大仔大女媽媽會 今日: 0 | 主題: 177860

積分: 6171

大廚勳章

21^#

發表於 12-5-9 13:41 |只看該作者

呢2日有新進展:

阿女已經無15分鐘賴一次尿. 改為1-2個鐘賴一次. 細心留意下佢時, 其實有D情況, 佢有急急地的行動, 如夾住大脾. 不過, 我俾佢坐potty, 佢好快就起身, 再過多一陣, 就賴左.......

尋日仲賴大便... 激死我!!!

私人傳訊

fishcowcow

積分: 5517

22^#

發表於 12-5-10 12:52 |只看該作者

你地係咪多數俾BB坐POTTY? 我用小童厠板, 阿囝POO POO前識講, 但係坐厠板次次都疴唔出, 係咪吊住對腳難疴啲呢??

私人傳訊

積分: 6171

大廚勳章

23^#

發表於 12-5-10 13:16 |只看該作者

回覆 fishcowcow 的帖子

係呀.. 吊住腳, 用唔到力, 你試下將佢對腳踏係厠版度, (變成好似mou係度咁), 佢會容易D疴.

你仔識講出黎, 真係好!

私人傳訊

joyceksk

積分: 3443

貢獻勳章環保接龍勳章

24^#

發表於 12-5-10 22:16 |只看該作者

回覆 fishcowcow 的帖子

我個囡又冇呢個問題喎，雖然坐响度比瞓响度確實係要用多D力先出到... 不過你可以比將櫈仔佢踏住腳試吓，又或者試吓叫佢用力時，兩隻手輕輕用按住兩邊腰（我用後面方法的）

私人傳訊

fishcowcow

積分: 5517

25^#

發表於 12-5-10 22:26 |只看該作者

我囝淨係識講POO POO, WEE WEE前唔識講

私人傳訊

賀賀

積分: 3138

26^#

發表於 12-5-11 02:09 |只看該作者

引用：我女好攪笑,+佢賴左尿,+入厠所剿毛巾,+我問

原帖由 SEricsson 於 12-05-07 發表
我女好攪笑, 佢賴左尿, 入厠所剿毛巾, 我問佢做咩事攞毛巾, 佢無回答我, 但係我跟住佢, 見到地下有攤水, 佢 ...

我個仔都係呀，極速拎紙巾去抹

私人傳訊

ALK

積分: 1627

27^#

發表於 12-5-11 10:01 |只看該作者

引用：我囝淨係識講POO+POO,+WEE+WEE前唔識講

原帖由 fishcowcow 於 12-05-10 發表
我囝淨係識講POO POO, WEE WEE前唔識講

已經叻叻啦！

我嗰個乜都未開始

私人傳訊

積分: 6171

大廚勳章

28^#

發表於 12-5-11 11:41 |只看該作者

我女大便太順暢, 一急就疴左, 根本來不及帶佢坐厠所!

私人傳訊

積分: 3602

29^#

發表於 12-5-11 18:24 |只看該作者

回覆：不如大家分享下戒片經過

好灰呀！個仔教極都唔識話我知痾尿，成日都就咁企係度痾，1次都無痾過落potty囉

私人傳訊

tigerbabe

積分: 1133

30^#

發表於 12-5-12 02:16 |只看該作者

本來打算要長期作戰, 但真係好感恩, 亞仔唔駛一個星期(嚴格嚟講係4日)就戒咗片, 最大功勞係我99!!

4-5個月前, 99已經買咗個POTTY俾亞仔, 但坐過1-2次佢就唔肯坐, 佢生得比較高大, 個POTTY 比較矮同硬, 可能坐得唔舒服, 直至亞仔21個月大, 我喺TB精挑細選買咗個新POTTY, 体積較大, 四平八稳, 可分拆做軟厠板, 形狀包住好FIT PAT PAT, 其中一PART反轉可以做櫈仔大啲坐厠時LONG腳, 坐得比較舒服!!

買咗返嚟, 初時都係唔肯坐, 我比佢當玩具玩咗幾日, 等佢唔抗拒個POTTY就PLAY DVD俾佢坐喺度睇, 大約15分鐘佢就疴咗WEE WEE, 跟住我哋勁讚佢叻叻, 又奬佢食餅餅, 亞仔好開心!!

我將個POTTY攞咗去99度, 之前嗰個佢真係唔肯坐, 成日同佢講記得WEE WEE 要出聲, 佢賴咗幾次都冇鬧過佢, 只係問佢”點解急急唔講呀? 你好叻架, 急急記得要出聲" 之後佢識得叫急急, 但係已經賴緊, 賴完佢就話 ”OH,濕晒LU!!” 都唔知好嬲定好笑!!

我哋每隔45分鐘就俾佢坐POTTY, 通常佢坐幾十秒就冇疴起身, 99話唔好迫佢, 有得佢, 佢有壓力抗拒仲衰, 佢起身即係唔急, 有時佢會自己叫急急, 但有時已經賴濕咗少少, 每當佢成功喺POTTY 疴出, 全家就開香檳讚佢叻叻, 大約3-4日, 佢就冇再賴濕可以忍到, 佢宜家WEE WEE 同 POO POO都會出聲叫急急, 我哋幾個鐘見佢冇去先會叫佢坐, 臨訓去咗先訓覺, 除咗訓覺同出街, 唔駛再同佢著片片LU!!

我覺得唔好比壓力, 唔好鬧, 多啲奬勵同鼓勵, 佢會輕鬆啲同做得好啲!! 個POTTY 要坐得舒服都好緊要!!

點評

SEricsson

叻叻! 發表於 12-5-13 11:11

私人傳訊

積分: 3602

31^#

發表於 12-5-12 16:42 |只看該作者

tigerbabe 發表於 12-5-12 02:16
本來打算要長期作戰, 但真係好感恩, 亞仔唔駛一個星期(嚴格嚟講係4日)就戒咗片, 最大功勞係我99!!

4-5個月 ...

我個POTTY應該就係你新買既果款, 之前佢一坐就驚, 我就同佢玩咁氹佢坐, 而家唔驚, 但變咗成日拎黎玩

我個仔仲未識表態話急尿尿, 只係知道尿尿唔可以係地地, 要係兜兜, 但每次仍痾落地, 咁我洗唔洗買過個POTTY???
另外我係第二度睇過有媽咪話唔著片時連底褲都唔好比佢著, 著開浪褲, 話因為底褲個原理似尿片, 佢都係會照痾, 但如果著咗開浪褲, 佢痾尿時睇到, 咁就會識搵兜兜痾喎!
我就係比佢著底褲, 每次佢只會望住D尿流落地, 痾完先話我知

我己經訓練咗大約2星期, 但都係無效果, 咁洗唔洗暫停下先呢?

私人傳訊

積分: 6171

大廚勳章

32^#

發表於 12-5-13 11:10 |只看該作者

回覆 ashley_mama 的帖子

我之前同大仔戒片時, 都諗住唔俾褲佢著, 唔使洗咁多野, 賴左係地就抺, 方便好多. 但係我個鐘點就話我唔俾佢著褲, 因為小朋友玩時, 有機會整親jer jer, 一定要俾返褲佢著. 我覺得又有道理. 加上你唔同佢褲, 佢覺得得意, 成日走去玩jer jer, 所以就算要成日著著除除, 洗褲, 我都要佢著褲.

我2個仔又係, 戒左1-2個星期都無咩進展, 我就會停1-2星期, 等大家都無咁大壓力. 小朋友, 過一個月, 可以差好遠. 完全唔係你想像!

私人傳訊

積分: 6171

大廚勳章

33^#

發表於 12-5-13 11:20 |只看該作者

阿女呢幾日都有進展, 佢會用動作示意急. 雙腳夾埋, 又摸住下面. 我即刻帶佢去坐potty, 佢就坐係potty wee wee. 依家佢瞓午睡時, 都唔會濕片. 佢一起身, 即帶佢坐potty, 佢都會成功去到. 有幾次, 要佢坐potty, 佢自己係potty 疴左, 仲幫手倒尿落厠所. 當中有1-2次唔小心倒左落地下. 不過, 佢肯坐potty, 我已經好開心了.

現在等佢識得話我知要wee wee, 咁就成功戒片.

參考左joyceksk的做法, 我依家出一陣街都無俾佢著片, 我老公話, 咁勇? 但so far 都無出過事喎. 不過去得耐, 就俾佢著片. 好明顯我女係知道宥片係可以賴, 無片係要忍一忍.

點評

joyceksk 如果唔係著涼鞋，最好準備埋一對襪。發表於 12-5-13 21:32

joyceksk 恭喜你！下次去得耐，試吓帶多條褲仔同一條片做後備喇發表於 12-5-13 21:31

私人傳訊

積分: 3602

34^#

發表於 12-5-13 17:38 |只看該作者

引用：回覆+ashley_mama+的帖子我之前同大仔戒

原帖由 SEricsson 於 12-05-13 發表
回覆 ashley_mama 的帖子

我之前同大仔戒片時, 都諗住唔俾褲佢著, 唔使洗咁多野, 賴左係地就抺, 方便好多. ...

我而家一係背心+底褲，或者就咁一件夾衣俾佢，我打算唔提佢尿尿住，等佢瀨咗先叫佢下次話我知，大家都無咁大壓力

私人傳訊

積分: 3602

35^#

發表於 12-5-13 17:41 |只看該作者

引用：阿女呢幾日都有進展,+佢會用動作示意急.++

原帖由 SEricsson 於 12-05-13 發表
阿女呢幾日都有進展, 佢會用動作示意急. 雙腳夾埋, 又摸住下面. 我即刻帶佢去坐potty, 佢就坐係potty wee ...

你女女進展得好好喎

咁瞓覺你比唔比片佢著？我都試過幾次去買餸+公園玩（大約個幾鐘）無俾片佢著，so far都無瀨

我會等佢痾咗次先出門，2次之間大約相隔3個鐘！

私人傳訊