少年成長 今日: 1 | 主題: 16067

積分: 24042

21^#

發表於 12-6-24 01:05 |只看該作者

第三大忌: 將細佬牽涉入內

若女女有行為問題要處理, 絕不能因細佬當時的情況而處理或不處理

所以, 那一刻, 我會把細佬交工人入房照顧一會, 專心解決女女的問題
一來, 以防女女發脾氣時, 無意間傷害到細佬, 而再惹你發怒
二來, 女女已經因為妒忌細佬, 而引你注意, 你抱住細佬, 只會激起佢情緒波動
第三, 細佬會因為當時氣氛不安而很害怕, 更易惹BB哭

所以, 現場應只剩下你和女女

如果天空總是黑暗的，那就摸黑生存；如果發出聲音是危險的，那就保持沉默；如果自覺無力發光的，那就蜷伏於牆角。但不要習慣了黑暗就為黑暗辯護；不要為自己的苟且而得意；不要嘲諷那些比自己更勇敢熱情的人們。我們可以卑微如塵土，不可扭曲如蛆蟲 - 曼德拉

私人傳訊

積分: 24042

22^#

發表於 12-6-24 01:10 |只看該作者

本帖最後由 pyjess 於 12-6-24 22:37 編輯

第四大忌: 定性女女為”超級反叛嘅人”

定性, 即係”LABEL”, 當你LABEL左女女, 於是無論佢做咩, 都只係反叛, 一開始就閂左門, 唔睇佢行為背後O既動機同埋想法

我以前寫過關於體罰, 以下的第一點, 你可再想一想

1. 何謂曳?
打人係曳, 講大話係曳, 叫極唔聽做危險野係曳, 偷野係曳....但係, 會唔有左第二個BB , 忽略左大O個個, 佢以為大人唔再愛佢, 所以打人吸引大人注意; 大人點都唔聽小朋友講, 唔信小朋友, 小朋友講大話掩飾小錯, 卻變成大錯; 太細過想試摸/跳/聞/食某D野, 根本唔明危險; 大人同小朋友價值觀不同, 正常小朋友想要O既都不被滿足, 所以要偷?

調轉, 唔做功課, 唔練琴, 唔返學係曳...但係功課有幾多, 有無時間每日同大人獨處下, 傾下計; 小朋友鐘意音樂, 定係大人想小朋友入某學校, 所以被迫學18般武藝; 學校有無人對小朋友唔好, 所以唔願意返學?

打小朋友易, 學了解他們難

2. 愈打愈心痛, 愈痛愈不能自制
打幾多, 點打, 用咩野打? 打過小朋友O既都知, 愈打愈心痛; 打得有效還好, 打完都唔知錯, 再犯, 係唔係再打? 重要打重手D?

打小朋友易, 要停手難

3. 打的原因
有無試過另一半在外受了氣, 不覺便發洩在自己身上嗎?
小朋友可能唔係好曳, 只因自己在外受了氣, 甚至因為夫婦感情出問題, 便覺得小朋友"教極都唔聽", 小朋友督眼督鼻, 以至於用打, 將自己不滿發洩在他身上
打小朋友易, 要了解自己的情緒難

私人傳訊

積分: 24042

23^#

發表於 12-6-24 22:46 |只看該作者

第五大忌: 如佢扭計, 先抱下佢

即係正給予孩子一個訊號: 扭計就有返媽咪
俾你做小朋友, 你會點? 當然係扭計喇!

關於人類/動物行為, 有個TERM 叫”POSITIVE REINFORCEMENT”: 若一個人/一隻動物做好事, 得到好結果或讚賞, 佢會下次再做同樣的好事,

相反, 好似你講O既, 女女扭計, 得好"好的回報"(即係媽媽抱佢), 你根本在鼓勵她扭計

私人傳訊

積分: 24042

24^#

發表於 12-6-24 22:57 |只看該作者

第六大忌: 細佬出世後, 你地對佢要求有變

家中有任個改變, 例如有小朋友出世, 有好親的家人離世, 搬家, 轉校, 對成人來說, 都有好多因改變而來的不安和壓力, 這個時候, 根本不適合改變對女女的要求….即使以前是放縱, 頭幾個月, 應該以"不變"為主題, 以免小朋友以為有了新BB, 家人便不再愛她, 結果令她討厭BB, 也討厭做姐姐的角飾

這段時間, 年幼的姐姐有行為倒退也是正常的, 例如, 以前明明戒了尿片, 卻突然不會自行上廁所等行為倒退
他們亦會格外"痴身", 想搶回大人完全的專注於自己

私人傳訊

積分: 24042

25^#

發表於 12-6-24 23:22 |只看該作者

1. 一對一溝通時間

“我每日接及送佢上校車，放學後要學嘢果幾曰就同佢出去學嘢，吾駛學果幾曰就帶佢返公司”
呢D, 最多都係”一對一”, 甚至唔係一對一, 但, 我看不見你們的溝…
你們每天需要有30分鐘時間, 只有你們兩個, 你一手一腳照顧她, 與她聊天; 我兒子也是3.5歲, 我知跟一個3.5歲的孩子聊天, 是很無聊, 但你都必須認真的理解她想說的, 和她傾計, 甚至要代入她的幻想世界, 與她聊一些她明白的事, 抱著她講故事, 也跟她傾心事….而最近, 她最大的憂慮就是有了BB, 父母不要她, 你要幫她說, 也要保證你們始終如一的愛她

爸爸可能也要另外的30分鐘一對一時間, 又或者, 星期一三五, 媽媽與她一對一, 星期二四六, 爸爸與她一對一, 星期日夫婦二人與她二對一, 這個時間必須專心, BB的事, 家務也要工人去管, 或BB睡了, 你們便可以專心; 公司有事也不可分心

私人傳訊

積分: 24042

26^#

發表於 12-6-24 23:40 |只看該作者

2. 真心讚美及讚美技巧
3. 罰孩子的技巧

這也是以前寫的:

賞, 可以是獎; 更可以是欣賞
孩子每一個在大人看來小小的進步, 其實都是花了很多氣力, 不斷練習, 得來不易的; 若大人仔細欣賞孩子的進步, 並立時稱讚他, 他們便知你愛他, 了解他, 自信心, 欣賞別人的心, 也得以滋長

讚孩子也有小小技巧
1) 面部表情要誇張
2) 用埋身體語言, 例如豎起姆子, 給予擁抱
3) 提高聲調
4) 言辭簡單: "叻, 幫媽媽倒橙汁" (就是"叻"+原因), 想再說, 可以加長意思: "你一定好鍚媽媽, 先會幫我倒橙汁, 媽媽好開心..."

"叻..."是讚他, 小朋友通常完全聽入耳, 記入心; "你一定..."是幫他說出他不會說的話, 也是溝通, 表達你明白他, 看懂他, 重視他...這句未必完全聽進去, 但可幫助他明白你明白自己
5) 每天也要讚, 甚至相處的每個小時也要讚, 以前讚過的, 再做, 也要再讚, 這是POSITIIVE REINFORCE

罰則
一開始要針對他常犯的錯, 定立不多於5項"禁止"
一旦犯規便要警告
警告孩子同樣有小小技巧
1) 板起面孔
2) 踎低, 平視他的眼睛
3) 沉聲
4) 言辭簡單: "曳! 你爬窗", 小朋友會立刻停低, 你同佢講: "再犯便罰"
5) 切忌發晒顛, 亦不用大聲, 只要表達你很認真跟他說便行

若再犯, 罰TIME OUT
1) 1歲1分鐘, 2歲2分鐘, 如此類推; 不能罰過長時間, 因為他以為你不要他, 他便不用聽你; 不要犯2個錯, 便兩倍三倍的罰他
2) 在一個無玩樂, 很悶的地方, 站/坐; 你要立時離開"罰區", 他在龐的左上角, 你去右下角也無問題; 總之不要在太近的地方, 更不要望他眼睛, 因為那是挑釁, 令他發怒, 不會反醒
3) 若他未夠鐘前離開罰區, 要把他帶回罰區, 重新計時
4) 滿刑, 你要他說對不起, 以及犯的錯
5) 最後這一點很重要, 他說過對不起, 一定要講: "好喇, 原諒你, 不過以後唔好喇", 並且攬住他, 鍚他; 這些都表示你的原諒, 他已後亦學會原諒人, 學會犯錯要說對不起, 要改過
6) 即使你明知他會再犯, 再犯時, 也不要"舊事從提"...道歉後, 便回復正常活動, 不要提他犯過錯, 當他沒有犯過一樣

起初, 罰的次數可能多, 但漸漸地, 賞罰比例大於50:1
而你亦會發現, 孩子其實很喜歡討你歡心, 很想你因他而開心, 不願意傷害你, 是很善良的小動物呢!

不要輕看很微少的步驟,身體語言, 這些都是有沒有效的關鍵

私人傳訊

積分: 24042

27^#

發表於 12-6-24 23:50 |只看該作者

本帖最後由 pyjess 於 12-6-24 23:51 編輯

再說真心的讚

“佢d性格好怪家，當佢做得好時，我特意贊佢，諗住佢下次可keep住好，贊完下次就特登吾做”

你讚佢O既原因, 唔係因為你欣賞佢, 你O既讚賞就缺乏左”賞”呢部份, 亦即係無效

仲有, 呢D讚, 係唔係BB出世之後先多左? 定係一直都有每天讚, 每小時都有讚, 真心覺得有野值得讚?
若非如此, 係人都睇得出你根本唔想讚佢喇

其實讚小朋友, 包含了愛, 你愈真心欣賞佢, 佢愈感受到你愛佢

私人傳訊

積分: 24042

28^#

發表於 12-6-25 00:45 |只看該作者

4. 控制自己情緒及保持平靜

孩子能看穿大人的心情, 所以, 當你激動不安時, BB可能會無端端喊, 而3.5歲的姐姐, 也可能因受你的情緒影響, 而變得不安
孩子有趣的地方是, 她會做一些自己覺得開心的事, 去掩蓋呢份不安感, 呢D事, 亦可能是大人看來”曳”的事

即使罵,也不能”發晒癲”的樣子, 一定要沉穩平靜, 因為”發晒癲”, 在孩子眼裡看, 是大人在”做大戲”,好有趣, 根本不知你嚴肅認真, 更不懂你嬲
於是, 再曳, 令你再做大戲

所以平靜的家人/媽媽, 才能養出平靜的孩子

私人傳訊

甜豆

積分: 1867

29^#

發表於 12-6-25 00:59 |只看該作者

樓主你CASE簡直同我一樣, 今日抱主亞女哭,我真係唔知點做先幫到佢, 硬功, 軟功都做過, 無奈都係唔所以今日跟教佢老師傾講, 他說真的先不可以動手, 因為有癮越打會越大力, 女女反叛性很強, 令可比我地丙, 都要照做, 因為我地咁就主意到佢, 而且老師送了二個字比我, (耐性), 你最終想佢好耐性就係對付佢地辦法, 我會慢慢開始, 檢討.帶得佢來呢個世界, 要負責任, 希望主給我忍耐,AMEN.

私人傳訊

積分: 24042

30^#

發表於 12-6-26 23:06 |只看該作者

5. 從孩子的角度看世界

小朋友從不立壞心腸, 大人眼中看到小朋友曳, 好多時只係大人唔明小朋友行為背後O既動機
例如: 好多小朋友鐘意跪在椅上, 大人就覺得佢地曳, 其實小朋友坐在椅上, 根本唔夠高睇野, 吊住腳亦唔太舒服, 跪好少少, 不過膝蓋好易攰, 所以時跪時坐, 周身郁….

又好似樓主女女, 根本就來引你注意, 多D抱佢, 同以前一樣, 100%時間俾晒佢, 所以先會”變得難教”

但若大人已給予足夠的注意, 小朋友便不會以不當行為, 引人注目了

私人傳訊

積分: 24042

31^#

發表於 12-6-26 23:20 |只看該作者

6. 幫孩子說出自己的感受

小朋友即使有好好語言能力, 都未必懂講自己感受
大人同佢傾計, 除左”風花雪月”, 仲可以問下佢, BB出左世, 係唔係好開心, 有BB玩, 係唔係唔開心, 驚媽媽唔理你….
雖然小朋友細, 但有感受, 而不懂表達, 好易以不當的行為, 發洩出來

私人傳訊

積分: 24042

32^#

發表於 12-6-26 23:21 |只看該作者

最後, 若我是樓主, 我會這樣處理
1.正如樓主所做, 替BB買禮物給姐姐, 一份其實已經夠了
2.照顧BB時, 叫女女幫手做些她會做的事, 替BB拿片, 濕紙巾, 丟片片, 攞奶樽, 甚至餵奶….總之, 一定要俾位女女愛錫BB, 更重要, 每次做完, 幾少事都好, 做得唔太滿意都好, 都照之前講O既方法, 大讚特讚
3.晚上, BB瞓左, 就係媽媽/爸爸同女女一對一時間, 傾心事, 攬住講故事, 玩
4.每日作息必須定時, 對BB, 女女, 大人都有莫大好處
5.若女女發脾氣, 引人注意, 仍是要警告和罰, 但一定要在她道歉後原諒, 技巧用得熟, 通常10分鐘內可以回復正常
6.家規必須要訂立, 而且全家一致執行
7.若大人發現自己錯怪女女的地方, 也要向女女道歉
8.這段時間, 格外注意女女的情緒反應, 及觀察有沒有倒退行為, 幫她說出感受

~完~

私人傳訊

aquamarine1030

男爵府

積分: 7175

2024年龍年勳章

33^#

發表於 12-6-27 14:48 |只看該作者

回覆 pyjess 的帖子

謝謝你的指導，真的很有用！

點評

pyjess 唔係指導,分享啫...以上O既SKILLS,獨生子女都用得發表於 12-6-27 22:44

私人傳訊

積分: 24042

34^#

發表於 12-6-27 22:58 |只看該作者

其實除左呢Ｄ"技巧", 我同老公好鐘意錫個仔, 仲會追住黎錫, 好好玩O架

或者兩夫婦一齊夾住個仔黎錫; 一日平均錫佢20次

我唸, 佢大左都會記得爸爸媽媽好鐘意鍚佢, 無得否認

"愛, 要說出口"

私人傳訊

beepaul2007

積分: 2298

35^#

發表於 12-6-28 11:22 |只看該作者

回覆 pyjess 的帖子

pyjess,

你好,sorry ,呢幾日好忙無時間上黎留言,好多謝你比咗咁多意見我,當中好多都好有用,
我會再反醒再做好d.但我想請教你:
如你所講嘅第一大忌"趕佢出門口"咁,我其實唔係講,我係
真係嬲到強行抱佢出去門口,佢就死拉住我衫唔放之後,佢就會好驚咁話:我知錯傢啦,我
以後唔會唔傢啦! 唯一我覺得係最有效,由於佢已經好多講,鬧,罰,嬲佢都唔驚,如果我
唯一嘅殺手簡都唔可以用,我諗佢仲得串進呎?
例如: 工人放假,得我同細路同佢係屋企,我話我要入房氹bb 訓教先,你自己做住功課先,
邊d識就做咗先,唔識等我一陣出黎同你一齊做,之後佢做一陣之後,就無心機,話要我陪佢做,
咁我話如你唔做一係訓一陣先,(因我想佢唔好成日入房問我呢樣問我果樣,好多時bb就訓著
佢入黎又比佢嘈醒)之後佢又唔訓,係廳度又播歌,又玩打鼓,唔嘈果樣佢唔玩,我已經唔理佢,死忍,
因我一出廳bb又會醒,(其實如果靜bb係好快訓著),當佢玩到悶,又入黎煩我,又話要入黎陪我,係度
又開又閂櫃筒,又問我呢問我路,我已經超級累,亦無耐性,見再咁抱落去,唔知抱到幾時,之後就找機
會見bb訓我就盡快放佢係床,即刻同囡囡出廳,之後同佢講,我都同你講咗,bb一訓我就會出黎陪你,
你點解仲要咁嘈,玩呢樣玩果樣,下次可唔可以玩d靜d,唔好咁嘈嘅,如果你想我陪你多d,就要靜等bb訓咗,
我就可陪你做功課,陪你玩,(我已教佢要輕力閂門,佢根本好似唔想bb訓教咁,仲特登
大聲嘈醒佢為止咁)佢每次都係話知,但下次又係咁,到下次我就會,薯佢幾聲唔聽我就二話不說抱佢出門傢
啦,我真係唔知佢點講先會明?點解佢又想我陪佢,又做出嘈bb 嘅行為,我真係超級唔明???? 你話呢d係咪反叛啦?

私人傳訊

beepaul2007

積分: 2298

36^#

發表於 12-6-28 11:33 |只看該作者

本帖最後由 beepaul2007 於 12-6-28 11:38 編輯

pyjess,

續....

第二大忌:"教訓時,其他人直接或間接干涉"
事實老公又係一個問題,我都有同佢傾點樣有共識用一套方法教囡囡,已經同佢講,
每當我教訓囡囡時,唔該你唔好係囡面前話我: "你都係一樣,有咩辦法個囡唔係咁".....
之後我就會話:咁係咪即係話我係咁,所以囡囡都有佢咁,唔駛教?
之後佢就會話:所以我10年前,已經叫你改下我的性格,你唔改,點解我會預知10年後嘅今日,你嘅下一代係咁!
之後我又會話:咁應該問下你自己點解要揀個咁樣性格嘅老婆,有咁嘅老婆咪會有咁嘅仔女囉!
之後一路拗落去都係廢話,無意思,唔好再講以前,依傢係要傾點樣用咩準則教個囡,
之後佢就話,你叫我唔好插手嗎,我咪有你自由發揮囉,大老你唔插手,但都唔好攪亂擋,攪到個囡2頭唔到岸,
難攪過難攪!
例一,晚上約10:00 老公話落去車場攞返d嘢,個囡話我又要去,我正係房抱b,聽到都即時出廳話,
小朋友咁夜唔落得去傢,會有壞人捉小朋友傢,點知轉頭,咁靜嘅,出廳睇,原來老公帶咗佢落佢,
我已經講咗唔好落,佢都唔識聽,都要帶佢落....你話我係咪嬲到震,你話囡囡點會聽我嘅說話!
例二,囡囡有次唔知扭咩,係咁咸話要,我都叫老公唔好理佢,佢咁鍾意咸,有佢咸,點知佢唔夠5分鐘已經同囡囡講,好啦,你收聲先,唔再咸我就比你...
我聽到火到黎,咩叫"你收聲先,唔再咸我就比你",咁咪即係話佢知你好怕佢咸,佢以後用咸就可得呈!

例三,
佢依傢夜晚食飯都成日倚賴我地"不",我就同老公講,再咁唔係辦法,叫佢唔食,我地食完,就收嘢+夜晚無奶飲,
當我食完照顧完細b出黎,又見佢係度"為"佢食,我就話你無嘢呀! 我睇你為得幾多餐....我都無氣啦!

私人傳訊

beepaul2007

積分: 2298

37^#

發表於 12-6-28 12:21 |只看該作者

pyjess,

續-2
更正大忌五,我諗你誤會咗我意思,我意思係當細b咸時我先抱,唔係係唔係都抱,免得囡囡呷醋!
而唔係家姐咸時我先抱佢.

而事實大忌六,你係講得對,細b出生後,我會更加覺得就黎4歲啦,連呢d都做唔到!
所以好嬲佢做唔到.

私人傳訊