吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 我的懷孕經歷(一)

懷孕前後今日: 0|主題: 330655

收藏本版

發帖

返回列表

跳至頁

樓主: 十月B

我的懷孕經歷(一) [複製鏈接]

123 4

十月B

別墅

積分: 704

21^#

發表於 12-10-20 11:48 |只看該作者

回覆：我的懷孕經歷(一)

繼續講下我既懷孕過程先~
話說係10月8日見完政府e生，佢話仲有段時間呀B先落產道!e生就叫我行多d，希望有幫助!
唉!聽完之後梗係好失望呢!因為當時已經39週2了!真係好擔心要摧生!
到咗第二日，即係10月9日，我同自己講今日既活動係「全日行街、行樓梯」!
於是當日既早上先去M記歎返個豐富早餐，跟住就係行樓梯既活動!
我搵咗個公園行樓梯，計計下，行咗480級樓梯!之後行到累了，就返屋企，諗住下午再行過!
點知返到奶奶屋企，慢慢feel到個肚開始痛!宮縮次數唔算好密!開始時無理佢，以為係假宮縮（再加上前日e生先講無咁快生）!
但由早上11點多d開始痛，至下午2點多，痛得密咗同痛咗!就連我奶奶都叫我入院!但我5係好想，因為無見紅，齋痛，容乜易又俾人趕返出黎（因我之前生呀女時足足痛咗30個鐘）!
但後來我真係開始頂唔順，唔似假宮縮，於是走去沖涼，然後叫我老爺幫我去我屋企攞走佬袋（5係同6299住，老公又返咗工）!跟住老爺送我去產房!
途中打俾老公，老公問使5使即刻請假，我話5使住（因之前既30個鈡既經驗）!等我睇下去到產房咩環境先啦!
下次可以講下我既生仔經過!

私人傳訊

ccmssm

大宅

積分: 1511

22^#

發表於 12-10-20 12:50 |只看該作者

下次....希望可以快d~

私人傳訊

MMbabyrainbow

大宅

積分: 1361

23^#

發表於 12-10-20 13:08 |只看該作者

回覆：我的懷孕經歷(一)

等你再分享呀

私人傳訊

boboblublu

水晶宮

積分: 64625

2018復活節勳章育兒性格勳章畀面勳章

24^#

發表於 12-10-20 13:55 |只看該作者

私人傳訊

colok

大宅

積分: 2041

25^#

發表於 12-10-20 14:00 |只看該作者

回覆：我的懷孕經歷(一)

等緊你講~~~

私人傳訊

happyjellybb

大宅

積分: 1553

26^#

發表於 12-10-20 16:37 |只看該作者

回覆：我的懷孕經歷(一)

好似追劇集咁

期待

私人傳訊

chichiphoebe

別墅

積分: 823

BK Milk勳章

27^#

發表於 12-10-20 17:08 |只看該作者

期待

私人傳訊

leiwan

大宅

積分: 1714

28^#

發表於 12-10-20 19:32 |只看該作者

期待ing

私人傳訊

十月B

別墅

積分: 704

29^#

發表於 12-10-21 00:10 |只看該作者

回覆：我的懷孕經歷(一)

好啦!繼續分享下我既生仔經過先!
10月9日上午行完480級樓梯之後，就有作動既反應!
當日下午3點多，入咗產房登記，跟住俾姑娘檢查!姑娘話未開，不過都就快架啦!我心諗有冇咁快呀?於是姑娘俾套粉紅色衫我換（呢個時候就即刻打俾老公啦，因為遲d要熄電話）
姑娘安排咗我入產房，跟住駁機check BB心跳同我宮縮既情況!
之後宮縮密咗同痛多咗，咁我就叫姑娘check下，點知...一度都未開!唉!唯有繼續痛住等!等下等下，已經5點幾，問姑娘借電話打俾老公，原來老公一早到咗!於是就叫佢入黎（原來產房也有探病時間）!
老公入到黎，我就好似跌咗落海見到個水泡咁，捉實佢!
時間係咁過，6點幾啦，於是又叫姑娘幫我ChecK下，不過個結果都係一樣!老公同我講，又話就黎開，但3個幾鐘，一度都未開!
於是我問姑娘，如果一直未開，會5會送我上去產前病房架?姑娘話睇下產房爆5爆啦!不過你係第二胎，而且又痛得密咗，應該5會住既!
時間過得好快，7點半了!老公係時候要走啦!又凈反我一個人孤身作戰啦!我唯有叫老公返屋企先，因為我覺得應該5會咁快架!
老公走咗之後，我就係產房不斷行來行去，又好似傻婆咁不斷唱聖歌!不斷望個鐘，已經8點幾了，於是乎我又不厭其煩咁叫姑娘Check，點知呢個肥姑娘話6點幾先幫你checK過，一度都未開!我就同佢講痛得密同勁咗，佢先幫我Check!哈，唔check由自可，一check已經開咗2度，於是乎佢好緊張咁準備d野（因我中咗B鏈）!
佢地開始幫我打針，跟住我就問姑娘可5可以打俾老公，佢話可以，然後問你老公5係係出面等咩?我話以為仲有段時間，所以叫咗佢近屋企先!老公接到電話就即刻飛的黎!
陣痛越黎越密，又無笑氣聞，d姑娘凈係識得叫你鼻吸口呼，5好大叫!我頂，我夠知啦，但真係好痛!
我既水泡終於黎啦!呢個時候我梗係捉住，練住，搣住佢隻手以減輕我既痛楚啦!
時間又係咁過，但開既度數姑娘話都係差5多!咁其中一位姑娘見我咁辛苦，於是建議我打止痛針（但佢話對呀B會有少少影響，呀B一出世就要打返支針），咁我當然say no啦!跟住佢提議用電流之類既野，將返5知乜野貼係你背脊，當你feel到痛時就按一下，好痛時就按多下，以減輕痛楚!但我想同各位jm講，係無用既!
到咗10點左右，我feel到想柯屎，同姑娘講，佢凈係識得叫我5好柯住，未得架!之前叫我打針個姑娘又重新叫我考慮打針，佢話見我咁辛苦，我夾硬柯呀B出黎係5好既!咁我就同佢講5係開多過4度5可以打架咩?（我個時心諗由8點開2度，到10點幾冇理由開5到4度卦?）點知另一個姑娘話冇分幾多度架!幾多度都打得!於是乎，我打咗了!
打咗5夠十分鐘（仍未feel到個效力），姑娘話已經開到8度，呢個時候開始準備其他野，如叫我提起腳（分娩個姿勢），我話忍5住啦，我要柯啦!呢個時候feel到呀B個頭想出黎，而另一方面就柯左舊屎出黎，我話5好意思呀姑娘，我柯咗舊屎出黎!於是佢就幫我換咗塊M巾墊!
姑娘見到我咁既情況，於是乎忍5住幫我穿水!嘩，一係5穿，一穿就舒服哂，呀B個頭出黎啦!就係咁，終於生咗十月B了!
唉!5好以為就咁完!

點評

dlmui 咩係B鏈？發表於 12-10-24 20:58

私人傳訊

MMbabyrainbow

大宅

積分: 1361

30^#

發表於 12-10-21 00:22 |只看該作者

回覆：我的懷孕經歷(一)

好緊張呀！跟住點呀

私人傳訊

fiona116

禁止訪問

積分: 3604

31^#

發表於 12-10-21 00:26 |只看該作者

回覆：十月B 的帖子

提示: 作者被禁止或刪除內容自動屏蔽

私人傳訊

十月B

別墅

積分: 704

32^#

發表於 12-10-21 00:44 |只看該作者

回覆：我的懷孕經歷(一)

生完十月B之後，有樣野一定要做既，就係要柯返個胎盤出黎!姑娘叫我用返頭先d力柯個胎盤出黎，我話已經5痛了，好難用返個d力!
於是乎佢地就係我個肚度係咁搓，但個胎盤仲未得，佢地望下個鐘，已經過咗15分鐘，但仲未成功！於是抖咗一陣，跟住叫e生黎幫我，e生話如果佢都失敗，我就要入手術室幫我攞反出黎！我同e生講生仔都唔使要開刀，但攞個胎盤出黎要開刀？好彩佢話唔係要開刀，只係要麻醉，跟住攞反出黎咁上下！
好啦，e生佢話會輕輕力咁幫我推個胎盤出黎！點知，佢欺騙我，又話細細力，原來佢將成隻手伸入去我個陰道裡面摷！
嘩，真係頂佢個肺，個種痛仲痛過生仔呀！
終於，係我生完一個鐘之後個胎盤出黎啦！
e生話由於個胎盤太耐都出唔到黎，再加上佢成隻手咁伸入去，驚有菌，所以要食抗生素！係生產既過程中雖然無剪，但由於我逼呀B出黎，所以會陰個度爆咗，所以都要逢針！
係成個生產過程中，老公一直都係我既身邊！多謝你！
留咗講，十月B重7.8磅，而且仲有2個酒凹添!
最後，差5多到預產期又5想催生既jm們，行樓梯真係work架!