samllshop 寫道:
雖然話"冒險樂園"唔係一定要去的地方, 唔去就唔會唔肯走, 但我就覺得小朋友愈來愈大會去好多唔同而佢哋會鐘意的地方, 一樣唔出現掛住玩唔肯走的情況, 所以應該教導小朋友的服從性.
我同阿囡次次去"冒險樂園"多數唔會換coins, 除非同佢表哥仔一齊去玩, 佢多數鐘意坐吓車仔(一定唔入錢), 玩吓保齡球仔. 毎次去之前會講明只係玩一陣, 媽咪話走就要走, 如果唔係下次冇得去. 同咁上吓時間要走, 要提早同小朋友講声話就快夠鐘玩多1min要走, 然後夠鐘時同小朋友講"嗱玩多十声要走啦"跟住數十声, 夠鐘立即走. 次次都work.
有時經過但唔想入去的話, 我會同囡囡講"今次我哋係黎睇書(因為間書店喺冒險樂園隔離)or做d咩xxx, 而唔係去冒險樂園", 咁囡囡會聽我話, 唔會扭計.
以上的方法我無論同囡囡去边度玩都係用呢招, 暫時work.
所以我諗要bb開心離開佢玩緊的嘢, 第一要事先講明玩的時間, 第二要堅持, 話走要走. 初時小朋友可能會扭計, 因為佢想test吓你的低線.
發表於 
返回列表
