婆媳關係

跳至

首頁

尾頁
   0


男爵府

積分: 8213


21#
發表於 13-1-9 13:21 |只看該作者
樓主, 你有左bb可能情緒上容易波動, 但千其吾好諗埋一邊,搞到自己吾開心. 雖然我沒有你呢個問題, 但我99都係果d寵細吾寵大的人. 我c6本身係大仔, 成日都要求我地做大的要睇住個細佬. 又叫我地吾好同細的計較. 講真, 我心里真係好不公平, 她自己偏心吾緊要,但處處要我地照顧埋佢地, 我真係吾多情願的. 不過無辨法,有些事改變不到,就改變自己心境. 吾好太care佢, 反而個人舒服d. 加油,相信日子耐左,你媽咪會"醒覺"的


複式洋房

積分: 268


22#
發表於 13-1-9 13:22 |只看該作者
回覆 newroom 的帖子

謝謝你NEWROOM, 真係說到我的心坎. 其實我真係唔想同妹妹爭D咩, 只要佢唔好鬧我搵我出氣, 我做個家姐乜野都讓哂佢都無問題. 最衰係佢真係格衰的, 例如佢老公同我媽生日(兩個生日好近), 我地去慶祝. 咁埋單又係我, 佢臨走都要放低一句 '車, 唔係食左你好多錢JE' 我都唔出聲吞左佢...另外例如佢舖頭翻新, 佢叫我地去油油, 油得唔靚, 又鬧同發癲. 喂, 我唔係專業, 我都話唔識油. 初時佢覺得油得OK, 仲話幾好, 之後覺得麻麻就鬧. 鬧到我頂唔順丟低D野走左.


複式洋房

積分: 268


23#
發表於 13-1-9 13:26 |只看該作者
回覆 tingtsang 的帖子

謝謝你TINGTSANG. 有時我都覺得係..我妹鬧到佢死, 俾隔離屋聽到以為發生咩事, 我媽竟然同個鄰居講: 依家D細佬係咁架啦. 之後個鄰居同我講返. 我心諗. 我從來無咁鬧過佢囉.


複式洋房

積分: 268


24#
發表於 13-1-9 13:29 |只看該作者
回覆 kktsoi 的帖子

謝謝你KKTSOI, 我老公都係咁同我講. 叫我唔好太理我媽, 唔好太在意. 我仍在學習中, 有時我都好嬲我自己, 因為我希望我的家庭是溫暖的, 我唔介意付出. 如果我付出左大家可以互愛互助, 相親相愛, 再多我都不介意付出. 但我真係唔明白, 點解你不停對一個人好, 那人可以咁樣對你. 仲要係你最親的人. 我自己真係做唔出.


男爵府

積分: 8777


25#
發表於 13-1-9 13:38 |只看該作者

回覆:yanyan1013 的帖子

感性上明白你對媽媽的期望,理性上要讓也要明白,你快當媽媽,更加是一個獨立家庭,不要期望丈夫以外的人照顧,有是bouns,外家第一個孫也是so what,對你很重要的人或物,構想成別人也重視,是不合邏輯的。

希望這想抽離一些地想會使你好一點




男爵府

積分: 8777


26#
發表於 13-1-9 13:41 |只看該作者

引用:回覆+newroom+的帖子 謝謝你NEWROOM,+真係

原帖由 yanyan1013 於 13-01-09 發表
回覆 newroom 的帖子

謝謝你NEWROOM, 真係說到我的心坎. 其實我真係唔想同妹妹爭D咩, 只要佢唔好鬧我搵我 ...
其實你要set 低線,不是大時大節不見,你有責任保護自己。




子爵府

積分: 14143


27#
發表於 13-1-9 13:50 |只看該作者
KIMBERLEY0902 發表於 13-1-9 12:34
我都覺得你媽咪好偏心,但可以睇下之後如果你呀妹會大肚,甘你媽咪又會唔會煮好野俾她食就知啦。不 ...

No, 我唔讚成 !

人比人,比死人呀!咁只會更令自己轉入牛角尖!

做足自己本份,過到自己就好夠啦

點評

KIMBERLEY0902  你又有你既道理,睇開D囉唯有  發表於 13-1-9 17:23


複式洋房

積分: 268


28#
發表於 13-1-9 14:07 |只看該作者
回覆 ferferfer 的帖子

謝謝你的留言FERFERFER. 你講得好岩. 做人對人好不要期望別人同樣對你好, 情感上有要求可以, 但事實如果無都唔可以要求別人怎樣. 即使那是自己的媽媽. 我明白的, 但情感上我要繼續學習. 希望我真的可以放下, 專注自己的家庭和BB. 開開心心.

對於我妹, 其實我已經無見佢, 但佢有時會係我媽到聽左D野打黎鬧我. 一輪嘴有佢講無你講, 之後CUP你線. 所以我現在都唔敢聽佢電話. 我好怕我唔開心會影響我BB.


複式洋房

積分: 268


29#
發表於 13-1-9 14:08 |只看該作者
回覆 史奴比 的帖子

HI SNOOPY. 多謝你的回覆. 我都明白的. 我都唔想同我妹妹比較. 我只係好羨慕我妹可以得到我媽的愛. 我希望我媽都可以用對我妹十分一的愛黎對我.


大宅

積分: 2498


30#
發表於 13-1-9 14:38 |只看該作者

回覆:我究竟係咪我媽個女

你倒不如停止自動俾家用,她無錢自動會揾你,所有活動停止自己攪,佢見悶會煩阿妹或你,你送上門,當然唔興香


子爵府

積分: 13784


31#
發表於 13-1-9 14:39 |只看該作者
回覆 yanyan1013 的帖子

你好孝順, 但母女都係緣, 有深有淺, 請不要强求, 放過自己, 基本嘢做完就夠, 亦不要再去求什麼了, 當你放下後, 你會過得更好, 你唔happy, 肚中bb亦不happy, 不要為了她們而令自己bb唔happy 囉, 你要對bb公平些

你有咗, 有時間就多d休息, 何必又操勞又要受阿妹氣? 我係你, 我不會再幫阿妹, 佢冇尊重你, 咁你亦無需幫佢, 佢揾到$$$$自然有能力請人, 況且一個咁脾氣的人, 將來佢自要承受今日種的果, 你提過你阿ma勸佢, 但你阿ma冇做, 咁你阿ma + 佢老公縱容佢, well, 他們的事了, 放手吧


複式洋房

積分: 268


32#
發表於 13-1-9 14:53 |只看該作者
回覆 sussage 的帖子

HI SUSSAGE, 其實我岩岩有左個陣, 我有一次又俾我個妹鬧, 我哭著跟我媽說, 真的覺得自己很委屈. 佢就叫我收聲返屋企唔好煩佢, 以後唔洗我去佢屋企唔好俾家用佢. 自此我就沒有給家用, 但樓我有繼續供. 可能因為佢覺得我無俾家用, 亦大條道理不再理我.


複式洋房

積分: 268


33#
發表於 13-1-9 14:57 |只看該作者
回覆 mapp2009 的帖子

謝謝你MAPP2009, 我其實亦沒有選擇, 正如頭先上面的姊妹所說, 在乎的根本就只有我自己一個, 做又自己做, 唔開心又自己唔開心. 如果你問我妹, 可能佢仲會話, '無叫你做喎, 你自己懶好咋喎.' 謝謝你的說話, 我明白的. 其實我現在已沒有見她, 因為岩岩有左時俾佢鬧過一次, 我真係幾日訓唔著, 我老公好擔心我, 亦怕影響左BB, 所以我現在都沒有再找佢. 咁佢當然亦唔會主動黎問侯我啦.


子爵府

積分: 13784


34#
發表於 13-1-9 15:04 |只看該作者
回覆 yanyan1013 的帖子

傻妹, 人在唔同階段有不同的人生, 難得你c6咁錫你, 你要stay strong, 好好愛護自己, 好好對待c6 + BB, 不要苦瓜咁, 人總要學懂可放可收, 無嘢係必然, 放過自己, 用另一心態面對, 阿ma唔like, 咁都冇謂勉強佢老人家, 由佢做佢like的事, 她也有權選擇



複式洋房

積分: 268


35#
發表於 13-1-9 15:14 |只看該作者
回覆 mapp2009 的帖子

你講得好岩. 我現在都成日想打俾我阿媽. 我老公成日同我講, 叫我唔好再存任何希望. 對我黎講係有少少難, 但我都學習緊. 有時我會諗, 我媽會唔會掛住我? 因為講真我真係好掛住佢, 好想同佢食飯傾偈. 好想佢替我有BB而高興(我係想有BB好耐都無但結婚差不多4年做IVF先有) 想想下就會喊, 因為真的很難受. 但又唔敢哭, 因為怕影響BB, 好多情緒抑制住..我知道我老公好鍚我, 我唔想辜負佢, 我一定要為佢生一個開心的小B..


大宅

積分: 1617


36#
發表於 13-1-9 15:17 |只看該作者
偏心喺中國人社會真係好普遍...之但係你媽咪又真係太過份...不過唔緊要...因為你大個女喇...要做人媽媽喇...一切應以BB為重...用日日都開心的心情迎接BB的來臨...你有個鍚你嘅老公同快將出世嘅BB喎...仲唔夠咩...係時候將人生的重點放返喺依個真正屬於你嘅family度喇...


複式洋房

積分: 268


37#
發表於 13-1-9 15:20 |只看該作者
回覆 sugarwinnie 的帖子

謝謝你SUGARWINNIE, 其實我諗住好耐好唔好上黎POST抒發下, 因為有時真係唔知同邊個講好, 我自己都就黎做人媽媽, 唔想在朋友面前好像在數自己阿媽. 今日POST左, 聽左咁多JM的意見, 我真係覺得舒服左好多, 謝謝你們. :)


複式洋房

積分: 220


38#
發表於 13-1-9 15:33 |只看該作者

回覆:我究竟係咪我媽個女? (有少少長, 唔好意思)

我覺得而家就好似扯大纜咁,你阿媽係中間,係一個家庭中心,佢一邊拉著你阿妹,另一邊就由你拉住佢。聽你講你阿妹都係無咩親情既人黎,所以你阿媽要不停拉佢返黎,而你本身已經好顧家,所以你阿媽無顧你個邊囉。 如你阿媽唔努力拉住你阿妹,你阿妹就會愈走愈遠,我相信呢個都係點解啲父母會特別關注對屋企衰啲個個,佢地驚佢會走左去,亦明知好啲個個唔會走...

我係夾係中間既一個,好多時我都會係屋企匿埋喊,我c6都會為我激氣,但我好快就唔記得。我同自己講,總之我要做好自己本份,唔洗佢地錫,有c6錫我就夠!



點評

mapp2009    發表於 13-1-9 15:40


子爵府

積分: 13784


39#
發表於 13-1-9 15:40 |只看該作者
回覆 yanyan1013 的帖子

咁你掛住佢無錯的, 但要調節 "你覺得佢會XXXXXXX", 冇希望就冇失望

ivf過程你也吃了不少苦, 衷心祝你同c6+bb以後幸福健康!!!! 話唔定生完第1個, 第2個極速自己報到, 到時唔好呻話瞓覺的時間都冇


複式洋房

積分: 268


40#
發表於 13-1-9 15:52 |只看該作者
回覆 aki717aki 的帖子

謝謝你的回覆AKI, 其實我都好明白的. 我媽覺得我妹需要佢照顧多D, 其實由細到大我都係自己搞掂. 只係可能黎到呢個MOMENT, 到我自己有左BB, 真係好想好想最親既人可以關心一下自己. 就這樣而己...

首頁

尾頁

跳至
Presslogic Logo
Baby Kingdom Logo