大仔大女媽媽會

收藏本版
發帖
返回列表
跳至頁

首頁
12

尾頁
   0
彥彥媽咪


子爵府

積分: 12314

2024年龍年勳章


21#
發表於 06-8-13 01:42 |只看該作者

Re: 請教:邊款BB車好用?

Oh...last week very busy ar...未有時間回應...依家我又返嚟喇.... :mrgreen: :mrgreen:


JoanneChow:

係架係架~~ 打死我架咁多字, 不過有野唔講又唔舒服丫嘛~~嘻嘻~~~

Combi 出名係細架同輕....可能因為佢係日本牌子, 你知d日本人捉市場用家心態好鬼叻架嘛...所以好似特別知我地d HK 人要既野咁...呵呵~~~

我依家打算用個架 COMBI 係中彥用落既 (我二仔), 個樣大約好似係呢架咁 (因為屋企呢架係二仔用落, 所以唔 sure 係咪呢架, 因為d 車個顏色, 布料成日都會轉, 但睇價錢就似係嘞) :

Click Here ~~

個時我係見 Jusco 有 Baby Sale (要留意, 雖然佢同永安都成日有 sale, 不過次次 sale 個 price 都唔一定一樣架...要個d "super sale" (e.g. 逍遙購物日呀... Baby Fair 咁之類先平得多d...平時去可能都係 20% off 之類...唔夠多...)

個次我就係o係 Jusco super sale 咁買架...半價....$8xx 囉, 所以好抵....因為 COMBI d 車仔多數過千一架.....若可以低得過 $900 就好 jetso, 可以考慮落鎚....

但佢有好多 model, 個人意見, $1300-$1600 (list price) 個d已經好夠用, 有d成 $2,xxx-3,xxx 就有點多餘, 因為唔係真係好咁多, 多到要俾多成千銀去買, 若俾我, 要駛 $2,xxx, 我會寧願買夠兩架, 一年換一架新既好過.....

So far 大仔二仔都係用 COMBI, 大仔用一架, 之後俾二仔用左一年先打柴架....又真係幾襟...你咪睇架車好似輕飄飄, 又幾鬼襟 "ngau", 我地用野算好粗, 架車都頂得住...算係咁~~

所以依家唔駛買住, 二仔架車我地 keep 住預備留俾三仔用...

I suggest, if 你唔係一定要急用, 等吓先...睇吓遲d Jusco/Wing On .. etc 會有 sale....先買....放心..多數有貨既...唔係"限量發售"...實買到...

個時我d仔係由 7, 8 個 months 坐到二歲幾架....

注意...荷花....睇吓好喇....除非佢真係有"跳樓價", 否則一定貴過出面....小心....(註: 另個間 BeBe Dream 都係, 標個 list price 好高, so 折左都係貴)


斷背 cherry2ma :mrgreen: :mrgreen: :

咦~~~你又同我同聲同氣嘞....好鬼衰既唧..... 一陣人地以為我地有關係添呀.... keeeeee

私人傳訊

車厘2媽


禁止訪問

積分: 1383


22#
發表於 06-8-14 13:43 |只看該作者

Re: 請教:邊款BB車好用?

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

JoanneChow


大宅

積分: 2546


23#
發表於 06-8-14 15:01 |只看該作者

Re: 請教:邊款BB車好用?

reginefhk
你個鉤好正呀, 係邊樹買嫁?
你真係好鬼醒, 圖文並茅! 令人一睇就明

私人傳訊

JoanneChow


大宅

積分: 2546


24#
發表於 06-8-14 15:15 |只看該作者

Re: 請教:邊款BB車好用?

彥彥媽咪
嘩~~ 你又打咁多字, 真係抵錫
你架車好靚呀! 你唔係3條仔咩, 做咩買黃色咁姣 架車重42千克 = 42KG嗎? 咁咪好重? 荷花 "G"車最輕3.8kg喎, 有冇攪錯 4.2KG先


私人傳訊

JoanneChow


大宅

積分: 2546


25#
發表於 06-8-14 15:24 |只看該作者

Re: 請教:邊款BB車好用?

車厘2媽
我都知荷花搶錢, 我都係唸住去睇款, 我住沙田冇永安嘛, 得間西田同荷花咋, 唸住呢個星期六同老公去睇睇羅
多左個囡, 洗錢似倒水, 咩都話要買.... 遲的食糊仔又要買餐具, 學行又要買學行車... 而家個BB沖涼盆都開始唔夠佢 yong, 唔怪得李麗珊話一個BB要400萬

私人傳訊

彥彥媽咪


子爵府

積分: 12314

2024年龍年勳章


26#
發表於 06-8-14 16:25 |只看該作者

Re: 請教:邊款BB車好用?

Joanne Chow:

學行車...
==> NO NO NO~~~又到我過來人 C9 講野...唔好俾細路坐學行車...unless 你真係冇人睇仔...

學行車唔會令細路學到行, 只係一件 dum 波鐘既工具...因為有時d大人響屋企要做野, 細路大左, 又會四維搞....咁就唯有"溫"住佢響架車架咋....

坐學行車坐得多會有 O 型腳.....基本上好多歐美國家 (e.g. Canada) 已經禁止唔俾細路用架喇.....

so 既然有人睇仔...又何必要"溫"住佢呢....學行, 唔駛心急, 細路唔識早行唔係壞事 (除非真係幾歲都唔識就話大吉利是 je), 否則 1 歲識行同 14 months 識行都冇問題架....佢地d骨骼 support 到就自然會行架喇....don't 心急.....

洗錢似倒水
==> 嘻嘻...完全明白....但...又多口一句...有好多野係唔一定要買架.....你咪睇個d BB 用品 5 花 8 門, 其實有好多都好鬼多餘, 又或根本一路雜貨店都已有呢d野, 不過係冇個公仔響上面之嘛...then 印多個公仔一個勾都由 $9.9 變 $39.9 架喇~~ but their function is the same....你明架喇~~



ar...forget to answer your questions tim..

響永安買野...唔一定要上佢個網...suggest 你去現場睇....睇下 likey or not sin 決定仲好...反正網上買又唔係一定平d既...索性呢頭買個頭擺埋個bb上去用住走....嘻嘻..... :mrgreen: :mrgreen:

我架車係藍色架...都話"似"個 link 個樣, 唔係一樣架....佢地d坐墊有好多 pattern ga ma....

永安要等佢"逍遙購物日"個停會平, Jusco就要 gup gup ...

架車應該係4.2Kg 啩..乜條 link nfo 錯左呀?....我冇留意添...總之係好輕喇.....

等我 gup gup if 見到有平我會上嚟報料架喇...

私人傳訊

gelgelk


大宅

積分: 1361


27#
發表於 06-8-14 16:47 |只看該作者

Re: 請教:邊款BB車好用?

JoanneChow~
下次吉之島bb節應該係9月7-20號
click here

JoanneChow 寫道:
仲有, 點樣先知 Jusco Super Sale? 電視廣告嗎? 上次Jusco Baby Sale 都係的朋友講我知, 你地收到風記住公告天下呀~~
私人傳訊

reginefhk


大宅

積分: 4284


28#
發表於 06-8-14 17:27 |只看該作者

Re: 請教:邊款BB車好用?

JoanneChow,
個鉤係十蚊店買, $10 2個,

gelgelk,
個鉤係$10 2個, 20/8 gathering 時俾你.

車厘2媽,
同你加相係簽名位一樣, 用[IMG]咪得 law!
私人傳訊

gelgelk


大宅

積分: 1361


29#
發表於 06-8-14 17:28 |只看該作者

Re: 請教:邊款BB車好用?

reginefhk~
釘橋釘橋~~
私人傳訊

車厘2媽


禁止訪問

積分: 1383


30#
發表於 06-8-14 17:56 |只看該作者

Re: 請教:邊款BB車好用?

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

JoanneChow


大宅

積分: 2546


31#
發表於 06-8-16 10:23 |只看該作者

Re: 請教:邊款BB車好用?

reginefhk
嘩~~個鉤$10/2個, 真係又平又抵用, 等我去掃貨先 唔知日本城有冇呢?

另外, insert 相片我一按 "IMG", 佢就要我輸入圖檔網址.... 網址喎... 係 harddisk 既相 file 唔得咩

私人傳訊

JoanneChow


大宅

積分: 2546


32#
發表於 06-8-16 10:33 |只看該作者

Re: 請教:邊款BB車好用?

彥彥媽咪

唔駛買學行車? 咁會慳唔少同埋唔駛俾呀囡撞爛晒的傢俬 但係, 點先知佢識行呢? 日日扶住佢大踏步? 好似我而家日日扶住佢隔肋底要佢學企一樣嗎?

另外, 可唔可以請教你如果一俾奶呀囡飲佢就喊, 掙扎, 可以點做呀? 水就飲, 一飲到係奶就發脾氣, 要半夢半醒先肯飲.... 你三位公子有冇發生過咁既情況呀?

私人傳訊

JoanneChow


大宅

積分: 2546


33#
發表於 06-8-16 11:27 |只看該作者

Re: 請教:邊款BB車好用?

gelgelk

多謝你報料呀
9月... 有排等

私人傳訊

reginefhk


大宅

積分: 4284


34#
發表於 06-8-16 12:17 |只看該作者

Re: 請教:邊款BB車好用?

JoanneChow,
如你買唔倒, 可 pm 我幫你買 20.8 gathering 俾你 (但只有黃色)
張相係你 harddisk, 人地點 access 到呀?! , 你要 upload 張相上網站先,
e.g. geocities.yahoo.com
私人傳訊

JoanneChow


大宅

積分: 2546


35#
發表於 06-8-16 16:18 |只看該作者

Re: 請教:邊款BB車好用?

得左!

私人傳訊

彥彥媽咪


子爵府

積分: 12314

2024年龍年勳章


36#
發表於 06-8-17 09:44 |只看該作者

Re: 請教:邊款BB車好用?

JoanneChow:

其實唔駛太擔心, 個個bb唔同, 有d唔駛一歲就"健步如飛", 有d 14 months 都係" up up 吓"咁...其實都冇一定準則架 (女又會比仔早d識行)

再者, "行", 同食奶一樣, 係一個"本能", bb出世冇人教佢都識啜奶啦...so 其實真係唔駛特別做d乜, 佢地到左個個年紀, 骨骼夠力既時候, 自然就先會扶起野行比你睇, then 慢慢就會唔駛扶都會自己行, 個個係一個好難忘既過程, 等佢自自然出現唔係更好咩....?? :mrgreen: :mrgreen:

咁當然, 你想佢行快dd, 係可以幫佢既 (e.g.扶住佢隔肋底, etc), 但我只係諗"有咁既必要嗎" 若當係親子活動, 陪吓佢呀, 同佢玩吓就無妨既, 否則又未必需要....以我經驗, 我二仔都係 13-14 months 到都自己會行架喇....so unless 真係好大個都唔行就話"大吉利是"可能有問題 je , otherwise 真係冇乜所謂喇....

至於學行車, 唔一定要買, 但若當係一件"間唔中可以看實個仔"既工具都未嘗不可既, 不過唔建議多坐...正如我上面講, 若可以唔坐就唔坐喇....but 有時真係個個家庭環境都唔同, so 自己再個別調較喇...

水就飲, 一飲到係奶就發脾氣, 要半夢半醒先肯飲
==> 呢樣我就未試過...我三個仔 so far 飲奶都好聽話....以你情況...係唔係佢肚仔有風呀...試吓掃多d睇好唔好d...另...若佢真係點搞都唔肯飲, 你可以試餵少少固體食物睇佢 OK or not?
私人傳訊

reginefhk


大宅

積分: 4284


37#
發表於 06-8-17 18:50 |只看該作者

Re: 請教:邊款BB車好用?

JoanneChow,
私人傳訊

JoanneChow


大宅

積分: 2546


38#
發表於 06-8-18 09:48 |只看該作者

Re: 請教:邊款BB車好用?

彥彥媽咪
我三個仔 so far 飲奶都好聽話
==> 你就好啦, 我都覺得飲奶冇得 train, 佢想飲就飲, 唔飲你係完全冇計 我而家既問題係同佢做咩佢都笑, 就係一俾奶樽要佢飲就喊! 試過見佢喊得勁同佢坐直掃風掃到笑, 一放番低佢餵奶又喊, 對眼仲好可憐咁望你好似我俾苦藥佢食咁 佢未到6個月我又真係唔想俾糊仔佢食住... 其他就冇咩野, 仲古靈精怪好攪笑添! 而家學識反身, 一放佢係平既地方就反俾你睇~~ 仲快到唔駛3秒就反完, 係咁頭岳岳仲想向前爬添 不過唔識反番轉頭,

私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy