夫婦情感 今日: 3 | 主題: 42779

積分: 30295

21^#

發表於 06-6-15 17:03 |只看該作者

Re: 有冇人諗過搬去第2個國家度住黎避開99?

我老公見我做親野都係最多大半年就做唔落去(我承認係因為我有靠山所以好易就會想唔做), 佢見佢又養得起我, 咪同我講叫我唔好做野囉~~
而家我地努力緊要bb, 我地諗如果我搵到野做, 但又忽然有左又quit就好無謂, 好似玩咁, 所以都係等下添啦~

我想買果d樓都係好平架姐, 2百萬以下, 不過我地想儲多d首期先, 因為一黎我地想供少d, 我地都驚d息係咁加架! 二黎又唔係話呢度唔住得, 不過真係幾唔開心囉... 唯有自己阿q d囉~~

所以我一定會儲到50萬先會去買樓架, 因為儲到50萬, 都唔係全數可以用晒黎買樓, 又要比律師又要比裝修家私, 剩返真係用黎比首期既可能只係得30幾萬架咋~~

妳個好朋友真係好慘, 我媽咪都有講過類似既例子, 所以我先會諗住儲多d先買, 如果唔係我地而家已經夠錢買啦~~

年零2年前yoho town開賣, 我同老公都有去睇過, 當時老公真係好想買架, 可惜當時仲揹住而家呢層樓, 所以冇買到~~

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

積分: 6770

22^#

發表於 06-6-15 17:14 |只看該作者

Re: 有冇人諗過搬去第2個國家度住黎避開99?

你住邊區架?yoho town好彩冇買咋大把新樓陸續起,
慢慢睇啦~你老公好掂呀一個人可以供樓又可以照顧你
同要多個BB,6299又自己養自己,幾多女人恨都恨唔到.
我朋友果度百零萬樓但對於單身做文員既佢已經好辛苦
了,呢層係佢阿媽名架佢冇份,佢第日結婚組織家庭就
要同"未來"老公再買多層,咁就供供供一世啦.
生一個BB等如供一層樓,我以前都成日睇地產諗定要買
樓死慳死抵,不過世事如祺錢洗下洗下洗晒,無啦啦又結
婚生囝

粗略估計一個小朋友平均一個月用$6000(最少),如果
夫婦要工作又要請人揍加多$6000(平均),18年未計讀
書已經一層二百五萬既樓@@"所以我諗我呢世都唔會買
樓架啦除非中六合彩.

私人傳訊

積分: 30295

23^#

發表於 06-6-15 17:28 |只看該作者

Re: 有冇人諗過搬去第2個國家度住黎避開99?

我住元朗囉~~
係呀, 好彩冇買到咋~~
因為而家又有d新既, 剩係我屋企附近已經有3個樓盤(05-08年盤, 我係美聯睇到既), 我一路儲錢一路等緊架~~

我老公係一個好勤力既人, 而且佢好鍚我, 佢話居然比佢搵到一個女人頂得順佢阿媽(佢自己都知道佢阿媽幾難頂, 因為佢都頂唔順, 我係全家人裡面同99最岩傾果個啦..... 其他細佬d老婆真係睬佢阿媽都傻!), 梗係要好好鍚佢啦咁樣喎!!

我都知道自己其實好幸福, 但當我99成日搞搞震破壞我d幸福既時候, 我就有d控制唔到自己.... 所以我會上黎呻下, 等自己心情平伏左先同老公講下, 點都唔可以比99影響到我地既感情!!

妳個朋友可唔可以睇時結婚同埋媽咪一齊住呀?? 不過好睇佢個未來老公點諗, 好似我阿爸咁樣就冇乜所謂, 仲好鍚我公公婆婆, 一個星期有4日係同公公婆婆一齊住, 星期56日先同我媽咪住!! 佢話有人幫佢執房, 自己又有間大房, 又有人煮埋飯比佢, 幾好呀!! 服左佢..... 未見過一個男人會咁鐘意同外父外母住....... (仲話自己阿爸阿媽都冇佢地咁好!! 真係服左佢... 我公公婆婆又當佢係自己仔一樣....)

其實我都想買百零萬既樓, 不過我驚唔夠地方, 而家d新樓實用面積好細呀, 想大地方又想有會所又想平, 真係好難搵呀~~ (噢~~ 我係咪好貪心呀~~ 哈哈)

私人傳訊

積分: 6770

24^#

發表於 06-6-15 18:11 |只看該作者

Re: 有冇人諗過搬去第2個國家度住黎避開99?

屯門有d實用面積都幾大架,不如考慮屯門二手盤,
如果唔要交通方便,近青山公路金黃海岸果邊既屋苑大
得來唔貴,當然想靚d又貴d,你有冇上地產網睇下相呀
睇下價?我間中都睇下恨下幻想下都好丫麻

想要好大地方村屋都好架不過一定要有車先方便,
依家好多村屋都好靚,但放返出去就唔值,買樓時仲要
計埋鬆動儲退休金,退左休都要比管理費.

私人傳訊

積分: 30295

25^#

發表於 06-6-15 18:24 |只看該作者

Re: 有冇人諗過搬去第2個國家度住黎避開99?

嘻~ 我之前住屯門架, 我媽咪前幾年仲買埋隔離個單位打通佢, 又好風(東南北面都有窗), 又大, 計埋成千尺架~~

我都想住黃金海岸果邊架, but我老公嫌遠呀, 佢係天水圍返工呢~~

我有架, 我得閒就會上美聯呀, 中原呀望下, 流下口水都好丫....

村屋我老公唔like呀, 佢係圍村人, 想要起, 容乜易丫, 不過佢話住村好麻煩, 好多閒話, d細路又易學壞, 所以雖然佢起就真係好平(120萬左右一座), 但係佢都係唔like呀~~

我老公真係好麻煩, 呢樣又唔鐘意, 果樣又唔鐘意. 我話學車買架車車佢返工佢又話唔好.....

唉~~ 我之前話去搵匯豐銀行d理財顧問幫我地計劃儲蓄同退休, 由結婚前講到結左婚半年, 都話冇時間.... 又話要儲左筆錢先去... 都唔知佢d咩理論!!

私人傳訊

Sadness

積分: 9516

26^#

發表於 06-6-16 01:00 |只看該作者

Re: 有冇人諗過搬去第2個國家度住黎避開99?

有諗過。但暫時冇可能，不過我已經不停搵機會接d 可以離開香港的job。而一直我都係好刻意安排自己的工作係大時大節做，好似舊年冬至，人地都有問我果日休唔休息，我都話照go，仲要揀去粉嶺做 (99果邊係藍田)，有咁遠避咁遠！

淡而無味

私人傳訊

Emmama

大宅

積分: 3612

27^#

發表於 06-6-16 11:55 |只看該作者

Re: 有冇人諗過搬去第2個國家度住黎避開99?

Hi小寶貝兒, 野蠻仔

睇完你地對話,覺得你地好幸福,老公養得你唔駛做,可以係屋企揍仔!

我就唔得啦!要公一份婆一份先"arm""arm"夠供樓養女....

我62同99長住在大陸,99要覆診先幾個月返香港一次,佢地會住係姑奶到...咁其實本身我同62,99都ok冇野,反而係我老公"yim"佢地煩囉嗦....可能我係"順德人"卦!我自己就想佢地年紀大咪就得就就,忍得就忍囉...我細佬未娶老婆,我都唔想阿媽比媳婦"蝦".....

小寶貝兒,

你住得唔開心就想下搬啦!仲要連M都亂埋!
多口問,你住緊果度係你地定99架? 可唔可以樓換樓呀?

私人傳訊

積分: 30295

28^#

發表於 06-6-16 12:25 |只看該作者

Re: 有冇人諗過搬去第2個國家度住黎避開99?

Sadness 寫道:
有諗過。但暫時冇可能，不過我已經不停搵機會接d 可以離開香港的job。而一直我都係好刻意安排自己的工作係大時大節做，好似舊年冬至，人地都有問我果日休唔休息，我都話照go，仲要揀去粉嶺做 (99果邊係藍田)，有咁遠避咁遠！

咁慘? 點解唔可以呃佢話有野做, 實情就留係home relax下呢??

私人傳訊

積分: 30295

29^#

發表於 06-6-16 12:52 |只看該作者

Re: 有冇人諗過搬去第2個國家度住黎避開99?

Emmama 寫道:
Hi小寶貝兒, 野蠻仔

睇完你地對話,覺得你地好幸福,老公養得你唔駛做,可以係屋企揍仔!

我就唔得啦!要公一份婆一份先"arm""arm"夠供樓養女....

我62同99長住在大陸,99要覆診先幾個月返香港一次,佢地會住係姑奶到...咁其實本身我同62,99都ok冇野,反而係我老公"yim"佢地煩囉嗦....可能我係"順德人"卦!我自己就想佢地年紀大咪就得就就,忍得就忍囉...我細佬未娶老婆,我都唔想阿媽比媳婦"蝦".....

小寶貝兒,

你住得唔開心就想下搬啦!仲要連M都亂埋!
多口問,你住緊果度係你地定99架? 可唔可以樓換樓呀?

多謝妳, 不過妳睇我好, 我睇妳好啦, 妳估我唔擔心touchwood如果有一日老公唔要我或者養唔起我, 我就真係唔知搵得d咩做囉...... 連養自己都成問題呀, 唔好講話養埋小朋友同佢啦...

我都有個細佬, 我都唔想我阿媽比新抱蝦, 所以我呢, 叫細佬搵女朋友記得要搵個純品d架, 而家呢個幾好, 唔係貪靚到死果d, 對我細佬又唔錯, 乖乖地咁, 好彩好彩....我細佬都仲叫聽我話.....(同埋我諗佢自己都唔鐘意d勁買名牌果d女仔....)

我想搬左好耐架啦.... 不過, 而家真係有難度囉. 而家儲埋d錢得果dd, 夠得比律師費裝修費又唔夠比首期, 所以要儲呀儲呀!!

層樓個名就係我老公既, 但係首期係我6299出, 我老公都供左一半有多架, 但係前排99佢忽然話間樓係佢"比"我老公架喎, 話呢幾年d水電煤氣都com返供樓條數, 但事實係我老公每個月供萬一蚊, 間屋唔只我地2個住, 仲有佢其他仔係度住, 有乜理由入晒我地數丫, 而且佢根本就係度誇大, 水電煤+管理費一個月都唔使2千, 之前就算多, 就算多3倍, 都係6000姐, 點會com到條數呀!!
佢唔理, 係都話層樓係佢比老公既, 但係佢話比咋喎, 由頭到尾都冇係度住過, 但係佢一上黎, 見到d唔岩心水既野, 就掉晒佢, 理得佢有用冇用, 成日掉晒我地d漫畫同小說, 同一本都買左幾次啦, 連我本passport都掉過呀.... 有時又命令我d野擺邊度, 又命令我如果買櫃要擺邊度, 裡面放d乜野等等!!

我老公話佢咁比法, 倒不如唔好比, 我當自己係租客, 每個月比萬一蚊租, 佢係包租婆, 咪佢話晒事囉, 唔使好似而家咁, 想買個櫃都要問準佢, 但明明佢冇份住架麻!! 條氣唔順呀!!

講到尾, 如果我地想要樓換樓, 除非99自己提出, 如果唔係一定冇行!! 只可以我地第時買左新樓, 呢度租出去姐!!

佢成日以為自己點條好路比個仔行, 但係一d都冇顧佢感受囉!
買樓還買樓丫, 用佢地自己名咪算囉, 又要用我老公名, 美其名就係話層樓第時都係比佢既, 倒不如而家直接寫佢名, 而且又要我老公5年之內供完, 講得好聽d咪係d息最少囉, 但係都要佢有咁多收入先得架, 佢地買樓果時我老公都仲未畢業, 工都未搵到份, 已經要供樓(佢果時有做助教), 唔係一千幾百, 係萬一蚊喎!! 佢果時份人工都只係得一萬三千咋.... 佢真係唔敢選過份工, 求其一份工總之人工比萬一蚊高就得, 仲要死做爛做, 接好多part-time, 搞到而家身體差晒, 佢同我講, 話好鐘意做教書, 但果時冇得比佢選同等, 於是第一份請佢既工佢就做, 一做, 就做左3年, 老細對佢百般勺難都唔敢開聲話走, 又唔敢轉工, 而家佢成日咳, 咳左2年啦, 咪就係為左層樓囉.....
邊有阿媽要個仔咁樣供樓法架? 供得掂都唔係咁樣供架啦!! 而家我老公身體差左好多好多, 試過上年聖誕節訓左係床度訓左5日, 之前之後睇左好多次醫生, 而家次次camp醫療佢就一定係最多錢果個.... 但係99仲話係因為我, 所以佢個仔身體先會變差... 根本就唔關我事!! 係因為供樓先會咁之麻, 佢地買樓果時我都未同我老公一齊!!

呻完, 舒服晒!!

私人傳訊

Sadness

積分: 9516

30^#

發表於 06-6-16 12:58 |只看該作者

Re: 有冇人諗過搬去第2個國家度住黎避開99?

小寶貝兒寫道:
咁慘? 點解唔可以呃佢話有野做, 實情就留係home relax下呢??

都要佢個乖仔肯幫我至得，如果我"實情"唔係真係去左番工，佢個仔係唔會幫我講大話架！(我唔番但c6係一定會番，我從冇阻過佢一家團聚)

淡而無味

私人傳訊

Canna826

民房

積分: 85

31^#

發表於 06-6-16 13:49 |只看該作者

Re: 有冇人諗過搬去第2個國家度住黎避開99?

小寶貝兒，
就吓佢囉，　你老公能夠有機會讀咁多書你９９一定有佢嘅功勞嘅！！！（包括你老公嘅性格�行為．．．．．．．）

私人傳訊

積分: 30295

32^#

發表於 06-6-16 14:19 |只看該作者

Re: 有冇人諗過搬去第2個國家度住黎避開99?

Sadness 寫道:
[quote]
小寶貝兒寫道:
咁慘? 點解唔可以呃佢話有野做, 實情就留係home relax下呢??

都要佢個乖仔肯幫我至得，如果我"實情"唔係真係去左番工，佢個仔係唔會幫我講大話架！(我唔番但c6係一定會番，我從冇阻過佢一家團聚)[/quote]

咁妳可以去行下街但係呃埋老公話返工, 跟住個零鐘就返屋企, 如果老公問起, 咪話早左放囉....
如果老公肯幫妳瞞既, 咁就唔使講大話啦, 不過老公唔肯, 咁自己都要抖下架, 咁講少少大話就要架啦~~

私人傳訊

積分: 30295

33^#

發表於 06-6-16 14:41 |只看該作者

Re: 有冇人諗過搬去第2個國家度住黎避開99?

Canna826 寫道:
小寶貝兒，
就吓佢囉，　你老公能夠有機會讀咁多書你９９一定有佢嘅功勞嘅！！！（包括你老公嘅性格�行為．．．．．．．）

(嗚, 同一段已經打左3次啦, 唔好再打啦....)

我都知, 所以我對佢真係好好, 我一句重既說話都冇同佢講過, 從來都唔駁咀, 即使係佢之前鬧得我好甘既時候(鬧到我心跳手震果次)我都只係細細聲講"我冇做過!!" 第2句都唔敢講! 因為佢有高血理, 激到佢爆血管就死啦!!
次次食飯(無論係大時大節定係家常食飯), 我都一定會幫手開檯執檯洗碗, 即使我同老公都食完, 佢又叫我地返上去先, 我地都唔會走, 一定會等埋佢地全家都食晒, 我執埋碗洗埋碗先走! 佢其他新抱有時都會留底洗碗, 但唔係次次囉!
佢病果時, 我一朝早(6點幾)就煮早餐拎埋過去比佢食, 又陪佢傾計, 午餐下午茶晚餐我都煮好就即刻拎過去比佢食, 因為我知道62唔識得煮野比病人食(我62煮野食落好多油), 我連自己當時既工作(freelance)都放底唔做住, 寧願自己當晚捱夜去做!

我做左咁多野, 比我對我阿媽更好, 我只希望佢唔好鬧我, 我唔會咁大想頭想佢當我係佢個女, 我只係想要平平凡凡無風無浪既生活, 但係佢就一d都唔領情, 仲覺得我做呢d野係應份既.... 當我係咩姐, 我都有阿媽生架, 我對佢好都唔識珍惜, 其他d新抱唔多理佢返而佢就對佢地好好, 咁點解我要受呢d氣呢? 我對我自己阿媽好d咪仲好!!

所以我真係好想搬走, 連我老公都話, 對佢阿媽黎講, 越親近既人就越唔好, 越遠既, 越少黎睇佢既反而仲好!! 佢都想搬呀!!

我而家已經被佢搞到我有驚恐症, 我怕我再就佢落去, 會搞我要入青山呀..... 連我老公都話驚我再有事.... 主動叫我唔好理佢阿媽.... 因為之前既失控真係嚇親佢!!

私人傳訊

Emmama

大宅

積分: 3612

34^#

發表於 06-6-16 15:25 |只看該作者

Re: 有冇人諗過搬去第2個國家度住黎避開99?

hI 小寶貝兒,
你都真係好忍同好就得你99喎!
但攪到有驚恐症就冇謂啦! 我唔係叫你頂撞99,但血壓高冇你講到咁易爆血管卦? 有時你唔聲唔聲佢咪蝦你囉, 講道理囉,唔好下下硬食,傻妹!

講得衰D,你99犯賤,對佢好唔珍惜,你試下唔頂撞佢唔博佢嘴,靜係唔采佢,睇佢點...

私人傳訊

siuwa

大宅

積分: 1824

35^#

發表於 06-6-16 15:44 |只看該作者

Re: 有冇人諗過搬去第2個國家度住黎避開99?

冇得避既, 移民佢都話跟, 問你點?? 總之佢一定要跟住我老公

. 我又唔可以叫老公唔理佢, 講真唔通真係唔理佢咩, 特別係我老公d細佬妹都唔要佢, 第日老爺去左, 留佢一人自己唔理佢又過唔到自己良心, 但要自己對住個黑心既99又......

:-( :-(

私人傳訊

積分: 30295

36^#

發表於 06-6-16 16:03 |只看該作者

Re: 有冇人諗過搬去第2個國家度住黎避開99?

Emmama,
我覺得直頭超出左我既極限添啦..... 我以前都幾大小姐脾氣架, 冇計, 第一粒孫, 加上我公公好鐘意囡既, 我呀,2歲前都唔使落地行架, 去到邊都有人抱架....
真係唔知係咪細個太折墮, 搞到自己而家要受99氣.....

果次佢鬧我, 冇人係度做證, 得我同佢, 我一句都唔可以駁架.... 比人話我激親佢就c!!
佢血壓高到200以上呀, 而家個個都唔敢頂佢, 由得佢, 因為大家都驚邊個搞到佢中風就真係千古罪人囉.....
(老實講, 有時我都會好黑心咁諗, 如果佢中左風, 咁我就可以大條道理咁請個賓賓返黎照顧佢, 唔使成日對住佢咁煩!!

)

唔采佢.... 我老公叫我千祈唔好呀. 唔岩聽都要"嗯" "哦" "好" "係呀" 咁樣應佢, 最多陽奉陰違咋.... 因為唔采佢佢又會要生要死架啦, 仲會係d親朋好友面前話我不孝架.....

佢最叻果樣野就係作野!! 真係可以講到佢自己都信架!!
例如以前我老公個細佬讀書唔成, 去左外國讀, 點知仲衰, 咁當時個細佬喊晒咁同我老公講話叫佢同父母講比多一次機會佢, 咁我老公咪同99講話不如比多次機會佢啦, 當時我老公係用好好既語氣講架, 62都係度架!
之後當然呢個細佬都係讀唔成書啦, 中七都畢唔到業, 99覺得side左幾十萬, 於是久唔久就攞返出黎講, 但就話我老公當時指住佢, 係咁鬧佢做乜唔比多次機會個仔!! 又話我老公當時好挑釁咁講話如果佢地2老比唔起, 佢就唔讀書出去做野供個細佬!!

妳諗下, 只係一句說話, 就可以幻化出咁多句, 仲連語氣都改埋, 62都話邊有咁講呀, 佢都唔理, 就係覺得自己係岩既!!

私人傳訊

積分: 6770

37^#

發表於 06-6-16 21:26 |只看該作者

Re: 有冇人諗過搬去第2個國家度住黎避開99?

Emmama:

小寶貝兒講得岩呀你睇我好我睇你好,我老公唔係養得起我,
係我要求唔高委曲求全,錢同陪伴囝囝之間取捨啫,我同老
公同居左幾年先結婚既,係果幾年都係我獨力支撐一個家,
要搵錢之餘要受男友氣又要做家務,生左BB後我想陪BB唔
返工住由佢搵錢都好應該,我個囝今年9月入學我就要返工
架啦,我係唔做唔得果隻唔係搵錢買花戴,做家庭主婦都好
忙架你未做過全職媽咪體會唔到,家用都係用係小朋友同食
物上無多餘錢我洗,要用錢做一件事就要慳同儲,所以你所
講既"養"字唔係咁適合我,小寶貝兒先係幸福主婦,我冇樓,
冇車,冇工人,自己戶口得3百蚊,八到通未增值,未買保險,
寄人籬下,如果屋企人真係迫我走真係要訓街架,申請公屋
唔夠資格,私人樓唔想租都租唔起,自問咁大個人一無所有
得個囝,有人羨慕我都幾好笑.

私人傳訊

積分: 30295

38^#

發表於 06-6-16 23:56 |只看該作者

Re: 有冇人諗過搬去第2個國家度住黎避開99?

野蠻仔,
umm.... 其實妳而家住邊? 我公公有層樓間左房分租左出去, 係深水埗, 如果妳有需要我可以幫妳問下我媽仲有冇吉房, 大約2500蚊租, 係套房有廚廁.

我覺得妳好勁啊!! 真係辛苦晒!!
我媽咪以前都係咁, 為左我地3姊弟唔出去做野, 直到我讀中學, 細佬讀小學先返半日工, 之前都係拎d野返黎做, 都係趁我地訓左教先做架, 我老豆都好辛苦, 每日6點起身, 7點出門口, 夜晚12點先返黎(因為佢返完日頭又返part-time), 有時真係我地未起身佢已經返左工, 我地訓左教佢都未返黎架!! 所以而家我對爸媽真係好好, 因為知道佢地做野養我地好辛苦!
我相信妳仔仔都一定知道, 第時一定會好鍚妳地既!!

私人傳訊

積分: 6770

39^#

發表於 06-6-17 00:42 |只看該作者

Re: 有冇人諗過搬去第2個國家度住黎避開99?

小寶貝兒:
多謝你既好意呀真係好開心.
我同屋企人住架,屋企地方大住左好多人,我一家住一個
房300幾呎有自己洗手間,自己放雪櫃微波爐電磁煮食,
好耐冇同屋企人一起吃飯啦,不過我地都要交足水電.
套房冇諗過一來我有狗,二來囝囝幼稚園同公司都係呢
區,三來慳得就慳忍氣吞聲可以令將來過得好d既話我會
忍,其實我屋企人都有幾層樓出租但就寧願包人水電賤租
都唔會租比我地,依家住得唔係好開心不過都可以習慣,
我忍耐力好好既,我都經歷左好多低潮同唔同既過渡期,
我相信美好既日子就係未來,其實依家比起以前同老公
同居時生活簡單好多已開心好多架啦.

私人傳訊