吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 好嬲，大家評下理，自己阿媽咁對個女(超長) ...

婆媳關係今日: 0|主題: 27782

收藏本版

發帖

返回列表

跳至頁

樓主: melmelyan

好嬲，大家評下理，自己阿媽咁對個女(超長) [複製鏈接]

123 4 5...6

melmelyan

男爵府

積分: 8594

21^#

發表於 12-12-6 17:50 |只看該作者

回覆：好嬲，大家評下理，自己阿媽咁對個女(超長)

多謝各位意見，我明白我媽會覺得難受，但佢個理由真係太低能，我根本好難同6299交代。何況當初4大長老坐低傾既時候，係我媽同99講佢咩都冇所謂，男家決定就可以。但到男家有左決定時我媽又諸多意見，呢樣唔岩果樣唔滿意。酒樓我真係冇得話事，因為男家出錢，自然要因應佢地既能力去決定。我總唔能夠因為我媽想出市區擺就要男家洗多左錢，我真係好唔好意思了。日子方面，我明白如果果日佢班朋友黎唔到佢會好唔開心，但已經冇彎轉，訂已落，唯一解決辦法就係分開擺。因為1月1日係夾晒對我地6個人最好，我相信我婆婆都好滿意呢一日。講真，如果係其他合理啲既理由，我係絕對會讓步的，如果要就親戚紅白二事當然冇問題，但宜家佢個理由係要就佢班朋友因為偶像生日請飲黎唔到就要我改期就點都講唔通。我好想佢明白呢一點，但佢偏偏就係覺得我唔就佢我唔錫佢，真係唔知再點對住佢。

或者我又講少少我媽的背景，佢好細路女，要全世界就晒佢，屋企野唔會做，收工只負責買送，之後將啲送放喺廚房就坐低打機，等我爸返黎我爸煮。晚晚我爸都會好勞氣，唔煮唔緊要，但我媽都唔會話幫幫手洗定菜煲定米，連尋晚食完飯果堆碗都仲喺度要我爸洗。洗衫清潔全部都係我爸一手包辦。我媽好大洗，見到人有既野佢又要有，唔考慮自己有冇需要同有冇能力買。好多時我同家姐聽到佢想要既野，如果我地覺得有需要or能力負擔到都會買俾佢。但有啲真係冇必要既，例如佢本身電話冇壞，見到啲姊妹換智能電話，佢就話要買iphone ，我同佢講佢唔識用用唔著，佢就係都要我地幫佢碌咭分期，我解釋佢知智能電話唔一定要iphone ，平平地android 機都滿足到佢，最後唯有去電話公司續約拎部零機價既android 機俾佢用。但用唔夠一排，佢見到我伯娘用s2，佢又話要，我只可以同佢講你有錢就自己買，我真係冇咁多閒錢滿足你無窮無盡既慾望……我出左黎打工十幾年，由第一個月第一份人工開始幫佢孭債，全部都係佢大洗既咭數。我想讀返書，係讀夜校，繼續打工幫佢還債之餘再死慳死抵儲學費，佢初時知我讀書仲叫我唔好三分鐘熱度，結果我由交第二期學費開始佢又虎視眈眈我啲學費，我一次又一次將學費借俾佢再死r啲錢出黎供自己繼續讀。好喇，畢業喇，完全冇晒錢報下一個course繼續讀上去，唯有停一年再儲。點知晴天霹靂，俾我知道佢借大耳loan，因為佢冇錢而再冇銀行同財仔肯借俾佢，所以走去借大耳loan，我當時癲左，因為有人打黎恐嚇我同家姐同爸爸，我爸發晒癲，我唯有幫我媽講大話話佢屋企寬頻錢唔記得交所以有追數公司追債。結果我c6打盡人情牌，搵晒江湖朋友，再動用我最後最後一畢私己錢幫佢清左。再俾錢佢去律師樓申請破產，令自己冇晒希望，冇晒夢想。呢段時間係c6撐住我，幫我交租交晒我自己屋企所有雜費(我出黎做野冇耐已經頂唔順阿媽搬左出去自己住)。所以我好感激我c6同佢屋企人，亦都因為咁我覺得我欠左男家好多，我係要還的。6299肯出錢擺酒令我嫁得風風光光，我覺得我盡我下半世努力去孝順佢地係應該的。但我冇憎我媽，我曾經真係想同佢脫離關係，但佢係我媽，十月懷胎生我出黎，我上一世應該欠佢好多，今世返黎還債俾佢的，所以我會繼續做好我女兒既本分，我依然繼續俾家用，只希望佢體諒我都即將有自己一頭家，對男家而言我唔能夠將女家既擔子加落佢地度，唯有自己繼續咬實牙關捱落去。我只求我媽生性少少，等我同家姐唔駛咁辛苦，但今次佢依然因為偶像而不可理喻，我真係好嬲好嬲，仲嬲過我知道佢借大耳loan果一刻……

私人傳訊

kawan1117

男爵府

積分: 7178

熱血勳章爸B勳章

22^#

發表於 12-12-6 18:00 |只看該作者

算0拉, 無謂勞氣.

同99講, 你阿媽有D問題, 想自己再擇日子女家擺, 叫99俾十圍錢你阿媽, 自己搞掂佢, 落左訂0者, 都可以減圍數...

分開擺唔使煩. 好過你阿媽為左偶像唔去或面黑...

私人傳訊

方方媽媽

水晶宮

積分: 74328

23^#

發表於 12-12-6 18:01 |只看該作者

樓主,你已經好孝順啦.
你將你既孝心和愛心,延續落你6299度啦.
你媽.....

私人傳訊

melmelyan

男爵府

積分: 8594

24^#

發表於 12-12-6 18:40 |只看該作者

引用：樓主,你已經好孝順啦.你將你既孝心和愛心,

原帖由 方方媽媽 於 12-12-06 發表
樓主,你已經好孝順啦.
你將你既孝心和愛心,延續落你6299度啦.
你媽..... ...

感恩我有個好99，上天都待我不薄，希望生完bb都繼續keep 住咁好關係啦

私人傳訊

snowkit

大宅

積分: 2446

25^#

發表於 12-12-6 19:43 |只看該作者

引用：多謝各位意見，我明白我媽會覺得難受，但佢

原帖由 melmelyan 於 12-12-06 發表
多謝各位意見，我明白我媽會覺得難受，但佢個理由真係太低能，我根本好難同6299交代。何況當初4大長老坐低 ...

睇到

我明白点解你咁嬲！你媽都係想不勞而獲，趁你结婚威下，点知你選了這一天，係我就乜都晤改，如果佢唔想擺就幫奶奶省那十圍，晤好以為分開擺係一樣，我唔知你会点安排，但擺酒當曰要租衫，化裝，錄影，影相等等，兄弟姊妹都要幫2次手？係好大工程及洗費！
而且我同意用偶像生曰做藉曰太兒戲，不分輕重，不可理瑜。話哂你係佢個女，俾家用都俾左唔少，為佢做的事都唔少，偶像會愛佢會俾家用佢會在意佢嗎？偶像一年一次的生日居然比女兒一世人一次的结婚擺酒重要？！

不會讓步！

點評

siu_siu828

發表於 12-12-7 00:28

私人傳訊

RAY媽

侯爵府

積分: 21281

母親節2025勳章 2025勳章蛇年勳章 2024年龍年勳章

26^#

發表於 12-12-6 20:11 |只看該作者

引用：多謝各位意見，我明白我媽會覺得難受，但佢

原帖由 melmelyan 於 12-12-06 發表
多謝各位意見，我明白我媽會覺得難受，但佢個理由真係太低能，我根本好難同6299交代。何況當初4大長老坐低 ...

嫁女都想風風光光。佢係媽媽，當然想出主意。
日子係要男女家互相遷就，除非女家唔擺。
妳同妳媽媽傾唔擺女家就可以啦。

私人傳訊

melmelyan

男爵府

積分: 8594

27^#

發表於 12-12-6 20:37 |只看該作者

引用：Quote:原帖由+melmelyan+於+12-12-06+發表

原帖由 snowkit 於 12-12-06 發表
睇到我明白点解你咁嬲！你媽都係想不勞而獲，趁你结婚威下，点知你選了這一天，係我就乜都晤改，如果 ...

C6提議分開擺既時候我都即刻諗到呢個問題，我冇理由為左佢偶像，而要再洗多次錢租衫，化妝，攝影，又要麻煩兄弟姊妹忙多晚架嘛………真係好頭痕。

私人傳訊

melmelyan

男爵府

積分: 8594

28^#

發表於 12-12-7 00:10 |只看該作者

引用：Quote:原帖由+melmelyan+於+12-12-06+發表

原帖由 RAY媽 於 12-12-06 發表
嫁女都想風風光光。佢係媽媽，當然想出主意。
日子係要男女家互相遷就，除非女家唔擺。
妳同妳媽媽傾唔擺女 ...

的確我亦有衝口而出話佢如果唔滿意果一日既話我就同6299講女家唔擺，到時女家一個都唔請，將果十圍酒席取消改為俾現金做禮金。我媽唔出聲唔表態，我知佢唔想咁，佢一直以黎都好恨我結婚擺酒佢可以做主人家風風光光好好睇睇，接受眾人祝賀。我宜家只係希望佢可以有一個取捨。咁多年了，佢為呢個偶像仆心仆命追隨左佢幾十年，付出左無數金錢時間同感情，亦因為呢個偶像多次影響我地一家人既關係。佢班姊妹話要夾錢整花牌banner ，佢冇錢都要走去財仔度借返黎就為左個偶像。個偶像開show 10場，佢最少睇4，5場最貴飛。早排個偶像去新加坡開show ，佢地成班姊妹話去捧場兼去旅行，佢明明冇錢的，我家姐都夾硬餐餐食麥皮帶飯而俾錢佢去，佢唔夠，仲走去呃我姨媽，我姨媽明知我媽講大話都借左俾佢，借完佢話個心好痛，點解個妹會咁樣?? 我同我媽講左好多次，個偶像冇俾返任何野你，佢唔愛你亦唔係你屋企人，點解我地個個對你咁好你都唔珍惜，偏要發晒癲咁盲目追隨呢個人? 係咪愛偶像多過自己老公同兩個女?? 有時我真係恨不得呢個偶像快啲消失!!

私人傳訊

papa2011

珍珠宮

積分: 47280

29^#

發表於 12-12-7 00:16 |只看該作者

lucky that your 99 is good

私人傳訊

alik

公爵府

積分: 25507

30^#

發表於 12-12-7 01:00 |只看該作者

回覆：好嬲，大家評下理，自己阿媽咁對個女(超長)

不如請埋佢偶像來飲得唔得呀？

唔該唔好同我打招呼，不要點評！

私人傳訊

木土土

琥珀宮

積分: 169746

31^#

發表於 12-12-7 01:06 |只看該作者

引用：我4月發現有左bb，所以今年9月註冊結左婚。

原帖由 melmelyan 於 12-12-06 發表
我4月發現有左bb，所以今年9月註冊結左婚。兩邊屋企都知我同c6唔想擺酒，但其實4大長老都好想我地擺，所以 ...

就算未睇你講你媽既其他背景資料，已經覺得唔應該因咁騎泥既理由去遷就你媽！俾我會企硬日子同聯婚唔讓步，臨印帖前先再問你媽confirm佢班姊妹到唔到，至決定女家要幾多圍！你到時已有小朋友又困身，千祈咪分開擺攪兩次玩死自己！孝順同愚孝係兩回事，老人家唔係大晒都要講道理！

私人傳訊

racheland

禁止訪問

積分: 3462

我的育兒心得勳章

32^#

發表於 12-12-7 01:51 |只看該作者

回覆：好嬲，大家評下理，自己阿媽咁對個女(超長)

提示: 作者被禁止或刪除內容自動屏蔽

私人傳訊

selenahui

大宅

積分: 1980

33^#

發表於 12-12-7 02:52 |只看該作者

回覆：好嬲，大家評下理，自己阿媽咁對個女(超長)

樓主你媽已經算好啦，由我大肚話要結婚開始,我媽已經講定要比幾多家用,結婚所有野都係男家出錢,佢一蚊都無用過,男家比8萬8佢想佢用少少㴝買金比我做嫁妝，開頭佢話比三萬我買金,之後佢洗多左剩係比二萬五我,最過份既係，我無做野無收入,已經搬去6299到住,一星期返㴝2日,佢明知我地手頭緊,唔夠錢洗都追我地比家用,本身都比1000佢，佢話如果我返屋企食飯就要比2000,雖然我覺得錢唔係多,但都要我有錢先比到佢咖!!咁好啦食你餐飯要比多千,咁我唔返㴝咪得囉，但佢又話我唔返㴝係咪想斷絕關係，又用死要脅我,我得17歲咋!!