就話佢唔岩, 唔可以打人.....跟住佢就 :-( :-( :-( 我由得佢喊左成10分鐘, 我再解析佢知佢點做錯, 問佢知唔知道, 佢唔睬我, 繼續 :-( :-( 我叫佢kiss返我都補償返打我啦, 佢又突登擰埋一面 
如是者.....中間試過我倆假扮留低佢一個係屋企, 博佢認錯(唔work,仲俾佢反客為主意圖阻止我地入屋 
), 罰佢企, 任佢喊, 俾水佢飲, 轉移目標去daddy到, 放佢自己係房, 唔讓步就唔帶佢去街....全部都唔work, 足足抖纏左成90分鐘, 佢就堅持唔認錯, 唔kiss我倆, 后來碍於時間關係, 我地迫住要出門口, 就同佢著鞋. 點知佢呢個時侯就大大聲咁講thank you mummy 咁我咪順勢叫佢kiss我地, 佢都馬上做就好似冇事發生過一樣. 
真係俾佢激死.
！
JJBB 寫道:
sue, gitmee,
sue, 睇完你話你囝囝的硬頸分享, 我都深深體會, 我都認同gitmee的意見, 佢似有優默感多d. 但身為父母的一般都會先著眼佢係對與錯先, 好易忽略左佢感受.
好似我個囝(快2歲), 呢幾日都激到我扎扎跳.
話說年初一我地一家人都忙於到各長輩家中拜年, 到下午5點終於都完成當天行程(先后去左5家, 包括港九新界, 錯過晒囝囝正常的午睡時間), 抽空回家幫佢沖過涼, 順便俾佢短差下(希望佢會訓一陣), 再去最后一場返99到食飯啦, 點知沖完涼后佢毫無睡意, 我2公婆扮晒訓佢都唔訓, 咁就決定放棄出街, 叫佢先收拾好d玩具先走, 佢唔聽, 我又好言相勸, 佢開始 :evil: :evil: , 我繼續引導解析佢知點解要收好d玩具雲雲....佢就出手打左我2下大脾(我平時冇打過佢, 但daddy有), 我
各位有經驗mummy, 請分享一下我應該點對佢好呢.
Sue^_^ 寫道:
JJBB,
其實事情過後，我跟老公傾，我們是否緊張了點呢？
像 gitmee 說，既然仔仔係知道自已讀錯，就倒不如跟他一起嘻嘻哈哈一齊玩，效果可能更正。
在這新年其間，仔仔時不時都有唱 ‘穿新衣、吃年糕’ ，而我反而就整鬼他，說 ‘吃花生、吃糖果’ ，他就反而話我 ‘唔得架喎！，不如吃爸爸？’ ，唉….. 真係要玩下玩下才見效，正正經經反而仲激c呀！
回想……只係小事，你說得對，小朋友做錯，父母的角色都會先著眼對或錯, 他們的感受易被忽略。有時要代入他們小孩子的思想世界，或回想從前小時的自已，就會更有助跟他們溝通。
經過這次，自已想開了，仔仔還細，盡量去 take it easy 和懂得 let go
大家努力唱！！
kikimon 寫道:
JJBB,
睇來你囝囝係個好醒目又自尊心好強既人...自尊心強係十分之好架, 鬼佬育兒專家好著重自小陪養孩子既自尊心, 自尊心來自對自我能力及價值既肯定, 自尊心強的小孩有更大既信心去面對難題.
我相信身為父母的你可以試下多d”放手”, 意思係選擇性地去堅持, 選擇必須的”戰爭”, 只在重要事情上堅持要小孩遵從, 好好掌握何時及如何去”放手”, 並不是每件事都要小孩遵從大人指示, 因為…
(1) 站在囝囝既立場而言, 年初一去拜年實在新鮮又好玩, 如此興奮, 爸媽卻迫自己去訓覺, 囝囝根本都cool down唔到, 剛剛話要囝囝去訓覺, 而家人地玩玩下又話要人收拾玩具, 爸媽實在多多要求橫不講理…囝囝太細, 唔識表達, 惟有用身體語言打人表示不滿…
(2) 站在父母既角度, 玩完玩具要自己收拾好是重要的教育項目, 如果囝囝沒有自己收拾好, 會有咩後果呢 ? 後果有幾嚴重呢, 會否影響囝囝安全或身體健康呢 ? 如果唔影響囝囝安全或身體健康未係最重要既事, 大可以按事件情況由得孩子去犯錯去撞版, 事先聲明自己唔收拾玩具的話, 下次想玩, 就唔知心愛玩具收藏在那裡而無得玩呢, 道理講完, 遵從與否由得小孩來決定, 事後小孩撞版了大人亦不會妥協幫忙補救, 日後遇上相同項目亦用一致既手法去處理…
(3) 再者, 為小事用身體語言表達意見, 而要被父母罰企, 罰留低自已係屋企, 是否太重了, 雖然用打人呢種身體語言來表達意見父母一定唔接受, 但母子二人接二連三既事件上各持已見僵持不下, 實在已經無空間去好好溝通, 對孩子來講, 只有不滿, 所有道理都唔想聽了
另外, 單從事件來看, 你囝囝係唔受威迫唔受硬既人, 父母心中想要”東”, 但囝囝卻另有想法要”西”, 當大家僵持不下之時, 父母不防放下身段, 用同理心去代入孩子的角式從囝囝既角度去睇下囝囝心裡面唸緊咩野, 再試下把囝囝既想法講出來, 孩子雖小唔識講出來, 但識聽架, 當小孩知道有人明白自己態度會軟化些少, 兩母子再交換想法好好溝通, 道理都容易入腦…
我覺得你的囝囝識得在適當時候大大聲咁講thank you mummy, 實在聰明可愛…你要加油呵…
發表於 
返回列表
