吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 点解年青人噤趕急要上車

自由講場今日: 907|主題: 1357792

收藏本版

發帖

返回列表

跳至頁

樓主: klm402

点解年青人噤趕急要上車 [複製鏈接]

123

Bchens

大宅

積分: 2172

21^#

發表於 12-7-27 06:11 |只看該作者

回覆：点解年青人噤趕急要上車

隨住大量b6人流下移，現今年輕人面對嘅競爭比以前大。好多高技能嘅工作俾佢地食晒。佢地好進取，不斷裝備。年輕人要搵高人工過幸福生活實在要加把勁。
其實買唔到私樓嘅唔單單只有年青一代。其實上一輩嘅人都有好多買唔到私樓而住公屋、居屋或租樓，不過佢地一樣開心過日子。化忿恨為力量，年青人奸巴爹！

私人傳訊

aubmaki

珍珠宮

積分: 41866

畀面勳章

22^#

發表於 12-7-27 06:43 |只看該作者

回覆：点解年青人噤趕急要上車

我同c6係80後~~因為我屋企問題所以被迫要搬走~~用5年時間儲我地首期~呢段期間我地甘願租3千蚊套房住~無旅行~無咩節目~唔追名牌~（電話用最平嘅plan，電話用0機價）大時大節時買幾件衫同鞋~生日住一晚酒店當旅行（1年1次），1年去幾次朋友生日，娛樂只有租vcd睇，1年先去戲院睇1次戲，飯盒分兩餐食~~~點解要噤做？因為想結婚生仔同安樂窩ja ma~~~~~我地噤慳都要用5年時間~~~所以我明白d 80後90後會噤急~~~

但有d真係得過想字（又話儲$但年年去幾次旅行，又成日換電話相機，又呻無$買樓，講真我會睇唔起呢d人）（個人意見不喜勿插）

點評

TMC3012

你好勁發表於 12-7-27 09:43

私人傳訊

Teresaso

複式洋房

積分: 103

23^#

發表於 12-7-27 07:06 |只看該作者

回覆：klm402 的帖子

喺香港年青人，一分耕耘，一世無樓，我都覺得講得對，就算怎樣處蓄都無法跟得上樓價:quiet

私人傳訊

SS0303

珍珠宮

積分: 43039

24^#

發表於 12-7-27 07:12 |只看該作者

回覆：klm402 的帖子

會唔會係，有一部份人士因，越貴越想買，高追心態?
不喜勿插。

私人傳訊

piglet_be

男爵府

積分: 6174

25^#

發表於 12-7-27 07:42 |只看該作者

我公司經常有90後黎實習，但佢地既工作態度同工作能力真係好差----唔想學，唔願做，走精面，基本知識幾乎零，問佢地學術上既野就十問九唔知，再唔係就答到錯晒！但見佢地傾閒計時，d話題就係圍繞買樓，買新手機！

私人傳訊

klm402

伯爵府

積分: 15837

26^#

發表於 12-7-27 09:35 |只看該作者

aubmaki 發表於 12-7-27 06:43
我同c6係80後~~因為我屋企問題所以被迫要搬走~~用5年時間儲我地首期~呢段期間我地甘願租3千蚊套房住~無旅行 ...

唔好話80後, 所有冇樓既人都想上車, 想要有個安樂窩, 完全人之常情, 樓價貴係事實, 物價指數高亦係事實, 再講, 父母年代既私樓平到幾10萬都有, 今日睇昔日樓價當然叫平叫底, 但當時係唔係大多人都買得起私樓, 至少我父母買唔係, 後生結婚冇能力買私樓申請公屋, 排隊既人多得是, 你估有今日等候年期保証幾耐上到樓嗎, 事實係冇, 一味得個等字, 未上到樓又冇錢買私樓要結婚要生bb既無何奈何一屋十幾人住, 以前配套差backup差d人一樣努力, 社會愈進步愈係覺得所有野係必然的. 邊個唔想結婚二人世界, 邊個唔想生活住屋有多d自己空間. 我年紀不比你地差好遠, 但我冇咁好彩, 可以讀書讀到24歲先出來做野, 邊做邊讀書返part time唔去玩唔去買唔放假做兩份工, 冇咁大膽想過要買樓, 為既只係維持屋企開支.
到再做耐d野, 人工高d就同男朋友一齊買樓, 所有野得來不易, 但唔會怨, 冇錢買豪d買大d買得方便d就將價就貨, 唔會冇錢又要豪又要靚又要方便, 針永遠冇兩頭利, 唔係唔可以怨, 既然所有野都唔會改變就只好改變自己心態, 積極d去面對. 再講, 我地買既樓起步都係由係200萬左右起步, 依家你要搵200萬左右既樓唔係冇, 長沙灣附近地帶大把單幢樓係呢個價. 上唔到車唔係冇200萬樓買, 唔係冇市區樓買, 只係升值潛力冇大屋苑咁理想, 個樣唔豪, 又冇會所. 對於心頭高要買平靚正樓但邊花費, 玩車追手機吃渴玩樂既人仲坐係度0申買唔到樓, 呢d唔係無言仲可以用咩去形容. 中意好唔中意好呢個世界總唔會圍住自己轉係事實.
我公司有個男仔, 細我幾年, 入來做野唔夠兩年, 一年唔夠病假請左15日, 遲到早退唔在講, 要求多多, 不比他人努力但花紅同加人工0申比同級同事差, 夠膽人前人後講準時返工捱得好辛苦, 想人點睇佢?
唔係個個80,90後都係咁樣, 好既當然有, 好似aubmaki呢個case就值得人家欣賞, 只可惜依家大多8字尾9字頭既人只顧享受自由而唔想付出.

私人傳訊

TMC3012

寶石宮

積分: 430791

大廚勳章畀面勳章 BK Milk勳章

27^#

發表於 12-7-27 09:41 |只看該作者

時代唔同啦, 因為而家公屋冇得世襲, 搞到好多後生都去申請公屋
而家啲樓價咁貴, 要上車都好難, 上到既話供都辛苦啦

私人傳訊

aubmaki

珍珠宮

積分: 41866

畀面勳章

28^#

發表於 12-7-27 09:51 |只看該作者

引用：Quote:aubmaki+發表於+12-7-27+06:43+我同c

原帖由 klm402 於 12-07-27 發表
唔好話80後, 所有冇樓既人都想上車, 想要有個安樂窩, 完全人之常情, 樓價貴係事實, 物價指數高亦係事實, ...

我無辦法之中先要買樓~~~我同c6無得申請公屋~申請房協又唔批~~親戚有樓都唔租俾我住（令願吉出嚟放公仔

）（仲話我；你自己攞嚟辛苦住套房，真係好想一巴車埋佢到，你有dad俾樓700呎你住70後仲要拎屋企$用，返得3~4份工最長2年，有咩資格話我）吖娘自住樓係外家俾~~~所以我一定堅持點慳都要有自己樓（可能大家會覺我義氣用事，但如果俾自己親戚睇唔起自己同c6就會想盡辦法去儲$）
所以大家唔好標籤80後90後~~有d 70後都會噤~~~全事我身邊發生（不喜勿插）

私人傳訊

aubmaki

珍珠宮

積分: 41866

畀面勳章

29^#

發表於 12-7-27 10:22 |只看該作者

引用：時代唔同啦,+因為而家公屋冇得世襲,+搞到好

原帖由 TMC3012 於 12-07-27 發表
時代唔同啦, 因為而家公屋冇得世襲, 搞到好多後生都去申請公屋
而家啲樓價咁貴, 要上車都好難, 上到既話供 ...

我識有幾個80後~一出嚟做嘢就儲$買樓~~（居屋當時都要百幾萬，好在佢果時可做9成，首期係佢d利是$同自己儲返嚟ga）佢太太同我講差3~5年就供完，呢3年仲一年去兩次日本tim~~有心要儲我覺得點都可以（差在要用幾多年姐，其實買少幾部電話唔追款，買小幾個相機，買小幾個手袋，唱小幾次k，睇小幾場戲，去小1次旅行~加加埋埋1年都幾萬啦）~~~有d人要玩夠嘆夠先動身去儲$~~咪先甜後苦law~~~