莎莎莉莉 寫道:
嗯，拍拖頭幾年好想結婚，因為好想同呢個人一齊生活，一齊有一個家庭。
拍拖後幾年，想結婚，因為想結婚－－覺得係人生必經階段，而且年紀都唔細，又想有自己的兒女－－好老土架，但係是事實囉！
結婚後，未有ｂｂ時，覺得結婚後唔算無左自由－－反過來講，自由度仲大左，以前出街要同屋企人交代，結左婚，唔返來食飯，同老公講聲就得，只係多左家庭活動要出席。仲有係名分上的肯定，好似做野名正言順好多咁！
但係吵架一定有，而且男人係咁，結左婚，乜都唔會點做的了，所以乜野生日，情人節，都係咁過！
有左ｂｂ，自由度少左好多好多，但係又覺得呢ｄ係代價，我都會接受，人不可以永遠不成長的。
依家自己以仔仔為重心，情人離我遠去了，老公係partner多過lover似的。
如見到朋友選擇不婚，我會完全支持呢個決定，女人不一定要結婚。已婚和未婚，一樣可以各自各精彩，現代單身女性，樂趣不會比已婚的少。
我有時都幾想回到未嫁時！
發表於 
返回列表
