我嗰時個仔滿月自己就3個鐘先要食，慢慢3個半鐘，兩個半月左右4個鐘一餐，3個月試過5個幾鐘都無扭食，但我覺得隔得太耐，畢竟人奶始終係易消化，所以而家keep住4個鐘就會獻身一次，時間易分配啲，戒左夜奶，1日就可以食到5餐。bb唔會扭食，但比佢又會照食。其實我覺得同唔同佢轉3個鐘或者set唔set時間餵bb係好睇媽媽的。我開頭無刻意幫bb set timetable，無話一定要幾多個鐘先餵一次，係feed on demand的。但係我3個月大前每次餵都最少要bb啜15分鐘，因為我bb之前一直食飽唔會自己離口，所以我要計時。超過15分鐘就唔比佢啜。(我的經驗係如果bb係認真食10至15分鐘一定食曬一邊) 到下次差唔多夠鐘食奶的時間bb喊我會抱吓佢先，睇吓佢係咪真係肚餓想搵食先，唔係bb喊就即刻餵，好多時抱起左佢就唔喊，同佢傾吓偈玩一陣都無喊即係唔係扭食啦，如是者每次拖吓拖吓就慢慢拖長每餐時間，bb大約4個月大左右自己setup左自己的timetable，而家食奶瞓覺都好定時。我bb好多時唔係肚餓想啜啜而係心癮起想啜，眼瞓又想啜，無安全感，驚等等又想啜。 其實睇返媽媽有無時間，或者想唔想比bb啜得咁密。有時比bb啜密啲，bb安全感會大啲，痴媽媽啲，親子時間多啲，媽媽被需要的感覺大啲。但因為我個人就想bb學識食時食，玩時玩，唔想佢覺得要食幾時都有得食，所以每次只食少少；最重要係我懶唔想24小時standby 比佢啜，我想自己可以控制餵奶時間同埋想多啲時間用。
發表於 
返回列表
