Re: 同99開火炒大鑊
見大家鬧99鬧得拱高興, 我又搭2句咀先~~
如果大家有留意之前topic, 我99就精彩囉, 3日一小吵, 5日一大吵, 呢2日佢病左, 喉嚨痛, 出唔到聲, 天下太平!!! (連我老公佢個仔都係咁講架, 佢話能夠有寧靜既時候, 就只有佢阿媽喉嚨痛就天下太平..... 所以有時候佢都會望佢喉嚨痛.... 等大家可以靜下....)
佢之前搞到我有驚恐症, 好彩我發現得早, 我老公都叫我唔好見佢咁多, 避得就避, 做下d門面野就得架啦, 前幾日, 有一次有幾會同佢單獨相對一陣, 佢話佢果日鬧完我好心痛喎....
我咪話冇野喎99...
大家鬥假囉!!
連我老公都話, 佢阿媽d說話十成信得半成好啦, 仲要多數係講反話!!
呢, 我99既暴行真係我諗好多99都未必會有(如果有, 我地真係要組返個"反99大聯盟"啦!!)
1. 佢成日要人氹佢, 點樣氹呢, 如果係普通既氹, 我冇所謂架, 當氹下d老人家囉, 但係佢係超麻煩, 例如話同佢去飲茶, 永遠要叫"矮"佢半個鐘先肯去, 如果我地唔"矮"佢夠半個鐘, 佢地就會話我地冇誠意, 跟本就唔想同佢去!!! 大姐呀, 人地個個都要返工, d仔得星期日一日抖下, 都走黎搵你飲茶, 算係咁啦, 仲要人地side半個鐘黎"矮"你, 唔好玩啦!!!
2. 3日一小吵, 5日一大吵, 而且佢要鬧人既理由係"零", 跟本可以冇人搞到佢, 激到佢, 只係佢自己發憫憎, 就搵人黎鬧!! 我親眼見過一次, 之後我就信啦, 佢果日我見佢仲好地地既, 同我有講有笑, 我仲諗, 做乜野今日咁好心情呀, 跟住62做完野返黎, 咁佢去執野啦, 我都有幫手架, 咁佢要將d梯用鐵鍊鎖好佢, 佢因為鎖匙太多(有大約20條), 咁好難頭幾次就試中架麻, 又冇記認既! 跟住我發覺佢試左3幾條之後就開始憫憫地, 我咪話等我幫下手啦, 佢又唔肯, 終於, 試左十條左右就開到啦, 由開到果刻, 佢就開始鬧人啦, 鬧咩呢, 由上星期個仔有一日夜返開始, 鬧到十幾年前老爺要佢捱之類, 最後就燒埋我果度, 講左好多好難聽既說話!! 之後仲要嬲左我地成個星期, 日日係度指天鬧地咁樣鬧(係呀, 佢鬧人唔係對住人地鬧, 係背住人地指住個天鬧架!! 望都唔望被鬧果個人一眼!! 阿Q d諗咪就係可以當佢唔存在囉.....)
3. 成日係d親戚朋友面前數我架, 但係我由一開始就係佢d朋友面前對佢非常非常之咁好, 又恭敬又有禮貌又好笑容, 所以佢d朋友而家都會幫我講好說話架(不過唔知係咪咁, 所以佢更加憎我!! 因為佢覺得好似全世界都鐘意我, 剩得佢一個唔鐘意我, 所以佢咪覺得冇人企佢果面囉.... 其實跟本就係佢自己既問題!!)
4. 成日逼我買d咩返屋企, 唔可以買d咩返屋企, 仲有d野點擺點放又關佢事.... 好似結婚前我地要買電飯bo, 佢一定要我地買綠色幾十年前大大個果隻.... 仲要同佢果隻一模一樣.... 老實講丫, 我地得2條友食飯, 如果用果隻bo, 一定bo完只會剩返d飯焦... 我地話買左啦, 都仲要經佢過目先得... 唔岩佢心水又唔準買..... 痴線架, 又唔係佢住, 做乜要跟晒佢呀!! 所以我到而家都係當自己係租客, 當我買到樓搬走既時候, 我只會搬走我地自己比錢買既家私, 佢之前買落既我一概唔會搬走, 費事佢有野講.....
♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！
發表於 
返回列表
