吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 未完約已經咁煩

論盡家傭今日: 10|主題: 134059

收藏本版

發帖

返回列表

跳至頁

樓主: sako

未完約已經咁煩 [複製鏈接]

ecling

珍珠宮

積分: 36196

2023年兔年勳章畀面勳章 DHA勳章

21^#

發表於 06-9-4 15:24 |只看該作者

Re: 未完約已經咁煩

其實你都好慘,比個工人控制晒,唉!你同佢開門見山講數啦,費事古古下
?-(

主賜平安

私人傳訊

雪瑩媽咪

大宅

積分: 4187

22^#

發表於 06-9-4 15:29 |只看該作者

Re: 未完約已經咁煩

sako,

佢打你bb你仲加錢俾佢？？？無野丫嘛？！
你都話你自己唔夠錢啦∼ｂｂ都番緊全日∼
點計都係搵過另一個黎教好過繼續用佢啦∼
我就唔會俾佢咁安心做到完約再簽第二個喇．
一定錄低佢，然後炒佢，report埋俾immg添呀！
唔係淨係為你自己，都係為左下一個僱主著想呀！
佢而家都大膽到打ｂｂ面，幾時真係餵佢唔知食乜架∼

錢無左可以搵番．ｂｂ無左，你生多個都唔會一樣啦．
諗清楚呀！有ｄ野後悔莫及架！！！

私人傳訊

LIZTZE

大宅

積分: 2792

23^#

發表於 06-9-4 17:36 |只看該作者

Re: 未完約已經咁煩

sako,

聽完你講之後, 我都好唔鍾意你個工人,
佢點可以同BB 講你都無爸爸既！
佢好過份

仲有冇其他辦法呀! 唔好留佢啦! 佢直頭係度hurt 緊你個BB
(心靈上), 可否幫我鍚你個BB一啖呀!
你要加油呀!

私人傳訊

amypekkle

珍珠宮

積分: 37844

好媽媽勳章

24^#

發表於 06-9-4 18:04 |只看該作者

Re: 未完約已經咁煩

sako 寫道:
有時聽到工人同bb講:你都無爸爸既！唉...心都up埋..
我都唔知點好,今日成日都係諗住點解決,
都係聽日同佢傾下啦...

sako,
你個工人真係好唔掂喎!

我十二分唔贊成你加人工俾佢. 佢打你的bb, 你加人工俾佢, 表到明買佢怕, 咁第二時咪佢在屋企話晒事?!

你的囡囡幾大個? 就算囡囡打工人工人覺得痛, 工人應該幫你教囡囡嘛. 就算你話要小朋友體會俾人打, 都唔應該打面. 只可以打手同腳. 而且佢咁樣同你小朋友講野(無爸爸), 真係唔顧你囡囡的感受.

如果有辦法攞到佢打bb的證據, 其實可以告佢的!

折衷的辦法, 我會同佢講, 唔喜歡佢打bb, 佢亦無權咁做. 即使佢可能話只係玩下, 你可以重申你唔鍾意, 佢亦唔可以咁做! 要俾佢知道, 屋企係你話事--唔係佢! 你自己唔好一開始就諗冇左佢唔得. 冇左佢, 你有機會請到第2個好的工人. 就算第2個工人到埗需時, 你亦可以搵家務助理頂住檔先. 呢個世界冇話邊個冇左邊個唔得的. 係咪?!
我會問佢係咪打算做埋呢張約想過佢朋友那邊. 你同佢講, 要俾心機幫你做野, 錫你的bb(不過佢的錫只係表面, 我唔相信一個真心錫你bb的人會打bb的面仔!:evil:), 你先可以幫佢寫到reference letter. 我相信佢應該乖乖做完呢張約, 如果唔係, 我聽人講工人係唔可以唔完約就轉僱主的. 如果佢係想搏炒, 你明講/暗示解釋俾佢知, 如果係你炒佢的, 佢的新僱主都會擔心佢的表現係咪唔好, 先會俾人炒.

by the way, 講個真印真事俾你知, 睇下你有冇時間講俾個工人知(不過唔知佢信唔信, 但是真的!). 我同事上一個印完約時我同事一心諗住續佢, 但完來印印已經有路數, 佢的好朋友的僱主間屋好多, 3千多呎, 有花園, 要湊2個小朋友. 印印朋友的僱主想請多一個工人, 同事的印印在朋友的推薦下得到該份工. 我同事想加幾百蚊人工留佢佢都唔做(當然佢有做到完約). 點知做了3個月後, 印印的好友約滿, 佢僱主唔續佢. 結果佢一個人做晒3千多呎屋企的家務, 照顧2個小朋友, 日日做到半夜點幾兩點. 那個印印成日打番電話俾我同事想食回頭草. 但我同事覺得唔可以一聲對唔住就炒左而家用緊的印, 所以拒絕了那隻想食回頭草的羊. 不過佢久不久收到佢的舊印印訴苦電話後, 都會同我講, 佢個舊印真係慘.

私人傳訊

amypekkle

珍珠宮

積分: 37844

好媽媽勳章

25^#

發表於 06-9-4 18:07 |只看該作者

Re: 未完約已經咁煩

mylulu007 寫道:
我有個朋友, 工人唔做博炒, 僱主好似妳咁, 忍左佢幾個月最後都炒, 工人走左一個月後, 打idd返hk, 問侯個太太, 太太以為個工人轉死性, 點知個工人講左無耐就話.......

"妳個bb幾好丫嘛, 佢未死得咩? 照計佢食左咁多洗衣粉無理由唔死得喎!!!!" (原來個賤人將洗衣粉撈落bb既奶粉度) 個太太先想起, 唔怪得d奶有咁多泡啦!

好恐怖呀!

個工人真係賤! 賤!! 賤!!!

私人傳訊

amypekkle

珍珠宮

積分: 37844

好媽媽勳章

26^#

發表於 06-9-4 18:15 |只看該作者

Re: 未完約已經咁煩

sako 寫道:
實情我地經濟唔好,fire左佢又要洗錢請,
我都知可能佢會日益差落去到我忍無可忍,
所以就話想加少少等佢好好地做埋去囉...(起碼唔好打我女丫)
...請鐘點太貴,我可以送佢返學...

其實你可以有好多選擇, 請鐘點如果短時間(e.g.一星期4-5個小時)要做打掃就可能貴d, 但如果你請長少少的工時, 只係要陪小朋友, 唔使點做家務, 話唔定平d. 我同事的屋企, 婆婆+公公要湊3個孫, 之前請了個"鐘點", 一星期5天, 每天3小時, 一個月約$2000.
又或者, 有冇親戚可以幫到手.
而且你話炒人要錢, 咁遲d你個工人完約你點都要再請. 而且如果你捉到佢打你的小朋友, 可以唔使補一個月俾佢添呀!

其實我都支持佢同工人講清楚, 唔希望佢打小朋友. (如果佢聽就唔使炒佢) 但絶對唔贊成你加錢俾佢, 買佢怕!

私人傳訊

miriam

王國長老

積分: 112548

2025勳章 2025勳章蛇年勳章 2024年龍年勳章 2023年兔年勳章減齡達人勳章虎到金來勳章牛年勳章 15週年勳章親子王國15週年勳章 2018復活節勳章畀面勳章好媽媽勳章醒目開學勳章王國長老 BK猜猜猜慶中秋 KMALL特別版勳章

27^#

發表於 06-9-4 18:32 |只看該作者

Re: 未完約已經咁煩

做得唔好為左留佢加人工，第一絕！
送埋錢俾人打你個 bb，第二絕！
今日你加人工留佢係度又點，個心係你度咩，一早飛走左喇！難得有人為左 "免煩" 兩個字加人工，打個 bb 又唔敢出聲，一於錢照收人照打，都唔知幾 happy！
而家剩係打你 bb 塊面，遲下打邊到就估唔到 lu，再遲下會唔會郁手打埋伯母呢，亦都估唔到•
養虎為患何必呢！

任何人士未經本人同意不得轉載本人所發表之文章到任何媒體 (包括報章、雜誌及網站)

各位~~~我唔會介紹補習社或興趣班, 唔使 PM 問我呀, 我係唔會覆架~~~

私人傳訊

gracekpa

洋房

積分: 230

28^#

發表於 06-9-4 23:10 |只看該作者

Re: 未完約已經咁煩

最後搜集到證據, 報警! 咁有幾好嘅工佢都無得做

私人傳訊

sako

男爵府

積分: 8832

29^#

發表於 06-9-5 03:22 |只看該作者

Re: 未完約已經咁煩

真係好多謝媽咪們用咁多時間教我應該點做,
好感激,好彩有呢度,有咁多有心人比意見我,多謝！
聽完之後,我懷疑可能我諗野唔係好正常,
原來我唔應該加錢留佢做多8個月?
我應該fire佢/錄佢罪證,black list佢,然後請鐘點,直到新工人到？正常媽咪原來會咁做?
呢刻我好想喊,一來我唔知我原來咁疏忽,令工人坐大,女兒受苦,我日日夜夜都返工,我真係好多野都想得過且過,一心只諗住搵多d錢養阿媽阿女同工人,我份工係三個月先有一日假放既,因要搵多d錢,令我更加疏忽女兒...
唔怕醜講,個工人係我問老闆借左錢做35萬定期先請到,
我無諗住咁快又要問老闆借過,老闆亦未必肯再借,
如果仲有8個月,起碼我都可以有時間週圍借...(工人之前仲話會繼續續約,點知佢得個講字)
另我有睇過鐘點d價錢,真係請唔起

我每日最少5hr X 5day,Sat、Sun要full day,
仲有時bb病左放假去睇e生....
而我份工係唔可能請到半日假以上的,
我又完全無屋企人可以幫手...
表面睇我都無哂辦法,好想處理得好d,
但又好有無力感,步步路都係個錢字,
我知無話無左邊個唔得,無左老公都一樣頂到以家都未死啦,
有時我都同bb講媽媽無錢,有d情况大家都要忍耐下,
如果要去到我辭工拎公緩湊佢既話,就可想像大家都會更凄涼... :-(

私人傳訊

sako

男爵府

積分: 8832

30^#

發表於 06-9-5 03:41 |只看該作者

Re: 未完約已經咁煩

多謝錫我bb既人,
其實一路以來或多或少bb都會因為無dad而受傷害,
就算表姐妹間都會話佢你都無爹地架咁,
好唔開心都無辦法,佢真係無丫嘛....
好多時,好似工人咁樣講,我即時係唔識反應,
想喊,我無用,唔知點去保護佢。

私人傳訊

clma

別墅

積分: 538

31^#

發表於 06-9-5 09:31 |只看該作者

Re: 未完約已經咁煩

you can sent the baby to whole day child care centre. The price is about $2xxx including 3 meals. From 8:00 am to 8:00 p.m..

私人傳訊

amypekkle

珍珠宮

積分: 37844

好媽媽勳章

32^#

發表於 06-9-5 09:33 |只看該作者

Re: 未完約已經咁煩

amypekkle 寫道:
折衷的辦法, 我會同佢講, 唔喜歡佢打bb, 佢亦無權咁做. 即使佢可能話只係玩下, 你可以重申你唔鍾意, 佢亦唔可以咁做! 要俾佢知道, 屋企係你話事--唔係佢! (雖然你請過個工人好麻煩, 要搵老闆借錢做定期, 但你唔好俾你工人知道呢d野, 唔好俾佢知你底牌.)
我會問佢係咪打算做埋呢張約想過佢朋友那邊. 你同佢講, 要俾心機幫你做野, 錫你的bb(不過佢的錫只係表面, 我唔相信一個真心錫你bb的人會打bb的面仔!:evil:), 你先可以幫佢寫到reference letter. 我相信佢應該乖乖做完呢張約, 如果唔係, 我聽人講工人係唔可以唔完約就轉僱主的. 如果佢係想搏炒, 你明講/暗示解釋俾佢知, 如果係你炒佢的, 佢的新僱主都會擔心佢的表現係咪唔好, 先會俾人炒.

sako,
我現在明白點解你咁想個工人做到完約. 但係加錢俾佢唔係最好的辦法. 我地大家都係怕, 你加左錢俾工人, 佢就變本加厲更加會打你的bb.
你不如首先試下只係用言語(唔好話加佢人工)再同佢講一次你對佢的期望(i.e.佢在屋企的工作), 同埋同佢講, 而家的教育方法, 係小朋友即使唔啱, 係要用言語教, 唔可以打. 另外, 你的問題, agent會唔會幫到你?

私人傳訊

sako

男爵府

積分: 8832

33^#

發表於 06-9-6 03:14 |只看該作者

Re: 未完約已經咁煩

好,我明白,我會聽你地意見去做,
聽日會同佢去海洋公園玩,回家後再同佢傾,但佢d廣東話麻麻,我都唔知佢明幾多成,我會講埋如果你想走就早一個月通知我,到時再算,千祈唔好忽然失蹤就得喇。
我無錢佢盲都應該睇得出,但應該唔知我請過個工人會好煩囉,至於agent,死得,間野會幫工人唔幫僱主既,信唔過。
呢幾日都問定朋友in case可唔可以睇住我女一日半日,幼園方面佢地只可以延展到7pm,但都已經full左...
老闆都問埋,佢話要睇睇自己d數先答覆到我...
唉,愈煩就愈想自己湊,但又無能力,政府又唔會幫下手,
當初大肚時真係無諗過會係咁情况,早知就唔生住啦.....