興趣嗜好今日: 11|主題: 124350

收藏本版

發帖

返回列表

跳至頁

樓主: jjmummy

[閱讀] 如何另小朋友喜歡看書裏的字多於看圖書畫 [複製鏈接]

wtmaggie

複式洋房

積分: 369

21^#

發表於 06-10-6 00:41 |只看該作者

Re: 如何另小朋友喜歡看書裏的字多於看圖書畫

要令佢唔抗拒睇書已經好好。先看圖畫才看文字，是必經階段。我女女細個時只看圖畫，我都曾經頭痕，但冇話佢，只係鼓勵下(其實我好焦急)。我不斷入貨(買書)，都係揀d有好吸引的圖畫和少少文字的書。因為文字淺和少，比較易上手。佢開始時是看完所有圖畫，才由第一頁看文字(因為佢想知多d，當然阿媽一定係旁邊推波助瀾咁鼓勵去看)，慢慢就會有多d耐性去看文字書。如果冇記錯，亮亮系列是她開始看文字的圖書。佢鍾意睇就係推動力。每次書展我都買齊最新系列，所以，佢開始鍾意睇書。買書方面我好豪，因為如果屋系好少書，不能有閱讀氣氛。當然圖書館有好多書，但媽媽要上班，好難帶佢去聞書香。我的家中英文圖書起碼超過三千本，雖然花費好多，但當你發覺女女喜歡閱讀，可以靜靜看書，會一口氣看完愛的教育，讀完整本文字書，你都會好似我一樣認為，值！
當然做父母的最好也有閱讀習慣，因為我是書癡，我好多時都會看書，女兒見到我看書，也會坐在我一旁看書！

私人傳訊

zoechan2005

大宅

積分: 4913

22^#

發表於 06-10-7 09:54 |只看該作者

Re: 如何另小朋友喜歡看書裏的字多於看圖書畫

wtmaggie,
你個女幾時開始看文字,幾時可以自己看愛的教育,好勁!

私人傳訊

wtmaggie

複式洋房

積分: 369

23^#

發表於 06-10-7 19:17 |只看該作者

Re: 如何另小朋友喜歡看書裏的字多於看圖書畫

佢今年已經八歲，佢兩三年前開始睇文字，真正愛看書，我相信是一年前開始，在暑假期間，佢可以坐埋一邊靜靜看書，一本人魚公主(文字版)，約有百多頁，佢可以一兩日睇完。現家我唔怕佢唔睇書，因為已經有呢個興趣。所以，各位媽咪，千祈唔好太擔心佢只睇公仔，只要佢肯去睇書，已經成功咗一半。當佢地識的字多咗，可以睇得明句子，就可以有d樂趣。千祈唔好買d好深的書，或者佢程度未識的書。佢一行有超過一半字唔識唔認得，試問邊有心機去看書？好有失敗感架！就算唔買，去圖書館借都好。我現在主要去圖書館借書，只間中買書，一樣有這個效果。
但是，從暑假開始，我開始培養佢睇英文書。我的同事個女睇書非常勁，但只限睇中文書，英文書？NO WAY！所以佢提醒我，要開始比多d機會(自己製造機會)比佢多睇英文書，否則好似佢個女，就慢好多。故此，從暑假開始我在圖書館預約oxford reading tree比佢睇，故事好吸引，而且有分階段。不過，佢有時間睇書都係睇中文，所以，我都要努力d。大家一齊努力！
愛的教育是今年年中開始睇，本來係我買番嚟自己睇，因為很久沒看，加上是一本不可多得的書，所以買回家慢慢看。但佢見我看，就叫我講故仔比佢聽，我就在她睡前，揀一d短d的故事講比佢聽(因為我已經好累，唔想講太久)。後來，佢自己拿出睇。