吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 男人唔想結婚？

夫婦情感今日: 6|主題: 42786

收藏本版

發帖

返回列表

跳至頁

樓主: babycat820

男人唔想結婚？ [複製鏈接]

123

Freesia_cat

珍珠宮

積分: 30556

畀面勳章 hashtag影視迷勳章

21^#

發表於 12-8-10 07:30 |只看該作者

回覆：男人唔想結婚？

唔係個個男人都唔想結婚嘅，例如我老公就屬想結婚建立家庭類，但亦有好多男人唔想結婚，好似我有個男友人就係咁。我識佢時已經33左右，有女友感情穩定(女友當時26左右)，但就一直唔肯結婚…… 我由識佢時無男友，到有男友結埋婚生埋仔…… 佢都仍然唔肯結婚。聽佢講佢女友自佢36歲開始就迫婚(當時佢女友快30歲，談婚論嫁好正常)，但佢唔想結(佢話結婚好多嘢搞，指生活上好多嘢搞)，一直拖住，到宜家男友人都43啦，仍然唔肯結婚。男友人都搵到錢，雖然要供同父母同住嘅樓，不過絕對唔係無錢成家立室那種，我覺得佢係愛得唔夠，唔夠愛女友愛到想承擔婚姻責任。(我老公同意我睇法)

私人傳訊

babycat820

別墅

積分: 935

22^#

發表於 12-8-10 08:21 |只看該作者

引用：唔係個個男人都唔想結婚嘅，例如我老公就屬

原帖由 Freesia_cat 於 12-08-10 發表
唔係個個男人都唔想結婚嘅，例如我老公就屬想結婚建立家庭類，但亦有好多男人唔想結婚，好似我有個男友人就 ...

咁你嗰男友人嘅女友都37歳，仲唔離開咁真係好愛佢。

我知迫佢係冇用，就算迫到都冇"引＂。離開，我都做唔到，大家本來好地地，唔通為咗咁分開？真係走了，俾我搵到個肯結婚，到時可能到我不是太愛那個他！我係一個好難信任男人嘅人，但同佢一齊我好信佢，知佢係唔會出去滾嗰啲人。可能係咁我更加鐘意佢。

留低，希望慢慢佢會變，係度都見過呢啲咁嘅例子。自己亦都開始諗我係咪可以唔結婚唔生仔，但係我怕40歲先後悔就太遲....

人生係充滿矛盾！

私人傳訊

Freesia_cat

珍珠宮

積分: 30556

畀面勳章 hashtag影視迷勳章

23^#

發表於 12-8-10 08:49 |只看該作者

引用：Quote:原帖由+Freesia_cat+於+12-08-10+發

原帖由 babycat820 於 12-08-10 發表
咁你嗰男友人嘅女友都37歳，仲唔離開咁真係好愛佢。

我知迫佢係冇用，就算迫到都冇"引＂。離開，我都做唔 ...

問題係結婚生仔對你有幾重要? 唔好妄想改變男人，不如自己諗清楚，如果同佢一齊到最終都唔會結婚生仔，你介意嗎? 如果介意，或者你應該趁早放棄。(呢句係我老公講嘅)

私人傳訊

Babybaby120

子爵府

積分: 13089

BK Milk勳章

24^#

發表於 12-8-10 10:23 |只看該作者

回覆：男人唔想結婚？

結婚係要你情我願，你可以向佢求婚架嘛！佢愛你的話會主動倒轉求多次架啦！或者佢認為同居已經等如有個家呢？雖然之前有個jm話扮有咗好似好低招，但我覺得其實work 架。

私人傳訊

Babybaby120

子爵府

積分: 13089

BK Milk勳章

25^#

發表於 12-8-10 10:31 |只看該作者

回覆：男人唔想結婚？

結婚本身冇時間限制，但生bb有，如果你好想要小朋友，要早d安排，起碼要有共識。男人6-70歳都仲有得生，但女人有年齡限制。

私人傳訊

DARK_MOON

大宅

積分: 1225

26^#

發表於 12-8-10 10:36 |只看該作者

個男人未夠愛你.....男人係要愛個女人愛到想私有化至會考慮結婚

點評

fafacat Millions agree! 發表於 12-8-10 17:16

This is the dark side of me

私人傳訊

岚月亮

侯爵府

積分: 20164

27^#

發表於 12-8-10 11:08 |只看該作者

好明顯你個C6系想享受老公既權利,而只系想复男朋友既責任啦!

想齋拍拖,得咖,出街拖下手好啦!:;pppp:

點評

fafacat So many women living with men who is selfish and make these women believe marriage is meaningless. 發表於 12-8-10 17:17

Nancy20090615 agree 發表於 12-8-10 11:38

私人傳訊

aidan08

侯爵府

積分: 21096

28^#

發表於 12-8-10 11:17 |只看該作者

我覺得樓主你首先要清楚自己的想法，如果結婚生仔對你嚟講好重要的話，我諗你要set個期限，個期限到而佢都完全無結婚打算的話，我勸你唔好嘥時間，女人的青春係最寶貴。而且，你男友不嬲都知你想結婚，我覺得佢都好自私吓，自己唔想結婚就無謂拖人咁耐啦！呢樣嘢大家無共識到頭來好大問題，而且女人唔等得，好蝕底！

個男人真正愛你係會考慮埋你的感受同埋將來，你男友而係係佢愛自己多過愛你。

而且，你set咗期限就係比咗機會佢(講真，都六年啦！)，你同佢講分手你都要話佢知呢一點，因為你無法再等，女人生仔有年齡限制，而且你要表示你唔係想即刻結婚，但最少要有plan，大家work out唔到係另一件事，但完全唔諗對方的將來係幾自私囉。

我都見好多等呀等等到過晒期的例子，我老公有班男性朋友，以前三十歲前成日出嚟玩，都玩得幾顛，三十歲後陸陸續續有穩定關係，大部份都喺三十五歲前結咗婚，修心養性，而家出嚟都係一pair pair，班男人都享受婚後生活，覺得玩夠係時候停落嚟。而當中有一個而家已經四十幾歲，大家不嬲都知佢話明唔想結婚，之前成日拍散拖，呢兩年識咗個女友，個女仔年紀唔細，佢哋都算係穩定關係，個女仔當然想結婚，開晒口，又暗示叫佢班兄弟出手勸吓佢，其實大家都知呢個女仔下場會好慘，心裡面都想佢快D清醒搵過第二個，因為知個男的根本無結婚打算，我哋仲會私下估個女仔幾多歲(因佢一直唔肯透露)，大家估佢四十幾，仲喺到希冀呢隻無腳雀仔會為佢停落嚟，大家其實心裡有數。我哋亦知道即使個女仔話因佢唔結婚而要走，個男的都唔會妥協.....真係等又死唔等又死。

我自己覺得，同呢D人一齊你一係同佢一樣，唔認同婚姻，唔一定要生仔，否則到你等到自覺無晒市場時，你會好唔開心，因為眼見周圍的人都成家立室，為緊一D目標進發。除非你都享受獨身。

私人傳訊

canies

翡翠宮

積分: 97283

29^#

發表於 12-8-10 11:27 |只看該作者

回覆：男人唔想結婚？

比女人遲少少，一般男人3x 都想成家立室，尤其你地冇同居！同意樓上扮有左試下佢先，仲冇表示勸你騎牛搵馬好啲⋯

私人傳訊

Nancy20090615

瑪瑙宮

積分: 138498

30^#

發表於 12-8-10 11:33 |只看該作者

拍拖之後結婚, 好正常. 咁我唔明佢唔結原因, 都 36 歲. 又無諗您都 31 歲了. 不可一直逃避下去, 令您歲月蹉跎. 大早佢唔結就坦白同您講啦, 又唔講, 好衰. 我有個 fd 佢個 bf 講明唔結亦唔要小朋友, 拿, 咁留底係您自願唔好怨我. 我覺得咁好.

問清楚佢, 結定唔結, 結左要唔要 bb 要大家一致, 唔好勉強是但一個去遷就. 有 d post 一方堅持要左 bb 後同 c6 越行越遠, 咁婚姻都無意思.

點評

fafacat Nancy, 你最公道! 發表於 12-8-10 17:20

aidan08 agree! 發表於 12-8-10 11:55

私人傳訊

MyTulip

子爵府

積分: 12138

31^#

發表於 12-8-10 12:14 |只看該作者

樓主妳個case同我差不多。不過男女角色掉轉。(我又係唔想生小朋友。)
我細過妳啲,但男友三到尾。佢好想結婚,我未到抗拒,但又唔多想。
主要原因係我對婚姻無咩信心,我怕轉變。
除非妳能俾妳男友見到婚後嘅轉變不大或更好,否則好難改變佢嘅疑慮。

私人傳訊

mimi26

子爵府

積分: 11716

32^#

發表於 12-8-10 14:24 |只看該作者

回覆：男人唔想結婚？

我老公以前都唔想結婚，可能好多野未ready好。但我好想結因我大佢兩年。後來佢答應係我三十歲前娶我，佢做到了。我今年廿九，結婚一個月未到。我知道佢有啲驚，太大責任，但佢會考慮我感受。依家大家相處得好好。你要比個期佢，一定要。佢唔想結ok,咁不如影攝婚照先?當留念都得掛?逐步逐步。

私人傳訊

yokie_beagle

大宅

積分: 1985

33^#

發表於 12-8-10 14:31 |只看該作者

我同樓主一樣, 我同c6拍左拖7年;
但我地決定出年1月結婚, 當中傾結婚時, 都歷盡辛酸, 因為永遠女仔係急過男仔的; 佢開頭攪結婚都唔係咁想, 同唔上心, 我果時都好唔開心, 初初我都係半迫半放棄, 一係結, 一係分手; 因為我唔想再浪費時間了, 始終女仔青春有限;
但去到今年年初, 佢又態度軟化左, 好似接受現實, 對我好左同積極左攪結婚既野, 我都有少少安慰;

樓主, 比多少少時間大家la, 佢會明白你既心意既

加油.....

私人傳訊

oocholeoo

大宅

積分: 4506

認識瑞士牛牛第一回畀面勳章

34^#

發表於 12-8-10 15:38 |只看該作者

回覆：男人唔想結婚？

我同我男朋友有共識唔結婚。。。
但會生bb係咪好奇怪?

私人傳訊

winniethe718

大宅

積分: 2281

畀面勳章環保接龍勳章

35^#

發表於 12-8-10 15:49 |只看該作者

回覆：babycat820 的帖子

你們有共同理念嗎?或是一相情願等結婚呀?男未婚女未嫁.比多啲機會自己.去認識多啲人鄺闊圈子.可能會遇到想結婚生小朋友的人呢!

手機用戶,不要點評,謝謝

私人傳訊

ChristieMing

侯爵府

積分: 20768

好媽媽勳章畀面勳章

36^#

發表於 12-8-10 16:23 |只看該作者

樓主, 我都有位朋友同你一樣, 同男朋友拍o左拖7年, 但一直都冇結婚o既打算, 兩三年前我都有勸過呢位朋友, 如果男方冇意思, 叫佢唔好再拖落去, 對自己冇好處, 但佢同你一樣, 覺得散o左之後搵唔番一個咁o既人, 所以拖到而家, 佢而家都33歲了, 但男o既仍然咁o既態度, 雖則比我個fd迫到佢影結婚相, 但婚期無期~~~ 唉~~~~

其實都係一個借鏡, 希望你會醒覺~

蔡翁失馬,焉知非福呢~