大仔大女媽媽會 今日: 0|主題: 177861

瞳 寫道:
nganga
我女又係講爸爸多，好少講媽媽，但講得最多係打打， 全因佢亞爺同亞麻做d好事…亞女有野想要唔會搵我，佢會去搵佢亞麻，因佢亞麻乜都就晒佢，激到我死死下… 個衰女依家一歲人仔已經好惡死…我之前本來教得個女好地地，又俾個隻99搞衰晒…
講番亞女…佢成日俾人以為佢好大個，我都唔知係咪d人覺得佢肥，我依家係怕佢肥得滯 係呢，晴晴除左少講野，咁係玩方面點呢，識唔識擺番野落個盒度呀，我個臭豬唔識呀，教佢，佢唔聽我支笛… 佢下個禮拜二打針做測驗喇，都唔知過唔過到關…唉…

vyvy 寫道:
我阿囝之前已拎住奶樽飲幾個月, 最近一個月就玩奶樽, 呢個星期就見到奶樽就喊&推開, 本來已識用學習杯, 現在又吾肯用, 唯有用匙餵.

原來仲有媽咪擔心阿b四肢發達, 阿囝一樣, 雖然佢未識曬你地講個d動作, 但現階段應該都係體能上較好d, 叫媽媽都只係發音(吾係對住我講), 爸爸就成日等緊佢叫.

瞳 寫道:
我女又係講爸爸多，好少講媽媽，但講得最多係打打，

nganga 寫道:
tim ;又例如:晴晴一撞到野,老人家就會打嗰件物件,話嗰件物件曳曳,點知晴晴有樣學樣;話說有一日,晴晴個頭仔撞到牆,之後佢就係度打牆,咁我就問佢:你做乜打牆牆ar?跟住佢就指住個頭,對住佢真係唔知好嬲定好笑,之後我就會話俾佢聽:係你唔小心撞度wor!所以你唔可以打牆牆ka!我真係驚第日晴晴大過返學,朋友仔撞到佢,佢就走去打人,到時都唔知點算好

mrsleungbb 寫道:
[quote]
瞳 寫道:
我女又係講爸爸多，好少講媽媽，但講得最多係打打，

chingching2005 寫道:
Ma...Mi，原來你個芊芊亦會做識張開手仔講"無"囉這個動作，我個女她亦會做，她每次做此動作引到我們一家都好開心，但不知她"無什麼"？ 好攪笑．

szeszes 寫道:
瞳,
嘩!~ 你就好啦!! 囡囡自己會做咁多動作.

上次回健康院時, 護士叫 Karl仔 做 太子, 因為護士比餅仔佢 test 用手指取時, Karl仔 懶到出汁, 唔用手取, 只係伏底果頭 及 凸長果咀食. 所以, 佢叫我一定要回家訓練 仔仔 既 自理能力.

但係 我亞仔真係成個太子咁, 懶到出汁!! 心情好就拿住奶樽1分鐘, 拿一陣就拉我只手叫我幫佢, 一唔幫佢就轉身走人.

我試過唔幫佢拿奶樽, 佢就真係夠膽死, 飲幾啖走人, 我真係鬥佢唔過, 鬼叫佢已經重得唔好, 佢再唔食就大件事.