國家地區媽媽會 今日: 0 | 主題: 20261

積分: 1127

25^#

發表於 13-1-11 03:26 |只看該作者

本帖最後由 judith07 於 13-1-11 03:28 編輯

回覆 happy*mum 的帖子

其實我覺得"返香港讀書"，唔等如"返香港學中文"，而係"返香港接受教育"- 係整套填鴨式既教育制度。
而家香港除左傳统名校及國際學校之外，係母語教學的。即係除英文科以外，所有科目(eg. 科學, 社會, 健康,都係中文課本及中文教學的。這樣一來對於中文底子不足的小朋友是很困難的。二來日後回來又是另一番適應了。如果讀傳统名校，壓力是難以承受的。如讀國際學校，一來學費昂貴，二來失了原本學好中文的意願....所以，我對送小朋友返香港學中文的好處有所保留。

judith07

私人傳訊

積分: 174135

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

26^#

發表於 13-1-11 04:48 |只看該作者

happy*mum 發表於 13-1-10 06:55
回覆 rose-mag 的帖子

Hi rose-mag,你香港的朋友個仔是否讀超名校？平均87分也是尾3。咁如果我們返去實包 ...

就係唔係超名校，唔記得但都算係唔錯嘅學校，不過唔係出名狂谷果隻，
我朋友喺個仔幼稚園時一D都冇谷過個仔，由得佢開心學習，
只係注重品格陪養，個仔其實都自動自覺，見佢D幼稚園功課都唔係算好淺，
所以當朋友同我講87分係小一全班最後3名時，我都好驚訝，
即係其餘三十幾名同學都係高分數，講真如果唔比較係OK嘅，
但學校偏偏要排名次，學生難免有挫折感。
唔到你唔信，真係幾恐怖，以前D朋友大部份已經有仔女，
有剛入小學嘅，又有準備或已上中學嘅，見到佢地離唔開講報學校，
個個電兔上身咁分享報學校攻略，言談間講到入唔到好小學，
就上唔到好中學，即使入到都追到氣咳，咁上唔到大學就玩完，
我覺得佢地走火入魔，其中都有別樹一格唔谷仔女嘅，但真係少數，
有D想唔谷但慢慢變得身不由己，所以我慶幸自己同仔女唔係身在香港，
我聽同事講中國大陸更慘，所以咁多大陸人想走出去，因為喺大陸讀書好辛苦，
即使讀得上都未必有前景。

花旗太太生活在花旗國，留意時差，你問我未必即時答到。

私人傳訊

積分: 174135

27^#

發表於 13-1-11 04:53 |只看該作者

judith07 發表於 13-1-10 11:26
回覆 happy*mum 的帖子

其實我覺得"返香港讀書"，唔等如"返香港學中文"，而係"返香港接受教育"- 係整套填 ...

咁都唔一定，因為日常生活要用中文，而且大部份都係有家人在港，
小朋友點都會學到中文，除非係讀國際學校，或者住喺愉景灣、赤柱呢D，
父母又同仔女講英文，咁就算返到香港都未必學到中文。
我有朋友喺香港住，同仔女講英文，入讀國際學校，仔女都唔識中文，
返到美國又話想讀好中文，於是就送佢地去星期六中文學校，
來來回回都唔知佢想點。要學中文可以暑期返香港住吓都學到。

花旗太太生活在花旗國，留意時差，你問我未必即時答到。

私人傳訊

積分: 174135

28^#

發表於 13-1-11 05:56 |只看該作者

mugtaitai 發表於 13-1-10 02:16
係啊？三藩市有小學有中文讀架？公立還是私立？去到幾多年班啊？High school 有冇啊？ ...

三藩市City有教中文嘅學校，有兩種，一種係沉浸式immersion，一種係雙語bilingual pathway，
沉浸式係最初90％中文10％英文開始，一路每年加多10％英文減少10％中文，
大部份K至5，有一間K至8，不過係極之難入，因為連鬼佬墨佬都想仔女去讀，
至確實有1/3位係留俾完全唔識中文嘅，有廣東話同國語兩種學校。
至於雙語班就係上午英文下午中文，一般都係K至5，小朋友一定要識中文至可以報讀，
都有廣東話同國語之分。暫時中學（6至8）我未係好清楚，
不過去到high school有第二語言可以修讀。SF私立照我所知只有一間有中文讀，
但果間一年學費五萬幾六萬，我真係冇可能負擔，而且見過讀果間小朋友，
唔見得識飛天。部份私校或冇中文讀公校課後班有中文可以選讀。
好多家長會選擇星期六日送小朋友去上中文學校或國語班，
但好似好多都係3個鐘，我個仔一定頂唔順坐定定咁耐，
所以我選擇唔去，俾佢去學游水去下圖書館聽下故事。

花旗太太生活在花旗國，留意時差，你問我未必即時答到。

私人傳訊

mugtaitai

公爵府

積分: 28235

29^#

發表於 13-1-11 09:43 |只看該作者

happy*mum 發表於 13-1-10 23:05
回覆 mugtaitai 的帖子

咁你現在哪裡發展？美國或香港？

我地差唔多20年前回流返左香港。我兩個仔都喺香港出世同讀書，大仔讀緊國際學校，而家 grade 9，諗緊明年比佢返美國繼續升學。比較麻煩係細仔，佢而家小三，如果明年同埋哥哥一齊返美國，中文會只得四年班程度，我覺得唔夠，聽 sfmeow jm 講三藩市有學校都有得讀中文，我會打聽一下。
當初我揀國際學校比大仔讀，就係唔想佢困喺香港嘅填鴨式教育裡面，而且回歸以來，教育一直被改革，一時轉學制，一時搞通識教育，一時又搞國民教育，一鍋粥咁，但讀國際學校嘅代價就係中文程度欠佳，我唯有幫佢請私人補習，從小一開始，老師一個星期來兩堂，照足本地學校嘅課程，默書測驗考試一樣照做（所以我一直請現職小學教師），效果當然唔及一大班小朋友一齊喺課堂上學，但總好過唔做，阿仔而家中文聽同講完全冇問題（香港長大，當然冇問題），閱讀方面，深嘅詞語佢唔識，但足夠睇明白一份報紙有餘，寫就真係弱d，通順，但文筆仍然好似小朋友，一d都唔文雅

有見哥哥嘅經驗，到細仔入學，我同老公都覺得要幫佢揾間中文程度好d嘅學校，尤其是佢有可能小學未畢業就要同哥哥一齊搬返美國，咁呢幾年嘅中文就更加重要了。佢而家讀嘅呢間私校幾重視中文，小學頭幾年課程係70％中文30％英文，到高小／初中就50／50，跟住就掉返轉，70％英文30％中文，學生嘅雙語程度唔錯，而且中文用國語教，呢個世代國語緊要過廣東話

我有好多移左民嘅親戚朋友，佢地小朋友細時都十分堅持佢地學中文，小朋友抗拒，佢地軟硬兼施，威逼利誘，無所不用其極，都迫住佢地學，有d而家大學畢業了，想返來香港發展，但中文真係唔惦，佢地聽得明講得通，但睇已經有d勉強，寫更加搞唔惦（我係指寫一篇通順嘅商業文，並非只係寫下自己個名），我未見過一個係外國土生土長嘅人能夠有香港一般出來做嘢所要求嘅中文程度，無論佢地細個點樣比父母迫住讀中文，都係只夠去茶樓叫下點心，可以睇得明八卦雜誌嗰d已經係萬中無一了

所以睇你要求小朋友嘅中文程度係去到邊，如果諗住將來佢地要返來香港發展，喺外國自教自學真係要落好多功夫先得，尤其而家香港同大陸關係越來越密，出來做嘢對中文喺要求只會越來越高，好多公司請人已經講到明唔識中文免問。呢樣要詳細考慮

私人傳訊

積分: 1127

30^#

發表於 13-1-11 14:39 |只看該作者

回覆 happy*mum 的帖子

其實都係兩睇。

如果小朋友將來留港發展，就應該係香港讀小學，學好中文啦。
但香港新一代既工作及發展機會越來越少。中國內地有十幾憶人同你競爭，個個都係搏到盡既新一代。加入這個競爭，係咪最實際呢?

如果小朋友將來留美發展，如係香港讀小學，回美後雖然仍然可用英文溝通，無問題，但己經講唔倒地道英文，就與一般immigrant一樣，始終係disadvantage. 用依個disadvantage 去換取"萬一番香港發展要中文"，會唔會得不嘗失呢?

judith07

私人傳訊

mugtaitai

公爵府

積分: 28235

31^#

發表於 13-1-11 16:24 |只看該作者

回覆 rose-mag 的帖子

明白。多謝你嘅資訊，好有幫助
如果我搬返來，好大機會唔會住三藩市，住南灣或中灣嘅機會大d，我會睇下嗰d區有冇有中文嘅學校，公校會係我首選，真係好唔惦先至考慮私校

私人傳訊

mugtaitai

公爵府

積分: 28235

32^#

發表於 13-1-11 16:53 |只看該作者

judith07 發表於 13-1-11 14:39
回覆 happy*mum 的帖子

其實都係兩睇。

你講得好啱，我地都喺呢個問題上有過好多掙扎
小朋友將來喺邊度發展真係唔知，除左個人喜好，亦睇佢將來做邊行，如果從事航天科技咁當然留喺美國，如果做金融恐怕係香港適合d，但睇到喺事實係，亞洲人喺美國始終係外人，無論做得點好，升到一定位置就好難再上，glass ceiling 一直存在。亞洲國家，尤其是中國，呢三十幾年嘅發展有目共睹，競爭係大，但機會亦多，如果係搏殺型嘅人，會覺得係難得嘅機遇。

正因為睇唔到將來小朋友行邊條路，我地希望幫佢地做兩手準備，中文不可不學，所以儘量比佢地留喺香港讀多幾年書，英文亦要好，國際學校喺呢方面可以做到。阿仔舊年暑假去美國 summer camp，比營裡面嘅小朋友話佢好唔中國：講嘢係美國口音，食嘢又係西式嘢（我 pack 三文治同沙律比佢做 lunch），識得嘅美國歷史仲多過本地嘅小朋友，又唔睇無線嘅劇集（最大罪係唔識邊個係林峯，d 中國女仔簡直唔同佢講嘢）。我並唔擔心佢將來返去美國會弱勢

私人傳訊

積分: 1127

33^#

發表於 13-1-12 00:14 |只看該作者

回覆：mugtaitai 的帖子

你的講法也有道理。我同意學好中文係好事。只是不覺得返香港讀小學會有預期效果。
中國機會多係事實，但無論機會再多都好，始終人太多。競爭太大。而有競爭優勢的。只是在內地土生土長，及後流學外國後返國的"海歸"派。佢們地屬悉內地生活，人事，做法，又習慣生活在高度競爭之下。又有人脈。這類人四處多的事。根本不是回港讀幾年中文就可和他們競爭的。至於香港，本地或中資公司係偏愛聘請本地大學畢業生的。回流者是沒有優勢的。外資公司卻偏愛聘請回流的人，但以能操本土英語的佔優，中文的要求並不高。我眼見中環，金鍾上班的ABC(中文只能聽及講的ABC 比比佳是。）
我不是覺得學中文不重要，相反我覺得作為中國人，學好中文十分重要。
但作為在海外長大的中國人，優勢是能操"地道"英語，有外國人脈，加上能用中文與本地或內地的中國人溝通。(能看，能寫係更好。）
我並覺得不能講"地道"英語，對於在外國發展，係必然係會失去原有的優勢的。

judith07

私人傳訊

積分: 174135

34^#

發表於 13-1-12 03:53 |只看該作者

本帖最後由 rose-mag 於 13-1-11 11:54 編輯

judith07 發表於 13-1-11 08:14
你的講法也有道理。我同意學好中文係好事。只是不覺得返香港讀小學會有預期效果。
中國機會多係事實，但無 ...

其實所謂優勢對我地移民下一代已經好難有，以前香港人崇洋，
外國返嚟嘅覺得好，ABC或放洋留學生都有優勢，因為果陣個個放眼美加歐洲，
而家個個北望神州，連鬼都要學國語，講得好英文又識中文嘅的確吃香，
不過問題係我地土生土長嘅小朋友係咪真係將來會去中國發展？
我絕對贊成要教小朋友中文，唔好講話中文，學多種語言可以裝備自己，
中文係語言中比較難學嘅，家長識中文可以幫到小朋友營造一個語言環境，
我而家都係盡人事順天命，而家識唔代表將來都會，語言唔用好快會唔記得，
只要小朋友唔係怕咗中文，就算將來大個都可以學到，
就好似好多人大個去學日文法文一樣，我老公朋友識4種語言，
中文、英文、西班牙文同法文，佢係自發去學，而家佢冇俾個女去中文學校，
佢話個女鍾意會自己學，佢唔會逼，喺屋企會同個女講中文，
唔明就英文搭夠，佢覺得如果母語都學唔掂，學更多都係把鬼，
當中又不無道理，不過個個小朋友都唔同，如果小朋友OK，學多一種都係好事。
美國呢度glass ceiling係存在，但喺HK亦都唔見得冇歧視，歧視大陸人南亞人菲律賓人，
連我地呢D海外港人都俾人排斥，係咪真係要我小朋友去HK或大陸發展，
唔到我話事，將來由佢地決定，實情係佢地未必會慣人多車多，
處處認錢唔認人嘅生活方式，我係土生土長HK人都咁覺得，
何況我自己對ABC仔女。

花旗太太生活在花旗國，留意時差，你問我未必即時答到。

私人傳訊

眼訓

子爵府

積分: 14621

環保接龍勳章大廚勳章

35^#

發表於 13-1-12 04:27 |只看該作者

我身邊幾十歲既ABC朋友出來做野後明白中文遲早係大勢。
自己本身識少少。
再上網睇吓d字，學埋普通話。識講，識睇，係唔多識寫。算係咁啦。
想學既自己會學，唔想學既學完用唔著唔上心遲早都係俾返晒你。
隨緣吧。

點評

judith07 同意。發表於 13-1-12 04:46

你今日backup左未？

私人傳訊