夫婦情感 今日: 0 | 主題: 42781

積分: 5993

21^#

發表於 06-8-22 13:26 |只看該作者

Re: 有了bb老公吾體諒自己點算好.

查實嗰陣我決定生多個都係因為J仔好想要個細佬妹,佢扭左我成兩年,我本身又好鐘意小朋友(查實係好鐘意J仔),同老公傾左大半年至決定生,無奈一有左兩個大人都壓力好大,隻佬更加忍吾到自己D脾氣成日黑口黑面撩交嗌...所以呢次小產左,我都吾知應該係好彩定吾好彩好,講真小產左之後隻佬對我好左好多,又越黎越嗲我,,,算啦...我都決定左攬住個仔過世,家下都係望自己有番D成就,賺多幾個錢養大個仔,日後又有安定日子過就滿足喇.

ha8mo 寫道:
我老婆近三個星期都冇飲奶
因為之前一飲就吐痾
所以停左喇

你其實都唔需要刻意追多個啦
俾多D心機時間陪個仔咪幾好囉

[quote]
JAY媽寫道:
查實你吾好俾個老婆操勞,俾佢有番均衡飲食,已經OK架喇!叫你太太一日飲至少三杯牛奶,食多D菜(菠菜有鐡質同葉酸架!!!),之後佢想食乜咪食乜囉!佢想飲湯既話,你可以放工去買D材料去煲,煲湯最易,快則滾個雜菜湯,要老火湯都只係煲佢一個鐘零九個字...你洗好哂D材料等水滾咪掉哂入去煲囉!一D都吾難整架!

[/quote]

老公VOICEMAIL 1 2 3 愛是恆久忍耐又有恩慈,愛是不嫉妒不自誇不張狂,不作害羞的事,不求自己益處,不輕易發怒,不計算人的惡,不喜歡不義,只喜歡真理,凡事包容,凡事相信,凡事盼望,凡事忍耐,愛是永不止息

私人傳訊

積分: 5993

22^#

發表於 06-8-22 13:30 |只看該作者

Re: 有了bb老公吾體諒自己點算好.

無計架!大肚婆又係會零舍情緒化D架!就算吾會發出黎,都會零舍容易吾開心囉!家下我諗番幾個月前既我,我至發現咋!

至於我大吾大方...唉...基本上,如果你擺低愛情呢樣野,當隻佬係朋友黎,你自然對佢無咩要求架喇!自己都嬲少D啦!我都費鬼時計較咁多....心血少...!!!只要佢吾係走去滾,或者做出傷害我同J仔既事,佢對我好時我咪對佢好囉!佢發脾氣時我咪吾鬼理佢當佢透明囉!就係咁喇!

Fionbrian 寫道:
JAY媽你好大方呢. 我都要向你學習下.
我作晚同老公傾好呢. 他話會改善但要我比時間他, 又話我都要control下自己... 真比他激死.

私人傳訊

頂級美人

積分: 4448

23^#

發表於 06-8-22 16:45 |只看該作者

Re: 有了bb老公吾體諒自己點算好.

我個老公在我未有bb的時候每晚都同我講要bb, 現在生咗就話生bb都係有我著數, 為我好. 有咗之後就唔同我去做產檢. 佢唯一一次同我去廣華產檢係醫院要求一定要先生陪同的, 因為bb的心臟有問題. 雖然我都知道多數產檢都係十分浪費時間, 但係見到其他人的老公都同老婆產檢同埋睇超聲波而自己沒有, 心裡總是酸溜溜......

我老公說他工作很忙, 但佢有親戚來香港時就立即向公司請假, 但同的去產檢就無假. 我放產假的時候佢呀媽仲故意要我做曬啲家務, 同埋問我為什麼要食燕窩, 話食燕窩無用, 佢自己就成日食千年人參. 我如果唔係有咗bb根本連一口燕窩都唔捨不得食, 亦無得食.

百佳超市啲呀姐見的跎住個鑼一手西瓜一手蘿蔔都問我做什麼咁陰公. 我生之前哥晚佢仲同佢呀媽d親戚去到12點幾先返, 真係死咗都無人知, 好彩哥晚我個老朋友來陪我. 結果我4小時之後就入院了. 我唔會要求我老公留係屋企陪我, 因為的覺得如果佢係真正關心我的話佢應該自動自覺, 特別係我已經到了預產期. 要開口要佢陪係毫無意義的......可能佢覺得生仔不是什麼了不起的事, 但其實孕婦心理上是十分需要伴侶關心的.....

我為他生了一個仔, 62 同99十分愛護bb, 同我生之前哥d不聞不問的態度差很遠, 令我十分難過. 在我坐月期間脾說話我聽, 同埋d姨媽姑姐表姐表妹夾埋講我事非, 教唆我老公不要對我好, 話唔好以為生咗個仔就大曬......其實我根本無咁想過......

我坐月時日日喊, 精神崩潰, 我以前根本是唔會喊的. 喊的原因是因為我覺得佢地當我唔係人, 因為生錯咗, 因為為了老公而摧毀了自己的事業, 而得不到一點感激的說話......

現在99搶著臭bb, 我亦沒有辦法, 好像bb給人家搶走了, 因為我要返工.本來99根本唔想臭, 在生之前已講好給我的媽媽臭. 但現在佢地見到bb咁得意就搶返泥臭. 有晚我老公同我呀媽講, 話脾我呀媽臭只是我自己的意思.....結果我呀媽為咗唔傷和氣而放手, 因為我老公言下之意都係想佢自己呀媽臭.....

我慳家努力工作, 以前個個都讚我, 唔知點解會搞到好似全人類都憎我咁. 我以前可憐6299無人埋, 所以買樓時同老公講話住係老人家隔離, 雖然住係果度根本唔方便我. 現在很後悔.

老公工作100分, 對我就............

私人傳訊

頂級美人

積分: 4448

24^#

發表於 06-8-22 16:51 |只看該作者

Re: 有了bb老公吾體諒自己點算好.

我生咗30幾個鍾, 最後都要開刀, 生咗之後99先來醫院, 一來就只是問bb在哪裡.....

私人傳訊

Fionbrian

別墅

積分: 659

25^#

發表於 06-8-23 10:38 |只看該作者

Re: 有了bb老公吾體諒自己點算好.

頂級美人我都好同情你. 我同你一樣老公成日話要番工好忙吾伴我去做產檢, 我見到人地有老公伴咪又是酸溜溜. 無法呢這叫同人吾同命, 這個老公自己選的.

你外家的人同我一樣麻麻煩煩, 你吾好理她們點說呢. 無謂因她們的無知和無見識影響自己的情緒. 你現在生了仔為他們家添丁幾偉大, 現在重教你老公對你吾好. 都吾咪人話來.

你老公又話要比奶奶帶小孩, 你重答應了...你今次又排煩. 不過算呢, 我想信老人家一定會對你bb好好的. 你想下想下大家都為bb好就吾會太吾開心了. 我老公都話要比奶奶帶, 點知都未生她已經話吾帶, 我開心都跳起. 你奶奶同你帶都比面呢.

男人努力工作好過又懶又無心肝呢. 得閒話比他知你想他點做, 問下他意見等他以為你好尊重他. 我老公成日要出聲先做. 雖然要開口好cheap, 不過好過他吾做激到自己死死下.

做女人要得閒扮下靚, 買自己鍾意的東西, 對自己對bb好就得呢. 好野要留番比自己同bb. 老公就得閒理下呢, 奶奶那邊不用理. 儲下私房錢. 善代自己. 自己對自己都吾好邊個會對你好呢.

私人傳訊

onon1022

子爵府

積分: 12600

好媽媽勳章

26^#

發表於 06-8-23 12:04 |只看該作者

Re: 有了bb老公吾體諒自己點算好.

其實好多人都係咁...唔識體諒別人...不過無論點...都係夫妻...試下多d提點佢...或者試下...用個枕頭塞落你老公個肚入面...然後叫佢試下做家務...等佢知道大肚做家務係好辛苦...

[url=http://lilypie.com][img]

私人傳訊

Fionbrian

別墅

積分: 659

27^#

發表於 06-8-23 12:15 |只看該作者

Re: 有了bb老公吾體諒自己點算好.

是啊... 大家提點下呢. 這個世界無百份百完美的人.

私人傳訊

Jackievv

積分: 3665

28^#

發表於 06-8-23 12:31 |只看該作者

Re: 有了bb老公吾體諒自己點算好.

onon1022 寫道:
其實好多人都係咁...唔識體諒別人...不過無論點...都係夫妻...試下多d提點佢...或者試下...用個枕頭塞落你老公個肚入面...然後叫佢試下做家務...等佢知道大肚做家務係好辛苦...

枕頭太輕喇,叫佢用咩帶咩住個20磅既西瓜做家務就差唔多!!!

私人傳訊

頂級美人

積分: 4448

29^#

發表於 06-8-23 17:48 |只看該作者

Re: 有了bb老公吾體諒自己點算好.

Fionbrian你講得好好.......但係我就總係唔捨得花錢在自己身上裝扮. 雖然花在其他人身上我就好捨得, 都唔知點解......

私人傳訊

囍

珍珠宮

積分: 40459

2025中秋節勳章母親節2025勳章 2025勳章蛇年勳章虎到金來勳章牛年勳章

30^#

發表於 06-8-23 20:16 |只看該作者

Re: 有了bb老公吾體諒自己點算好.

TO:頂級美人

　我係呢個網站唔係好耐，但已經看過唔小令老婆傷心OR傷身的老公。(包括我自己)

　我唔會天真咁希望62&99對我好，佢哋衰都無辦法，只係我問心無愧，無做過一件對佢哋唔住既事。
(公道自在人心。人在做、天在看。我信有報應呀!!!)

　而我要求好簡單，就係希望老公庝我。
但係而家只係想老公體諒吓自己都好難，唯有睇開D。
有唔開心上網講吓發洩咗，好快無咁唔開心。

私人傳訊

jove

伯爵府

積分: 16855

31^#

發表於 06-8-23 21:26 |只看該作者

Re: 有了bb老公吾體諒自己點算好.

Fionbrian：我咪一樣，老公陪睇醫生???1隻手數得晒啦。
第一次：去私家
第二次：照4d(因為照唔到bb手仔，所以7個月就照4d)
第三次：陀第二個照4d
至於去健康院，我次次都自己去架乍。

我仲要俾我媽咪話：我都未同你阿嫂睇咁多次醫生呀(因為多數去私家醫生都係我媽咪同我去)，好彩你阿嫂唔呷醋，如果佢話我唔陪佢睇醫生就c 啦。

大佬呀，佢次次都有老公(我阿哥)陪又掂同wor，講到我咩咁。我話隻6唔陪我去睇咩，佢(我媽咪)就幫住隻6話佢要返工ma。
如果d人唔知，我諗仲以為佢係我99呀。

所以大家唔好為左咁而家唔開心，老實講，唔好對自己個6期望太多，咁自己就唔會失望之餘，又令大家關係變差。

私人傳訊

JINGJINGMAK

積分: 1084

32^#

發表於 06-8-24 09:56 |只看該作者

Re: 有了bb老公吾體諒自己點算好.

ha8mo 寫道:
我老婆最近成日喊咁口話冇湯水所以身體差左
但我真係搞唔掂，都唔知有咩係又簡便又好食既可以俾到佢
唯有照舊落街食

你唔識煮飯唔緊要, 最緊要識煲湯同燉燕窩, 我覺得飯菜真係唔食得幾多, 飲多 d 湯水好過, 食埋湯楂仲好, 我就係好在有個超級99, 日日都問我老公有無煲湯俾我飲, 我至有靚湯飲咋 :lol:

仲有你稔o下而家要你做少少o野已申辛苦, 如果個老婆大住個肚做咪仲慘上加慘

私人傳訊

patpat234

水晶宮

積分: 64091

好媽媽勳章

33^#

發表於 06-8-25 02:00 |只看該作者

Re: 有了bb老公吾體諒自己點算好.

我老公係人面前個個都覺得係好好先生.
我有左大仔時佢都有幫下手做家務,今胎都有.不過次次做完都黑口黑面....我就寧願自己做返....
最嬲就係飲糖水唔合格,要返醫院留一日驗血糖.....果日我係醫院比人抽左3筒血,佢就係屋企上網睇4仔........ :-(

我係全職媽媽,依家大住個肚,又要湊住個仔,又要做家務,又要買"食送"煮飯,天氣咁熱又怕電費貴,日頭都唔敢開冷氣....佢都好似一d都唔覺我辛苦咁.......

最衰我自己暫時冇經濟能力,如果唔係我一定大住個肚都照帶埋個仔走......

「知足者，常樂也；不知足者，富亦憂。」

私人傳訊

JINGJINGMAK

積分: 1084

34^#

發表於 06-8-26 09:23 |只看該作者

Re: 有了bb老公吾體諒自己點算好.

patpat234 寫道:
我老公係人面前個個都覺得係好好先生.
我有左大仔時佢都有幫下手做家務,今胎都有.不過次次做完都黑口黑面....我就寧願自己做返....
最嬲就係飲糖水唔合格,要返醫院留一日驗血糖.....果日我係醫院比人抽左3筒血,佢就係屋企上網睇4仔........ :-(

我係全職媽媽,依家大住個肚,又要湊住個仔,又要做家務,又要買"食送"煮飯,天氣咁熱又怕電費貴,日頭都唔敢開冷氣....佢都好似一d都唔覺我辛苦咁.......

最衰我自己暫時冇經濟能力,如果唔係我一定大住個肚都照帶埋個仔走......

d 男人個個都自私o家啦, 可唔可以搵鐘點做呀 ?

仲有如果一定要自己做, 你就專登係佢面前做, 表現到好辛苦咁做, 睇o下佢有乜反應 .... 仲要叫個仔幫你按o下背脊添 ... 我稔佢點都會有 d 唔好意思掛

私人傳訊

yau_grace

子爵府

積分: 14680

35^#

發表於 06-8-26 10:28 |只看該作者

Re: 有了bb老公吾體諒自己點算好.

:cry: 唔好諗到咁灰啦~

妳 d 唔開心, bb 都感受到架!

做 d 自己開心的事, 食 d 自己想0既野.

有機會, 咪同老公表達下, 睇下佢會唔會明多少少.
但唔好太大期望. 男人呢種動物, 係自我 + 善忘的.

patpat234 寫道:
我老公係人面前個個都覺得係好好先生.
我有左大仔時佢都有幫下手做家務,今胎都有.不過次次做完都黑口黑面....我就寧願自己做返....
最嬲就係飲糖水唔合格,要返醫院留一日驗血糖.....果日我係醫院比人抽左3筒血,佢就係屋企上網睇4仔........ :-(

我係全職媽媽,依家大住個肚,又要湊住個仔,又要做家務,又要買"食送"煮飯,天氣咁熱又怕電費貴,日頭都唔敢開冷氣....佢都好似一d都唔覺我辛苦咁.......

最衰我自己暫時冇經濟能力,如果唔係我一定大住個肚都照帶埋個仔走......

私人傳訊

積分: 5993

36^#

發表於 06-8-26 12:52 |只看該作者

Re: 有了bb老公吾體諒自己點算好.

唉...睇你段留言我都覺得你好似講緊我隻佬咁...我隻佬嗰排咪又係咁...我陀第二胎嗰陣,佢係有幫手做家務呀...但都係黑口黑面囉!!!佢仲寸過我,咁我有左覺得好易攰同想嘔嘛...咁我咪食完飯早D入房休息下囉!!!

跟住我隻佬就點埋支煙入黎坐响床邊同我講:"你諗住咩都俾我做哂呀?"懶係同我理論,但係佢嗰支煙已經出賣左佢啦!分明吾順氣!!!搞到我同佢講我家下聞到煙味都想嘔(我都係煙民黎,但係一有左第二陀就頂吾順D煙味),佢至黑口黑面咁出廳食...嗰陣佢成日搞埋呢D無聊動作黎,我都覺得好灰架!嗰排我真係無時無刻都諗,係咪要等我出事小產左佢至知要緊張下我關心下我呢?結果真係俾我開口中,真係小產左,佢真係到我小產左之後先至知道大件事...係幾無奈架!不過件事已經過左去,我亦吾諗住再生BB,所以我都原諒左佢...算啦...對住佢要對一世既,無謂大家一齊面左左啦!家下佢對番我好,我咪算囉...

patpat234 寫道:
我老公係人面前個個都覺得係好好先生.
我有左大仔時佢都有幫下手做家務,今胎都有.不過次次做完都黑口黑面....我就寧願自己做返....
最嬲就係飲糖水唔合格,要返醫院留一日驗血糖.....果日我係醫院比人抽左3筒血,佢就係屋企上網睇4仔........ :-(

我係全職媽媽,依家大住個肚,又要湊住個仔,又要做家務,又要買"食送"煮飯,天氣咁熱又怕電費貴,日頭都唔敢開冷氣....佢都好似一d都唔覺我辛苦咁.......

最衰我自己暫時冇經濟能力,如果唔係我一定大住個肚都照帶埋個仔走......

私人傳訊

patpat234

水晶宮

積分: 64091

好媽媽勳章

37^#

發表於 06-8-27 12:44 |只看該作者

Re: 有了bb老公吾體諒自己點算好.

個死佬尋晚先講,大住個肚有幾辛苦呀???
嘩.......我火都黎埋

我咪叫佢試下係心口掛住廿幾磅野去做家務law.....

跟住我冇睬佢,訓覺.......

「知足者，常樂也；不知足者，富亦憂。」

私人傳訊

[url=http://www.babyhome.com.tw/bb/146743]

積分: 5993

38^#

發表於 06-8-27 14:43 |只看該作者

Re: 有了bb老公吾體諒自己點算好.

所以正如我朋友所言,d佬真係無常識架!

patpat234 寫道:
個死佬尋晚先講,大住個肚有幾辛苦呀???
嘩.......我火都黎埋
我咪叫佢試下係心口掛住廿幾磅野去做家務law.....

跟住我冇睬佢,訓覺.......

私人傳訊

女

別墅

積分: 751

39^#

發表於 06-9-1 07:10 |只看該作者

Re: 有了bb老公吾體諒自己點.

冇嫁啦...都唔知點算好....
生前生後咪又係咁
有老公=冇老公
個仔開始有老豆=冇老豆
見到人地d老公咪心入面問自己做咩我老公唔係咁既?我做錯左d咩? 做咩去邊做咩到係得我1個?

我好耐久比唔到bb 1個可以有多d時間同個佢玩既老豆......

[/url]

私人傳訊

cat130