peddymama 寫道:
呀，你唔開呢個topic我都差d唔記得，嗰時我仲係十幾歲仲同ex bf拍緊拖，佢亞媽又係d超級迷信0既人嚟架，咁我又係額頭有小小高同埋仲要有個所謂美人啄，咁喺我地拍咗大約一年拖左右，佢就有一排好黑仔喎，總之就係咩都唔順利啦，咁有一晚我上去食飯時（當時得我同bf同佢亞媽喺度）佢就話我喇：其實我都睇唔順眼好耐喇，你其實好去剃咗個死人啄啦，你估你真係美人呀，黑c人咋，仲有呀你個額頭c人咁高，你亞爸無話你邪住佢咩，唔怪得你亞媽淨係識生女生唔到仔啦....（附加咀苗苗）
聽到之後，我心諗，我頂你個肺丫，你鬧我就好啦仲要話埋我老豆同亞媽，咁我即刻就除咗隻拖鞋拎住喺張sofa度係咁拍打，仲要口up up咁話：驅邪驅鬼驅邪驅鬼，跟住就同佢講，我識神打架伯母，你唔便驚，我之前以為你唔會好似dc奶8婆咁迷信先唔敢嚇親你咋，其實你lai嘢喇，但跟住我見到我個ex面都黑埋，佢亞媽又青埋，我先收薑借頭借路走人，我返屋企話番比老豆同亞媽知，佢地仲話我低低地喎，女人點可以神打架，當然之後我又同個ex吵大鑊啦，但都抵喎，起碼可以玩吓佢亞媽嘛
當然，而家諗番都覺得自己小器咗d，（但我當時得十幾歲，鬼諗到咁多嘢咩，聽到佢話自己老豆亞媽就火都起埋啦）其實佢講咪尤得佢講囉，總之自己無做過d對唔住自己良心0既事咪尤得佢囉，講番出嚟都覺得自己幼稚呀
笑死人咩
發表於 
返回列表
