要戒口唔食得喎 (我 C6 係一位頂尖級失憶人仕), 跟住 99 就高兩度咁嚟問:"咩皮膚病呀? 唔食得海鮮咩?" 咁我 C6 同我都平心靜氣咁嚟解釋俾佢聽; 話咁咁咁, 所以醫生叫我唔好食 D 乜乜乜咁啦, 咁我已經見到佢開始想變身架啦, 但係又無奈地駁唔返我地轉頭, 惟有好唔耐煩咁話:"咁食 D 瓜啦", 之後已經有少少乘機揾嘢發洩話:"依家 D 酒樓真係識揾笨呀,用埋晒 D 平嘢, D 咁嘅翠玉瓜, 洗幾多錢斤啫........" 不過冇人應佢........... 到上節瓜瑤柱圃, 佢叫我:"食舊瑤柱啦", 咁 C6 又問埋一份, 我咪又再答:"我唔食得海鮮呀, 你地食啦", 99 即時高四度咁話:"瑤柱邊樹係海鮮嚟呀?!" 我冇出聲, 費事當住咁多人嚟頂佢啦, 但係 C6 竟然識答佢:"妳咩都叫佢食, 咁點得架!" 舅母又加把咀話:"不過妳皮膚有事就真係唔好食海鮮啦" 可能因為平時 C6 極少駁咀嘅關係, 又加上連舅母都幫埋我口, 所以佢今次高八度到走火入魔, 徹底地變晒身咁嘈住話:"我地果陣果個年代, 邊有里 D 嘢食架, 食咩呀! 食魚毛架咋 (因為仲有條魚上咗枱)" 我心唸:"以前點同啫, 以前 D 魚都冇雪茄毒啦" 但係我見佢發晒癲咁, 梗係唔敢出聲啦, 點知就晌里個全場靜晒嚟由佢癲嘅情況下, KN 竟然出口相助話:"年代都唔同, 以前 D 魚有冇雪茄毒呀?!" 跟住我就忍唔字咁話:"係囉, 我都想講呀, 以前 D 魚邊有雪茄毒啫!" 咁佢當堂呆咗兼收晒聲, 舅母就話:"又係啵..." 之後.........我唸唔洗我講, 大家都會估到佢梗係嬲到震啦, 因為連我自己都估唔到 KN 會幫我出頭架嘛, 後來舅父仲問我:"洗唔洗叫碗其他嘢妳食呀? 夠唔夠飽架?" 我同 C6 都話夠架啦, C6 仲話夜 D 佢見肚餓嘅話屋企仲有嘢食.......直至散水佢都冇乜再點講嘢喇, 舅父見我令轉頭嚟同佢地講拜拜; 仲叫住我"睇路呀!" 99 見個個都咁, 塊面黑到..........................

私人傳訊

ACB@2011

大宅

積分: 1280

30^#

發表於 12-4-15 01:13 |只看該作者

原帖由點解我咁黑於 10-11-20 01:08 發表
樓主... 個第三者幾時現身?

我唔知應該揾邊個位嚟加插里段, 所以不如額外回覆里個問題啦.......

第三者本身係一位同我好熟嘅朋友, 雖然我冇就里件事揾佢當面對質, 佢亦冇主動同我傾過, 但當我知道 C6 咁樣嘅時候, 我依舊選擇放手由佢走, 所以我仲刻意唔出席佢地兩個會同場出現嘅 function, 以至增加佢地相處嘅機會率, 不過有另一位我地大家都視佢為極度尊重嘅長輩走出嚟調停 (因為我向另一個 friend 呻過里件事, 佢走去講咗俾阿長輩聽), 得出嚟嘅結果就係 C6 雖然一直否認對該第三者係冇嘢, 但係行為上非常可疑, 而阿第三者同阿長輩講話佢對 C6 都係完全冇嘢嘅, 但係行為上佢亦曾經做咗一 D 令人懷疑嘅舉動, 兼且佢地就好似 D 緋聞男女主角咁, 完全不避嫌咁繼續一齊出席某 D function...

所以我依家係完全抱住平常心去面對里件事嘅, 同時亦會好好咁照顧自己身體同 BB, 心態係"你要走, 我唔會留, 只要你盡返做爸爸最基本嘅責任, 經濟上 support 個仔到大就得架喇, 至於我, 唔需要你嘅照顧喇", 行動上, 我亦做得到嘅, 就好似我啱啱入完 PWH 咁, 我完全冇唸住要通知 C6 嘅, 直至到醫生 cfm 話我一定要留醫, 我都只係 send 個 msg 俾佢啫 (我陀住佢個仔, 佢會想知我點解冇返屋企瞓嘅), 佢知道之後打嚟問我咩事, 我都只係玩冇獎問答遊戲咁, 問乜就答乜, 唔會一五一十咁 report 晒俾佢聽嘅...平時, 我地依然係同屋住嘅關係, 分房瞓; 如非必要亦唔會過問佢任何嘢......

私人傳訊

ACB@2011

大宅

積分: 1280

31^#

發表於 12-4-15 01:14 |只看該作者

原帖由小寶貝兒於 10-11-25 17:59 發表

即係你老公同你呢位朋友而家係曖昧中?

如果係我, 即使心痛我都會主動離婚, 總好過大家都痛苦~
不過睇你寫既野, 似乎你已經有d心如止水, 咁我覺得如果你唔會好辛苦既, 是去是留都對你冇影響~ 咁又真係冇乜所謂~~ ...

完全正確, 何必為一時嘅唔甘心而令自己同個仔受更多嘅苦呢...@?@...只要清醒一 D 嚟去睇, 就一切都唔需要太過耿耿於懷, 依家我地大部份嘅生活費都係佢出, 咪親機儲多個錢俾自己同個仔囉, 就算萬一佢他朝一日衰到一走了之, 我地都唔洗瞓天橋底嘛, 仲要每個月調走晒儲嘅錢, 免得離起婚上嚟要俾佢分走一半呀.....不過咁...倘若佢知錯能改; 又對得我地越嚟越好嘅話, 佢有難起上嚟, 我都好願意攞一半身家嚟幫佢嘅......但係點都唔會瞓盡個身嚟幫佢囉, 唔為自己, 都要為個仔唸架~~~

私人傳訊

ACB@2011

大宅

積分: 1280

32^#

發表於 12-4-15 01:14 |只看該作者

之後例牌地返 99 屋企食第二次嘅中秋飯, 一入屋佢就問我地飲唔飲湯, 我即刻好有危機意式咁問:"99 咩湯嚟架?" 佢唸咗一唸口窒窒咁嚟答我話:"雞湯嚟架咋, 啱妳飲架啦" "哦...唔該 99" 之前都提過, 我 6299 煮嘢好鐘意多鹽多糖多油, 所以碗湯例牌一個金鋼圈, C6 見我左避右避 D 油嚟飲, 咪又問 99:"你地唔係有個隔油壺架咩?" 99 又依舊輕微發爛咁答:"里 D 邊算係油嚟啫!!!" 我就依舊唔出聲由佢, 飲淨最後果兩啖倒咗佢就算喇...
等齊人, 開始食喇, 邊食邊傾嘅時候講到照到應該係囝; 同埋我未有腰骨痛, 99 話:"其實囝囡都冇所謂啦 (我唔知道佢係咪真係冇所謂嘅)......會腰骨痛架咩? 邊關事呀!!!" KN 嘅反應係:"有雀仔架..............咁咪好囉" KL 就真係好似好開心咁話:"囝嚟架?!" C6 好開心咁答:"係呀........" 62 就毫無反應............本來我都以為 6299 知道正正式式嘅第一粒孫係囝嘅話會好開心, 點知原來係錯嘅.......V.V
食完飯我同 C6 講話想飲多碗湯, 點知飲咗兩啖 62 話:"係呀, 飲多碗湯啦, D 湯好甜呀, 落咗好多螺片架" 我即刻心唸:"頂............!!!!! 都話唔食得海鮮咯" 99 即時又用賤兔斜視怒 bear 62, 我即刻對俾 C6 話唔飲喇, 好飽, 叫佢飲埋佢....事後我同 C6 解釋點解我唔飲果碗湯:"62 話落咗好多螺片架!" 連 C6 都登大晒對眼話:"係呀!!!"

私人傳訊

ACB@2011

大宅

積分: 1280

33^#

發表於 12-4-15 01:14 |只看該作者

原帖由 little_fairy 於 10-11-27 17:34 發表
一次過睇晒咁多頁..
見到樓主c6仲好關心樓主~
我覺得你c6個心都唔野得去邊...
點解樓主會咁肯定c6同第三者有路??
如果c6個心已經唔0係你度..你有左bb佢就唔會咁高興la~同埋仲企0係你0個邊呀~

另外..你99真係...勁!! ...

我好清楚知道 C6 佢未係同人地有路, 只係佢同人地有曖昧行為啫, 仲要係佢對人地有嘢多過人地對佢有嘢添, 因為我知道我朋友開始知道我知道咗里件事之後, 如果我都在場嘅 function; 佢會識得迴避下嘅, 至於我唔在場嘅 function 我就唔知喇.....我咪提過我將里件事呻過俾一個朋友聽嘅, 我估佢除咗同阿長輩講咗里件事之外; 亦都有同里位曖昧女主角傾過里件事, 因為佢曾經同我講過:"唔可以讓愛"嘅, 又或者佢抱打不平啩....而我亦好清楚咁知道, C6 冇再進攻多一步嘅原因係因為我肚裡面果個係囝啫, 係未知囝定囡之前, 我幾時要產檢, 產檢完醫生有冇話咩....etc., 佢完全唔知兼冇過問過我架.......如果唔係, 我點會對里個男人咁心淡吖...

至於我 99, 銀辛苦都只係其次架啫, 至少...我唔係同佢同住兼住得相距咁遠, 有幾大殺傷力都係久唔久一兩劑, 療完傷咪再接招囉~~~~

私人傳訊

ACB@2011

大宅

積分: 1280

34^#

發表於 12-4-15 01:15 |只看該作者

原帖由 WINGWINGGOGO 於 10-11-27 22:59 發表
sorry呀樓主...我想問你唔驚到時阿b出左世之後你c6會同你爭阿b咩???

放心, 我已經做定晒 reseach, 佢唔會爭得嬴嘅...

1. 因為佢雖然係專業人士, 但係由我識佢到今時今日, 佢冇一份工係佢自己辭職而唔做嘅, 全部都係俾人炒 or 人地叫佢自己離職嘅, 六年以嚟, 轉過至少五六份工, 而最近佢仲失業咗成年幾, 中途只係返過一份兩個零月嘅工, 之後又俾人炒咗, 即係話佢係一個收入極度唔穩定嘅人嚟嘅......
而我就剛剛相反, 我晌由識佢到依家, 都只係做同一份工, 雖然得萬零蚊個月, 但係就非常穩定......

2. 佢跟本就唔肯簽字, 所以如果佢仲搞到同我爭個囝嘅話, 佢知道我更加唔會同佢和解....

3. 佢晌識我之前已經有層樓架喇, 但係一直都唔肯搬出去住, 原因係...........佢唔可以冇咗 6299 嘅照顧
但係我晌未識佢到未同佢結婚之前都係一個人住, 可想而知我嘅獨立能力比佢強好多

4. 連 99 都知道, 如果冇我嘅出現, 佢里幾年 D 財務唔會由負變正, 所以 KN 同 99 其實都好驚我真係唔要佢架, 至少依家佢地個心幾咁唔妥我; 都仲要對我客客氣氣

私人傳訊

ACB@2011

大宅

積分: 1280

35^#

發表於 12-4-15 01:15 |只看該作者

原帖由 MaMaSteph 於 10-11-30 15:04 發表
樓主你真係好堅強~~!!!!

但容許我講句你可能唔係咁啱聽嘅說話:

百世修來同船渡, 千世修來共枕眠~~!!

其實樓主有冇諗過俾你c6一個機會呢?? 雖然你話覺得佢好似有第3者, 但同時又冇真係發生過咩事~!! 可能佢都係一 ...

我唔係唔俾機會佢, 而係佢好似唔想同我重建返個關係咁, 一來係佢依然要我同佢分房瞓, 二來佢依然對我朋友做緊 D 又驚俾人知但係進取緊嘅小動作, 三來佢依然佢有佢生活咁, 完全都冇尊重過我里位同屋住 (莫講話係太太).....
但係佢身邊已經有好好好好好好多人勸緊佢唔好再同我玩各自各生活, 不過佢對住人地同我都係同一個答案:"做乜要好似 report 咁啫..." 咁..........我都冇晒嘢講啦, 而且, 自從我唔問佢任何嘢之後嘅日子; 我地嘅相處真係和諧咗好多, 佢亦明顯開心咗好多.......或者里種先至係佢理想中嘅婚姻生活呢, 只不過唔啱我之嘛....

私人傳訊

ACB@2011

大宅

積分: 1280

36^#

發表於 12-4-15 01:15 |只看該作者

原帖由均均媽於 10-11-29 22:09 發表
下。。你c6搞咩鬼做專業人士都會又成日轉工，又欠債架？唔怪得佢唔肯放你走啦。。。佢咁冇答烚，依賴性超強

其實當我媽咪同阿嫂迫我地結婚果陣; 我都知道未係時候嘅, 之不過當時我已經知道佢咩住好多銀行同財務數, 咁我咪唸, 如果迫佢搞結婚, 咪有藉口迫到佢二按層樓嚟填晒 D 數囉, 所以我硬住頭皮嚟幫埋佢里舖, 希望佢會更加明白我可以為里段關係擺上幾多嘢, 結果數係找晒, 婚又結埋喇, 不過佢係令我失望嘅, 但係我冇後悔過幫佢......
里件事, 係我同 99 講我要同佢個囝離婚嘅果次對話裡面講咗俾佢知, 佢都即時冇晒嘢講, 因為佢冇唸過三個囝裡面最揾到錢嘅果個; 竟然係經濟最混亂嘅果個, 仲晌咁危險嘅情況下過咗六七年.............

私人傳訊

ACB@2011

大宅

積分: 1280

37^#

發表於 12-4-15 01:16 |只看該作者

中秋第二轉飯局有少少補充, 就係飯後我同 KN 傾計講起話食微波爐嘅嘢冇益, 點知 62 插咗句埋嚟話:"妳唔好成日聽埋 D 咁嘅醫學跟據啦, 果 D 咁嘅嘢, 一知半解嚟架之嘛!" 咁我又心唸:"下, 咁唔通你話食羊肉會發羊吊就係世界權威偉論咩...~_~...."
仲有, 99 買咗 D 好得意嘅杯返嚟用, 仲話:"用 D 咁樣嘅杯嚟飲水都特別開心架呵?!" 我就指一指 C6 隨口咁答咗一句話:"對佢嚟講就冇用啦, 佢都唔飲水嘅" 點知 99 竟然答我話:"不過我地一向都唔係幾飲水嘅".............咁..........佢即係想點呢............V~V

因為 99 此舉 (螺片湯事件) 令 C6 都唔再迫我返去食 D 無嗱嗱嘅飯喇, 反而想我多 D 返媽咪道食, 可能佢都知我媽咪煮嘅嘢會對個囝好 D 啩.......

私人傳訊

ACB@2011

大宅

積分: 1280

38^#

發表於 12-4-15 01:17 |只看該作者

到咗重陽, 佢地又係一定要撼家一齊做嘅嘢------掃墓......
我早在一個禮拜前問定 C6 重陽果日假期有冇嘢要做 (因為我就係知道佢地好興晌正日嚟掃墓嘅, 所以提早約定 C6), 話有 D 嘢要揾佢去幫手做, 佢話冇; 可以幫我手嘅, 咁即係佢地未約掃墓嘅事啦, 咪應承人地約好晒果日十二點半囉, 點知佢地之後約我地兩點半去掃墓, C6 又話要去喎.......我大肚林 Dum, 要我搭幾個字車由屋企出去拎嘢, 跟住又搭幾個字車撲返屋企放底 D 嘢, 跟住又再搭個幾鐘頭車撲返出去嚟掃果廿分鐘墓, 仲要俾 99 話:"阿 xx 妳 D 薑醋唸住點呀?" 我就用我媽咪教定我嘅答案嚟答佢:"我媽咪話里 D 係做嫲嫲嘅榮幸嚟架" 跟住佢又洗出賤兔表情話:"我點知妳啫, 又請晒陪月又盛" C6 插咀話:"問題係第二個煲嘅果 D 我唔食嘅" 我心唸:"家陣你生囝定我生囝呀?" 之後仲要嗱嗱林趕住走, 又搭返個幾鐘頭車返屋企, C6 話佢有嘢趕住做喎.......即係為咗表示孝順, 就要我大肚林 Dum 咁來回三粒鐘車程嚟出席二十分鐘嘅掃墓盛會, 真係...........唔識點講, 係咪真係我嘅問題呢? C6 曾經講過, 佢地嗌話去邊做咩嘅事都出席嘅話, 係代表孝順喎......

點評

Lavandula 恕我直言一句你C6愚孝發表於 12-4-19 00:50

私人傳訊

ACB@2011

大宅

積分: 1280

39^#

發表於 12-4-15 01:17 |只看該作者

原帖由均均媽於 10-12-2 01:09 發表
唉。。其實你應該叫停你地d親朋戚友，唔好係咁勸你c6,唔好煩佢；愈push佢佢咪反抗，男人就係咁衰，不過你c6都夠極品，又要繼續同你分房訓，又唔肯簽紙離婚
佢想玩咩呀？係咪想你個朋友接受佢就享齊人之福？！定想到時先一腳伸 ...

佢唔想俾人千夫所指嘛...
我唸我朋友就算肯接受佢; 都應該唔會係短期內嘅事, 因為佢自己本身都有個囡架啦, 仲已經讀緊小學; 懂晒事架啦, 兼且我 C6 冇我朋友咁 "本事", 加上我 C6 本身係好介意拖鞋飯里家嘢嘅, 所以依家咪 kick 住晌里個位; 唔上唔落囉...
依家個囝未面世都已經好似唔鐘意佢咁啦, 佢每次見我 feel 到囝囝郁; 我同囝囝講:"你做咩呀? 你想嗌我呀?....etc." 點知佢一摸我個肚, 囝囝就即刻唔郁架啦......

私人傳訊

ACB@2011

大宅

積分: 1280

40^#

發表於 12-4-15 01:17 |只看該作者

原帖由 lihomahk 於 10-12-2 01:42 發表
樓主, 你真的很好, 去到今時今日, 還為你C6做咁多門面的工作, 如果係我一定唔去掃墓, 唔去參加男家的家庭聚會, 要一個大肚婆左滕又滕, 太勞累啦! 反正你C6只當你是同屋主. ...

我只係唔想俾人有藉口抽後算帳啫, 所以寧願做多都唔好做少......