原帖由 manman800800 於 12-04-25 發表
介意，時辰八字係唔可以求其比人知，依d係好私人既嘢。
我結婚時99話要埋我BABAMAMA個時辰八字添，當然係 ...
佢真係有病！完全無尊重我！我本來都對佢恭恭敬敬，但由嗰刻開始討厭佢！我當然好介意俾佢啦！我即刻黑面話：我屋企人唔信呢d野架喎！可能c6都知出事，都有幫口，可惜已經恨根深種:;pppp:之後我c6又問我要，話99話要返B6搵人擇日，咁我真係唔知自己幾點出世，所以佢地所謂嘅時辰八字係唔齊嘅，但呢個99真好野借擇日為名，夾八字為實！仲要夾到好絕，話我克住佢個仔，克住佢全家，克到佢全家無晒錢，克到佢個仔周身病痛事業失敗，晚年我會捨佢而去！雖然C6話唔信，係都唔會介意，但我俾人批到好似剁豬隥咁，真係好hurt!嗰時我有諗過係咪我命水咁差？我唔甘心，特登俾錢E院查番我出世時間，然後暪住c6自己去搵人夾，如果係真，我唯有認命
好彩結果好好，我仲係c6貴人，旺夫事業有成，八字方面我地互補不足，唯一係我食住佢，但又未至於克到佢
另外，直至而家生左BB，99連我個仔時辰八字都唔放過，一出世就搵人批，改名要用佢搵人改，又話佢八字弱要契俾神，我已同99講明我想BB搞咁多野，亦同c6表左態，我地最後自己搵人改，但99竟然自把自為將BB契左俾觀音就係咁我同c6嘈到七彩，我用一路以來呢d委屈心情鬧爆c6!C6都話完全唔知我隔左兩年都咁在意！而我d fd就覺得可能係我同99唔夾，唔想我入面。
發表於 
返回列表
