Re: 被無頼香港寬頻威嚇
Leomummy 寫道:
該公司於去年給與本人六個月免費試看電視服務，至今年五月到期，本人早於四月致電欲取消，但該公司職員游說再給與本免費試看至本年底12月，及後至六月中，本人仍感該台沒甚麼值得觀看，又恐繼續擺放該解碼器，如有任何損壞，就要給回不知甚麼天價的賠償，故致電詃公司取消服務。啍…﹗得到的回覆，非常不合理，竟然要排期到十一月才可安排回收解碼器，由六月到十一月，足足要五個月，原來香港有咁大，每區有咁遠？還是全港市民也是該公司的客戶，但又不幸地同時全港市民在同一時間提出取消服務要求，以至需要多月時間安排收機？
及至本月收到該公司之月結單，發現該公司竟强行收取HK$800.00解碼器費用，致電查詢，理由是我不交回解碼器。啍…啍…﹗問題不在於我，不是不交回該機，而是該公司不願上門收回。
令人更氣憤的是，該公司竟提出另一解決方法，就是要本人親自携帶該機到旺角服務站，這是甚麼道理？求你安裝的時候，就第一時間即晚上門安裝，又唔見他們要求客戶到服務站取機及五個月後才可安裝？一旦取消，就甚麼責任也不需要負，一切拔線還機就要客戶採用【自助形式】。
另外…現在該公司給我的訊息，有近乎要脅之嫌疑，如欲取回金錢，就自動送上門回機罷﹗
你個個案同我好似喎~~不過個時係送一年俾我,我半年左右已經話cut,跟住佢都過左兩個月先覆我,cut時佢講明唔需要我自己去還機,我話咁你唔會收我錢呀嘛,佢話一定唔會,我仲記抵左個人名tim,點知佢五月時又係同我老公約11月上門收機,我老公話11月既事,你而家講定,咁都應承左,跟住問題黎喇,六月頭收到張單,要1200,咁我打去,佢地都仲叫我唔使理個費用,點知六月尾又再收一張,我又再打去時,今次佢話係因為我cut左佢地既服務,而冇還機,我話係你地話上門收,佢話師傅唔得閒,如果你要等,咁我地會一路都收呢個費用,跟住當然俾我媽到佢阿媽都唔認得啦,佢仲要同我講,今次可以幫我免左呢個月先,如果你六月三十日前仲未還,我都幫唔到你~~我話只得返幾日,你地即係玩野o者,跟住佢冇出聲囉~~最後我老公話唔好煩喇,當賣佢怕,自己拎上去~~我仲有用佢地個電話,仲有6蚊未交,跟住我又唔知pps可以交咁小錢,問佢地點算,佢地話唔知,你自己諗掂,點知轉頭我交左喇,隔左半個月佢寄張單要我交26蚊,其中20蚊仲要係什麼郵寄帳單費用~~大佬,又係你地話冇得寄,而家我交左又寄黎,同搶有咩分別??
香港寬頻d衰野,真係打一千個字都講唔完呀~~
最經典係我個時搬屋,佢同我講我新屋用唔到固網,要我裝個寬頻俾佢裝電話線囉,我話如果我唔裝呢,佢話咁就要等佢地有固網我地先可以用,其間一路都要收錢~~又係同搶冇分別~~最抵死原來張約真係寫住,佢有權隨時轉用固網定係其他囉~~~呢間咁既衰野,上次我已經講到明,一定叫d識既人,絕對唔會用佢地既服務~~正賤人~~奸商~~
眾裡尋他千百度，驀然回首，那人卻在燈火闌珊處!!
生死有命，富貴由天
發表於 
返回列表
