我真係頂唔順 d 咁 ge 氣氛啦. 噙晚成晚想同佢開心見城咁傾, 但始終唔知點開口. 但今早醒咗真係忍唔到啦 (雖然佢睇波睇到 6 點先瞓), 我主動攬住佢, 仲係好大力好大力個隻, 跟住我同佢講唔好再嗌交啦好嗎, 佢應咗我一聲 (半夢半醒間), 之後佢醒咗, 雖然嗰一刻好溫馨, 但我都有同佢講我想佢比多 d 時間喺屋企, 佢就話佢已經比多咗好多時間 (事實上都係), 佢叫我唔好成日咁小氣, 咁細路女 (我成 36 歲人啦仲細路女 
), 咁我講到明唔想佢成日咁出去飲酒, 佢冇答到我. 算啦, 經過今次, 我相信我又上咗一課, 要自己更大方更温柔黎住佢個人同心, 好彩今早發覺佢對我都仲有感覺同反應 
(冇計啦, 鬼叫有睇相佬話佢惹桃花咩, 我信嫁, 因為佢太好人, 有好多人痴埋去), 而且學早前 BK 媽咪話齋, 唔通真係想離婚咩, 到嗰時就冇得救嫁啦. (其實噙晚不斷有 friend call 佢出去 
, 不過佢話有嘢做冇出到, 可能佢見我哋冷戰中所以唔想攪咁多嘢啦 
)
Vickee 寫道:
ladykin,
唔通真係又要我投降先! 其實我都開始唔係好頂得順, 噚晚成晚都訓唔到! 點解佢唔會好似我咁諗?? :-( :-( 我都好唔開心架! 點解佢唔可以就多我一次?! 我真係好唔甘心呀!
係就係好唔甘心嫁啦, 但自己又真係好愛好愛佢, 唔通真係離婚咩, 我好小女人嫁, 我講到明叫佢唔好對我冇感覺, 唔好唔要我嫁 (可能有人話我影衰哂 d 女人嫁 )
發表於 
我唔係講衰野, 我係想話你在床上臨瞓前同佢傾下計, 慢慢越傾越多先再講你對佢既不滿囉 
要改
返回列表
