ellie79 發表於 13-4-10 14:30 
我覺得問題最大嘅係佢老公點決定！
男人一句話幫朋友，我地做女人嘅，點反抗。。。。。。
你老公太好人，佢同朋友係咪好好朋友，你知美國呢度有句嘢：
老婆可以借，車唔可以。因為如果人地用你架車撞死人撞傷人，
而佢冇保險，架車係你嘅，保險會追你。你老公仲幫佢去買車，
登記係邊個？斷估佢撞咗人架車兩年唔可以做truck driver，
個record咁正一定唔會可以用自己名買，否則保險好貴，
佢揸車有咩問題，保險一定追你老公，因為架車under你老公名，
你地有屋有車，如果你老公朋友揸車出意外，有人受傷，律師查到，
嚴重嘅可以告到你地咩都冇晒。我細佬俾人撞過幾次車，次次都係判佢蠃，
有次好大鑊，四車連環相撞，我細佬夾中間，個撞人司機由第二個州嚟，
架車係佢外婆買俾佢，保險都係外婆嘅，個司機講大話俾個舊保險單另外三個司機，
其中一個司機係律師，查到撞人司機個底，知晒外婆有屋有車有錢，
佢話如果佢唔賠番三個車主損失，佢會聯同另外兩個告到佢外婆要賣屋都得，
唔係講笑，真係得，因為有屋，個律師係可以令到你以後賣唔出，
除非你賠錢，所以做人擔保，借名俾人同，即使係借個地址俾人收信都要好小心考慮，
否則好心換來麻煩，到時一身蟻，不過男人成日都唔會聽人講。
花旗太太生活在花旗國，留意時差，你問我未必即時答到。
發表於 
呢啲兄弟幫唔落。車已經買咗？
返回列表
