Re: 心心胸圍店
以下是我的”心心經歷”, 做過一次豬仔都怕怕囉！
約兩年前睇完雜誌去加連威老道心心睇吓啦, 我平時係著厚墊A cup的, 個sales (中年女人)就叫我著B cup, 話費事我兩個星期後又花錢返去換過晒d bra…. 我見在試身室試完之後的感覺真的是驚喜, 於是便買咗2個bra, 一件背心;
點知第一日返工, 響屋企都冇嘢, 返到公司個bra已走晒位, 離晒罩, 成個麥當娜咁, 於是成個上午都著住件抓毛外套, 驚死俾人察覺到我裝假狗…終於忍到食lunch, 不理外出30幾度都照著埋件抓毛外套, 飯都唔食就飛奔去商場買返件普通bra, 先敢除外套見人咋; 個內衣店阿姨仲笑我咁大個人都咁易俾人騙, 佢話呢d所謂嘅喬型胸圍佢嗰度大把, 冇牌子的100蚊就有喇, 佢仲話一個合身的胸圍就已是最佳的喬型胸圍喇。
呢頭俾阿姨”教精”完, 返屋企俾後生時車胸圍的阿媽睇, 佢一睇完就做百彈齋主喇, 佢話個胸圍d料好差, 又硬又冇彈性, 車功就直情九流, 兩邊bra都唔對稱, 仲話如果佢以前車出咁嘅bra, 已俾line 長炒咗九世喇…….
於是, 我就冇再信甚麼喬型胸圍喇。
孩子之心有如泥膠，當它還是柔軟可塑時，請好好把握時間，塑造你心中所愛。「忙碌」、「疲倦」永遠不是好借口，孩子大得很快，今日拿不出時間會變成明日的遺憾！
發表於 
返回列表
