Zue 寫道:
virgobb ：
分享唔好咁講，我都係頭一胎同好多ｍｏｍｍｙ一樣好多嘢都唔識，只不過我係雙胞胎早產ｍｏｍｍｙ，響３４週半誕下一對龍鳳胎，因覆診時醫生建議提早攞佢地出嚟，我地手足無措下立即辦理入院手續，進行半身麻醉開刀手術，手術過程只順４５ｍｉｎｓ已完成．很可惜當時我身體唔舒服又想嘔，佢地無比到ｂｂ我睇，（如果有其她ｍｏｍｍｙ想開刀而身體許可記住叫佢地比你睇）．
因開刀關係我要第二日先可去ｉｃｕ探ｂｂ，傷口好長都好痛又容易發炎（當然要睇醫生手藝），自己用塊鏡望下條疤痕好核突，依家已過兩星期傷口仍然”蚊”住痛，行路都要就住行．
（呢個係我自己意見）如果想開刀媽咪真係想清楚，雖然係心理上順產會好痛，但我唔見得開刀好舒服會唔痛，又可能麻醉關係會嘔，一路嘔一邊蚊住痛都好辛苦，痛大家都會總要有多條疤痕，休養復原會耐ｄ時間，尢其同先生唔可以一齊經歷ｂｂ既來臨真有ｄ遺憾呢！講真我自己都有後悔開刀．事情已經過去，慶幸我倆小Ｂ平安無事，現希望佢地快快出院．在此願祝各位９月份ＭＯＭＭＹ生個肥肥白白既ＢＢ．
]My Melody[/url]
發表於 
返回列表
