吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 在職全職› 轉做ptm的兩個選擇...

在職全職今日: 5|主題: 48021

收藏本版

發帖

返回列表

跳至頁

樓主: Feimuichai

[在職媽媽] 轉做ptm的兩個選擇... [複製鏈接]

jandk

男爵府

積分: 8111

好媽媽勳章

21^#

發表於 13-1-26 22:20 |只看該作者

引用：Quote:jandk+發表於+13-1-26+00:27+我就係

原帖由 Feimuichai 於 13-01-26 發表
如果我揀返half day，就要上午返工，中午飯婆婆煮俾細囡同佢自己食。我番到嚟就湊埋細囡去買餸、做下家務 ...

係咪同婆婆住，其實有人幫手真係幫輕好多，我係你會放工自己食埋飯，買埋餸先返屋企(咁就唔駛落多次街同買餸都重，同埋細女去買會辛苦d) ，返屋企陪下細女做d家務就去湊大女放學。我覺得你個case 人工只相差4000, 請工人反而支出仲多左，而且d 功課自己可以跟緊d

私人傳訊

Feimuichai

大宅

積分: 3363

22^#

發表於 13-1-26 23:09 |只看該作者

jandk 發表於 13-1-26 22:20
係咪同婆婆住，其實有人幫手真係幫輕好多，我係你會放工自己食埋飯，買埋餸先返屋企(咁就唔駛落多次街同 ...

其實我想老人家快點可以休息，所以先放工立刻自己湊番細囡。不過如果婆婆頂得順，你的建議真的好好，我會輕鬆啲。等我到時同婆婆商量下先!!

私人傳訊

snoopyiu

伯爵府

積分: 19353

23^#

發表於 13-1-28 10:47 |只看該作者

其實你依家有得轉pt, 不如每日都係返半日會好好多, 講真就算你做唔切有作趕緊, 最多做晏少少, 第二日再做, 同埋時間穩定好多, 起碼預到幾點收工, 屋企人幫你都容易d, 例如佢地知道呢個時間係要幫你, 佢自己可以安排其他時間做自己野都得~

我覺得你唔好炒工人住, 坦白講小朋友上左小學你要放好多時間係佢度, 講真做家務時間唔係放得好多~ 好似我咁, 我同你個case 好似, 我無工人但一個小朋友讀小學一個讀幼稚園, 我又係返緊半日~ 小學果個近exam 時, 我間直煮唔到飯,

又要同小朋友温書, 有公公婆婆幫手接放學但小朋友唔多聽佢地話, 又未識得自動自覺做哂功課(仲係低年級), 所以你都係用住工人先, 到時工作小朋友接送都定左, 先諗唔要工人要鐘點做清潔.

你依家不如好似我咁啦, 你外家幫你睇住個細(我就係公公婆婆負責細果個, 接放學陪佢放學去玩), 大果個自己搞掂(如接放學同課外活動功課等), 你自己未顧得到個大有外家睇多個~ 返工返半日放左工就去買餸買野接放學, 咁你做野做晏左有時要ot 都唔怕, 到時小朋友上小學都仲夠時間~

私人傳訊

hoiyiuma

大宅

積分: 1616

24^#

發表於 13-1-28 22:03 |只看該作者

回覆：Siammama 的帖子

絕对認同，我都係返parttime.係辛苦不過好值得。

hoiyiuma

私人傳訊

Feimuichai

大宅

積分: 3363

25^#

發表於 13-1-29 08:46 |只看該作者

snoopyiu 發表於 13-1-28 10:47
其實你依家有得轉pt, 不如每日都係返半日會好好多, 講真就算你做唔切有作趕緊, 最多做晏少少, 第二日再做, ...

好多謝你建議呀！其實我媽咪係跟我地住，平日佢係可以幫我看住個細b，所以我轉pt 主要都係為咗個大仔。
撰擇1 or 2 的掙扎主要係驚option2 雖然返工時間少d，但係屋企卻冇咗工人姐姐，唔知我做家務的時間會唔會多到根本會更少親子時間？！
我地收入少，所以我一揀option2就真係要即刻唔請工人喇(最多請多一個月，否則屋企有赤字)！

私人傳訊

snoopyiu

伯爵府

積分: 19353

26^#

發表於 13-1-29 10:15 |只看該作者

Feimuichai 發表於 13-1-29 08:46
好多謝你建議呀！其實我媽咪係跟我地住，平日佢係可以幫我看住個細b，所以我轉pt 主要都係為咗個大仔 ...

其實你想果個模式我都行左好幾年(我由大果個讀幼稚園到佢依家讀緊小學仲做緊ptm), 佢以前小朋友細個還可以, 我仲可以照顧埋長期病患的屋企人如一日煮兩餐陪睇醫生,照顧埋加細果個小朋友(bb時返嬰院), 煮埋一家至少八口餸~ 但當大果個上到小學, 比幼稚園時早放學, 又要陪佢做功課, 又會上補習班參加課外活動, 一邊又要睇多d細果個(佢都上英文班)放多d時間陪佢, 兩個搶我的時間都幾多, 變左放工返屋企(份工有時趕得制做多幾個鐘)衫都未換要煮飯叫佢地做功課, 要同佢地沖涼又洗衫, 打掃已經係假期先做架啦~

其實講真做ptm 好似精神分裂同萬能俠, 一邊上班earn$, 又要做ftm 的野, 又要做埋工人同補習老師的工作, 夜晚老公返到屋企要變返一個靚靚老婆, 都幾分裂架

如果小朋友仲細做ptm 係最好, 當佢地大果時如讀小學的話, 做ptm 都未必頂得順, 要有人幫(至少減輕家務唔洗煮飯洗碗最好), 因為小學又要做功課默書, 跟住又exam, 同埋平時要谷佢地語文, 要陪佢地睇多d書, 上英文班之類, 又會上課外活動, 如果細果個又返緊學, 真係顧佢兩個周身唔得閒~

我都覺得你bb 仲細又未返學, 做ptm 每日返四個鐘係最好~ 如果年紀不大捱幾年都仲可以, 講真幾攰架, 但唔洗受工人氣同提心吊膽又真係幾值得~ 我捱左五年ptm 我開始覺得有點吃不消, 因為老公工作忙年紀唔輕捱得辛苦, 只可以做少許家務, 大部份照顧同家務都落係我身上, 所以我覺得依家係幾辛苦架~

私人傳訊

Feimuichai

大宅

積分: 3363

27^#

發表於 13-1-29 13:46 |只看該作者

snoopyiu 發表於 13-1-29 10:15
其實你想果個模式我都行左好幾年(我由大果個讀幼稚園到佢依家讀緊小學仲做緊ptm), 佢以前小朋友細個還可以, ...

嘩！好佩服你呀！你真係個好媽媽同好老婆(忙到癲仲要等老公番嚟變番靚靚老婆！哈！俾我就做唔到 :ppp 我會成個癲婆咁對住佢)

即係你呢幾年番pt之餘仲要冇老人家幫少少手？如果係咁真係幾辛苦，d時間扯得好緊喎...

不過你咁講令我都有少少信心轉咗pt後應該都可以搞得掂，我絕對冇你咁叻、可以兼顧咁多嘢，但我媽咪其實仲可幫手煮飯(當然唔係餐餐都叫佢煮，不過應至少一星期幫到我煮 2-3餐啦)、老公放工時間穩定亦唔大壓力，所以可以幫我做清潔、執拾、摺衫等家務。

之前有朋友係咁嚇我話冇咗工人姐姐會好大差別，做死自己之餘仲要冇乜親子時間，仲衰過做full time但有工人的日子....所以我咁驚囉！！

私人傳訊

snoopyiu

伯爵府

積分: 19353

28^#

發表於 13-1-29 14:04 |只看該作者

Feimuichai 發表於 13-1-29 13:46
嘩！好佩服你呀！你真係個好媽媽同好老婆(忙到癲仲要等老公番嚟變番靚靚老婆！哈！俾我就做唔到 :ppp 我會 ...

其實我轉PT頭果幾年無老人家幫我手, 我調轉頭要照顧佢, 我主要負責煮飯, 日日出入醫院要係屋企煮等岩佢食的飯餸, 仲要一邊照顧BB (好彩嬰園有位), 之後外家幫我睇住BB, 自己只係睇住大果個當時讀緊幼稚園. 放左工急急腳去街市買餸, 有時朝早要買一部份(因為放工買唔到), 同埋病人要日日有新鮮食物, 所以日日我都去街市幾轉, 全家有大有細我要睇住~

記得當時請陪月我都只係諗佢可唔可以幫我買定餸煮定D野, 等我夜晚過有病患的老人家到煮飯, 連自己都無諗, 好彩陪月都肯不過到最後由其他人去照顧唔洗我~

其實做PTM 都幾吃力, 後生捱得掂, 咁樣慳到錢, 慳到錢緊係要出勞力架啦, 我覺得做PTM 係辛苦過FULL TIME 媽, 但點都比無工人的在職媽咪舒服~ 睇你點睇啦~

我覺得你依家做PTM係可行, 至少有你媽咪幫手, 仲要同你同住喎, 我外家都唔同我住, 有時唔得閒我自己一腳踢架~ 到連BB 返學果時你先再諗下點安排~