吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 香港18區媽媽會› 轉校?跨區

香港18區媽媽會今日: 0|主題: 156997

收藏本版

發帖

返回列表

跳至頁

樓主: fionakong2008

[沙田區] 轉校?跨區 [複製鏈接]

123

takajenny

大宅

積分: 1149

21^#

發表於 12-6-20 07:40 |只看該作者

講真，A1尾B1頭大抽獎，分別唔會大。
最重要係你點填志願，就算係band 1 都唔可以全部志願都係band 1，最盡都係頭兩、三間係，跟著都要填band 2。
見得太多太多家長唔肯聽，諗住小朋友係band 1，點都要填好多間band 1。最後被派間冇聽過，諗都冇諗過既，放榜果日喊到死去活來。

而且各位家長，最重要係小朋友喜唔喜歡一間學校，喜歡會有學習動機，小朋友講明唔like新學校，你仲要迫佢轉，仲要repeat，會有乜效果呢？

Fiona,轉唔轉校你應該好好同你的小朋友傾下，不要只想派位校網，最重要培養小朋友有個人長處，唔一定個個都讀書叻，讀書唔叻有一技之長一樣可以活得精彩！

私人傳訊

takajenny

大宅

積分: 1149

22^#

發表於 12-6-20 08:38 |只看該作者

家長要小朋友，由程度深轉程度淺學校只係為争排band 1，我好反感。俾你爭到band 1 中學但去到好多同學都係由程度深既學校上嚟，小朋友可否適應？
同學會互相影響，如果小朋友係程度深學校成績一般，但都會俾同學之間學習氣氛感染，只要佢壓力唔大冇問題。相反讀得好吃力就當然可考慮轉校。

每個校網學生派位次序實際點定，真係教育局先知，家長冇可能計得咁盡，填表唔好填得咁進取，一定唔會派得差。

私人傳訊

pebaby01

大宅

積分: 2958

23^#

發表於 12-6-20 08:48 |只看該作者

回覆：takajenny 的帖子

多謝老師，我個女派左沙田一間低受歡迎的小學，因為擔心中學派位差，所以努力叩門中。我以為在勁既小學如呂少，培基成績不到中上，就派不到band 1／2中學，就退下來讀一間小學無咁歡迎，但成績上游，那麼是否一定派band 1 中學？

私人傳訊

takajenny

大宅

積分: 1149

24^#

發表於 12-6-20 09:50 |只看該作者

你既小朋友都未讀小學，你點知佢成績係點？

我只能說，程度深又受歡迎既學校，一般band 1 學生比例會高d。例如全級一百人，你考五十，可能有機會都係band 1。普通學校可能就頭三十名band 1, 跟著三十幾名band 2咁分佈。程度較低學校就可能得頭十幾%學生係band 1。

不過，學校普遍係唔會講俾家長聽學生banding比例。程度低學校更加一定唔會講。而且banding比例每兩年都會重新轉一次，你依家小朋友係小一，間學校今年派位埋想，但六年之後仲係唔係，就要睇學校keep唔keep到學生成績而定。

如果你讀程度低學校，會有以下影響：
1 學生學習動機可能不及好既學校，小朋友讀左六年，所學既野會少過好學校。如果你既小朋友係好學校俾好同學影響一起讀書，就算成績只係中等，佢俾起程度低學生識多好多，升中學後就算讀band 幾都冇太大壓力。
2 程度低學校學生可能較懶散，你既小朋友會唔會俾佢地影響，唔想讀書？

係，小朋友係程度低學校又考到前列成績，係band1 學生，但佢唔會唔俾同學影響學習態度呢？

私人傳訊

takajenny

大宅

積分: 1149

25^#

發表於 12-6-20 10:08 |只看該作者

簡單講，你想學生有好既學習動機，有自學精神，能承受一定壓力，咁唔好諗佢會考第幾都讀好學校啦！就算考第尾都好過程度低學校既學生啦！
好既學校校風會令學生投入讀書，除非小朋友係完全唔受得壓力果隻。

唔好諗派位著，太長遠！
我只注重學校幫唔幫到學生提高學習興趣，同學會唔會都鍾意讀書等。我唔會計咁多，因為真係冇得計。

你去程度低學校，同學都唔like讀書，你既小朋友會唔會都俾人影響？你想小朋友學多d學少d,呢d先係家長要考慮既地方。

我唔再回應太多，因為我上年都quit左唔做老師，我已經唔係老師。而且我bb剛從醫院回來，我要好好照顧他，冇時間再上網。

私人傳訊

pebaby01

大宅

積分: 2958

26^#

發表於 12-6-20 10:47 |只看該作者

保重, 照顧小朋友為先
多謝你解釋, 很有用

私人傳訊

fionakong2008

侯爵府

積分: 23739

27^#

發表於 12-6-20 11:00 |只看該作者

引用：簡單講，你想學生有好既學習動機，有自學精

原帖由 takajenny 於 12-06-20 發表
簡單講，你想學生有好既學習動機，有自學精神，能承受一定壓力，咁唔好諗佢會考第幾都讀好學校啦！就算考 ...

無論如何
真的好多謝你詳盡的解答
亦好多謝你在為我的女兒方向想
因我是單親媽媽身邊無人和我分憂
無人和我商量呢兩日實在好亂好㥬惶
怕影響細女下半生
最後得到你的意見比較過新校對我女和我會帶來很多改變和不安我未必能承受
決定不變讀回大埔舊墟小五了
我和我女感謝萬分你的善心

另外
相信你的B會好快好返身體健康及在你＂精明＂的教導下做個精叻B:-P

私人傳訊

takajenny

大宅

積分: 1149

28^#

發表於 12-6-20 11:26 |只看該作者

我很樂意幫大家。

我也在單親家庭長大，幸好媽媽辛苦幫我培養一技之長，見我喜歡彈琴就供我學，令我可以到大學讀音樂；現在即使唔做老師，我都可以邊湊bb，邊教琴。
真的不要太在意派位。我的bb他日大個要返小學，我會讓佢自學，讀什麼學校都唔重要，只要校風好就可以。

最重要培養小朋友懂待人接物，有一技之長，有興趣返學學習。就算讀書唔叻也可在社會立足！

點評

kerkermui

發表於 12-6-20 14:49

私人傳訊

winnietingting

男爵府

積分: 6310

29^#

發表於 12-6-20 11:41 |只看該作者

引用：我很樂意幫大家。我也在單親家庭長大，幸好

原帖由 takajenny 於 12-06-20 發表
我很樂意幫大家。

我也在單親家庭長大，幸好媽媽辛苦幫我培養一技之長，見我喜歡彈琴就供我學，令我可以到 ...

點解「最重要培養小朋友懂待人接物，有一技之長，有興趣返學學習。就算讀書唔叻也可在社會立足！」咁重要？真係緊要過入唔入到大學？願聞其詳，謝謝。

唉！我現在煩緊鋪排我囡囡入小學。many many thanks.

私人傳訊

takajenny

大宅

積分: 1149

30^#

發表於 12-6-20 12:18 |只看該作者

入到大學又點？一定有份好工？唔識待人接物，老細請左你都好快抄你，又或者自己唔撈先！唔會有工做得長。
細個俾少少壓力小朋友，讓佢地自己學識點handle, 如果唔係，大個遇挑戰點面對？
有一技之長，小朋友細個開始有成功感，做乜野都會有自信，就算唔係讀書材料，都會搵到一條係社會上立足既路。
我覺得唔一定要讀書叻，有d人係讀唔到書，但佢有自己長處，識得好好運用一樣可以活得開心。
我自己細個讀書叻，讀名牌學校；我老公細個唔讀書，讀band 3 學校；但我地兩個依家都活得好好，有自己career。我唔知我個bb似邊個，鍾唔鍾意讀書，唔讀書都冇得迫㗎。反而好肯定小朋友會喜愛做自己叻既野。每位小朋友一定有些地方會俾別人叻，家長如果可以細心觀察再培養，小朋友就有自己一技之長。咁唔係比入到大學但唔知自己想點既大學生好嗎？

私人傳訊

takajenny

大宅

積分: 1149

31^#

發表於 12-6-20 12:49 |只看該作者

除左以上講既，學校校風都好重要。
我係band 1學校教過，band3 都教過。
校風唔好，幾有心機讀書既學生都會俾人影響。我以前有d學生，粗口橫飛，出口成文！連我自己都粗魯左。
但我又唔會俾我bb讀貴族學校，例如國際學校。d學生太唔識珍惜自己所擁有，書包唔識拎，飯來張口。我屋企隔離有間國際學校，學生英文係叻，但日日講粗口，放學係我樓下㷛煙，又冇禮貌，我推bb車搭地鐵，明明電梯口寫明有需要人仕有priority,佢地唔埋照迫入電梯，我要等幾架先入到！
加拿大既junior school，都唔俾家長幫小朋友拎書包，要自己拎！High school學生仲會自己搵零用錢！香港學生呢？

私人傳訊

winnietingting

男爵府

積分: 6310

32^#

發表於 12-6-20 14:57 |只看該作者

引用：除左以上講既，學校校風都好重要。我係band

原帖由 takajenny 於 12-06-20 發表
除左以上講既，學校校風都好重要。
我係band 1學校教過，band3 都教過。
校風唔好，幾有心機讀書既學生都會 ...

多謝分享。 Good sharing

私人傳訊

kerkermui

伯爵府

積分: 18610

醒目開學勳章 BK Milk勳章

33^#

發表於 12-6-20 15:16 |只看該作者

教養孩子，令佢做一個有用嘅人，唔係用入唔入到大學嚟量架！入唔到U，都可以自己讀part-time degree！有心有興趣就得！可能身邊太多好好成績入U (HKU添！)但入到去掛住玩，俾人out嘅有，被迫轉系嘅又有，逢2進1嘅都有…

學習興趣係好重要，可惜我唔知點搵一間唔磨滅阿仔學習興趣嘅學校 (我隻仔話想搵d同佢一樣咁叻嘅同學仔，但我又怕直資私小較少資源做拔尖/潤澤，又怕津小課程淺… ) 其實每個小朋友都係獨一無二嘅，但要搵到適合嘅學校~唔容易~

私人傳訊

takajenny

大宅

積分: 1149

34^#

發表於 12-6-20 16:13 |只看該作者

學校教唔到既自己教囉！唔係我唔會quit左唔做。
課程太深我會同佢一齊溫，太淺就出supplementary考下佢。

學校咁多學生咁少老師，唔好期望老師係超人可以個個都照顧得好好。成績好既學生自學能力好高，佢地小學邊洗補習？上堂聽書即刻消化考試唔洗點溫打埋機都可以考第一！

BB 想學琴，我可以教，想學我唔識既，只要佢promise我會認真學，我就同佢一齊學。
機可以打，電腦可以玩，但一定要做好當日必須要做既野先。

我工人都唔請，日日做阿四，都係想話俾BB聽家務要自己做。BB再大d我要佢自己執玩具、幫手開飯洗碗倒垃圾洗衫摺衫，唔學識大個點生活？

總之冇一間學校、老師係最好既，因為最好就係父母自己！仔女一定要自己教！唔識就試下同佢一齊學！

私人傳訊

BabyKatelyn

洋房

積分: 94

35^#

發表於 12-6-27 08:48 |只看該作者

引用：我係舊墟做過教師，亦係馬鞍山一小學教過，

原帖由 takajenny 於 12-06-19 發表
我係舊墟做過教師，亦係馬鞍山一小學教過，如果講教學一定係舊墟。小朋友開心學習重要d, 你既小朋友又咁鐘 ...

我想請問馬鞍山聖若瑟小學ok嗎？

私人傳訊

pineapple0983

子爵府

積分: 11908

36^#

發表於 12-6-27 11:10 |只看該作者

本帖最後由 pineapple0983 於 12-6-27 11:11 編輯

takajenny 發表於 12-6-20 07:40
講真，A1尾B1頭大抽獎，分別唔會大。
最重要係你點填志願，就算係band 1 都唔可以全部志願都係band 1，最盡 ...

B1 尾同 B2頭相差非常之大。

最差情況係以為自已係 B1 尾，但原來係 B2 頭。要等所有 B1 生揀完先到自已揀，ed 人會中到第十幾志願。沙田區的 B1 是(大概)夠位的，只要不離譜，B1生就最多中 d B2。

大抽獎B1 並無分頭或尾，抽獎機會一樣~

私人傳訊

takajenny

大宅

積分: 1149

37^#

發表於 12-6-27 13:51 |只看該作者

但老師只會話你知學生「大約」banding位置。band 1 尾band 2頭既學生，老師唔會亦都講唔到學生個exact banding。
攪珠當然係banding排前攪先，但自己都唔知exact banding，就一定要填得保守一點。
所以我話b1尾同b2頭分別唔大，就係因為咁。

私人傳訊

pineapple0983

子爵府

積分: 11908

38^#

發表於 12-6-27 14:29 |只看該作者

takajenny 發表於 12-6-27 13:51
但老師只會話你知學生「大約」banding位置。band 1 尾band 2頭既學生，老師唔會亦都講唔到學生個exact band ...

咁 d 家長都幾慘，唔知自已小朋友 banding，咁點填？

ed 學校就好啦，因為d 家長比佢教到咁保守，咁頭 3 志願的命中率就一定高啦：明明個小朋友係 band1，叫佢報 band2，實中囉~

填大抽獎要有策略；填得太進取，可能會中好後；但太保守，就浪費左小朋友 2 年既努力。一間負責任的學校應憑自已的經驗+工具+資源，幫小朋友爭取正常的派位囉~

邊緣人最難填；但只要管理好風險，都唔怕囉。

私人傳訊

takajenny

大宅

積分: 1149

39^#

發表於 12-6-27 15:51 |只看該作者

一向marginal 既學生，老師唔會叫佢地填太進取，因為如果以為自己band 1實則band 2頭，咁都係同band 2學生一齊抽。咁你填哂band 1學校點搞？

而且老師一向都係「俾意見」家長，家長有自己選擇去填表。老師從來絕對唔會迫家長。

學校唔係為保頭三志願命中率去叫學生保守填表。marginal學生真係有風險，你係有良知既老師，一定會提家長學生可能會跌落下一個banding, 由家長自己決定保守與否。

況且就算係同一banding, 從來冇人知EDB點去決定學生派位既先後次序，即係話如果全級頭五十名都係band 1, 唔一定考全級第一果個學生一定派到第一志願。可能考五十果個好過佢都唔出奇。

呢個遊戲係EDB搞出嚟，間間學校個個老師都會盡力幫家長，你講到好似係老師既錯咁！

私人傳訊

pineapple0983

子爵府

積分: 11908

40^#

發表於 12-6-27 16:47 |只看該作者

本帖最後由 pineapple0983 於 12-6-27 17:06 編輯

takajenny 發表於 12-6-27 15:51
一向marginal 既學生，老師唔會叫佢地填太進取，因為如果以為自己band 1實則band 2頭，咁都係同band 2學生 ...

可能我講得唔夠清楚.......或者大家講緊唔同既野掛.........

老師叫學生填得保守d一定冇錯，因為出問題的機會小；而且個老師/主任唔會比人投訴，佢管理左家長的期望。就算佢知道個小朋友係 band1，(可能離 margin 仲有 1x個)，佢都含糊其詞話個小朋友擲界 (可能佢自已都冇信心)；咁作為家長搏唔搏？冇錯決定係由家長做，但你做既決定都係根據校方提供的資料遮~ 仲有，你填完番去，班主任都叫你修改啦；你唔改，佢都"暗"到你煩啦~

相反，如果個老師/主任鼓勵家長去盡 d ，風險好大；因為如果掌握得唔好，就好易炒車，最後個老師實比人投訴到暈。

點解有 d 學校全級百幾人考 8x(有d 9x) 都仲可以升到 band1？因為 ed 學校的學生水平穩定，師兄、師姐考試的結果可控，校方對條 margin 線掌握得好準，最多正負 5 個人。

老實講，連學校都唔知點；教處又唔會講，咁仲有邊個知？唔通家長會仲清楚？？

所以，唔想做邊緣人，惟有考前d囉(肺話)~