長崎良美 寫道:
(2006年3月8 日明報)
個「駅」字究竟點讀，就考起好多人。昨日地鐵公布業績，地鐵公司事務總經理陳智明講到呢個樓盤時，一時唔知讀咩音好，結果唯有拆開來讀「馬、尺」，可謂臨急生智，不過小琴所知，其實呢個字究竟讀咩音都搞到好多電子傳媒大感頭痛。某台老闆認為應該讀「驛」(音翼)，因為駅應是驛站的驛的簡寫喎。不過亦有傳媒認為應讀「澤」。因為呢個字來自日本字，而係日本有「睪」字旁的字，都寫作「尺」，例如澤便寫作「沢」，因此推斷「駅」應讀成「澤」喎。地鐵行政總裁周松崗後尾都讀到呢個字，佢無諗咁多，一於讀「驛」。咁究竟係讀咩，長實公關就話佢地意思係讀「站」，解車站咁解，收到。
?-(
另送上笑話一則：
將來人家看到住客的地址時，或會有以下反應：
「咦，你住城中尺？哈哈，我住船頭尺架。」
「你住城中驛？是驛站還是疫站呀？」
「都會澤？你住沼澤架？」
「你住都會站？地鐵有這個站嗎？」
「都會馬尺？好得意喎個名。」
住客唯有乾脆答他：「我住在市區地鐵上蓋豪宅，是豪宅啊！」
不過，豪宅就是豪宅，如果有「市區地鐵上蓋豪宅」，自然也有「新界輕鐵站旁豪宅」、「工廠巴士站左面豪宅」、「天水圍天橋上蓋豪宅」等。
發表於 
返回列表
