夫婦情感 今日: 3 | 主題: 42715

積分: 4303

2025勳章 2025勳章蛇年勳章 2024年龍年勳章 2023年兔年勳章

21^#

發表於 06-7-13 11:19 |只看該作者

Re: 我心力交瘁,撐不住了

冰封三尺,並非一日之寒,我的問題不是三言兩語可以在這裡說盡,從當初所經歷到現在post出來的已是結果或者可說是我的痛,但我肯定我已做到最好,我的堅持,我的忍耐,令我更堅強…有時候…感情的決定,是沒有誰對誰錯的,"醉過方知酒濃,愛過方知情重",有誰不想執子之手,與子皆老?雙方共同有過經歷,或許會令二人更加珍惜,相反大家互相角力,換來的祗有兩敗俱傷.
要知道感情的事是雙方面的,我在這條分岔路上,希望能選擇得對

相處時需要包容爭吵時需要溝通
孤獨時需要陪伴難過時需要安慰
生氣時需要冷靜快樂時需要分享

私人傳訊

susan04

別墅

積分: 680

22^#

發表於 06-7-13 12:25 |只看該作者

Re: 我心力交瘁,撐不住了

身為在職女性,我都好明白,放工後進修,再回家見到自己的丈夫甚麼也沒有做過,連半句安慰的說話都沒有,真是會很[慶]的.

不過,你先生現在沒有工作,不知他找了多久呢?又之前份工是因為甚麼原故而離去呢?我都試過不只一次被[炒],最近一次是沙士期間,沒有任何原因之下,只是部門要交人,便[炒]了我.我找了接近一年才找到現在的工作,還要人工減半.在找工期間,我都很不開心,最差曾試過甚麼也不做,有工都不見,亦不想見人.我咁講,是想你嘗試從他的角度出發,不做家務可能是他自己很不開心,做任何事都沒有士氣呢?

當然,這不是藉口.你可以平心靜氣與他講,講出你的感受,亦用心傾聽他的感受(希望可以),再找出解決方法.當然,若他連溝通都不想,便要問問自己想不想繼續過這種日子.

私人傳訊

該用戶已被刪除

23^#

發表於 06-7-13 13:36 |只看該作者

Re: 我心力交瘁,撐不住了

提示: 作者被禁止或刪除內容自動屏蔽

私人傳訊

積分: 4303

2025勳章 2025勳章蛇年勳章 2024年龍年勳章 2023年兔年勳章

24^#

發表於 06-7-13 17:46 |只看該作者

Re: 我心力交瘁,撐不住了

前兩天我心情不好時有諗過離家出走,不過最後當然冇走到.講到家務,就係因為比家務c6做真係會做得好差,所以我都冇諗過要佢做ga,好似有時佢自己煮完飯之後個廚房我就冇眼睇,不過我唔會出聲,唉...唯有自己抺番乾淨就算數, 真係有苦自己知

相處時需要包容爭吵時需要溝通
孤獨時需要陪伴難過時需要安慰
生氣時需要冷靜快樂時需要分享

私人傳訊

OneTwoThree

積分: 5598

25^#

發表於 06-7-13 22:13 |只看該作者

Re: 我心力交瘁,撐不住了

家務唔係一定要女人做, 唔好將家務標籤左俾女人, 衫唔係剩係老婆得老婆著所以要老婆洗, 飯唔係老婆一個人食, 所以唔係一定係老婆煮, 間屋既地板個個都有份行, 唔係老婆一個人行(唔通成間屋剩係老婆至會踩地行?)點解又係一定要老婆拖, 老婆要返工又要返學幫手做下屋企有咩問題咁樣都會傷佢自尊心, 咁個個家庭煮婦未咩自尊心都無?? 自己係出面做野辛苦到死, 返屋企仲要係咁做, 要承受俾老公粗口問侯, 仲要做埋社工開解個c6, 嘩!! 講真咁樣生活自己心理無問題都算偷笑啦, 仲要安慰佢個種大男人心理, 想問呢種老婆係邊度可以搵到?? 我唸果個應該係你, 如果唔係你都唔會咁講啦!! 你都識話係互相扶持啦, 而家剩係得個老婆扶住個老公咋喎, 個老公就眼白白睇住個老婆跌到扒街都唔理喎, 用粗口鬧老婆個老婆就唔難堪, 個老公幫手做家務就傷佢自尊心, 咩理論嚟嫁, 老公就有呀媽, 唔通老婆就係石頭爆出嚟既, 係咪賤d嫁?? 咁樣捱法就真係唔知邊個"甘"邊個"苦"la~ :tongue: :tongue: :tongue: :tongue:

SkySiu 寫道:
Melmel2004

只可以話比你聽男人的表達方式唔同女人, 失業對一個有上進心的人泥講系好挫折, 唔好理失業有多久, 系呢個時候離開佢就真系有d "不能同甘共苦". 又唔系生活唔到既話, 唔好唸得咁差.

唔好唸住佢失業在家就一定要幫手做家務, (當然做就最好), 如果你有呢個想法, 或開口叫佢做家務, 即系話佢系寄生虫, 好多男人自專心好強, 唔番工就要做家務, 佢會覺得自己系咪差到只識做家務 ? 咁佢會更加冇心機搵野做.

其實家務的事, 就算佢冇失業都系你自己做的, 只不過你覺得佢呆在家也不做, 看不順眼罷了, 至於心靈上, 似乎佢自己都好煩唔知點, 系咪你應多去理解佢 ?

人生總有起有跌, 夫妻的意義就系在對方跌的時候互相扶持, 都未系大難臨頭, 唔好唸咁多, 比d時間佢, 每個人企起身都唔同. 連最親的枕邊人都比面色佢, 會好難憾架.

比多 d笑容佢, 家應該系溫暖既生活逼人, 放鬆些.

私人傳訊

露絲

積分: 1255

26^#

發表於 06-7-14 01:09 |只看該作者

Re: 我心力交瘁,撐不住了

OneTwoThree,

你講得十分之對, 我個c6都係大男人, 只照顧自己的需要, 其他人就好似當看不到.

同他講道理, 每次死都講返生, 明係他錯都會講到是我錯, 真是有點兒那個.. ?-(

我同個c6結咗婚都超過10年以上, 某年某月某日發覺d仔女實在太naughty, 於是乎就唔做野及返家揍仔, 你地都知道要一個打開工的女士去做家務及揍2個仔, 真係好辛苦, 如果老公支持就會感覺好好多. 不過我個c6唔見得點樣支持, 還當我BunBun禁叫, 個心真是好酸. d仔又悶又naughty, 鬼咩d仔女又冇人得閒培, 個亞媽又要做家務個老豆又唔培玩, 結果我決定唔做家務(只做小小), 花多d時間去了解兒童的需要問多d家長意見, 上網找多d地方培他們玩, 又去好多親子旅行, 和教小小功課, 最多的是培細仔講故事, 有時間再上BK網訴下苦, 連鋼琴我都比他們試學(目的要加長他們的專主力時間及恆心), 樣樣都試. 結果, 更係累到唔想做家務啦! :-(

不過個c6更本唔知我做咗好多小朋友d野, 反閙我lazy, 你地話係唔係好唔公道呀?

係唔係d家務一定個老婆做呀? 答案更係唔係啦....

所以我緊係要個c6做啦, 結果我老公做到頂唔住叫救命, 我就對他講"我等咗你e句說話好久了, 你可知我的苦呀! 為何當初你會說我冇野做好lazy?" , 無他的...只有一個原因, 就是個c6個媽我99向個仔投訴我唔做家務唔去找工做囉.

唉...e家好心談, 時時都閙到要離婚個隻.

不過個c6次次都說同一句話 : 兩公婆都唔知為什麼要閙交, 做多d個d好過.

(好難啦個c6就想):tongue:

禁即係講到明是我錯, 自己找煩惱姐!

eD都唔知係咩野人, 細個時一定比個亞媽"種"壞.

露絲

私人傳訊

mchan89

積分: 9516

好媽媽勳章

27^#

發表於 06-7-14 09:46 |只看該作者

Re: 我心力交瘁,撐不住了

我都覺得家務唔一定要女人做，男人都有責任．不過有時知佢番工番得好攰, 番到屋企都會俾佢抖下．但係唔駛番工，就
應該自動自覺做啦．

特別係小朋友既野, 好多時我都會特登要佢做下, 等佢參與下
bb 既成長, 唔好淨係識得同佢玩. 有時我出左街, 工人又放假, 佢都要識得照顧, 唔係就那手唔成勢.

私人傳訊

jojohuen

積分: 9700

畀面勳章

28^#

發表於 06-7-14 10:30 |只看該作者

Re: 我心力交瘁,撐不住了

one two three:
絶對贊成你的觀點.我老公都係認為家務係女人的份內事,男人應該唔係做,睬佢都傻,我實企硬嫁,我放工買餸煮飯,佢就洗碗同幫阿仔沖涼,分工合作.雖然佢成日說話多多,話我要佢做咁多嘢,唔係合格老婆.但講還講,講完都要佢做,你估女人唔係人啊.

私人傳訊

積分: 18757

29^#

發表於 06-7-14 10:52 |只看該作者

Re: 我心力交瘁,撐不住了

OneTwoThree 寫道:
家務唔係一定要女人做, 唔好將家務標籤左俾女人, 衫唔係剩係老婆得老婆著所以要老婆洗, 飯唔係老婆一個人食, 所以唔係一定係老婆煮, 間屋既地板個個都有份行, 唔係老婆一個人行(唔通成間屋剩係老婆至會踩地行?)點解又係一定要老婆拖, 老婆要返工又要返學幫手做下屋企有咩問題咁樣都會傷佢自尊心, 咁個個家庭煮婦未咩自尊心都無?? 自己係出面做野辛苦到死, 返屋企仲要係咁做, 要承受俾老公粗口問侯, 仲要做埋社工開解個c6, 嘩!! 講真咁樣生活自己心理無問題都算偷笑啦, 仲要安慰佢個種大男人心理, 想問呢種老婆係邊度可以搵到?? 我唸果個應該係你, 如果唔係你都唔會咁講啦!! 你都識話係互相扶持啦, 而家剩係得個老婆扶住個老公咋喎, 個老公就眼白白睇住個老婆跌到扒街都唔理喎, 用粗口鬧老婆個老婆就唔難堪, 個老公幫手做家務就傷佢自尊心, 咩理論嚟嫁, 老公就有呀媽, 唔通老婆就係石頭爆出嚟既, 係咪賤d嫁?? 咁樣捱法就真係唔知邊個"甘"邊個"苦"la~ :tongue: :tongue: :tongue: :tongue: .

正如主角Melmel2004所講, 冰封三尺非一日之寒, 真正的問題是佢地本身的感情已出現問題, 這段婚姻已被生活洗刷得淡如水, 家務只系近因.

其實佢老公好明顯系唔岩, 大家絕對可以起勢鬧, 我都好想鬧, 但對問題有用嗎 ? 只系唔想多個家庭散了, 只系希望系可以有轉機的地方上, 比主角一個思考的地方. 如果有心想挽回婚姻(主角亦做唔少), 是不是應多方面去做功夫, 點解唔從好的一面去出發, 一面倒去鬧佢老公, 是好的方法嗎, 咁多年夫妻, 做妻子的不停為個家付出, 做到最好, 為對方百般千就, 就是要落得這個收場嗎 ?

婚姻耐左, 就剩下感情, 如果有愛, 家務還是一個問題嗎 ?!!!

主角想唔做的, 唔系家務, 系夫妻 !!

系bk可以盡情表達意見, 大家女人, 我只系唔想見主角個家散了吧.

私人傳訊

OneTwoThree

積分: 5598

30^#

發表於 06-7-14 12:16 |只看該作者

Re: 我心力交瘁,撐不住了

我唔係有心要同你鬧交, 之不過我睇左你既post, 好似係幫哂個男人咁, 替女人不值啫, 大家都係討論下囉, 不過我就唔認同你既講法, 所以想講心中所想, 回應番你話: 「婚姻耐左, 就剩下感情, 如果有愛, 家務還是一個問題嗎 ?」婚姻係要有愛, 但亦都要分擔家裡大大小小既事, 如果佢係愛個老婆, 就識體諒老婆既苦處, 自動自覺去做housework, 我唔係剩係得把口講, 好似my hubby咁, 某個農曆新年前我同老公話想搵多一份part-time做(朝早巳經做緊一份), 話過年想俾多少少$$俾呀媽, 佢無反對, 於是我就一日返兩份part-time, 早個份8:00-12:00, 另一份2:00-10:00or11:30不等, 足足做左兩個月都係咁, 個時都勁辛苦, 不過返到屋企我乜都唔洗做, 因為老公返嚟巳經做哂, 有時佢去呀媽度食飯仲拎埋番嚟俾我食, 有時我夜得滯收工, 佢會係呀媽度等埋我or打電話俾我叫我唔好掛住做, 唔好唔食飯....個時雖然辛苦, 但老公芍我既關心都係一種原動力, 有個識得體諒自己既老公係好緊要嫁, 如果老公唔係咁關心同支持我, 佢掉轉頭話我自己拎嚟辛苦, 家務又唔做, 對我又漠不關心既話, 我都會唸仲同呢個男人一齊仲有乜意思, 呢d係好自然既事, 所以每次我同佢鬧交, 都會唸下佢既好多過唔好, 啖氣自自然然就會消, 呢d亦係因為佢平時對我好既原故, 甚至有個想法就係:佢對我咁好, 可能我依世都搵唔番個咁既老公.....so女人既想法好大情況下係取決於個男人平時點對個女人, 我都唔想睇住人地個家散, 之不過睇到你寫既野有點替女人不值, 想更正番事實啫

[/quote]
SkySiu寫道:

正如主角Melmel2004所講, 冰封三尺非一日之寒, 真正的問題是佢地本身的感情已出現問題, 這段婚姻已被生活洗刷得淡如水, 家務只系近因.

其實佢老公好明顯系唔岩, 大家絕對可以起勢鬧, 我都好想鬧, 但對問題有用嗎 ? 只系唔想多個家庭散了, 只系希望系可以有轉機的地方上, 比主角一個思考的地方. 如果有心想挽回婚姻(主角亦做唔少), 是不是應多方面去做功夫, 點解唔從好的一面去出發, 一面倒去鬧佢老公, 是好的方法嗎, 咁多年夫妻, 做妻子的不停為個家付出, 做到最好, 為對方百般千就, 就是要落得這個收場嗎 ?

系bk可以盡情表達意見, 大家女人, 我只系唔想見主角個家散了吧.

婚姻耐左, 就剩下感情, 如果有愛, 家務還是一個問題嗎 ?!!!

主角想唔做的, 唔系家務, 系夫妻 !!

[/quote]

私人傳訊

積分: 18757

31^#

發表於 06-7-14 12:44 |只看該作者

Re: 我心力交瘁,撐不住了

君子之談當然唔系鬧交.

佢老公其實邊個都唔會話系岩架勒.
亦好明顯佢老公唔知點解咁唔愛惜甘好的老婆.
感情系兩個人都須付出, 單方面努力真系好累.
只系系唔清楚的情況下, 給主角一點安慰.
希望主角往開心的往事唸, 睇下有冇得救.

你的case擺到明你老公好愛你啦, 又點可以同佢老公比呢.
相同的case, 點解一個開心願捱, 一個心灰意冷 ??
就系因為差一樣東西 ---- 愛. 咁又點可以相提並論呢.

希望佢老公的愛只是被遮掩而不是洗刷掉, 只有祝福佢.

私人傳訊

積分: 4303

2025勳章 2025勳章蛇年勳章 2024年龍年勳章 2023年兔年勳章

32^#

發表於 06-7-14 14:39 |只看該作者

Re: 我心力交瘁,撐不住了

唔好意思,攪到你地開始有衝突,其實你地兩個都講得啱,我本人立場是我並非不願意做家務,但同意家務唔一定要女人做,不過確實又真係做得好辛苦,而家務已不是我們關係惡化的導火線,如果我透露多小小,可能你地會明白點解我著意在家務上.
我們由阿仔出世已用菲傭(18年),我真的不用做(連飯都唔識煮嗰隻)因c6經濟問題直至去年中他原來已沒工作(我還被蒙在鼓裡),直至他沒錢交租我才知,本來大家經濟獨立,冇問題,我負責工人/仔女開支,最後為了擔起全屋開支,菲傭約滿後便不能續約了,所以請你們明白家務不是我強項,又要放工後才做,我嘗試過叫c6洗碗,但佢話唔鍾意洗,叫佢幫我每日洗廁所,唔駛我晚晚返去洗完至有得用,因為佢痾到好dirty,佢又當耳邊風,哭過又鬧過,你地話點?
我明白夫妻間要有愛,但只有我付出,但冇回應…係冇回應,你地明白嗎?不論身或心.現在,我唔會再叫佢做任何事,我怕會鐨牛角尖,所以上來發洩一下,想有多些支持,我真的很需要聽聽你們不同的見解

相處時需要包容爭吵時需要溝通
孤獨時需要陪伴難過時需要安慰
生氣時需要冷靜快樂時需要分享

私人傳訊

該用戶已被刪除

33^#

發表於 06-7-14 14:48 |只看該作者

Re: 我心力交瘁,撐不住了

提示: 作者被禁止或刪除內容自動屏蔽

私人傳訊

該用戶已被刪除

34^#

發表於 06-7-14 14:54 |只看該作者

Re: 我心力交瘁,撐不住了

提示: 作者被禁止或刪除內容自動屏蔽

私人傳訊

OneTwoThree

積分: 5598

35^#

發表於 06-7-14 15:58 |只看該作者

Re: 我心力交瘁,撐不住了

SkySiu,

首先多謝你抬舉我為君子, 我亦唔敢講老公係咪真係你所講既咁愛我, 但最起碼佢做左佢做老公既本份我覺得巳經好開心同足夠, 香港地, 太多男人娶左老婆就唔鍚佢, 但我都希望版主能夠同老公大團圓, 有一句我就好應同你 : 「希望佢老公的愛只是被遮掩而不是洗刷掉, 只有祝福佢。」

私人傳訊

積分: 18757

36^#

發表於 06-7-14 18:39 |只看該作者

Re: 我心力交瘁,撐不住了

OneTwoThree, Melmel2004

禮儀交談, 講唔上沖突, 大家都系討論下.

Melmel2004 一睇你post個問題, 已知你正十分痛苦, 不論精神肉體上, 做女人點會唔明白. 不過我唔會著眼系家務上討論, 一對夫妻走到今天這個境況, 又豈會系做家務的緣故. 我希望你唔好掛住睇個"傷口", 日日睇住個傷口研究個傷口點爛法, 爛成點, 咁系唔會好, 希望你可以搵出受傷原因, 更希望唔系死証, 夫妻一場點都唔可以輕易放棄.

John&Kelly

是的, 白頭到老, 談何容易, 所謂幸福唔系必然, 盡人力, 還要看天命.只望夫妻互相珍惜眼前人.

私人傳訊

露絲

積分: 1255

37^#

發表於 06-7-15 03:30 |只看該作者

Re: 我心力交瘁,撐不住了

Hi SkySiu,

憑你的說話及見解, 我覺得你唔係普通的c9, 你應該係好有見識或者是一些好專業的人士. (估估下)

onetwothree,

平心靜氣一d呀! 我都希望個版主再想清楚, 因為我都經歷過兩年唔開心的時候(同版主一樣, 不過個c6有工開).

大家辛苦的程度有過之而無不及, 家務雖然唔係最主要的原因但亦是導火線, 每一樣事情的真相背後都是走唔得開"關心"兩個字, 當一個女人無人去關心的時候亦即是最失落的時候, 個中的"之"味真是好難受.

或者版主想一想你個c6以前是怎樣對你的? 如果非常好/十分好, 而現在只不過是過度期, 那麼你未比機會個c6囉. 但是如果由始至終他都是"衰格", 那你忍個c6都真是好辛苦囉.
我時時都說: (又要跟他姓, 又要搵錢, 又要受他氣, 又要做醜人, 又要生仔, 個老公只搵錢但唔需要做其他野, 又要顧及他的心理狀況, 佢地唔係好發? ) 不如反過來, 叫他們跟我們姓吧啦... :tongue: 大家話係唔係呀?

我曾經聽過有一些人講解過, 一個向你訴苦的人, 佢係好想你們明白佢地的感受, 而唔係要你的"和應"或"跳take", 所以回答時最好都是先明白了解後比意見.

不過男人點都要做返小小家務, 因為你要返工個女人都要返工, 因咩解夠佢地有特權唔4做而d女人要做呀.. 唔通女人label咗一定要做家務摡?

Melmel, 同個c6了解下啦, 唔好屈住屈住呀, 如果唔係會好易有情緒病架, 知道嗎? 看他有什麼解釋...

講真我都唔喜歡比人用badword 閙, 所以你個c6都係不對架啦~~

話時話啦, 你好過我你仍有書讀, 我個c6一結婚生仔就唔比我讀, 仲話讀咩野呀仔都生咗, 你話佢係唔係"衰格"呢?

(記住女人都要有尊嚴架, 唔係只係得個老公至有架..)

露絲

私人傳訊

積分: 4303

2025勳章 2025勳章蛇年勳章 2024年龍年勳章 2023年兔年勳章

38^#

發表於 06-7-15 10:35 |只看該作者

Re: 我心力交瘁,撐不住了

露絲寫道:

我曾經聽過有一些人講解過, 一個向你訴苦的人, 佢係好想你們明白佢地的感受, 而唔係要你的"和應"或"跳take", 所以回答時最好都是先明白了解後比意見.

你講對了,我不是一個輕易訴心事的人,可以係度post出黎,真的想別人明白我感受,SkySiu 和你們的寶貴意見,很值得我去思想和細味,雖然最終的結果是我自己去決定,但我可以從多方面(你們的意見,女人的角度)去諗下我應該怎做.
佢以前係對我唔差,但又咁講,係男人追你一定唔差ga la,可惜冇溝通(很多年了),例如唔識佢d朋友,沒有family day,直到而家,我已有我自己生活圈子,只不過不甘心一切由他而起..經濟上他維持不到一個家,又不理會家庭其他事項,這不是很不負責任嗎?
有時候真係想一死了之

咁算唔算有情緒病?
講起讀書就一把火,話左比佢知呢兩年唔可以唔用工人,因為我要進修,佢又唔聽,唔搵錢,交唔到租,我真係冇佢符,叫過佢走又唔走,呢d人

相處時需要包容爭吵時需要溝通
孤獨時需要陪伴難過時需要安慰
生氣時需要冷靜快樂時需要分享

私人傳訊

積分: 18757

39^#

發表於 06-7-15 11:03 |只看該作者

Re: 我心力交瘁,撐不住了

露絲

真系唔敢當, 只系用我的心, 冷靜地作一個旁觀者的意見.
雖然系bk互不相識, 比意見都系純個人觀點, 亦無責任可言.
但如果你喊我又喊, 我驚好易燒炭.
我自己會先確定自己的說話是否會做成推波助瀾, 把唔開心的主角再推往黑暗的深處. 警惕自己的說話要有正面的路向, 有時我都好想一齊鬧d衰99衰佬呀, 但如果有一絲的機會, 我都希望主角能用其他方法去尋求突破. 改善關系.
每個家庭少d怨氣, 社會會更美好.

或者曾經有太多朋友遇到煩惱, 有些少經驗, 且兩公婆都經歷唔少, 到今天, 我會告訢你, 我的幸福得來不易. 我很感恩, 並希望破碎家庭有重圓的一日.

私人傳訊