心聲留言 今日: 0 | 主題: 17518

積分: 71818

畀面勳章環保接龍勳章

22^#

發表於 06-4-30 12:17 |只看該作者

Re: 唉!!幾時先唔駛捱?

好多謝大家, 我都會從好既方面去學習點同個女溝通!!

謀事在人，成事在天，個天先係最終揸"fit"人！！

你恨的人，來生不會再見，所以別在他身上浪費時間；你愛的人，來生也不會再見，所以今生要好好對他。

私人傳訊

roccomami

禁止發言

積分: 14500

好媽媽勳章

23^#

發表於 06-4-30 12:50 |只看該作者

Re: 唉!!幾時先唔駛捱?

提示: 作者被禁止或刪除內容自動屏蔽

私人傳訊

francojoan1219

積分: 1167

24^#

發表於 06-4-30 18:35 |只看該作者

Re: 唉!!幾時先唔駛捱?

中0左六合彩咪唔駛捱0羅…哈哈…
我成日都發呢個夢0架…

私人傳訊

積分: 71818

畀面勳章環保接龍勳章

25^#

發表於 06-4-30 18:41 |只看該作者

Re: 唉!!幾時先唔駛捱?

francojoan1219 寫道:
中0左六合彩咪唔駛捱0羅…哈哈…
我成日都發呢個夢0架…

ha, 我都係咁諗, 不過買左十多年六合彩, 最叻都係中過幾千蚊, 但係呢十幾年既投資, 都唔止呢個數囉, 其實橫財唔係人人有, 如果命中注定係冇既, 就算買左43個no, 都會開冇買個6個。

私人傳訊

積分: 71818

畀面勳章環保接龍勳章

26^#

發表於 06-4-30 18:43 |只看該作者

Re: 唉!!幾時先唔駛捱?

roccomami 寫道:
妳係好媽媽。努力！！[quote]
mclam 寫道:
好多謝大家, 我都會從好既方面去學習點同個女溝通!!

[/quote]

roccomami,

我都係嘗試咋, 得唔得都係未知數, 我怕未同阿女溝通到, 已經吐血身亡!!

私人傳訊

francojoan1219

積分: 1167

27^#

發表於 06-4-30 18:59 |只看該作者

Re: 唉!!幾時先唔駛捱?

你都好喎，中過幾千蚊，我最多中3個字咋…
有時0的0野唔好太執著，平常心，好似0的人講話仔女讀名校或者要十項全能，講真，我0地以前咪係成舊飯感咩都唔識，我唔否認而家0的小朋友要比我0地以前學多0的0野，但係好多時迫係無用，如果小朋友自願走去學某些知識，感佢0既吸收能力比我0地迫佢學習好10倍呀…

私人傳訊

積分: 71818

畀面勳章環保接龍勳章

28^#

發表於 06-4-30 19:42 |只看該作者

Re: 唉!!幾時先唔駛捱?

francojoan1219 寫道:
你都好喎，中過幾千蚊，我最多中3個字咋…
有時0的0野唔好太執著，平常心，好似0的人講話仔女讀名校或者要十項全能，講真，我0地以前咪係成舊飯感咩都唔識，我唔否認而家0的小朋友要比我0地以前學多0的0野，但係好多時迫係無用，如果小朋友自願走去學某些知識，感佢0既吸收能力比我0地迫佢學習好10倍呀…

其實我係學業上係冇乜迫佢, 佢每日剩係做學校功課, 唔會再做額外既野, 尤其是做某科既專題, 佢話唔識做, 我都幫佢搵資料, 叫佢抄返落去, 佢就求求其其, 寫到d字嚇死人。我都冇乜要求, 剩係叫佢寫d字端正小小唧, 因為內容幾豐富都好, d 字寫到fee li 啡喱, 會比人一種唔用心既態度。佢成日話我吹毛求疵, 唉, 我都唔知點講佢先明。即係等於幾高學歷都好, 做起事黎懶懶散散, 係人都怕左你啦!!

總之阿女一日讀書, 我同佢既關係都唔慌好得去邊架啦, 我都冇叫佢去學乜野, 又冇叫佢去補習, 都唔知佢想點?

我真係想做駝鳥, 將個頭喱埋係泥裡面, 乜都唔駛理!!

私人傳訊

積分: 71818

畀面勳章環保接龍勳章

29^#

發表於 06-4-30 19:52 |只看該作者

Re: 唉!!幾時先唔駛捱?

焱焱寫道:
mclam
可能我同你想法唔同,所以大家嘅感受都唔同,我好安慰仔女佢地有自己既一套,再唔係一個扯線公仔,咁樣佢地會獨立啲,我嘅煩惱小啲.
基本上我係個悲觀嘅人,可能因為咁,所以盡量做啲大家開心嘅事.
我同你都無錯,只係大家選擇唔同,我地最大嘅分別就係做媽媽係我一生最快樂嘅時候.
無可能要你和我想法一樣,唯有共免之. [quote]
mclam 寫道:
焱焱,

我開頭都冇諗過教養係咁煩既, 可能我冇好周詳咁去諗啦,一心以為生左先算, 原來教一個小朋友唔係想像中咁簡單, 唔係剩係比3餐佢食, 遇到頭暈身興, 我真係好擔心。佢一路長大, 一路有自己既一套, 再唔係一個扯線公仔, 任你去搓圓"禁"扁,但係做阿媽既, 冇理由前面有個"窿", 都比佢踩落去架?

因為我自己讀唔到書, 先想佢努力讀書, 第時有份好工做,我咁都錯?我夠想乜都唔駛理, 唔駛煩, 係咪真係要做到咁, 大家先安安樂樂?

其實我都冇乜要求, 只要佢努力讀書, 就來學有所成, 我就功成身退, 到時佢自己鍾意點就點啦!

[/quote]

焱焱,

我以前做野個時, 晚晚十點幾先放工, 幾辛苦我都唔怕, 但相比係湊女黎講, 我覺得真係好"支力", 佢成日都唔同我合作, 事事都撐到恆, 就算我幾有忍耐力, 都有氣餒既時候, 有時佢返左學既時候, 我諗起成日同佢開片, 我會偷偷地喊 :-( , 點解人地d仔女咁聽話, 點解自己個女成日同自己背道而馳?我自問唔係一個嚴苛既人, 可以話係一個懶惰既媽媽, 冇迫佢去學呢樣個樣, 亦都冇話每日幫佢溫習功課, 我真係唔知我究竟係咪太寬鬆? 所以個女做每樣野都係求求其其?

私人傳訊

mame

積分: 3188

30^#

發表於 06-5-1 00:16 |只看該作者

Re: 唉!!幾時先唔駛捱?

mclam,

你嘅苦況同我好相似 :-( :-( :-(

私人傳訊

andrewmummy

伯爵府

積分: 17023

好媽媽勳章

31^#

發表於 06-5-1 00:40 |只看該作者

Re: 唉!!幾時先唔駛捱?

唉!真係有排捱!

私人傳訊

oknsca

男爵府

積分: 8428

32^#

發表於 06-5-1 00:46 |只看該作者

Re: 唉!!幾時先唔駛捱?

mclam

我都你差唔多..而家都係為緊教囝而煩惱...不過最近都諗通一d野!我兩個仔4&2歲..我真係覺得佢地好鬼煩..兩個一痴埋就噪過唔停..大仔無耐性..EQ極低..細仔就係一個大喊十..總之對住佢地就頭都痛埋..因而有少少想逃避做媽媽既責任!..但其實子女既管教真係好重要..我都係0岩0岩先開始明白..!我同你一樣都係唔嚴苛又懶散既媽媽..我兩個仔雖然細..但其實都好懂事..我都好少"管教"佢地..都係比佢地自由發揮!..但原來咁係唔會教育好一個小朋友架!..
最近睇左好幾本教仔書..睇完自己都覺得有d"殘"愧..睇見書上其中一個爸爸努力不懈咁教育佢個仔..自己就好似只有"養"而沒有"教"!..我相信每個孩子有適當地栽培都可以成材.....所以就要努力咁教育好佢地

私人傳訊

焱焱

積分: 3292

33^#

發表於 06-5-1 09:27 |只看該作者

Re: 唉!!幾時先唔駛捱?

mclam
你話個女寫到d字嚇死人,佢啲字係唔係寫得無力,出晒界,會唔會佢控制自己手指有困難,手眼唔協調,我個仔就係有呢個問題.阿仔就算好有心機寫,都會係咁.
嗌文嗌得多,就算個女知你啱,都會特登唔聽你講,我同我阿媽就有呢個問題,佢樣樣都話我唔啱,所以我同佢撐到好恆,你下次幫個女搵資料後,講一次應該點做,佢想點寫唔好埋佢,試吓俾佢自己決定一啲事.
個女做到啲嘢係啱嘅,就多啲讚吓佢,佢先有自信,無自信好多嘢都做唔到.
唔可以即刻改善同個女嘅關係,要慢慢黎,你無耐性,個女好難配合到你,唔駛做功課個陣,講吓笑話,問吓iq題,輕鬆吓啦,香港人

私人傳訊

roccomami

禁止發言

積分: 14500

好媽媽勳章

34^#

發表於 06-5-1 11:11 |只看該作者

Re: 唉!!幾時先唔駛捱?

提示: 作者被禁止或刪除內容自動屏蔽

私人傳訊

積分: 71818

畀面勳章環保接龍勳章

35^#

發表於 06-5-1 13:24 |只看該作者

Re: 唉!!幾時先唔駛捱?

唉! 我都知道自己性格比較急躁, 有小小唔滿意就好容易表演出黎。可能有d媽媽會好enjoy 湊仔/女既過程, 但係我就唔覺得enjoy, 我覺得係一件"苦事"。其實我同阿女都幾合拍, (當然撇除係學業上面。)行街、去玩, 我地都不知幾開心!可惜丫, 讀書係佢而家最基本既野, 冇可能叫佢唔讀書而日日去玩架!!亦係因為讀書, 攪到我同佢既關係越黎越惡劣。

焱焱,

佢有心機寫個時, d 字可以寫得好好, 佢唔係有問題, 不過當佢冇心機寫個時, or 想快d寫完去睇電視, d 字就會寫得又大又細, 筆跡時深時淺, 比人一眼望落去, 會覺得係係度"敷衍了事"。

有d朋友叫我由得佢自己發揮, 讀得幾多就幾多啦, 其實講就容易, 讀得幾多得幾多喎, 我自己本身就因為讀唔到書, 攪到自己日後兩頭唔到岸。話我緊張又好, 乜都好啦, 我真係唔想阿女行返我條舊路。

可能家陣阿女都係唔識諗, 點解阿媽成日要我好好讀書, 其實我想佢學有所成, 日後唔駛咁辛苦。或者佢家陣唔明, 第時佢大左, 就會明白我架啦!!

私人傳訊

mylihelen