吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 餵人奶絕對唔會餵唔飽寶寶,或者唔夠奶,請唔好自己嚇自己 ...

母乳餵哺今日: 0|主題: 85707

收藏本版

回覆發帖

返回列表

跳至頁

樓主: chocoheiman

餵人奶絕對唔會餵唔飽寶寶,或者唔夠奶,請唔好自己嚇自己!!! [複製鏈接]

123

11551314

複式洋房

積分: 152

21^#

發表於 13-3-14 14:04 |只看該作者

回覆：餵人奶絕對唔會餵唔飽寶寶,或者唔夠奶,請唔好自己嚇自己!!!

我係全泵的，我唔覺得自己所付出的比全埋身的少。全埋身時，睇住阿女一日比一日瘦，一個鐘左右又餓醒不能熟睡，濕片得一兩塊，我可以點做？唔通為了全埋身的方便，而唔理阿女的健康？我唔介意花時間去洗泵、泵奶，來換取阿女的健康。況且在職的又怎樣全埋身呢？難道將阿女掛上身返工去？無論如何，泵或埋身都係為自己的小朋友健康好，只不過餵哺的方法不同。雖然泵比較麻煩，比較花時間精神，既然阿女需求呢個方法，我會繼續用，這都算是feed on (her)demand。

私人傳訊回覆引用

11816

大宅

積分: 2718

22^#

發表於 13-3-14 15:10 |只看該作者

引用：全泵又如何?出發點一樣為bb好!你的分享好詳

原帖由 Meir079 於 13-03-13 發表
全泵又如何?出發點一樣為bb好!你的分享好詳盡，但唔係個個要學似你咁，每個奶媽有自己選擇喂奶方式，總之喂 ...

認同！每個人都有唔同要面對嘅問題！只要係為bb好就得！全泵媽一d都唔容易!（我自己好好彩係ftm可以埋身)

私人傳訊回覆引用

Sugarpink

伯爵府

積分: 17306

23^#

發表於 13-3-14 17:01 |只看該作者

乜補奶粉真係咁大問題咩?

當然我都想做埋身又好、泵奶又好既全人奶，睇到有ｄ jm 多奶多到可以用黎做其他野我不知幾羨慕！但奈何要返工，根本都唔夠瞓，我都想每密密泵，我已經較早ｄ起身泵奶加埋身，無非都係想ｂｂ餐餐有人奶，不過泵左出黎都唔夠飲就補奶粉!
奶粉補左又無壞，我B又無乳頭混淆，又無話唔肯埋身！健康院姑娘了解左之後仲話人奶加奶粉根本無問題

好似樓上有無jm，因為太堅持攪到BB入箱，唔通佢全人奶有錯咩？
我有個朋友又係想全人奶，但一去健康院比姑娘鬧，攪到ｂｂ都差ｄ要入箱，姑娘要佢補奶粉添喇！唔通佢堅持又有錯？

大家既大前提都係 BB 健康啫～

我唔知樓主係咪飲全人奶大，但我就係奶粉養大，我又唔覺自己有乜大問題丫　

每日都咁開心!!!

私人傳訊回覆引用

chocoheiman

洋房

積分: 74

24^#

發表於 13-3-15 12:16 |只看該作者

“全泵媽”: 我只係覺得竟然已經要返工,泵奶又咁辛苦,放工返屋企就應該勤啲埋身餵,而唔係返到去都用樽,咁就係埋身+泵媽,對寶寶同自己都有好處,兩邊心靈上都得到慰藉,寶寶需要感受媽媽嘅愛,鍾意瞓喺媽媽心口到都係事實,當然媽媽有權選擇如何餵哺,與我無關.

Meir079: 無錯分享並唔係大不了嘅事,不過我係用心同有付出時間去打,每個人觀點與角度都唔同,唔喜歡可以唔睇,無人迫你,你唔係全職湊寶寶,感受唔到寶寶到底有幾鍾意賴喺自己身上,同食飽飽好滿足嗰個樣對住自己,都好正常.

我都好同情無辦法埋身餵嘅媽媽,的確香港嘅協助好有限,一般護士係無餵哺母乳嘅知識,所以好多時都係靠自己~~只能做泵媽一定唔好受,不過你哋都可以用樽餵嘅時候,一樣幫寶寶著少啲衫,而自己亦脫去上身衫,等寶寶聞到你嘅氣味,感受你嘅體溫同心跳,盡量多啲皮膚上嘅接觸都可以增加親子關係,而爸爸都可以一樣做!!

寶寶無法吸收,唔係唔夠奶,而係唔夠瞓,兩點餵到七點???

瞓覺比飲奶重要!!!所以寶寶瞓覺唔好叫醒佢!!!!!
放低會喊,就抱住嚟一齊瞓,唔肯瞓BB床好正常,就同佢同床瞓,而家我都係同寶寶同床瞓,將寶寶放喺自己床上到餵,餵完記得將佢背脊瞓返喺床到,唔好側睡,寶寶聞到媽媽陣味,聽到爸爸媽媽嘅心跳聲,有安全感自然會瞓,記得餵奶時著少啲,見佢差唔多瞓,就放低佢,用布包到佢實一實,幫佢掃風,再餵,見到佢熟睡,慢慢放低,而你隻手從佢背脊出嚟,唔好喺頭仔到出,就無咁容易醒~~

我相信呢個年代嘅媽媽,大家都係食奶粉大,所以我哋先唔識得餵人奶!!
但我哋亞媽亞爸嗰代就個個都係食人奶大!無錯我哋一樣咁長大,睇落無咩咁,但我同妹妹兒時經常病,因為抵抗力唔好,唔夠抗體,人奶最勁就係抗體!!餵哺時間愈長,寶寶得到抗體亦愈多,生病機會率自然就會減少!所以世衛先會話建議餵到兩歲!!人奶容易消化,一個鐘餵一次好正常,每個寶寶都唔一樣!!補咗奶粉即係叫寶寶同人奶講BYEBYE,因為吸啜得愈少,你就愈唔夠奶比佢,而奶粉係會食大佢個胃,你就更難追奶!!

我比較幸運,寶寶第一口初乳就吸啜得好好,剛開始時好緊張,怕整傷佢,抱得好唔自然,佢好似棉花糖咁,嘴仔又細,幸好我老公在旁幫忙,叫我唔洗驚,話佢係人仔嚟,無咁易整傷佢,之後輕過我哋兩人合力將佢頭仔用力禁住放到我乳頭上,就成功咗喇!!當然要配合埋C形手勢啦!所以SKIN-TO-SKIN呢個部份真係好重要,請準媽媽記得REQUEST!!產前我睇咗好多書,做咗好多資料搜集,去上母乳班,喺屋企抱住隻公仔練習,聽多啲餵哺成功媽媽嘅個案,先嚟得比較順利~~
準媽媽可以參考多啲外國書籍,同台灣網站,各位人奶媽努力,加油!!

私人傳訊回覆引用

BJ2009

複式洋房

積分: 436

25^#

發表於 13-3-15 14:46 |只看該作者

我都係全泵的，想起上星期出差，又要带奶泵、樽、乾冰、奶袋、保温袋。件行李鬼甘重。途中無時無刻都要想好什麽時候要泵奶，酒店雪櫃無冷藏，需要將乾冰拿去酒店餐廳的大冷藏庫雪住，到最後一日想攞走時，服務員話不知放在那，要我一起到大冷藏庫搵，最後找到好安心的把5袋奶包裝好，下午2：00出發到機場辦手續寄存行李，辦好手續后才知道班機延誤，那時我不是擔心什麽，只擔心我的奶怎麽辦？當天差不多淩晨才到家，馬上打開我的行李，還好我的奶還凍。

我只想說，無論是埋身或全泵的，我們都不容易！各位加油！

私人傳訊回覆引用

pinkyhung

大宅

積分: 1167

26^#

發表於 13-3-15 15:42 |只看該作者

我都明白埋身餵個個重要性, 但而家問題唔係阿仔夠唔夠食, 我餵唔餵到, 而係99話我埋身餵影響佢日頭湊孫....阿仔半夜都要跟我訓, 但99又話咁樣令佢日頭唔肯自已訓, 我放假全埋身, 99又話我埋身得太多令佢日頭唔係好肯食樽....我從未試過唔夠奶, 阿仔一開始就食得好好, 但偏偏就係99.....唉...

私人傳訊回覆引用

whk373

別墅

積分: 570

27^#

發表於 13-3-16 11:16 |只看該作者

回覆：餵人奶絕對唔會餵唔飽寶寶 ...

相信個個媽媽都係想俾最好嘅BB先會上呢個forum啦，我都好明白餵人奶會遇到好多困難，我都係全埋身，遲啲返工就要用泵，但朝早同夜晚都係會埋身。大家唔好喺呢個forum度互相批評啦，我相信樓主都係想鼓勵大家埋身係最自然，有效率同方便。全泵媽的確好吃力。但我想講香港啲支持唔係夠係真嘅，醫院冇姑娘幫其實可以去支持母乳嘅機構活動呀，每一個都受訓練本身又係成功人奶媽。我每個星期都去我嗰邊間健康院個母乳分享會，有人協助又可以解答問題

其實有研究話補奶粉係會影響咗BB腸胃吸收母乳營養，當然都唔係要take risk俾BB入院，我當時唯有埋身加我補人奶俾佢，點都要堅持埋身，對我同BB嘅關係同心理都好啲。冇人話唔埋身係錯，但可以搵多啲support幫你好過放棄埋身

加油呀，各位媽媽！唔好顧慮太多啦，你嘅BB你一定可以supply 到足夠嘅俾佢，就好似佢都係幫你臍帶成長咗9個月啦，人奶係延續唻㗎渣。啲6299,3姑6婆，根本唔係阿媽，你哋自己先係最了解BB嘅人。

私人傳訊回覆引用

bigyanb

侯爵府

積分: 24036

28^#

發表於 13-3-16 11:52 |只看該作者

引用：“全泵媽”:+我只係覺得竟然已經要返工,泵

原帖由 chocoheiman 於 13-03-15 發表
“全泵媽”: 我只係覺得竟然已經要返工,泵奶又咁辛苦,放工返屋企就應該勤啲埋身餵,而唔係返到去都用樽,咁就 ...

同床瞓好危險的，有沒有看報紙？

私人傳訊回覆引用

iamverysleepy

子爵府

積分: 14768

29^#

發表於 13-3-16 13:19 |只看該作者

我認同樓主，要成功就要堅持。但你唔明點解會有全泵媽？等我話你知。

我係全泵媽，要返工，但好盡力去給全人奶BB。因為返工，ＢＢ由我媽湊，我媽同我又住得遠，最方便梗係餵粉啦。但係我堅持給ＢＢ全人奶，寧願日日放工拎奶去我媽度，又未必夾到時間埋身餵。夜晚才返自己家，仲要泵要洗，晚晚訓得四個鐘。但我都堅持泵。日子長了，ＢＢ慣了用樽，唔肯埋身，但我沒有放棄，繼續泵，全泵梗係比埋身辛苦，但ＢＢ唔肯埋有咩法子？一打橫抱就喊，攪咗成個鐘都餵唔到，我真係做唔出唔用樽餵了。咁有咩法子唔變成全泵媽？

在今日香港，肯餵人奶已經很難得，是埋身定全泵，真係咁重要嗎？

私人傳訊回覆引用

gracetyn

大宅

積分: 1327

30^#

發表於 13-3-16 14:36 |只看該作者

其實我相信樓主係出於善意, 但就唔明白作為泵媽又好, 埋身又好, 都付出左好多努力同堅持。

我確實係果種好似樓主所講, 無咩人奶知識嘅媽咪, 因為一開始有BB, 作小產, 訓左幾個月床, 之後無事再返工, 又要努力做番晒D野, 跟住中途又唔知做咩見紅入院, 所以最終只聽過一次講座, 無上過母乳班, 所以缺乏知識。

但都知道skin to skin的重要, 所以在產房, 我都有多次要求, 但姑娘搞來搞去, 雖然答應左, 但最終過左一個鐘先比個B我, 仲要唔係skin to skin, 跟住想講時, 又即刻話要帶b走。

到了在醫院, 我又係同上面有位jm一樣, 好努力埋身, 又係完全無訓, 總之一哭就比佢啜, 損左幾痛都忍, 一有姑娘過黎就問佢食得正確否....總之姑娘都話我好努力.....但阿b又係跌磅, 姑娘就要我補粉, 咁在醫院, 姑娘都叫補, 阿b又跌磅, 我點敢唔補, 後來磅數好番dd, 就比我出院, 我又無補粉啦, 去健康院一磅, 仲跌得多過在醫院, 姑娘又叫我補, 那時我的心情係幾咁痛, 那時真係會諗係咪因為自己堅持全人奶才搞到阿b跌磅。

為左餵人奶, 我不知哭過多少次, 真係數唔到, 但係即使家中無人支持, 我都堅持下去, 曾想過放棄, 但好彩之後上左bk, 得到jm鼓勵和幫忙, 又再次堅持下去。

之前一直都係泵媽+補粉, 現在做左ftm, 正努力轉埋身, 雖然都遇到好多問題, bb又再跌磅, 我又再一次哭了又哭, 但為左bb, 我都會再努力。現在已經做到補泵奶而唔係補粉啦! 但願我可以成功, 不過阿b有時唔肯啜, 狂喊, 加上唔夠濕片,所以都好擔心。

點都好啦! 總之我覺得全埋身又好, 全泵又好, 所有媽媽都愛自己嘅bb, 大家加油啦!

私人傳訊回覆引用

lusanna

大宅

積分: 3645

BK Milk勳章

31^#

發表於 13-3-16 15:16 |只看該作者

回覆：BJ2009 的帖子

BJ2009, 想請問你乾冰在那買又點用? 我就黎去東非出差, 有D担心

私人傳訊回覆引用

MonsterREX

男爵府

積分: 9305

32^#

發表於 13-3-16 15:31 |只看該作者

回覆：餵人奶絕對唔會餵唔飽寶寶,或者唔夠奶,請唔好自己嚇自己!!!

一個理論能唔能夠apply喺所有媽媽身上?唔好拎外國人同中國人比啦，佢哋體質，氣侯，飲食習慣好唔同，佢哋陀仔可以食雪糕之類但我哋就咩都唔得!有奶就有奶，冇就冇，唔係個個都有好多好多奶!埋身餵有好多因素配合，並唔係理論上講到咁易!再講，咩叫絕對餵唔飽bb?咩叫絕對?唔通睇住bb一日黃過一日，一日瘦過一日，到脫水，到腎功能出問題，都話"我嘅母乳絕對餵得飽bb"!客觀嘅惰況已經證明唔再補奶粉，bb一定死梗，係為bb身體著想，而唔係俾奶粉商洗腦囉!香港媽媽有好多難處，邊個生個b出嚟唔想俾最好嘅佢，但要返工又要湊，真係幾辛苦!我想話，唔理咩奶，只要餵得飽阿b嘅就係好奶!

私人傳訊回覆引用

Babybabyhopes

大宅

積分: 3616

33^#

發表於 13-3-16 15:41 |只看該作者

chan_chi_mun 發表於 13-3-13 15:41
有頭髮邊個想做“辣lei"？我係全泵，我泵的原因係埋唔到身，點解埋唔到？因為阿仔兔唇顎裂，我不知幾想埋到 ...

支持支持 !!

私人傳訊回覆引用

Fish777

男爵府

積分: 7594

34^#

發表於 13-3-16 16:20 |只看該作者

MonsterREX 發表於 13-3-16 15:31
一個理論能唔能夠apply喺所有媽媽身上?唔好拎外國人同中國人比啦，佢哋體質，氣侯，飲食習慣好唔同，佢哋陀 ...

你講出了我的心聲。而家做香港女人真辛苦，產假又少，年紀又通常吾細，又要番工，社會支援又少。
窮到初初幾日，餵到bb甩吾到咀，六個鐘冇片濕，黃到冇力啜要照燈，吾補粉可以點？咁都叫夠食?
我之後已經一日pump加埋身十幾次，都係得1-2oz，雖然可以一日餵夠20次，但我真係好累好累，我吾想餵人奶餵到抑鬱。
到終於開始上奶(其實都只有2oz），產假又放完，可以點？
好羨慕d人可以pump到一樽樽的奶，就好像住在深水涉住劏房的人，望著住豪宅的人。
而住豪宅的人，又成日叫住劏房的人，一定要自食其力，千其吾好住公屋，只要肯努力，就一定可以有豪宅住....