換轉係我都會慶你既答案 
但姑勿論點都好, 可能你太太身傍有太多人說你媽既不是而引致到你太太認為自己既觀點係正確, 我經常性同人講生兒育女係自己做父母既責任, 唔應該將責任付託老人家的 
佢地已經辛辛苦苦將你地湊大, 家陣應該係享福期, 無理由仲要佢地操勞的, 可能當初你解唔開太太既屈結, 所以先弄到今日既田地, 不過你太太話雖分開, 並非真有其事, 因為你都識講當晚佢無去打牌九點返左屋企, 咁即係話佢講緊反話, 並非真正想同你分開, 但佢氣艷太強了, 你再退一步佢只會得寸進尺, 我唔想你地離婚, 但亦唔希望你地既關係就咁維持落去 :cry: 不如你強硬少少同佢講清楚你想要既野, 你話你只想要一個安樂窩其他人同事都唔想再糾纏落去, 雖然佢係好唔開心99無幫過佢d咩, 但你可以同佢講呢個世界好多人都無99幫, 正如我一樣咩都係自己黎, 但我無怪過任何人, 因為生仔係我兩公婆既意思, 第二時仔女大左享福既亦係我地並非62 99, 若果當初佢坐月係辛苦既要怪就怪你呢個做老公既呵護唔夠就算了, 另外佢有私人空間無問題, 但打通宵牌, 除了對子女缺乏照顧外對佢自己本身既身體健康亦唔見得好, 而家陣仔女仲細須要人照顧所以首要係顧及子女感受, 佢地仲細家庭樂對佢地黎講好重要, 家陣你兩公婆咁冷戰法無形中傷害到小朋友而不自知, 因為佢地會見到點解爹地媽咪無溝通, 只不覺未識用言語黎表達, 呢件事就當大家都有唔著, 你希望係重新開始唔好再回顧從前, 若果佢有野想講你亦願意聽佢感受, 但若然佢保持緘默一意孤行要分開冷靜, 你都要接受 :cry: 比d時間佢等佢靜思己過啦 :evil:
發表於 
返回列表
