Re: 我曾經係十月的準媽媽,但而家....
joanyau ,
我也有近似妳的經歷, 去年2月份有了bb, 初時不知道, 只是成日都覺得不舒服, 就像患了大感冒一樣, 後來又成日覺得肚餓同腳軟 (因我平時唔肚餓就會不吃lunch那種人), 同事叫我去驗下係咪有左, 因為自己未試過懷孕, 一些常識也沒有, 一驗之下真的有第2條線 (當時係day30), 不過就很淺色, 自己唔相信, 到第2天時又買棒棒去check, 也是有第2條淺色線, 當堂控制不了眼淚, 一直流出來, 同事見到我, 以為我是擔心經濟情況 (因老公當時雖然有工作, 但經常3個月才出一次薪金), 其實我實在是太興奮, 一時不能相信自己可以懷孕 ....因為當時結了婚已經2年有多, 再加上幾個醫生都話我好難有孕, 所以那一刻我真的不能相信自己肚中已經孕育著一個小生命, 到第3天我自己一個人去了診所(老公要開夜班)看婦科, 醫生驗完之後證實我懷孕了, 真是天大的喜訊, 還第一時間通知媽咪, 還記得當時係回家既途中一邊行一邊陰陰咀笑......可惜好景不常, 過了幾天之後開始流啡, 去看急診時醫生話無問題, 開了幾粒藥給我便算, 黠知看完醫生之後仲流多了, 後來還變成流血, 當時自己很擔心, 又不知怎樣做, 也沒有告訴誰, 只是希望每天返工的時間可以快些過, 不再流血便好了, 可是血一直也沒有停止過, 只是時多時少果, 過了一個星期之後, 自己終於忍不住, 一直等到收工之後再去看急診 (這次也是自己一個人去醫院), 醫生當時做陰超照到一個黑影, 懷疑是宮外孕, 要我立即入院, 我立即控制不了淚水, 一直狂哭. 電話也來不及打給家人. 到辦好了住院手續之後, 我打電話比老公同媽咪, 可惜我一個字都講不出口, 一邊哭, 一邊只能講我當時在醫院, 佢地2個人立即趕去醫院看我, 我面眼都已經哭得腫了, 那時醫生叫我係翌日再做陰超看清楚是什麼一回事 (因為急診內的器材沒有那麼全面), 係醫生scan完之後話唔係宮外孕, 係作小產, 但個胎就細, 同埋有排斥現像. 我見到自己唔係宮外孕, 心都鬆哂, 仲同醫生講我會定d, 唔會成日咁粗勞, 希望可以令到個胎長d, 點知醫生一句說話打過來, 話點補都無用, 建議我做刮宮, 我唔肯,到之後2天有個醫生巡房, 當時我拿著一本懷孕書看, 個女醫生 (是另一個醫生)仲同我講話叫我唔使睇, 睇來都無用....佢係什麼意思, 一個醫生點樣可以係一個作小產既女士面前這樣講, 我好嬲, 但係沒有講什麼, 咁佢個實習醫生就同我講話每天同我抽一次血去驗下個hcg指數有無double咁上升 (正常初期懷孕會double上升的), 我每天的抽血檢驗都有少許上升, 但就沒有雙倍上升, 係我已經hesitate了多日係咪要做刮宮既時候, 有另外一個女醫生, 佢好好人, 叫我唔好擔心, 要睡床, 連大, 小便, 食飯都唔好下床, 我心裡又再一次係谷底彈回去地面, 以為自己還有希望.....點知係第2天晚上, 隔離床果位女士沖涼係toilet流哂d水出走廊, 後來佢去睇電視時還滑倒了, 當時我看見了便第一時間起身去扶她.....之後無耐個肚就開始痛, 痛竹很厲害, 但又怕去叫姑娘時, 佢地會立即送我去做刮宮, 終於自己忍過去了, 到早上時卻發現血流多了, 就像來月經那樣多, 醫生巡房時告訴醫生 (是另一位實習醫生), 點知佢一聽到話隔離床果位滑倒, 便第一時間去問候她, 沒有再問我或看我, 因那位女士正存陀twins........那段時間我pray了很多次, 我同天父講, 個胎是有生命的, 只要有一線機會, 我也不想白白去做刮宮去弄死個bb, 如果真係保不住個bb, 不如就比佢自行流出來, 咁樣對大定都會易過些...日子裹是一直見紅, 但量已經變得少了, 醫生亦要求我出院, 點知係我出院剛回家既時候, 一片手指長的東西係我既小便流了出來, 我馬上致電剛返工的老公送我回醫院, 還記得當時去到急診, 個姑娘見到我住院既手帶, 都覺得奇怪 (因為我只是剛出院回家, 時間還來不及去拿掉手帶), 醫生同我立即做陰超, 正當我哭成淚人, 已經打算好做刮宮手術時, 醫生話個胎還在子宮內, 跌出來的只是一" 舊" 退膜組織, 不用做刮宮手術我又變得有回希望, 再次回家休息. 到第2天小便時又流了一舊東西, 跟前一天流出來的甘不多, 我便沒有理會, 心想去看醫生也沒有用, 只會再多做一次陰超同埋叫我返屋企休息, 所以我連同小便沖走了" 它" , 也沒有去看醫生,過了幾天, 血沒有再流了, 碰巧要去看係陰超 (係之前3個星期約了appointment去做的), 當時係我毫毛心裡準備既情況下, 醫生話什麼都照不到, 還問我係咪證實是懷孕的, 我望一望個screen, 真係空空如也, 又再次哭成淚人, 個醫生又再同我驗一次小便, 結果已經變成negative, 成個醫院走廊既人 (就係產房出面既走廊)都睇住我, 我老公亦講不出說話來, 但我看見他雙眼都紅透了, 他只是不想我見到他擔心, 佢一面忍著液水, 一面捉實我的手, 一面安慰我, 不過不幸之中既大幸就是個胎完全流清, 不用做刮宮, 所以我中午知道自己完全流虛既時候, 下午已經再次返工上班了 (我也忘記了要求醫生給我病假休息), 那段時間真的很難過, 與我同期結婚的同事都已經至少生了一個或3個, 經常在我面前圍著講生仔經, bb經, 雖然我知道他們不是有心在我面前說, 但是崩口人始終忍崩口碗, 果幾個月真係終日以液洗面, 又要對人歡笑背人垂淚. 這個情況一直至去年9月份我自己1再次自行驗到有2條線,不過下線顏色較淺, 而且一連3天也有驗到2條線, 心想傷心既事過去了, bb終於再次來臨, 這次我很小心, 並沒有第一時去診所驗孕, 打算等多一個星期多之後才再去診所驗, 到時應該會深色一些, 點知驗第4次時下線又失蹤了, 之後過了一個40多天才有月經來 (我係第1 次小產前是約21天左右便來一次月經), 而且量盲像第1次小產先後那樣多, 那樣長時間, 今次去看私家醫生時, 個醫生話可能係很早期的流產, 是因為不能成功著床, 所以有這個情況出現, 不同的是, 今次我當自己沒有懷孕, 因為我從來都沒有在screen看見過" 它" 的存在.....之後一直到現在, 已經一半有多, 仍然未能再次成孕, 我年紀唔細, 31歲, 一胎都未生過, 身體又不是太好, 加上老公已經42歲, 所以我都好心急想再次有bb, 可惜呢家野, 並不是" 想" 便有的, 可能時機未到, 可能呢世都唔會出現.......但係係第一胎小產所經歷過既事情一直未能抺去,可能是因為當時實在太多 " 驚喜" , 由自己是很難有bb的人, 到證實懷孕, 再由懷疑是宮外孕到作小產, 當中的驚, 喜, 失落, 以及期間所經歷的真是不能用筆墨去形容, 只有當事人(就像部份曾經經歷過小產心路歷程既bk sisters們) 才能感受那種折磨以及帶給家人的憂心.
現在事過景遷, 偶然也會想起去年不愉快的經歷, 亦會禁不住再次流下眼淚, 但是我們始終還是要向前看, 不能永遠停留在某一段時間上, 既然是不快樂的, 就讓它忘記了, 時間慢慢可以沖淡了, 就當是我們生命中其中的一章一節, 就是有了這些" 失去" , 便更能讓我們更加珍惜眼前所擁有的, 對嗎 ?!
對不起, 各位, 我想我講得太多了, 一見到呢段topic之後令我回想起某些往事, 就在這裡借用一些篇幅去舒緩一下心情, 到時希望可以j為joanyau打打氣, you are not alone here, we are all here to support each other.
最後, 各位想生bb既靚太們, 千奇不要放棄呀, 一日有月m 來, 一日還有機會懷孕的, 大家加油呀 ! 
<a href="http://lilypie.com/"><img src="http://lb4f.lilypie.com/T90Jp8.png" width="400" height="80" border="0" alt="Lilypie Fourth Birthday tickers" /></a>
發表於 
返回列表
